المساعد الشخصي الرقمي

مشاهدة النسخة كاملة : عــطــنـي رايـــك _الـلـه لا يـهـنـك_


V.T.C
17/12/2007, 02:24 AM
السلام عليكم ورحمة الله وبركاته

كيف الحال...
طيبين... الحمد لله


يا إخوان انا كنت ناوي أخذ لي سفاري2008 جديد سعره

141000ريال,ولعب برأسي واحد من الشباب :confused: :confused: قالي ليش ما تخذ لك

موتر صغيره بحدود 90إلى 100ألف و وتاخذ لك GMC حوض

ولا شفر حوض 2002 أو2003 بالباقي من الفلوس.

:rolleyes: :rolleyes: :rolleyes: :rolleyes: :rolleyes: :rolleyes:

أنا صراحة دخلت راسي الفكرة أعجبتني مرررررررة وبغيت أستشيركم في هذا الموضوع وأسألكم بعد عن أسعار GMC والشفر الحوض

وأرجوا أنكم تفيدونني



أخوكم V.T.C <<<< لا يغركم الإسم قولوا لي الاحسن :D :D
علي101
17/12/2007, 03:25 AM
الغلاء وصل إلى السيارات المستعملة ...
وبالنسبة لسؤالك لا علم لدي...والسفاري طيب
V.T.C
17/12/2007, 04:26 AM
مشكور على المرور أخوي علي 101



أخوك V.t.c
bhrt
17/12/2007, 04:41 AM
لكل منطقه نوع من السيارات وذلك حسب تضاريس المنطقه فنظر من اي منطقه انت وكيف هي تضاريسها
والله يوفقك
سيد النشاما..
17/12/2007, 09:44 AM
أعطيك رايي وبالتوفيق

فأنا لو بغيت أشتري سيارة فسوف أختار الجيب وهو كموتر رسمي لاغيره موتر سواء سفاري والا لاند كروزر
لأنه ماهوب يقصر أن بغيته سفر فهو لامثيل له وأن بغيته للبر فهو أصولا موتر البر
وأن بغيته كشخة ورزة فهو مايعتاز .... (( ألبس الغترة البيضاء وأصلب العقال وطق البشت على ذاك السفاري الأسود))ههههههه

يخوي . الجيب .. موتر .. يشد به الظهر
بواسامه
17/12/2007, 11:03 AM
خلك على علمك الاول سفاري
لانه عيوب السيارتين كثرة الاستعارات وتبي تنحرج منهم ومن كثرة وقفته عند الباب
وكذلك يبيله صيانه وتصير تناظر موترين
ثالثا انت ابخص بروحك وشاور نفسك ليش اصف هالموتر على الباب ووش نظرة الناس
وصدقني جربتها قبلك وندمت وصار موتري عاريه وصعب انك ترد احد
الله يوفقك
غضنفر
17/12/2007, 11:19 AM
اذا حسبتها زين
سيارتين يكلفونك اكثر
زيت وبنزين + استمارة وفحص + كفرات وبطارية + صيانة عامة
بعدين من قال ان السفاري بــ141 الف
يا طويل العمر
سفاري 1 قير عادي ابيض لؤلؤي 2008 بـــ 122 الف فقط
من عند معرض نجد
والفلاح كان عندهم 2007 بـــ 116 الف
يا بلاش
الصراحة اسعار رخيصة
الوقت هذا معد تحل جيب ياباني 100%100 بهالسعر
سندهم
17/12/2007, 11:34 AM
خلك على علمك الاول سفاري
لانه عيوب السيارتين كثرة الاستعارات وتبي تنحرج منهم ومن كثرة وقفته عند الباب
وكذلك يبيله صيانه وتصير تناظر موترين
ثالثا انت ابخص بروحك وشاور نفسك ليش اصف هالموتر على الباب ووش نظرة الناس
وصدقني جربتها قبلك وندمت وصار موتري عاريه وصعب انك ترد احد
الله يوفقك


نفس كلأمي اللي بقوله لك :بس أذا عندك قراش لتخفى السيارة الثانية أنت ورغبك
بس أنتبه للعارية ترى الناس ماترحم .
سيد النشاما..
17/12/2007, 11:40 AM
نفس كلأمي اللي بقوله لك :بس أذا عندك قراش لتخفى السيارة الثانية أنت ورغبك
بس أنتبه للعارية ترى الناس ماترحم .

صدقت اخوي وبعض الشباب الله يهديهم مايحفظون الامانة مطبقين المثل ( حلال مهب حلالك جره على الشوك )
ابوقاسم
17/12/2007, 11:49 AM
انا رايي من راي الشباب
وموتر واحد ازين لك الا اذا عندك من الاولاد اللي يسوق فالسيارة الصغيرة تكون باسمه قدام الناس يمكن تنفع هالخطة مع العارية
والاستخارة اهم شي
والله يوفقك
العودالازرق
17/12/2007, 12:12 PM
خلك على موتر واحد
وعليك بالجديد والجمس مرعب في كل شيء بس لا خرب الله يعين
عاشق السيل
17/12/2007, 01:49 PM
وعليكم السلام ورحمة الله وبركاته ،،

النصيحة الأولى : خلك على سيارة وحدة للأسباب اللي قالوها الشباب الله يعطيهم العافية ،،

النصيحة الثانية : إذا لقيت سفاري 2006 أو 2007 جديد خذه تراه أرخص من 2008 وهو نفس الموتر ،،

النصيحة الثالثة : إذا كنت ملزم تحط سيارتين لاتاخذ أمريكي تراه غثيييييييييث وخلك على الياباني ،،

النصيحة الرابعة : إذا قررت على راي نهائي لاتنس تصلي الاستخارة لتلقى التأييد من رب العالمين ،،

وألف مبروك مقدما وتقبل مروري يالغالي ......




.
.أبوعبدالرحمن
17/12/2007, 02:06 PM
خلك على علمك الاول سفاري
لانه عيوب السيارتين كثرة الاستعارات وتبي تنحرج منهم ومن كثرة وقفته عند الباب
وكذلك يبيله صيانه وتصير تناظر موترين
ثالثا انت ابخص بروحك وشاور نفسك ليش اصف هالموتر على الباب ووش نظرة الناس
وصدقني جربتها قبلك وندمت وصار موتري عاريه وصعب انك ترد احد
الله يوفقك



اشوف اخوي بواسامة مر في تجربة انا عانيت منها علما ان الحوض اللي معي


ماعندي له بديل هو اللي في يدي وتشوفني كل يوم راكب سيارة من شافني قال


وش ذا الشريطي وفي الاساس موتري كل يوم مع واحد


ويا سنايدي خذ السفاري وتوكل على الله وخل منك الموتر الثاني ووجع الراس
سيف الظفير
17/12/2007, 02:27 PM
خذ لك باترول وتوكل على الله

الجيب موتر لكل شئ
alkongrs
17/12/2007, 02:37 PM
من رايي طقلك جديد واحسنلك لاتشتري مستعمل تلقاه جايه خرابات الى قبل ومفجرنبوه من البر نادرماتلقى نضيف الجديد افضل
القناص
18/12/2007, 01:45 AM
خلك على السفاري
تراه 2 في 1
سيارة للاستخدام اليومي
وسيارة بر ومكشات تشفي العله
خلك على السفاري
وفالك التوفيق
المميـز
18/12/2007, 02:54 AM
الشباب ماقصروا ماشاء الله بالاقتراحات وانا بعد ابقولك رايي

اول شيء سؤال موجه لك : هل انت تحب تركب سياره صغيره ؟؟ يعني من هوات السيارات الصغيره ؟؟

اذا انت تحب تركب الصغيره اجل توكل على الله وطق لك صغيره وحوض جي ام سي استخدام امريكي لانه هو النظيف هذي الايام
والا استخدام سعودي يكون نظيف نظيف ,,, لانه اذا مهب نظيف تبي تكد عليه واجد



ولو تبي تسألني وش اخذ >>>>>>> أطق السفاري وانا مغمض

وبعدين انت اسمك V.t.c خذ موتر على اسمك ^_^



ولا تنسى الاستخاره بعد الاستشاره <<<< مهمه
V.T.C
18/12/2007, 11:48 AM
الله يعطيكم ألف عافية ما قصرتوا كفيتوا ووفيتوا
بس أنا اقول كلنا بالبيت راعين كشتات أنا وأبوي وأخوي الصغير أخذ لي Gmc إستعمال أمريكي طبعاً وأجهزه من إلى (أغراض المكشات) ويصير إلي يبي يطلع ياخذه
أبوي وأخوي بس عاريه لالالالا<<< خوفتون منها :D

والسيارة الصغيره تصير للجامعة ,الجامعة تبعد 50كم والخط لك عليه وصراحه طقك تسبدي من المطامر 4 سنين<<<<يعني إسمعوا تراي آخر سنه :D :D :D
وصراحة عرضت الفكرة على الوالد وإخوي ولاقت إستحسان الجميع

ومرة ثانيه مشكورين وماقصرتوا وكل عام وأنتم بخير




أخوكم V.t.c :( :( :( :( :( :(
<<<<خلاص من حبكم يازين عزلنا ما عاد لي في هواكم....
الدبل الثقيل
18/12/2007, 01:07 PM
خذ سيارة وحده .... جيب سفاري ...
بيرتا
18/12/2007, 05:44 PM
ماسمعت المثل المثل الي يقوا

فر من الاند والجمس فرارك من الاسد
مرسال الوسطى
19/12/2007, 12:04 AM
:no2::no2:مالك سوى وارد اليابان وبس وحطه على يمناك ,,,,,,,,,واترك عنك وارد امريكتهم
جمعان 22
19/12/2007, 01:19 AM
يا زين السيارات الصغيرة بس

اجل 140 الف على سفاري

واشفيه ال xterra او الباثفايندر

افضل من السفاري مليون مرة