المساعد الشخصي الرقمي

مشاهدة النسخة كاملة : احتيال جديد من شركة عبداللطيف جميل (الحذر)


ذيب الاطوى
17/12/2007, 03:07 PM
السلام عليكم ورحمة الله وبركاته

السلام عليكم اخواني الاعزاء اعضاء ومشرفي هذا المنتدى الراقي

قمت بحجز لاندكروزر من شركة عبداللطيف جميل طريق الملك فهد(الرياض) وعند الحجز سألت البائع عن قيمة السياره قال لي 167850 وقبل وصول السياره باسبوع اتصل على نفس الموظف وقال لي لازم تجي تدفع المبلغ وتفاجأت بأن المبلغ اصبح 169950 ليش الفرق؟
قال والله تغير السعر!! السعر اللي اعطيتك في البدايه غير دقيق صدقت الموظف وكتبت له شيك بالمبلغ

وبعد وصول السياره رحت استلمها قال الموظف السياره جاهزه بس تاخذ موعد عشان تضليل الزجاج
قلت وشو تضليله ؟؟؟
تضليل العازل توقعته مجانا
والله ماقصرتو بس انا ماني حريص عليه يمنع الجي بي اس من الاتصال بالاقمار الصناعيه وانا راعي روحات وجيات
قال لا انت دافع قيمته وهي 2000 ريال
وهو اجباري لسيارات 2008
شركه خسرانه من شركاته يشغلها بالطريقه هذي نصب واحتيال

وبعد اخذ ورد ومن مدير الا مدير ماطلعت بشي يقولون لازم تراجع جده

قلت على الأقل اودعوها في الصيانه رصيد يعني مابي استرجع المبلغ رفضوا بكل الطرق

رضخت للأمر الواقع وقلت ضللوا السياره ورحت اشوف العمال وطريقة الشغل واخذ الموعد والطامه الكبرى انهم عماله من احدى الجنسيات العربيه المعروفين بكثرة الهرج والنصب وليس لديهم ادنى درجات الخبره في تضليل السيارات (كلها فقاقيع ووجدت اكثر من زبون يتهاوش معهم)

لذا انصح من يفكر ان يشتري من عبداللطيف جميل ان يتأكد من حكاية التضليل لأنهم في البدايه يدمجونها مع قيمة السياره

واذا تبون صوره من الفاتوره مستعد حاطين مبلغ 2000 ريال اشياء اخرى
حسبي الله عليهم خربوا علينا فرحتنا بالسياره

آسف على الأطاله
1400
17/12/2007, 03:12 PM
ألا لعنة الله على القوم الظالمين

تكفى لاتخليهم

خل التظليل على ماهو عليه ورح بعد العيد لوزارة التجاره واشتكهم

وحس عليهم الدعوى

لارقيب ولاحسيب
شروكي ربع
17/12/2007, 03:48 PM
انا اللي لاحظته انهم دامجينها من اول ..


يعني الزيادة التالية يمكن حقت غسيل السيارة بالوكالة ;)


حسبي الله عليهم وبس ..


هاليومين الوكالات انواع النصب والاحتيال ..


لا واذا صرت شاري جنوط ودافع عليها زيادة عشانها من الوكالة و تطلع تجارية :no:


يا سلااااااااااااااااااااااااااام


بس اقولك وانا اخوك ادخل على مديرهم ما عليك من غيره ..


هو اللي عنده العلم واترك هالموظفين اللي لا يحل ولا يربط في موضوعك ..


واذا خشيت على المدير لا تخش حبيـّب و تلاطفه ..


الا خش في عينه , اذا شافك هين لين قال ذا حبيبنا ..


واذا شافك جازم قال خلنا نريح راسنا منه :D
desertman777
17/12/2007, 04:09 PM
للأسف!


من أمن العقوبة لعب على الاشناب!!!!
L I M I T E D
17/12/2007, 04:19 PM
من وجهة نظري ان اللوم ايقع على موظف المبيعات

لانه اكيد له نسبه في تسويق التظليل ,, وحطها لك من تحت لتحت

وهي اكيد ليست اجباريه لان لوها اجباريه كان من اول مااخذت الموتر وهي موجوده

بس انا اتوقع ان اللوم على الموظف

والله يجيرنا من النصب
Abu Saad
17/12/2007, 05:26 PM
عجزت وانا اصيح .. اشترو تايوتا بس مهوب من ابوجميل.
northstar46
17/12/2007, 05:44 PM
اللوم كل اللوم على وزارة التجارة والا لطيف حرامي من يومه يسرق المسجلات والحين كبرت معه يبي يسرق كل شي ولا تستبعد يعطيك السيارة قطع ويقول جمع اه بس من التجارة
ابوالعبادل
17/12/2007, 05:45 PM
والله هذي السرقه العلني يحطوا شي ما هو بشوري وغصبا عني واعطيه فلوس لا باقي يقول كمان سلم على راس الموظف قبل ما توقع الاوراق ولا والله ما اعطيك سياره يا اخي احمد الله اني موافق اخذ منك فلوس واعطيك سياره لان الاخ يبيع سياره خدمه للمجتمع ولا هو ضعيف ما يبغى ياجماعه اللي معاه كاش يشتري خليجي واذا ملزم يشتري من السعوديه ياخذ امريكي وبلاش ياباني ايش فيه التاهو
اكناف حائل
17/12/2007, 05:50 PM
لاحول ولاقوة إلا با الله

سرقه في وضح النهار ... حسبي الله ونعم الوكيل
هدار
17/12/2007, 06:04 PM
السلام عليكم:
أخوي مدام الفلوس كاش كان من غير عبداللطيف وأن كان قصدك ضمان جبه من الخليج ودخله بضمان عند عبداللطيف غصب عنه لاكن الحل ايميل لشركه الام
وعلى العموم الله يباركلك فيه ومايرك من وراه مكروه
طــــويـــق
17/12/2007, 06:49 PM
حسبنا الله ونعم الوكيل....

انا رحت لمهم ابغى شاص 2008 وقالي الموظف في الفرع حق طريق خريص - النسيم - قيمتة بـــ 99 الف .
طلعت من عندهم ورحت للمعارض اشوف اسعار البريميات ولقيتها على 113 الف(ويستاهل) المهم رجعت بعد اسبوع لنفس الفرع ولنفس الموظف قلت باخذ من وارد عبدالطيف بسبب الرخص وقالي الموظف السعر زاد الف ريال وصار الحين بــ 100 الف قلت ليش قال الدفعه الجديدة فيها عوازل مثل ماقالوا لخوينا ذيب الأطوى (طبعا فارق الوقت بين الزيارة الماضية والحالية فقط اسبوع مسرع الدفعة الجديدة جت وجاء معها هالعوازل) حاولت فية بــ 99 ورفض وطلعت زعلان من الفرع وقلت والله ماشتري من عندهم وانا اشد الرحال وعلى عمان ولاية البريمي لوكالة سعود البهوان واشتري واحد من عندهم وكلفني مع روحتي بـ 107 الف ريال سعودي ارخص من معارض النسيم وافضل مواصفات من وارد عبداللطيف وتحس انك راكب موتر اصلي في اصلي ماهو ملفق ومرهم وقطع صينية كل اللي فية ياباني والله اني ارتحت وجيت للرياض ودخلتة في الضمان عند عبداللطيف لانة يضمن جميع سيارات تويوتا على قوله وكشفوا على السيارة بعد مامشت الف وخمس مية كيلو وقالو تجينا بعد خمسة الآف حتي نشيك للمره الثانية .
نصيحتي عليكم بالبريمي(وكالة سعود البهوان) صح فية فرق في السعر بس تشتري سيارة بمعنى الكلمة سيارة ..

وتحياتي للجميع ....
سرمد2007
17/12/2007, 07:26 PM
من وين نشتري التويوتا ؟؟؟؟؟؟؟؟
راعي ساموده
17/12/2007, 07:32 PM
حسبنا الله ونعم الوكيل....

انا رحت لمهم ابغى شاص 2008 وقالي الموظف في الفرع حق طريق خريص - النسيم - قيمتة بـــ 99 الف .
طلعت من عندهم ورحت للمعارض اشوف اسعار البريميات ولقيتها على 113 الف(ويستاهل) المهم رجعت بعد اسبوع لنفس الفرع ولنفس الموظف قلت باخذ من وارد عبدالطيف بسبب الرخص وقالي الموظف السعر زاد الف ريال وصار الحين بــ 100 الف قلت ليش قال الدفعه الجديدة فيها عوازل مثل ماقالوا لخوينا ذيب الأطوى (طبعا فارق الوقت بين الزيارة الماضية والحالية فقط اسبوع مسرع الدفعة الجديدة جت وجاء معها هالعوازل) حاولت فية بــ 99 ورفض وطلعت زعلان من الفرع وقلت والله ماشتري من عندهم وانا اشد الرحال وعلى عمان ولاية البريمي لوكالة سعود البهوان واشتري واحد من عندهم وكلفني مع روحتي بـ 107 الف ريال سعودي ارخص من معارض النسيم وافضل مواصفات من وارد عبداللطيف وتحس انك راكب موتر اصلي في اصلي ماهو ملفق ومرهم وقطع صينية كل اللي فية ياباني والله اني ارتحت وجيت للرياض ودخلتة في الضمان عند عبداللطيف لانة يضمن جميع سيارات تويوتا على قوله وكشفوا على السيارة بعد مامشت الف وخمس مية كيلو وقالو تجينا بعد خمسة الآف حتي نشيك للمره الثانية .
نصيحتي عليكم بالبريمي(وكالة سعود البهوان) صح فية فرق في السعر بس تشتري سيارة بمعنى الكلمة سيارة ..

وتحياتي للجميع ....


هذا ميزه كبيره عند ابو جميل
عبود15
17/12/2007, 07:37 PM
نصب واحتيال
الأجودي
17/12/2007, 07:38 PM
حسبنا الله ونعم الوكيل
اخوي مانقول الا الله يعوضك خير
كحيلان 11
17/12/2007, 07:47 PM
البازعي ما مثله
مخاوي الذيابه
17/12/2007, 07:56 PM
للأسف!



من أمن العقوبة لعب على الاشناب!!!!






أنا أشهد انك صادق ...
االديحاني
17/12/2007, 07:57 PM
نعم اكبر نصاب قانوني عبداللطيف
وقيان
17/12/2007, 07:59 PM
حسبي الله ونعم الوكيل..
ذئب اليل
17/12/2007, 08:02 PM
حسبي الله ونعم الوكيل
Khalid AlGhamdi
17/12/2007, 08:17 PM
اللوم ماهو عليه اللوم على هيئة المواصفات والمقاييس !!

انا اتعجب ليه دائما مواصفات الخليج اعلى من مواصفاتنا مع ان المبيعات عندنا اعلى بكل المقاييس !!

على كل حال هي جت على السيارات بس ! كل شي الحين فيه تلاعب ونصب واحتيال والله يعين المستهلك

هذا والله الغبن بمعناه الحقيقي تدفع ماوراك ودونك وتطلع ببضاعة سيئة !
ولد وايل
17/12/2007, 08:21 PM
اخي الكريم صارت معي الحل قدم شكوى 8002444400 وتروح عنك قيمة التضليل طبعا كولايت صح.. قبل التركيب

ولك تحياتي
سامي العنزي
17/12/2007, 08:23 PM
خذها مني عبداللطيف شركه فاشله
وكلها نصب واحتيال
الله مغنيك بالملايين وتنصب على
الناس . حسبي الله عليك .
لن أمل من العطاء
17/12/2007, 08:29 PM
من زااان وانا اقول ابوجميل لا احد يقرب منه

قريب جدا جدا لي يشتغل بالميناء بجده ويحلف بالله العظيم انه يشاهد سيارات تويوتا بدون حساسات ولا شطرطون ولا حرف يدل على النوع والفئة وبدون كمبروسر للمكيف وبدون مسجل ومباشره تنقل بالشاحنات الى مستودع الخمره ويتم التعديل هناك
سيد النشاما..
17/12/2007, 09:38 PM
أثاري الدعوة نصب وأحتيال هههه الله يعينكم يأهل التويوتا والله يعيننا نحن أهل النيسان
جواثا
17/12/2007, 10:12 PM
نفس المشكله حصلت معي قبل شهرين ونصف دفعت كاش سياره fj cruiser وبعد 45 يوم كلموني اسدد قيمه التامين وعطوني النسخه الاصليه من البطاقه الجمركيه ولاحظت ان السعر نازل 3000 ريال بينما انا دفعت 111000 ريال والموجود بالبطاقه 108000 ريال وسالت الموظف بشرني بترجعون لي باقي المبلغ وحاول انه ينشغل عني ويوريني انه يبغى ينجز اجراءات السياره حتى مااتاخر اكثر من شهر ونصف وقام معي الي مستودع السيارات وقلت في قلبي والله انه احرجني بكرمه وترك المكتب ووينك يالسرعه باانها الاجراءات وبعدين وحنا متوجهين انا وياه للمستودع الرجال لصق فيني يبي يقول لي شي والله اني خفت منه قلت لايكون الرجال من قوم وجدي وانا مالي في هالشغلات بالنهايه قال انا جبت لك عرض ماتحلم فيه قلت اشوى عقبها ارتحت وسالت عن عرضه وشو قال بضللك السياره مجاناً وتكلفة التضليل 3000 ريال وكلمت المدير وخليته يوافق لانك رجال طيب اخرناك ولا تذمرت واخلاقك عال العال ....وخذا المفاتيح من امين المستودع ويوم فتح السيارة بالريموت وحنا مقبلين عليها قلت له ماهي سيارتي هذا لاني طلبت الفئه الاعلى والسياره مافيها حامي للكرتير ولاغطاء للكفر والهوك الخلفي غير موجود لكن فيها diff lock ...بالنهايه قال ان الدفعه الاخيره جت بدون الاضافات المذكوره .
قلت ياحبيبي انا ماابقاك تضلل السياره عطني سياره حسب المواصفات الي بموجبها دفعت لكم المبلغ عليها والا انا صابر شهر ونصف ومستعد اصبر 6شهور اخرى ولااستلم السياره كذا ومشيت وبعد يومين كلموني ومركبين القطع عندهم بالورشه ولا عطوني ولاعه ولافرشات ارضيه الله يعزكم وقالوا شف الباب اذا ماتبي السياره
Abu Saad
17/12/2007, 11:03 PM
من وين نشتري التويوتا ؟؟؟؟؟؟؟؟

والله لو اصدره من اليمن .... ولا اقرب ابوجميل ..
على الاقل البازعي جنبك .. والا دول الخليج.
ذيب الاطوى
18/12/2007, 03:50 PM
شكرا لمروركم الكريم وتقبل الله دعائكم وصيامكم في هذا اليوم المبارك يوم عرفه
Lxe
18/12/2007, 04:01 PM
الله يهديك بس وانت توك تدري انهم نصابين ومحتالين من الدرجه الثقيله
مالقيت الا عبداللطيف جميل تشري منه والله ثم والله انها اكبر عملية خداع على المواطنين المجبورين من الشراء منه
ومع ذالك مجبورين لشراء زباريق ابو جميل
يعني غصب عليك تركب

بالله هذا ماهو حرام واستغلال وكذب وزيف

ياناس فتحو عقولكم شوي

ايييييييييييييييه الله الهادي

والله يعينك بس
ALOTAIBI
18/12/2007, 04:11 PM
اخوي طويق استفسار
كيف احول اظمان الموتر من بهوان لشارون التويوتا (ابو جميل) بالسعودية
وهل الصيانه مجانا على فترة الضمان ؟
سمي الزعفران
18/12/2007, 04:17 PM
وتاليتها مع مشاكل هالشركه .. كل يوم لاعبين على احد .. وكل يوم مطلعين طريقة جديده للنصب ..
حسبنا الله ونعم الوكيل ..

الله يعطيك خيره ويكفيك شره ..
شمالات نجد
18/12/2007, 05:21 PM
اقسم بالله مصيبه وحركه قويه وغلطتك من أول يوم غيرو السعر كتبت لهم شيك

الله يعوض عليك

بس اذا اشترينا بريمي الصيانه عند عبداللطيف بفلوس اكيد

لكن الضمان من يضمنه؟؟؟
الدحبول
18/12/2007, 05:57 PM
انا شفت 3 كروزرات 2008 ولا عليهم تظليل
بعدين هذي حرية شخصية في ناس ماتحب التضليل
وفي ناس ماعندها ألفين أو تشوفها كثيره على التضليل
الله يخلي محلات الزينة كل سنة أن ابدل التضليل ب 40 عازل بعد
الله يخلي البازعي و ودول الخليج
نمر 33
18/12/2007, 06:16 PM
حسبي الله عليهم
غضنفر
18/12/2007, 06:21 PM
مسخها عاد ابو جميل
ماش من تالي
من ردي الى اردى
والمشكلة انه مهب بحاجة لهل الكم الف الي بيوفرها من كل سيارة
شركته ربحانة
والطلب يزيد عليه ما ينقص
لا من الافراد ولا من الحكومة
مهب بحاجة لهل الامور
تستغرب بصراحة من الجشع في هالتجار
احيانا تتعامل مع ناس على الرغم من ان ربحهم قليل
الا ان اخلافهم عالية وعندهم مرونة كبيرة في البيع
ليت هالتجار يتعلمون منهم
ذيب الاطوى
20/12/2007, 09:46 PM
شكرا للجميع مرورهم الكريم وتعليقاتهم التي اثرت هذا الموضوع
برنو بيشة
20/12/2007, 10:42 PM
هل بالأصل التظليل جاي مع السيارة أو من الشركة بالمملكة
الفتكي
20/12/2007, 11:01 PM
السلام عليكم
ياناس ياعالم ترى الناس اخذين الجيب دعاية والله راح من موديل 97 وتحت صحيح جيب اما 98م فما فوق راح الجيب لكن مستحيل احد شراء سفاري 2002م ويسبه
لكن اخوي ذيب الاطوى روح بيع الجيب دامه جديد واشتر سفاري 2008 احسن مواصفات من الجيب الي معك والباقي صرفها في الرحلات وطيب كيفك والله ماتنساه وترى السفاري ماراح يخسرك ابدا وأسأل مجرب والمعذره لأصحاب الجيوب.:good: :good: :good:
ذيب الاطوى
21/12/2007, 01:03 PM
هل بالأصل التظليل جاي مع السيارة أو من الشركة بالمملكة
لا التضليل من عند عبداللطيف جميل هو اللي يركبه وماركه هو وكيلها زي زيبارت وفي كول
الكايف2
21/12/2007, 01:07 PM
الشكوا علي الله من آمن العقوبه اساءالادب لكن اتصل علي نفس الشركه الام وشف منت خسران
z a n h o r
21/12/2007, 01:14 PM
هذا ميزه كبيره عند ابو جميل


مو بيده

غصب عنه

ضمان تايوتا يجبره على الشي ذا
ذيب الاطوى
21/12/2007, 01:18 PM
السلام عليكم
ياناس ياعالم ترى الناس اخذين الجيب دعاية والله راح من موديل 97 وتحت صحيح جيب اما 98م فما فوق راح الجيب لكن مستحيل احد شراء سفاري 2002م ويسبه
لكن اخوي ذيب الاطوى روح بيع الجيب دامه جديد واشتر سفاري 2008 احسن مواصفات من الجيب الي معك والباقي صرفها في الرحلات وطيب كيفك والله ماتنساه وترى السفاري ماراح يخسرك ابدا وأسأل مجرب والمعذره لأصحاب الجيوب.:good: :good: :good:
حبيبي الجيب مافيه كلام ورائع وجربت الاثنين اللاند كروزر اروع كثير وارسى وافخم وكان السفاري في الخيار لولا خوفي يتغير شكله 2009 عموما مو هذا الموضوع ولا ودنا نحول الموضوع لمقارنات وكل له رأي ونحترم رايه ولولا اختلاف الاذواق لبارت السلع
ولاقصروا اللي صنعوه التقصير والغش والاحتيال من وكيله

دمت بود
z a n h o r
21/12/2007, 01:23 PM
والابلاء من ذي

شرينا منهم هايلكس 2008 غماره

وعطونا موعد التسليم بعد اسبوعين

لطعونا 3 اسابيع واكثر

وبالنهاية جتنا مكينة 2000 و حنا طالبين 2700

والاستيكرات كلها 2700 المهم اننا عرفنا الموضوع عقب ما مشت السياره 3000 كيلو تقريبا

ورجع ولا ترجع و ودهم يسحبون

ما اقول الا خلها على ربك
ذيب الاطوى
21/12/2007, 03:00 PM
والابلاء من ذي

شرينا منهم هايلكس 2008 غماره

وعطونا موعد التسليم بعد اسبوعين

لطعونا 3 اسابيع واكثر

وبالنهاية جتنا مكينة 2000 و حنا طالبين 2700

والاستيكرات كلها 2700 المهم اننا عرفنا الموضوع عقب ما مشت السياره 3000 كيلو تقريبا

ورجع ولا ترجع و ودهم يسحبون

ما اقول الا خلها على ربك
لا حول ولاقوة الا بالله
خطاء فادح تدفع مقابل مواصفات ومكينه اكبر ويعطونك مواصفات أقل

يعتبر تزوير في اوراق رسميه لخداع مستهلك

انت عرفت بعد فتره غيرك ماعرف للحين

من امن العقوبه اساء الادب

لو كان هناك وزارة تجاره وحمايه للمستهلك زي الناس وانهم يسجلون عليه غرامه بمبلغ وقدره وتشهير جاك يركض يدور رضاك

ياليت نزلت المشكله في موضوع مستقل حتى يتم تحذير اصحاب الهايلكس حول هذه المشكله وكل يتأكد من سيارته
mraa
22/12/2007, 12:14 AM
الله يعوض عليك ويعطيك من خيرها ويكفيك شرها
ولازم تتابع الموضوع في وزارة التجارة لأن التجار لو كل واحد نصب عليه شكاهم كان الامور تعدلت شوي
و أكبر شيئ يضيق صدورهم نشر فضائحهم في النت تحياتي للجميع
fusfus
22/12/2007, 11:50 AM
السلام عليكم
والله انك مسكين هذا عبد اللطيف بن مصاص بن لصاص ماتعرفه الله المستعان يا اخي عندك هالنقد انقز الى قطر وتشوف السيارات ولا باقل 10% على العموم نتمنى لك اخير يطعمك م خيره ويكفيك شره
www5555
22/12/2007, 10:23 PM
ماعندك احد كل يلعب على كيفه
أبوجابر
22/12/2007, 11:08 PM
زين محد يقول اجباري تاخذ فل كامل
باترول 82
23/12/2007, 12:21 PM
حسبي الله ونعم الوكيل
ذيب الاطوى
25/12/2007, 04:56 AM
شكرا لمروركم الكريم
كل باسمه
ذيب الاطوى
25/12/2007, 04:58 AM
الله يعوض عليك ويعطيك من خيرها ويكفيك شرها
ولازم تتابع الموضوع في وزارة التجارة لأن التجار لو كل واحد نصب عليه شكاهم كان الامور تعدلت شوي
و أكبر شيئ يضيق صدورهم نشر فضائحهم في النت تحياتي للجميع


السلام عليكم
والله انك مسكين هذا عبد اللطيف بن مصاص بن لصاص ماتعرفه الله المستعان يا اخي عندك هالنقد انقز الى قطر وتشوف السيارات ولا باقل 10% على العموم نتمنى لك اخير يطعمك م خيره ويكفيك شره


ماعندك احد كل يلعب على كيفه


زين محد يقول اجباري تاخذ فل كامل


حسبي الله ونعم الوكيل
شكرا لمروركم الكريم ولازالت هذه المهازل مستمره عندعبداللطيف جميل
يمك ادروبي
25/12/2007, 07:10 AM
نفس القصة سارت لي مع شركة عبدالله هاشم ( هوندا ) طلعت سيارة هوندا اكورد من عندهم وتفاجئت بزيادة في السعر مبلغ وقدره 4000 ريال يقولوا هذا حق الاكسسوار الأضافي ومن ضمن الاكسسورات المسجل والجنوط والدعسات الارضية وجنطة السلامة .
بس ماقول غير حسبي الله عليهم .
لهيب الشوق
25/12/2007, 07:28 AM
http://www.openiu.com/upload/070523/109927400346562241b2153.gif
الهواوي0
25/12/2007, 10:03 AM
اللوم كل اللوم على وزارة التجارة بس عبداللطيف كل الوكلات السيارات كذا

حسبي الله ونعم الوكيل
القانوص
25/12/2007, 12:28 PM
السلام عليكم ورحمت الله وبركاته
المشكله ان الناس تشتكي منه وتشتري(عجبا) مع ان البديل موجود عندكم.
طارق الحربي
25/12/2007, 02:12 PM
اجباريه ؟!!!

ليش عبداللطيف جميل يعني من هيئات الدولة عشان يجبر الناس على شي مايبونه ؟

اخاف بكره يجبرني اخذ لون معين ولا اخذ فئة معينه



حسبي الله ونعم الوكيل


لو انا منك ياخوي مادفعت ولا ريال ورحت للمدير على طول


ياخي مابي تظليل هو غصب !!
ابوعزيزm
25/12/2007, 03:03 PM
ولا تنسى الكامري موديل 2007 يركبون لك بلوتوث للجوال أجبااااااري

وتدفع أكثر من ألف ريال

نقول لهم يا أخي ما أبي أركب بلوتوث يقولك أدفع الألف وكيفك لا تركبها

والله نهب وسرقة عيني عينك . . حسبي الله عليهم
barracuda
25/12/2007, 03:31 PM
حسبي الله ونعم الوكيل النصب عيني عينك
اصلآ سيارات عبد اللطيف مهي داخله المزاج مره (اعزروني يا اهل التويوتا)
ذيب الاطوى
26/12/2007, 08:13 PM
نفس القصة سارت لي مع شركة عبدالله هاشم ( هوندا ) طلعت سيارة هوندا اكورد من عندهم وتفاجئت بزيادة في السعر مبلغ وقدره 4000 ريال يقولوا هذا حق الاكسسوار الأضافي ومن ضمن الاكسسورات المسجل والجنوط والدعسات الارضية وجنطة السلامة .
بس ماقول غير حسبي الله عليهم .


http://www.openiu.com/upload/070523/109927400346562241b2153.gif


اللوم كل اللوم على وزارة التجارة بس عبداللطيف كل الوكلات السيارات كذا


اللوم كل اللوم على وزارة التجارة بس عبداللطيف كل الوكلات السيارات كذا

حسبي


اللوم كل اللوم على وزارة التجارة بس عبداللطيف كل الوكلات السيارات كذا

حسبي الله


اللوم كل اللوم على وزارة التجارة بس عبداللطيف كل الوكلات السيارات كذا

حسبي الله ونعم


اللوم كل اللوم على وزارة التجارة بس عبداللطيف كل الوكلات السيارات كذا

حسبي الله ونعم الوكيل


السلام عليكم ورحمت الله وبركاته
المشكله ان الناس تشتكي منه وتشتري(عجبا) مع ان البديل موجود عندكم.


اجباريه ؟!!!

ليش عبداللطيف جميل يعني من هيئات الدولة عشان يجبر الناس على شي مايبونه ؟

اخاف بكره يجبرني اخذ لون معين ولا اخذ فئة معينه



حسبي الله ونعم الوكيل


لو انا منك ياخوي مادفعت ولا ريال ورحت للمدير على طول


ياخي مابي تظليل هو غصب !!


ولا تنسى الكامري موديل 2007 يركبون لك بلوتوث للجوال أجبااااااري

وتدفع أكثر من ألف ريال

نقول لهم يا أخي ما أبي أركب بلوتوث يقولك أدفع الألف وكيفك لا تركبها

والله نهب وسرقة عيني عينك . . حسبي الله عليهم



حسبي الله ونعم الوكيل النصب عيني عينك
اصلآ سيارات عبد اللطيف مهي داخله المزاج مره (اعزروني يا اهل التويوتا)
شكرا لمروركم الكريم وتفضلكم بالتعليق على الموضوع
Black VTC
26/12/2007, 08:32 PM
لاحول ولا قوة الابالله ........

يعني غصب تشري منهم تظليل ؟؟؟؟؟؟؟؟؟؟؟؟؟؟!!!!!!!!!!!!!!!!!!..........
ذيب الاطوى
27/12/2007, 02:31 AM
لاحول ولا قوة الابالله ........

يعني غصب تشري منهم تظليل ؟؟؟؟؟؟؟؟؟؟؟؟؟؟!!!!!!!!!!!!!!!!!!..........

ياخذون فلوسك بالقوه ويتشرطون عليك دام مافيه احد يحمي المستهلكين
shababi
27/12/2007, 06:34 AM
عندي استفسار انا ناوي اشتري لكزس بس محتار آخذه من وكالة عبداللطيف جميل أو من اليحيى
والبازعي الي عندكم في الرياض عنده لكزس؟
ذيب الاطوى
28/12/2007, 01:11 PM
عندي استفسار انا ناوي اشتري لكزس بس محتار آخذه من وكالة عبداللطيف جميل أو من اليحيى
والبازعي الي عندكم في الرياض عنده لكزس؟

اللكزس صغيره طبعا مو جيب لأن الجيب 2008 مابعد نزل
اليحيى ارخص يفرق تقريبا 25 الف ريال بس يمكن هناك مشاكل لو تبي تدخله على الضمان عند عبداللطيف جميل لست متأكدا
محمد111
28/12/2007, 02:54 PM
فيه موقف صار لربعن لي
واحد اخذ جيب لكزس من عبداللطيف

والثاني جابه من الخليج مع العلم انه الجيب اللكزس يقاله هو الوحيد اللي مايقدر يلعب فيه عبداللطيف

وقفناهن جميع مايفرق بهن الا اخر4 ارقام من الشاصي للعدد فقط


وجدنا

1-الترصيص الخليجي من بلده
الحق عبداللطيف ترصيص بجده

الاكسسوارات الخليجي جاي معه اكسسوارات
واللي من عبداللطيف نصله زين انه عطاه مفتاح اسبير الله لا يزيده استغفر الله

مع ذلك اللي من عبد اللطيف اغلى ب8000 ريال تقربيا

دمتم ســـــــــــــــــــــــــــــــــــــــــــــــــ ــــــــــــــــالمين
سفيرالسعد
04/01/2008, 10:32 PM
<؟؟؟?عالب وكالات السيارات بنفس الحال وبطرق مختلفة ,, وحماية المستهلك فى العسل جرب ارفع شكوى بس لازم تقدم اجازة من العمل 3 شهور , وتكون طويل لسان حسب النظام ( اذا كان فية اصلآ ) يمكن تطلع بحاجة تعوضك عن الالفين ريال ........... [/b][/color]
سفيرالسعد
04/01/2008, 10:36 PM
لاحول ولاقوة إلا با الله هذا هو حال غالب الوكالات التجارية وخصوصآ للسيارات
سفيرالسعد
04/01/2008, 10:37 PM
لاحول ولاقوة إلا با الله ,,, هذا هو الحال لوكالات السيارات وبطرق مختلفة
SilverSniper
05/01/2008, 03:08 AM
صحيح شفت أكثر من كذا عند جميل يوم كان معي فكسار..
شفت منه الويل.. بعته بقيمة مرتفعه وهذي ميزته الوحيدة..
ركبت التاهو2007.. وركبت بليزر.. بعد ما شفت قوتهن اللي ما يجيب الفكسار ربعها.. وشفت راحتهن.. وشفت الفخامه فيهن.. كرهت التايوتا وصرت عدوه الأول..مميزات توها طالعة في الزفت كروزر 2008 ومنهبله تايوتا فيها موجوده في اليوكون من عام 98.. وراحة في البليزر 90 أريح من فكسار 2003.. واليوكن الدينالي 6.2 لتر قيمته حول نص قيمة الفكسار الفل وأفضل منه وأفخم منه 100 مرة..
وش تلقى عند جميل؟؟.. اكسسوارات مقلده.. تجميع ولعب على كيفه.. نهب في الصيانه واعتبار الزبون حيوان لا يفقه شيئاً خذ اللي في مخباته وامش.. سيارات أدفع فيها ربع مليون ومركبها كنه مركب ددتسن..ويسرقك في مشتراها بعد..
ما شفت هالشي عند الجميح.. اللي يخدمك وأنت جالس ولو تقول هاه قال سم وآمر.. حتى موترك لو تعطل يجيبون لك سطحه ويجيبون لك سياره بديلة وأنت عند باب بيتك على حسابهم.. ولو تعطل عليك خارج المملكة يسكنونك 3 أيام على حسابهم.. ولو فيه عيب مصنعي أو استدعاء يتصلون عليك ويبلغونك.. ولو يتعطل الشي 3 مرات يغيرون لك السيارة بكبرها..
ولا شفته عند العيسى..اللي يقولون انه أزين من الجميح بعد وأرخص..

والناس منهبلين على تايوتا ولطوفي.. يالله .. اشبعوا.. انتم اللي سلمتوا لهم ارقابكم..

أمريكي وبس.. لا لتايوتا وخمام الياباني.. :mad:
برق السما
05/01/2008, 03:19 AM
حسبي الله ونعم الوكيل على هذه الشركه ..

والأدهى يقولون رافعين دعوى على البازعي !! يعني شركه ربحانه ربحانه وماطقت للبازعي خبر .. ليش تقطع ارزاق العالم !!

لكن عسى يومك قريب !

,,

وياجماعه تكفون لا احد يسكت عن حقه , ولله يا ما سمعنا من قصص وياما عشنا قصص مع هذه الشركه :(
سيف الظفير
05/01/2008, 08:40 AM
السلام عليكم ورحمة الله وبركاته



السلام عليكم اخواني الاعزاء اعضاء ومشرفي هذا المنتدى الراقي


قمت بحجز لاندكروزر من شركة عبداللطيف جميل طريق الملك فهد(الرياض) وعند الحجز سألت البائع عن قيمة السياره قال لي 167850 وقبل وصول السياره باسبوع اتصل على نفس الموظف وقال لي لازم تجي تدفع المبلغ وتفاجأت بأن المبلغ اصبح 169950 ليش الفرق؟
قال والله تغير السعر!! السعر اللي اعطيتك في البدايه غير دقيق صدقت الموظف وكتبت له شيك بالمبلغ


وبعد وصول السياره رحت استلمها قال الموظف السياره جاهزه بس تاخذ موعد عشان تضليل الزجاج
قلت وشو تضليله ؟؟؟
تضليل العازل توقعته مجانا
والله ماقصرتو بس انا ماني حريص عليه يمنع الجي بي اس من الاتصال بالاقمار الصناعيه وانا راعي روحات وجيات
قال لا انت دافع قيمته وهي 2000 ريال
وهو اجباري لسيارات 2008
شركه خسرانه من شركاته يشغلها بالطريقه هذي نصب واحتيال


وبعد اخذ ورد ومن مدير الا مدير ماطلعت بشي يقولون لازم تراجع جده


قلت على الأقل اودعوها في الصيانه رصيد يعني مابي استرجع المبلغ رفضوا بكل الطرق


رضخت للأمر الواقع وقلت ضللوا السياره ورحت اشوف العمال وطريقة الشغل واخذ الموعد والطامه الكبرى انهم عماله من احدى الجنسيات العربيه المعروفين بكثرة الهرج والنصب وليس لديهم ادنى درجات الخبره في تضليل السيارات (كلها فقاقيع ووجدت اكثر من زبون يتهاوش معهم)


لذا انصح من يفكر ان يشتري من عبداللطيف جميل ان يتأكد من حكاية التضليل لأنهم في البدايه يدمجونها مع قيمة السياره


واذا تبون صوره من الفاتوره مستعد حاطين مبلغ 2000 ريال اشياء اخرى
حسبي الله عليهم خربوا علينا فرحتنا بالسياره


آسف على الأطاله




حسبـــى الله ونعم الوكيــــــــــــل

حسبـــى الله ونعم الوكيــــــــــــل

حسبـــى الله ونعم الوكيــــــــــــل

حسبـــى الله ونعم الوكيــــــــــــل

يجب ان تشتكي الى وزارة التجارة او تشتكى الى الصحــف المحلية لنشــر الفضيحه ,,,

وللمعلومية ترا مواضفات الجيب السعودي ( عبداللطيـف ) من أخس المواصفات في السوووق وهذا العلم الاكيد

ولم اقول هذا الشئ الا بعد السؤال امس الجمعه في المعارض .
almanai
13/01/2008, 01:23 PM
من امن العقوبة .......
سيف الظفير
13/01/2008, 01:45 PM
http://www.al-jazirah.com/312202/ecs10.jpg.


ولله لأنهبكم وااااااااااحد وااااااااااحد

خخخخخخخخخخخخخخ
راعي اليتامى
16/01/2008, 08:38 PM
ياجماعة والله هالاحتيالات هاذي ماينسكت عليها


حتي لو انها على ريال واحد فقط ماهو على كيفهم


يلعبون على الناس والله انا لو منك لااروح اشتكيهم


للشرطة وان ماحلوا الموضوع على اطول اروح للامارة


وان ماحلو برضو والله لااروح للامير سلمان بن عبدالعزيز


لازم نوقفهم عند حدهم حسبي الله ونعم الوكيل عليهم هالحراميه.........
الاصلع
18/01/2008, 12:09 AM
ياجماعه الخير الدعوي كلها خربانه مو عبد اللطيف وبس عبد اللطيف واحد من مليون حرامي
ولا رقيب ولا حسيب لكن الله المستعان
مقلع الرمث
18/01/2008, 12:56 AM
يارجال هج عن عبد اللطيف واعياله جبلك موتر من الخليج وهو يضمنه وهو مايشوف الجاده عندك اليحي البازعي
الساهر20
18/01/2008, 01:03 AM
انا صار لى حادث على كامرى 2006 ورايح ثلاث ارباع المبلغ من الاقساط كانت مامن عليها من الشركة بعد الحادث جاء امر اهلاك لها وحتى الحين لا تعويض ولا شى لى اكثر من ثلاث شهور
مـدحـدر
18/01/2008, 04:28 AM
الغريب........الغريب





اننا نقرأ يومياً عن احتيالات عبداللطيف جميل


وبكرة وحنا عنده نشتري منه سيارة


وعجبي.........وعجبي



اخي البديل موجود....البازعي......اليحي مع انه ارخصهم


ووكالات الخليج
ford
18/01/2008, 01:49 PM
قاتل الله الاحتكار قاتل الله الاحتكار قاتل الله الاحتكار قاتل الله الاحتكار قاتل الله الاحتكار قاتل الله الاحتكار
ذيب الاطوى
08/03/2008, 02:19 AM
شكرا لمروركم كل واحد باسمه
برق السما
08/03/2008, 04:33 AM
اللكزس صغيره طبعا مو جيب لأن الجيب 2008 مابعد نزل
اليحيى ارخص يفرق تقريبا 25 الف ريال بس يمكن هناك مشاكل لو تبي تدخله على الضمان عند عبداللطيف جميل لست متأكدا

اللكزس ضمانها عالمي ..

خذها من اليحيى وتوكل على الله ,

مواصفات احسن وضمان عالمي ,
salem63200
08/03/2008, 04:44 AM
اي والله انا شريت من عندهم هايلكس نظام تاجير وقعوني على ورقه تظليل غصب ماهوب بالطيب

تنحسب مع القسط 20 ريال مع كل قسط :)
عاشق بر
08/03/2008, 06:33 AM
السلام عليكم يا اخي ارسل ايميل الى شركة تويوتا
بشرح المشكلة من البداية و طريقة تعاملهم معك

ومودبل سيارتك و رقم الشاصي مثلا .

اعرف انها جــــــــــــــــــدا فعالة و منت خاسر اي شي

طبعا تعرفهم ان وكيلهم الفلاني عمل كذا و كذا


و الله يستر عليك
abubshma
08/03/2008, 12:26 PM
السلام عليكم ورحمة الله وبركاته:
جميع شركات السيارات عندنا كلهم نصب واحتيال اما في البيع او الصيانه وأنا تعاملة مع معظمهم . ومن سنة 2000 بدأت اتعامل مع وكالة الجزيرة لسيارات الفورد على الأقل اخف من الجميع.
وأنا مع الأخ هدار , ارسل بريد الكتروني الى الشركة الأم وأكتب لهم ماحدث معاك و انشاء الله تجد الحل.
على كل حال الله يعطيك خيرها ويكفيك شرها.
abubshma
08/03/2008, 12:32 PM
السلام عليكم ورحمة الله وبركاته:
جميع شركات السيارات عندنا كلهم نصب واحتيال اما في البيع او الصيانه وأنا تعاملة مع معظمهم . ومن سنة 2000 بدأت اتعامل مع وكالة الجزيرة لسيارات الفورد على الأقل اخف من الجميع.
وأنا مع الأخ هدار , ارسل بريد الكتروني الى الشركة الأم وأكتب لهم ماحدث معاك و انشاء الله تجد الحل.
على كل حال الله يعطيك خيرها ويكفيك شرها.
مخاوي الليل
08/03/2008, 02:53 PM
ياخوي وش اللي حادك على ابو جميل وفيه اللي احسن منه
وسيع البال
08/03/2008, 03:22 PM
:no2: السلام عليكم ورحمة الله وبركاته
هام هام هام إلى اخوي ذيب الاطوى ولا يهون من يقرا يا اخوي الله يهديك تاخذ من الامارات بريمي قطع اصلية كل شي فية اصلي يطيح عليك عليك تقريبا 12000 عن السعودي قريب لي راح قبل تقريبا سبوعين واخذ واحد GXRفل كامل كل شي فيه حتى الشاشات واستبنتين طاح علية تقريبا 12000عن سعر عبداللطيف جميل وطقته يجي من اليابان عن طريق ميناء البريمي وعلى طول يشحنونه لك على السعودية يعني اصليXاصلي. ماهوب مثل الوكالات اللي عندك يغيرون القطع الاصلية بصينية حسبنا الله ونعم الوكيل. يعني يا اخوان افهموا اللي بيشتري كاش على طول يروح (الامارات)......
فارس العمور
08/03/2008, 10:33 PM
طيب اللوم على الناس الفاهمه بالانجليزي والانترنت ليش ماتراسلون الشركة الام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
راعي الروضة
08/03/2008, 10:45 PM
يارجال عبداللطيف جميل يقولون يملك نسبه الان من الشركة الام يعني وراك وراك حتى لو خذت البريمي 000 مالك الا خشمك ولو هو اعوج
واكس
08/03/2008, 10:51 PM
اقسم بالله شي يضيق الصدر
دوله مثل دولتنا الجميله لايوجد بها حمايه للمواطن لامن وكالات ولا بنوك حسبي الله
شطه
08/03/2008, 10:59 PM
ماشفت شي والخافي عليك اعضم تفقد سيارتك لايصير مغيرين لك قطعه