المساعد الشخصي الرقمي

مشاهدة النسخة كاملة : مشكله كبيره بالباترول ---> ماهو الحل ؟؟؟


بيرتا
17/12/2007, 06:02 PM
السلام عليكم ورحمه الله

عندي مشكله بسيارتي الباترول هي كثره اعطال الزجاج وتعبت معها كثير احد ومافيه كهربائي

لا يعرفني من كثر المسايير عليهم وكل واحد يحط حل من عنده يقول واحد غير الفيش غيرناه

بمبلغ وقدره وكله كم يوم وهو خران مره ثانيه والي يقول غير الدينمو غيرناه بس مافيه فايده

والمشكله الاعضم اذا مسكت خط ونزلته وعيت ترتفع ابلش عاد

فياليت من الاخوان الي عنده حل لايبخل علينا

واكون شاكر ومقدر
رسن
17/12/2007, 07:10 PM
الله يعينك يمكن مكينة الزجاج خربانة او فيها التماس
مخاوي الذيابه
17/12/2007, 08:00 PM
أما أنها مكينة القزاز ...

أو أن القزازة مكسورة من داخل ...
غضنفر
17/12/2007, 08:50 PM
الحمد لله
ان الي عندي
هندل
ولا ادوش راسي بمشاكل القزاز وكهرب ودينموه
------
الكهرب
صعبة مشاكله لازم تشوف السيارة عشان تعرف المشكلة
----

على العموم
هذا رقم ورشة عندهم كهربائي هندي فنان
بس انه غويلي شوي
لكن يستاهل
هذا رقم مدير الورشة
بالصناعية القديمة بالرياض
0505282401
سيد النشاما..
17/12/2007, 09:35 PM
الله يعينك أخوي
* أن كان فيه أكثر من قزازة ماتطلع زين يبيلها تبديل لمكائن القزاز *
فحاول أنك تركب له مكائن هندل وريح راسك
بيرتا
18/12/2007, 08:29 AM
المشكله اني اغير الدينمو يخرب بعد مده

اغير الافياش سيم سيم مشكل

الصراحه حامت كبدي من القزاز شكلي اخر شي ابقلب الموتر كشف ونرتاح

الاخوان ماقصرتو بس لو يحل واحد قد حصلت له نفس المشكله وقدر يعالجه <--- ماضنيت

وفي انتضار المزيد من الاخوان
مخاوي الذيابه
18/12/2007, 01:42 PM
واحد من اخوياي صارت له نفس المشكله ..

وطلعة في الأخير القزازة مكسورة من داخل ..

والسبب هو أنه لمن ينزل القزازة ما ينزلها كامله وهي تتحرك مع الهوا

فتتحرك الى أن تتكسر من الداخل ...

آمل أن أكون ساعدتك ...
بن محفوظ
18/12/2007, 06:51 PM
اذا صلحتها نزل القزاز سوى .. واذا شفت الي تقول انها مبلشتك بالخراب متأخره عن باقي الدرايش .. فالمشكله في الدينمو .. لانه يعطل الكهرب داخل الفيش .. ( لا يكون فيها تراب او شي متعلق )
بيرتا
19/12/2007, 04:11 PM
شكرا للجميع على الدعم الفني والمعنوي

والله دعم مانحصله بالوكاله

ولاكن ماحد جرب انه يغير احد اجزاء الدريشه او يولف قطعه ويكون حل دائم
جلمود1
19/12/2007, 05:40 PM
فيه ورشه في صناعيى ام الحمام كهربائي يماني درجه ويصلح الزجاج بدون ان تشتري قطع غيار يقول بتوليفها من عنده اسم الورشه ما اعرفها لكن الجهه الشماليه من صناعية ام الحمام فيه محل تصليح اديتر بجواره على طول محل صغير لأصلاح زجاج السيارات وكهربائي في نفس الوقت مر الورشه وبتنتهي مشكلتك بأذن الله جربته في سيارتي الشروكي مشاءالله شغل روعه
قناص الجزائر
19/12/2007, 09:41 PM
الله يعين؟؟؟؟؟


اهل النياسين
قناص الجزائر
19/12/2007, 09:44 PM
سراحه جربت النياسين؟؟؟

مالقيت احسن من تويوتا=========في كل الحالات
بواردي الدلم
19/12/2007, 10:35 PM
اقول لاتطلع من صلب الموضوع وخل التايوتا عنك
لافرامل زي الناس ولا مطب ريح

نرجع الى اخونا البريتا

باين عليك منغبن من الموتر لابعد حد الكتابه كلها حروف ماكوله

انا عندي لك حل

اذا كنت ملمع الموتر من الداخل او ان ازرار الزجاج سبق وجاها مويه او اي سائل

فهذا يسوي لك قلق اما ان الزجاج ينزل لحاله او انه يعلق

لاكن مالك الاتفك الازرار وتصنفرها وتشوف اذا عليها مواد لزجه (( تلثد )) زي بقايا مواد تنظيف او شاي او بيبسي
تحاول تمسحها بقطعه قماش رطبه لين تنظف وتنشف ثم ركبها وامورك بإذن الله راح تزين
طيب الوفي
20/12/2007, 04:58 AM
انا حصلتلي نفس المشكله والحل شف في كهربائي
يمني بالسلي يقاله براق الصراحه شغل عدل يسوس الموتر سوس يخليه يعدي يبرق
حويلان
20/12/2007, 11:27 AM
انا بعد نفس المشكله أخوي ...

فيه كهربائي بالصناعيه القديمه اسمه سرحان وشغله مضبوط بس تراه غالي حبتين ولو تبي رقمه ارسل لي على الخاص ...

بس انتبه تراه يتحكحك كثير حاول لاتقرب له :d

تحياتي
MyName
20/12/2007, 11:33 AM
تبيع الموتر بريالين أخوي ؟ :)

ماأقول إلا الله يعينك اخوي ..
بيرتا
20/12/2007, 08:09 PM
الف شكر للاخوان الي ردو علا التسااولات

ومقصرتو وهذي عوايد مكشاتنا العزيز

الاخ my name دور احد و مانت مريحنا انت والبنتلي الي معك

واسال الله الكريم ان يرزق جميع من رد علا موضوعي الجنه ويرزقه من غير لا بحتسب

وان يلبسهم لباس الصحه والعافيه وطول العمر وخيري الدنيا والاخره الهم اميييين
ذيب الاطوى
20/12/2007, 10:03 PM
اخوي كان معي باث فيندر فل كامل وكانت الفتحه تعلق وبهذلتني والقزاز يالله ينصكن تعرف السبب وش صار

مركب بطارية مقاس 40 امبير والمفروض 80 امبير

تأكد من مقاس البطاريه اذا سبق وغيرتها
رااعي الابل
20/12/2007, 10:19 PM
أخوي شيك على سلك الماس حق الكهرباء لان كانت عندي نفس المشكله حق الزجاجه الاماميه وشكرا
ندمان
20/12/2007, 10:27 PM
الدرايش كلها خربانه وإلا بعضها ؟؟

إن كانها وحدة وإلا ثنتين فـ عندي حل إن شاء الله يفيدك...............
بيرتا
20/12/2007, 11:09 PM
ذيب الاطوى البطاريه 100% مضبوطه

اخوي راعي البل من وين اشيك علا سلك الماس وكيف

ندمان لا تخرب وحده ثم تزين ثم تخرب الثانيه وصلحهن وعلا هم جرا :(
بيرتا
21/12/2007, 08:29 PM
للتحديث


والاخوان الي يسالون جاوبت بس ماحد رد :(
ابو وتين
22/12/2007, 12:33 PM
الله يعينك الباترول كزازه ماله حل
ندمان
23/12/2007, 03:02 PM
أنا عندي في فكسار 96 نفس المشكله بس دريشة وحدة صار من العدسات اللي داخل مكينة القزازة
بيرتا
25/12/2007, 01:44 AM
اخوي ندمان ماقصرت

بس وين فيه العدسات ومن يصلحهم

جزاك الله خير
ندمان
25/12/2007, 01:39 PM
والله ما ادري وين محل العدسات بالضبط

لاكن اللي صلحها لي فلسطيني جيد في شارع الستين (معارض النسيم)

تبي رقم جواله راسلني على الخاص