المساعد الشخصي الرقمي

مشاهدة النسخة كاملة : ماهو افضل محل لتلبيس مراتب وارضية Gxr 2008


abu_saif
17/12/2007, 08:00 PM
السلام عليكم ورحمة الله وبركاته

بفضل الله اشتريت Gxr 2008 وارغب بتلبيس المراتب جلد وكذلك الارضية بالبلاستك الشفاف ولعدم معرفتي بافضل هذه المحلات قلت استشير اخواني في هذا المنتدى الطيب وما خاب من استشار فالمرجو ممن لديه معرفة بافضل هذه المحلات بالرياض ان يتكرم بتوجيهاته وجزاه الله خير مقدما وكل عام وانتم بخير
.أبوعبدالرحمن
17/12/2007, 08:03 PM
اولا : الف الف الف الف الف مبروك والله يعطيك خيره ويكفيك شره



ثانيا : نصيحتي لك لا تركب جلد انا مركب جلد ومبهذلني من الحرارة ويجيب العرق على طول


ومع الوقت ينقلب لونه ويصير كأن له 15 سنه



والله يوفقك

ومن ناحية المحلات اللي اعرف فيه الاسماعيل الثاني بالغرابي
abu_saif
17/12/2007, 08:24 PM
الله يبارك فيك يابوعبدالرحمن ويجزاك خير

يعني ماتشير البسه جلد طيب وش رايكم البسه مخمل نفس شد البلد

وبالنسبة للاسماعيل ما مدحوه الربع يقولون معاده مثل اول بنفس الجودة

ما ادري اذا فيه افضل من الاسماعبل؟

واذا فيه افكار ثانيه غير التلبس تراني ما استغني اخوكم جديد على هالشغله يعني بكراتيني :d
هاوي البر
17/12/2007, 08:38 PM
الله يطعمك من خيره وكيفيك شره
تلبيست الارضية فيه نوع اعتقد انه تايلندي ماني متاكد بس اهم شي يكون سماكة 5ملم
أبوخطاب
17/12/2007, 08:39 PM
مبرووووووووووك الله يطعمك خيره ويكفيك شره ، وبالنسبة للتلابيس ماعندي خبرة

الشباب يفيدونك وتقبل تحياتي.................
سفير الصمان
17/12/2007, 08:52 PM
السلام عليكم ورحمة الله وبركاته
مبروك أخي أبو سيف على الموتر الجديد الله يعطيك خيرة ويكفيك شرة
الحقيقة كأنك سائل السؤال بدل عني !
أنا مثلك شريت Gxr 2008 واليوم طلعت أبحث عن محل لتركيب تلبيسة للمراتب والارضية لكن مالقيت محل أعجبني ورجعت للبيت .
وياليت الاخوان يفيدوننا الله يجزاهم خير
قرقس الكشتة
17/12/2007, 09:05 PM
السلام عليكم
مبروووووووك ماشاء الله الله يطعمك خيره ويكفيك شره
فيه محلين أو ثلاثة بشارع عبدالرحمن بن عوف (الستين) حي النسيم
أنا كد ركبت عندهم قبل ثلاث سنين وإلى الحين ما قالن شي
وتقبل مروري
ابوالوليد2003
17/12/2007, 10:53 PM
الف الف مبروك الله يعطيك خيره ويكفيك شره . عندك محل العبدالله في الغرابي ثاني عمارة يمين زاويه القماش ياباني والخياط فلبيني والسعر زايد.
جبل خزة
18/12/2007, 02:37 AM
ألف مبروك
الله يطعمك خيره ويكفيك شره ويجعله فال خير عليك .

فيه محل بالصناعية القديمة اسمه وضاح يلبس أرضيات ، الوالد لبس اللاند حقه موديل 2001 عنده ولازالت الأرضية كأنها جديدة ، ولا تلقى فيه سفطات ولا تقطيع .
موقعه وانت جاي من الدايري الشرقي تاخذ طريق علي بن أبي طالب باتجاه الجنوب وتاخذ الخدمة واذا جاك المسجد لف قبله يمين يصير وجهك غرب يجيك المحل على اليسار.
مرسال1
18/12/2007, 08:18 AM
شف يالحبيب ... إذا بك شده شوية 400كم .. فأنا بوصف لك محل أتحدى أحد سبه أو ما اعجبه شغله ..

بمحافظة عنيزة (( الشلال .....أو .... النافورة ))

بمحافظة الرس(( الشلال )) ..


شغل صح مثل شغل الوكالة ... مايبيعون جاهز ...يفصلون تفصيل الله لا يوريك :) ..

بصراحة شغلهم مره ممتاز ونظيف ...
الدحبول
18/12/2007, 10:34 AM
الاف مبروك
والله يعطيك خيره ويكفيك شره
كان ودي افيدك بس وين أنا وين الرياض 350 كم
نبغاك أول واحد يكتب لنا موضوع عن لاندكروزر 2008 انطباعتك عنه إيجابيته و سلبياته

تحياتي
نمر 33
18/12/2007, 02:34 PM
الله يطعمك خيره وكفيك شره
مبروووووووك

نصيحة لبس الارضية سمك5ملي من الشلال بعنيزه
والمراتب لا تلبسها أستانس بها أنت لاتتركها للي بعدك
بعدين عيب التلبيس تجيك المرتبة منتفخة وغير مريحة لك ومع الوقت ترتخي بسرعة.

لا تلبس المراتب وإذا توصخت بعد فتره رح غسل المراتب ب150 وترجع جديده

أنصحك بتلبيس الشنطة بشراع الجلد ممتاز