ما خاب من استشار ،،، استفسار عن الفورتشنر اربعة سيلندر ؟؟؟ .

[شبح الصحراء]

السلام عليكم ورحمة الله وبركاته

http://www.mekshat.com/pix/upload02/images55/mk23961_fortuner_suv01.jpg

أخواني الأعزاء تعرفون جيب تويوتا فورتشنر وكثرة انتشاره بين الناس منذ نزل قبل سنتين وناوي بإذن الله اقسط لي واحد جديد أو آخذه تأجير منتهي بالتمليك ، وقد وجدت في الوكالة نوعين حسب المحرك ، الأول أربعة سيلندر جير عادي سياحي بـ 72 الف ريال والآخر ستة سيلندر جير عادي سياحي بـ 97 الف ريال ، الفرق ماهو بسيط 25 الف ريال علشان سيلندرين زيادة يعني السيلندر طلع بـ 12.500 ريال !! :no: .
وقد وجدت ان الستة سيلندر قسطه غالي جداً لا استطيع تحمله ومالي خيار إلا الأربعة سيلندر .
الآن اريد ان اسألكم عن الفورتشنر جير عادي اربعة سيلندر 2700 سي سي 158 حصان :
1- هل هو قوي بما فيه الكفاية للخروج بالسيارة للبر والنفود بطمأنينة ؟ .
2- هل فيه دبل ثقيل؟ وهل هو دفع رباعي مستمر؟ وهل محركه هو نفس محرك الهايلوكس؟ .
3- هل يتحمل الخطوط والسفر لأني أسافر كثيراً ؟ (الأخ مغترب).
4- هل هو آمن من ناحية الرساوة أم انه معرض للإنقلاب اكثر من غيره ؟ .
5- ماهو انسب لون له ؟ .
6- هل ينزل سعره كثيراً عند بيعه ؟ .
7- هل ركوبه سهل بالنسبة للعائلة ؟ .
8- هل هو مريح عند المطبات؟ وهل ارتفاعه مناسب للبر؟ .
9- هل الفورتشنر سيارة عملية وقليلة الأعطال ؟ وهل قطع غياره رخيصة ومتوفره ؟ ؟ .
اريد معلومات كاملة عن هذه السيارة .
----------------------------
10- بالنسبة للفورتشنر ستة سيلندر هل يعمل على بنزين 91 ؟ وهل هو نفس محرك البرادو ستة سلندر؟ .

أخيراً اشكركم واشكر القائمين على منتديات مكشات لخدماتهم المتميزة كما أشكر اعضاء مكشات فهم الثروة الحقيقة للمنتدى :good: .

[wewe150]

سيارة ممتازه جدا خصوصا القير عادي


واحد من أخوياي معه تماتيك ولا يرده الطعوس يمشي فيها وهو مرتاح

لكن ما يسحب أحد هناك

وفي الخط ما عليها ملاحظات بس القير التماتيك ما يتعدى 165


ــــــــــــ

مكينة الفورتشنر 6 سلندر

نفس مكينة الاند الجديد والأف جي والبرادو


هذا اللي أعرفه بس

بالمناسبه في منتدى للفورتشنر بتستفيد منه

http://www.toyota4arab.com/forum/forumdisplay.php?f=35

[الدبل الثقيل]

ياخوي مع الوالد 6سلندر فل قير تمتيك 2006 ..... بالمختصر انا مهو داخل مزاجي .... لكن الحق السيارة قويه في النفود وارتفاعها ممتاز جدا .... هذي الميزتين الوحيده في نظري .... وانتبه تغلط وتشتري 4سلندر ولو ان الفرق 25الف ... لكن الفرق واضح في القوة.... ولامنك جربت الاثنين في النفود بتقتنع ان ال6سلندر افضل بدون منازع .... وترى ال72الف اصلا مهي قليله ... فاذا بتشتري لاتشتري الا 6سلندر ... والله لتندم لو اخذت الاربعه غثيث غير صوت مكينته عالي تقول ديزل..... ولو تاخذلك باترول صالون ستاندر تراه ابركلك من الفورتشنر ال6وال4سلندر راسي وقوي مكينته 4500 بخاخ ... واذكر قبل سنتين لقيته عندنا في معارض جده بقراطيسه ب75 .... أعيد واكرر لاتقرب ال4سلندر واذا ملزم استأجره وجربه.... الله يرزقنا واياك ... الأسئله الباقيه مالي علم بها اما الراحه ماأخبر جيب مريح ومناسب للعايله لابد يخضك ويناقزبك لكن تخف في جيب مثل الباترول وتصل للذروه في الشاص ...

[الدبل الثقيل]

اسف الرد مكرر ومسحت الكلام..

[شبح الصحراء]

الأخ wewe150 أشكرك على مشاركتك وعلى الرابط المفيد جداً .
الأخ الدبل الثقيل اشكرك على مشاركتك المفيدة ولكن فرق 25 الف ريال ماهي بسيطة وبالنسبة للقوة الفرق بينهن هو 1300 سي سي فقط لأن الأربعة سيلندر 2700 سي سي والستة سيلندر 4000 سي سي .
بإنتظار مشاركات بقية الأعضاء .
ولكن يا ليت تكون الإجابات على حسب الأسئلة يعني كل سؤال تحته إجابته وهي عشر أسئلة الله يعينكم وتذكروا ان المقصود هو الأربعة سيلندر والله لا يحرمكم الأجر .

[wewe150]

يا طيب
الفورتشنر أشوف عليه عرض 69.500بس دفع ثنائي لا يكون بدون دبل حقك أبو 72

[شبح الصحراء]

يا طيب
الفورتشنر أشوف عليه عرض 69.500بس دفع ثنائي لا يكون بدون دبل حقك أبو 72
والله انك نبهتني لحاجة كنت غافل عنها الله يذكرك الشهادة أول مرة ادري ان فيه فورتشنر دفع ثنائي فقط ! مع اني كلمت اكثر من موظف في قسم المبيعات ولا حاد جاب طاري الدفع الثنائي مع انه واضح من كلامي لهم اني ابغاه للبر وللديرة ! على العموم جزاك الله خير على التنبيه ويا ليت احد يسعفنا بسعر الفوتشنر اربعة سيلندر دفع رباعي .

[نمر 33]

نصيحة لا لا لا لا لا لا لا تقرب 4سلندر(4*4) لأنه ماينفع ياله يمشي بالنفود وصوت المكينة عالى وغير مرغوب عند البيع
الجيب الي تبيه للبر لاتخذ إلا 6 سلندر(4*4) لأنه يكون المكينة أقوى و الدبل راح يكون أنشط ولابالفرق ويجي به دفلك.
ترى 2008 نزل دفع خلفي فقط (بدون دبل)

عموما الموتر فيه ميزه أنه مرتفع عن الأرض ولاكن يقال أن سريع الأنقلاب (التشليح تشتكي منه)

[شبح الصحراء]

أشكرك يا اخ نمر33 ولكن مد لحافك على قد قريشاتك والله يرزقنا وأياكم من واسع فضله انا اريد سيارة نشيطة بما يكفي لكي اخرج للنفود والدهناء مع العائلة بدون تغريز ومواقف محرجة فإذا الأربعة سيلندر كافية فهي المطلوب لأني الاحظ الهايلوكس الدبل ممتازة بالنفود وهي نفس محرك الفورتشنر اربعة سيلندر على ما اظن .
بانتظار بقية الأعضاء .

[مزاحم]

وعليكم السلام ورحمة الله وبركاته
أخوي شبح الصحراء أنا أملك واحد 4 سليندر قير توماتيك موديل 2006 أخذته على أول نزلته للسوق السيارة ممتازة في البر والنفود إلا إذا كنت من هواة التطعيس وهو دفع رباعي مستمر ويفصل عند السرعات العالية ويوجد فيه الدبل الثقيل كغيره من الجيوب وله نفس قوة محرك الهايلكس ولكن لا علم عندي هل هو نفس محرك الهايلكس من حيث المواصفات والنظام أما عن الخطوط الطويلة والسفر الموتر له أكثر من سنتين معي فهو مريح في الخط ولا يوجد إزعاج من صوت الماكينة غير صوت دخول الهواء وإلى الآن لم أعاني من أي مشاكل بفضل الله في السفر وسؤالك عن الرساوة فهو بحكم إرتفاعه عن الأرض يكون عرضة للإنقلاب أكثر من بعض السيارات وأنا أعتبره آمن إذا الواحد سواقته هادية . في نظري أنسب لون له الفضي وركوبه سهل للعائلة ماعدا المرتبة الثالثة أحس أنه شغلة أما في المطبات فأعتبره نوعا ما قاسي. وارتفاعه مناسب جدا للبر وهذه من مزاياه أما الأعطال فالحمد لله لم أعاني من أي عطل .واللي يقولك أن صوت مكينته عالي مزعج فكلامه غير صحيح والأفضل أنك تأخذ لك واحد إيجار وتطلع به للبر وبعدها قرر من واقع تجربتك .وأنصحك بموقع عربي يوجد فيه منتدى خاص عن الفورتشنر على هذا الرابط .

http://www.toyota4arab.com/forum
/forumdisplay.php?f=35

[الجفن]

اذا بغيت فورتشنر لا تاخد الا ست سلندر فقط اربع سلندر ما ينفع خذا من واحد له باع طويل في السيارات وبذات الدفع الرباعي اما اسئلتك الباقيه هذا بصراحه معروفه عن جميع الجيوب نفس الشي من راحه ورفع الجيوب نفس بعض
اما جيب الفورتشنر بصراحه موتر ما عليه كلام للي وده في الاندكروزر وفلوسه قليله يا خذ له فورتشنر ست سلندر فقط

[شبح الصحراء]

وعليكم السلام ورحمة الله وبركاته
أخوي شبح الصحراء أنا أملك واحد 4 سليندر قير توماتيك موديل 2006 أخذته على أول نزلته للسوق السيارة ممتازة في البر والنفود إلا إذا كنت من هواة التطعيس وهو دفع رباعي مستمر ويفصل عند السرعات العالية ويوجد فيه الدبل الثقيل كغيره من الجيوب وله نفس قوة محرك الهايلكس ولكن لا علم عندي هل هو نفس محرك الهايلكس من حيث المواصفات والنظام أما عن الخطوط الطويلة والسفر الموتر له أكثر من سنتين معي فهو مريح في الخط ولا يوجد إزعاج من صوت الماكينة غير صوت دخول الهواء وإلى الآن لم أعاني من أي مشاكل بفضل الله في السفر وسؤالك عن الرساوة فهو بحكم إرتفاعه عن الأرض يكون عرضة للإنقلاب أكثر من بعض السيارات وأنا أعتبره آمن إذا الواحد سواقته هادية . في نظري أنسب لون له الفضي وركوبه سهل للعائلة ماعدا المرتبة الثالثة أحس أنه شغلة أما في المطبات فأعتبره نوعا ما قاسي. وارتفاعه مناسب جدا للبر وهذه من مزاياه أما الأعطال فالحمد لله لم أعاني من أي عطل .واللي يقولك أن صوت مكينته عالي مزعج فكلامه غير صحيح والأفضل أنك تأخذ لك واحد إيجار وتطلع به للبر وبعدها قرر من واقع تجربتك .وأنصحك بموقع عربي يوجد فيه منتدى خاص عن الفورتشنر على هذا الرابط .

http://www.toyota4arab.com/forum
/forumdisplay.php?f=35


الأخ مزاحم أشكرك على مشاركتك لنا خبرتك بالفورتشنر وعلى الرابط المفيد وأنا لست من هواة التطعيس والتكسير وأريد سيارة اطلع فيها للنفود والدهناء مع العائلة بكل أطمئنان لا اريد تغريز ومواقف محرجة .
أريد ان أسألك عن السعر الذي اشتريت فيها سيارتك وكم سعر الفورتشنر جير عادي اربعة سيلندر دفع رباعي؟ وهل صحيح انه هناك فورتنشر دفع ثنائي فقط؟؟؟ .

[icom 2006]

هلا اخوي شبح الصحراء بعد التحيه للجميع انا معي واحد موديله 2007 سته سرندل قير عادي مهوب طبيعي ماشاء الله في النفود وجواء الديره سافرت به 3 مرات لمكه و2 للدمام وماشاء الله مريح طبعاً انا اعبيه بنزين 95 مع العلم انه يقبل 91 بس انا ماعبيته محرك الاربعه سرندل نفس محرك الهايلوكس وعزمه يمشي الحال وفيه فرررررررررررررررق عن السته سرندل وبقوووه خاصه انه مكينه برادول وحجمه اقل من البرادو بالنسبه لدفع الرباعي المستمر موجود في السته سرندل اما الاربعه فما عندي خبر اما بنسبه للمطبات فهو مريح مطباته مهيب قويه وقطع غياره رخيصه ومتوفره انا دخلت موتري ماشي 25000 كم للوكاله وغيروا الزيت والسيفون والبواجي وشيكوا على الزيوت والسيور وربطوه وغيروا الفلاتر وخذو علي 527 ريال وبنسبه لرساوه فهو ممتاز واتركك مع هالرابط http://www.youtube.com/watch?v=rWfa8o2g_og

وبنسبه للون انا معي البني لان ذالك الوقت دورت الابيض ولا حصلت وكنت مرررررره ابي اشتريه فأخذت البني
اتمنى اني قدمت شي يفيدك ويفيد الاعضاء والزوار
اخوك / ابو سعود

[شبح الصحراء]

ابو سعود اشكرك على مشاركتك ولون سيارتك رايق من غير مجاملة ما شاء الله تبارك الله ولكن ماذا عن صرفية البنزين خصوصاً ان تانكي البنزين صغير كما سمعت فقط 65 لتر ولا يوجد تانكي احتياطي فكم المسافة التي يقطعها ؟ .

[شمالات نجد]

أخوي شبح الصحراء لاحظ أن الهايلكس دفع خلفي أفضل من الهايلكس دفع رباعي في الطعوس والسبب المكينه 4 سلندر ما تتحمل الدبل مثل الـ 6 سلندر.. وأصلاً الجيب ما ينفع إلا 6 سلندر أو 8 سلندر بعد.

نصيحه لوجه الله سواء تبي السيارة للسفر أو للبر أو للمدينه خذ 6 سلندر تماتيك
لا تجي بعدين تحسف أنك ما زدت المبلغ وشريته

وبالنسبة للسيارة ما عليها كلام وأنا بإذن الله بأشتريها وتراي ضاغط على نفسي بدين وقرض وبأبيع سيارة غاليه على قلبي كثير (فاكلها وكاله وعاشقها) وسيارة ثانيه بعد توي شاريها نظيفه.. بس والله الفورتشنر 6 سلندر يستاهل نشيط فوق ما تتصور.

وعلى فكرة حسب ما قريت أكثر من مره أن عزم القير التماتيك فيه أفضل من عزم القير العادي

وبالنسبة لأسئلتك الكثيرة أنا بأجاوبك بكلمتين

أعقلها وتوكل

مبروك مقدماً.. بالتوفيق أخوي

سلام

[شبح الصحراء]

ابو عزام كلامك على العين والراس ولكن اشوف الهايلوكس الدبل ممتازة بالنفود (من واقع تجربة) ولكن تحتاج بعض المهارة في القيادة واذا الفورتشنر نفس وزن الهايلوكس فالمحرك اربعة سيلندر كافي له وبعدين الستة سيلندر يشرب بنزين والمشكلة التانكي صغير ولا فيه تانكي احتياط مثل اللاند او الباترول واخاف تولع لمبة البنزين في مكان لا حولي محطة فيه ولا احد وبعدين التماتيك شايله من راسي تماماً ما احب شي اسمه تماتيك رغم اني عايش في الرياض وعارف الزحمة بس لو قدر الله وفضت البطارية علي ما ينفع فيه دف وانتع لأنه تماتيك لازم اشتراك ولا اي موتر يشركه لازم موتر نفس قوته او اقوى منه وبعدين الجير التماتيك لازم اغير الزيت والفلتر حق الجير كل فترة بينما في الجير العادي انس زيت الجير والتماتيك اذا غرز ما ينفع فيه هز ورقص الموتر ماهو مثل الجير العادي تتحكم بالنمرة .

[شمالات نجد]

أخوي شبح الصحراء أنا أبي لك الزين والله

بالنسبة للبنزين حسب ما فهمت من الأخوان في منتديات تويوتا أن الصرفية متقاربه بل أن الهايلكس 4 سلندر تانكيه أكبر ومع ذلك يمشون نفس المسافة!!

بالنسبة للقير أنا عارف وش تبي بالقير العادي مهو النتع وبس.. تبي التجاوب في تغيير النمره وقير الفورتنشر التماتيك مدحوه الجماعه.. أضف على ذلك شي مهم ومن خلال قرائتي عن السيارة أن القير العادي يتغير زيته في فترة أقل من القير التماتيك حسب ما ذكر في أحد المنتديات شخص يملك هذه السيارة.

مع أني اللي أعرفه أن زيت القير العادي ينزاد ولا يتغير.. بس هذا اللي قرأته والله

وبالنسبة للبطارية إذا فضت رهم له بطارية احتياط وخلصنا أو دق علي وأنا أجي أسوي لك أشتراك ما عندك مشكله :)

أكرر 6 سلندر لا تغامر وتاخذ 4 سلندر.. وأنت شف وشلون نشاط الهايلكس الدفع الخلفي وشف الهايلكس الدبل وتعرف قصدي.

بالنسبة لوزن السيارتين عشان نقارن بينهم

الفورتشنر 6 سلندر قير تماتيك وزنه 1835-1875

والهايلكس دبل غمارتين وزنه 1720 - 1765

أتمنى أني نصحتك وأفدتك يا أخوي

الله يوفقك ويلحقك ما تمنيت

[wewe150]

ابو عزام كلامك على العين والراس ولكن اشوف الهايلوكس الدبل ممتازة بالنفود (من واقع تجربة) ولكن تحتاج بعض المهارة في القيادة واذا الفورتشنر نفس وزن الهايلوكس فالمحرك اربعة سيلندر كافي له وبعدين الستة سيلندر يشرب بنزين والمشكلة التانكي صغير ولا فيه تانكي احتياط مثل اللاند او الباترول واخاف تولع لمبة البنزين في مكان لا حولي محطة فيه ولا احد وبعدين التماتيك شايله من راسي تماماً ما احب شي اسمه تماتيك رغم اني عايش في الرياض وعارف الزحمة بس لو قدر الله وفضت البطارية علي ما ينفع فيه دف وانتع لأنه تماتيك لازم اشتراك ولا اي موتر يشركه لازم موتر نفس قوته او اقوى منه وبعدين الجير التماتيك لازم اغير الزيت والفلتر حق الجير كل فترة بينما في الجير العادي انس زيت الجير والتماتيك اذا غرز ما ينفع فيه هز ورقص الموتر ماهو مثل الجير العادي تتحكم بالنمرة .


أجل أعقلها وتوكل

وأنا والله أني عارف ان الاعضاء بيصير كلامهم كذا عن الاربعة سلندر


مع العلم أن صرفية السته مقاربه للأربعة وممكن أقل بحكم الوزن والخفة

والموتر بدبل 4 سلندر يوصل 80 ألف

وأنا أقول لك ولأي واحد محتار ولا هوب راعي مطامر وطعوس تهد الموتر بس يروح ويدور شوي في الطعوس ويقعد

يا خذ 4سلندر (طبعا أذا صار ما يقدر على السته سلندر)

[شبح الصحراء]

ابو عزام بالنسبة للستة سيلندر هل يعمل المحرك على بنزين 91 ام فقط على بنزين 95 ؟؟ ولو كان يعمل على 91 فهل يؤثر على المحرك بالمدى البعيد ؟؟ لأنك بعض الأحيان تكون ملزوم تعبي بنزين 91 اذا كنت في منطقة مقطوعة وبعيد عن المحطات الكبيرة .

[wewe150]

ابو عزام بالنسبة للستة سيلندر هل يعمل المحرك على بنزين 91 ام فقط على بنزين 95 ؟؟ ولو كان يعمل على 91 فهل يؤثر على المحرك بالمدى البعيد ؟؟ لأنك بعض الأحيان تكون ملزوم تعبي بنزين 91 اذا كنت في منطقة مقطوعة وبعيد عن المحطات الكبيرة .



قلب راسك على الستة :p

[wewe150]

6 سلندر أقل نوع بـ


93000 الف ريال القير العادي

[شمالات نجد]

قلب راسك على الستة :p

شفت وشلون :)

لا والله خلنا واقعين السته أفضل مايختلف عليها اثنين
-------------------------------

أخوي شبيه الصحراء أنا مثل ما قلت لك ما بعد شريت السياره إن شاء الله بعد العيد

بس أنا أجاوبك من خلال قرائتي في مواقع الانترنت والمنتديات عن السيارة لفترة طويلة من الزمن تقريباً سنه

تعبيه 95 أفضل للسيارة من ناحية العزم وسلامة المحرك

لكن للضروره أحكام وما يضر لو عبيت 91 بس لا تبتل عليه

الله يوفقك

[شبح الصحراء]

أجل أعقلها وتوكل

وأنا والله أني عارف ان الاعضاء بيصير كلامهم كذا عن الاربعة سلندر


مع العلم أن صرفية السته مقاربه للأربعة وممكن أقل بحكم الوزن والخفة

والموتر بدبل 4 سلندر يوصل 80 ألف

وأنا أقول لك ولأي واحد محتار ولا هوب راعي مطامر وطعوس تهد الموتر بس يروح ويدور شوي في الطعوس ويقعد

يا خذ 4سلندر (طبعا أذا صار ما يقدر على السته سلندر)
wewe150 كلامك جداً سليم ولا احتاج قوة جبارة ادفع فيها مبالغ كبيرة لا استطيع تحملها كما اني جربت الهايلوكس الدبل 2005 واقول على كل الكلام اللي انقال عن عزم الهايلوكس الدبل في النفود الموتر خفيف بمجرد ما تنسم الكفرات يمشي معاك تمام بس يحتاج بعض المهارة في القيادة وبعدين اذا فيه دبل ثقيل فلا خوف ان شاء الله واللي شجعني في الفورتشنر اربعة سيلندر انه نفس محرك الهايلوكس وسعره رخيص .
ولكن هناك نقطة متردد فيها اخاف الوزن في الفورتشنر كبير جداً بالتالي المحرك اربعة سيلندر لن يكفي بعكس الهايلوكس فهي خفيفة الوزن .
وحسب الأرقام التي وضعها ابو عزام الفرق بين وزن الفورتشنر والهايلوكس الدبل هو 115 فقط ولكن ما هي وحدة القياس هي كجم ام باوند يا ابو عزام؟ .


قلب راسك على الستة :p
لا والله للحين متردد وبعدين الستة سيلندر غالي جداً واخاف اتوهق في اقساطه .

[الدبل الثقيل]

مايخالف .... تتوهق في أقساطه .... ولاتتوهق في رباظه !

[شبح الصحراء]

مايخالف .... تتوهق في أقساطه .... ولاتتوهق في رباظه !

:p والله كلامك منطقي جداً اذا طحت برباظة ما ينفع سددت القسط أم لا :j قد تكون المسألة حياة أو موت .
ولكن على طاري الرباظة على كثر ما طلعت للنفود وبعض اجزاء الدهناء ما قد شفت رباظة اسمع عنها بس ما قد شفتها الله لا يورينها واظن حلها تعشيق الدبل الثقيل وتنسيم الكفرات بزيادة ؛ واكثر ما يخوفني القيعان الغويطة اذا نزلت فيها تبي عزم شديد علشان اطلع منها واخاف الفورتشنر يصير ثقيل ومحرك الهلي ما يقومه ، اذاً المشكلة الوزن هل هو خفيف مثل الهايلوكس الدبل ام لا ؟؟؟؟؟؟ .

[شمالات نجد]

1785-1830 الأربع سلندر الستاندر

1805-1845 الأربعة سلندر الدرجه الأفضل

بس أنت أخوي ما فهمت الفكره زين

الفورتشنر يعتبر سيارة جيب ويوجد به ثلاث صفوف للمقاعد.. بكره بتحمل معك العائلة أو الزملاء وبيكون معك عفش صدقني والله ما يبرد كبدك الا 6 سلندر

بعدين بالنسبة لفرق السعر الاربعه سلندر يبدأ من 84 ألف طبعاً أكيد أقل مواصفات وقير عادي
كذلك السته سلندر يبدأ من 94 ألف ونفس الشي أقل مواصفات وقير عادي ويوجد به دف لوك (هزاز) ودعامه أماميه.

فرق 10 آلاف بس :) وين جبت 25 ألف

لا تصعب الأمور على نفسك أطرب نفسك بالمكينه القويه ولا تحسف بعدين

بالتوفيق أخوي

[خلفهم]

والله إذا كنت ناوي على 4 خذ هايلكس دبل طامر بها ..

ولازم تلاحظ الفرق بين 4 و6 فرق ما هو سهل ..

الـ 6 خفيف طينه ..

والحكم أنت .. ولا تنسى قبل كل شئ الإستخاره يمكن الله يفتح صدرك لموتر ثاني أزين من الفورتشنر ..

[خلفهم]

لا تصعب الأمور على نفسك أطرب نفسك بالمكينه القويه ولا تحسف بعدين



يا قلبي على هالقاعدهـ ..:D

[شمالات نجد]

يا قلبي على هالقاعدهـ ..:D







بسم الله على قلبك أخوي :heart:
-----------------------------------


أخوي شبح الصحراء الوزن (كجم).. وترا أرقامهم مهيب دقيقه بالحيل وأنت خذها بالعقل أكيد الفورتنشر أثقل من الهايلكس الدبل بواجد


وصادق أخوي خلفهم لا تنسى صلاة الاستخاره


سلام

[مزاحم]

موتري أخذته على أيامه ب83000 ويوجد منه دفع ثنائي في موديل2008 ولا علم عندي عن سعر القير العادي وزي ماقلت لك جربلك واحد إيجار وإذا كان موضوع الموتر مشغل بالك وما لقيت واحد إيجار فهذا موتري جربه لك أنت عشان تنتهي من موضوعه .
ونصيحة أخو يريد لك الخير( ابتعد عن الدين تفلح)

[نمر 33]

سبق أني سألت الوكالة جميل
عن سعر 6سلندر قير عادي 2008 ستاندر قالي 91500ريال سعودي خذه وتوكل على الله .

أو خذلك هايلكس 4سلندر دبل أوديزل دبل تراه شي ثاني


نصيحه جيب 4سلندر لالالالالالا تاخذه

معرض نجد عنده جيب سفاري استاندر 2007 قير عادي ب(85)الف فقط ممتاز أنصحك به سعره معقول جدا

[الدبل الثقيل]

أخوي نمر333 الباترول الاستاندر اللي تقول عند معرض نجد صالون ولى ربع و وش لونه ؟ وعيدكم مبارك ..

[الدحبول]

السلام عليكم ورحمة الله وبركاته

http://www.mekshat.com/pix/upload02/images55/mk23961_fortuner_suv01.jpg

أخواني الأعزاء تعرفون جيب تويوتا فورتشنر وكثرة انتشاره بين الناس منذ نزل قبل سنتين وناوي بإذن الله اقسط لي واحد جديد أو آخذه تأجير منتهي بالتمليك ، وقد وجدت في الوكالة نوعين حسب المحرك ، الأول أربعة سيلندر جير عادي سياحي بـ 72 الف ريال والآخر ستة سيلندر جير عادي سياحي بـ 97 الف ريال ، الفرق ماهو بسيط 25 الف ريال علشان سيلندرين زيادة يعني السيلندر طلع بـ 12.500 ريال !! :no: .
وقد وجدت ان الستة سيلندر قسطه غالي جداً لا استطيع تحمله ومالي خيار إلا الأربعة سيلندر .
الآن اريد ان اسألكم عن الفورتشنر جير عادي اربعة سيلندر 2700 سي سي 158 حصان :
1- هل هو قوي بما فيه الكفاية للخروج بالسيارة للبر والنفود بطمأنينة ؟ .
2- هل فيه دبل ثقيل؟ وهل هو دفع رباعي مستمر؟ وهل محركه هو نفس محرك الهايلوكس؟ .
3- هل يتحمل الخطوط والسفر لأني أسافر كثيراً ؟ (الأخ مغترب).
4- هل هو آمن من ناحية الرساوة أم انه معرض للإنقلاب اكثر من غيره ؟ .
5- ماهو انسب لون له ؟ .
6- هل ينزل سعره كثيراً عند بيعه ؟ .
7- هل ركوبه سهل بالنسبة للعائلة ؟ .
8- هل هو مريح عند المطبات؟ وهل ارتفاعه مناسب للبر؟ .
9- هل الفورتشنر سيارة عملية وقليلة الأعطال ؟ وهل قطع غياره رخيصة ومتوفره ؟ ؟ .
اريد معلومات كاملة عن هذه السيارة .
----------------------------
10- بالنسبة للفورتشنر ستة سيلندر هل يعمل على بنزين 91 ؟ وهل هو نفس محرك البرادو ستة سلندر؟ .

أخيراً اشكركم واشكر القائمين على منتديات مكشات لخدماتهم المتميزة كما أشكر اعضاء مكشات فهم الثروة الحقيقة للمنتدى :good: .
السلام عليكم
وكل عام وانت بخير
ومن العايدين
أختيار موفق
سيارة قوية + عائلية و شبابية في نفس الوقت + تويوتا + دفع رباعي + قطع غيار متوفرة + صيانة سهلة
مش معقول السعر فرق 25
بين 6 سرندل و 4 سرندل كحد أقصى 10 الاف
يمكن مثل ماقالوا الشباب دفع ثانئي 72
الاسئلة ( إختبار قياس القدرات )

1) نعم إذا كان فيه 5 ركاب ولا فيه عفش أعتقدر يستطيع الخروج براحة

2) نعم يوجد دبل ثقيل L4 .. نعم ل 6 سرندل الاربعة مادري .. نعم نفس ماطور الهلي

3) اكيد التويوتا معروف يتحمل وهو مبني على شاصي هيلوكس يتحمل

4) أغلب الجيوب تفقد الرساوة بعد 130 إلى 140 .. لا إذا كان السوق راكد نعم إذا كان السواق مطفوق أكيد

5) الابيض سيد الالون واحسن لون عليه لانه مايحتاج تظيف دايم وما يمسك حرارة ومرغوب في حال إعادة البيع وشور لك

6) عن السعر مادري بس انت رح تستخدم وتحافظ عليه نشاء الله ماتخسر واجد وحاول تخذ مايرغبة الناس
6 سرندل مارح تخسر واجد 4 رح تخسر أكثر من 6 سرندل ويمكن ماتحصل من يشتري

7) هي شوية مرتفع بس رح يتعودون

8) مريح لانه ياي وانت متعود على الهلي دبل رح تحس انه مريح .... مايحتاج الموتر مرفوع واجد يكفي لدخول البر

9) نعم هي عملية ويلي يحافظ عليه نشاء الله ما تخترب ... قطعها أسعارها جيده ومتوفرة هذا عبدالطيف جميل
يجيب لك يلي تبي هو يلي نجح تويوتا أغلب القطع متوفرة وذا مهي متوفرة رح يجيبه لك من جدة خلال 3 أيام
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$

السيارة مايحتاج وماله داعي التردد صدقني لا شريت رح تتحسف انك ماخذته من أول مانزل 2006

انصحك ب 6 سرندل مرغوب في حال إعادة البيع
4 يمكن ماتحصل من يشتري
لو أضفت تصويت ل الموضوع لاريت فوق 90% يصوتون ل 6 سرندل

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$

نعم يعمل على 91 و 95 ..................... نعم نفس ماطور لاند 2008 و البرادو و FJ
وإذا ودك تتاكد


http://www.9195.info/9195/9195/contentArabicAction.do?name=TOYOTA_ARABIC

@@@@@@@@@@@@@@@@@@@@@@@@@@@@@@@@@

توكل على الله
وخذ 6 سرندل قير عادي ورح تدعيلي
حتى ولو زادت الا قساط شوي

تحياتي

[icom 2006]

هلا اخوي شبح الصحراء بنسبه لصرفيته معقوله هو مايصرف بس المشكله في التانكي حقه صغير ويمشيني اذا جواء المدينه 380 كم الى 400 اما في السفر على حسب ممشاك كل مادعست وصارت سرعتك عاليه كل مازاد عمليه الاستهلاك للبنزين ...


والله يدلك على الخير وييسر امرك والله يعطيك خيرها ويعديك شرها مقدماً ...


اخوك / ابو سعود

واذا عندك استفسارات فلايردك إلا لسانك وانا اخوك