عدنا والعود عبدالمتجلي <<<<< اخو احمد من الرضاع

[راعي عنيزة]

السلام عليكم ورحمة الله وبركاته

مسيكم او صبحكم بالخير جميعا

يسرني ان اضيق صدروكم واعلن رجعتي :)

ولا يسعني بهذه المناسبه التعيسه سوا ان ادعي المولى بان يعينكم على ضيقة الصدر والمغثه الي بتجيكم لكن تصبرو وعلى اجر انشالله :D

والشكر موصول لكل من سئل عني ولكل من راسلني مسنجريا وتلفونيا والله لا يخلينا منكم :cool:

[فرد حمزة]

تعااااااااااااااااااال

لعنبو ابليسك وش جابك توني منزل موضوع أسأل فيه عنك ،، أركد لك يومين


يا أنك $%^&*&)&*%$$#$%&* :mad: :mad: :mad:


اللي قاهرني وش لاقين فيك معطينك وسامين ؟؟؟؟؟ :confused: :confused: :confused:

أحتج وأطالب بحذف الوسام الثاني وإلا سأعلن أنسحابي وتمردي وعصياني :mad:

[((( الحر)))]

ياهلا والله ومرحبا !!!

اسفرت وانورت من جد!!!

تو مازان منتدانا من غير قصور باخواني لاكن تميزك يالغالي ماله حدود!!!

والله انا فاقدينك ولعلنا مانفقد غالي شرواك!!!

الف مليون مرحبا بك وهلا بالي له الخاطر يهلي!!!

والله قمت اجمع هالكلام عسى مافيه غلط وهذا كله من الشفقه والفرحه بقدومك!!!

تحياتي!!!
اخوك ((( الحر)))
23/7/1424هـ

[قتال]

السلام عليكم ورحمة الله وبركاته ،،،

هلا وحده ما تكفي .. هلاوين يا راعي عنيزة .. أفرحني رجوعك للمنتدى ..

وترى باب الإجازات سكرناه ولا عاد فيه إجازه إحسب حسابك مرابطة بالمنتدى لين يقضي الشتى .. :D :D

[عليان الليل]

لك وحشه ياجدع ... على قولة المصريين
الحمد لله على السلامة
وحياك الله
تحياتي..

[راعي عنيزة]

فرد حمزه ، الحر ، قتال ، عليان الليل
تسلمون كلكم واشكركم على هذا الترحيب :)




خيمة مكشات لاستضافة الأعضاء الجدد

الاعضاء الجدد !!!!!!!!
انا يالي امضيت بذا الموقع سنتين اخرتها ينقل موضوعي لمنتدى الاعضاء الجدد !!!!
وبدون ابداء اسباب ولا حتى رساله خاصه !!!

الظاهر فيه احد رجعتي ضيقت صدره من جد وحب يعبر لي عن مشاعره من اولها

لذلك ما اقول الا ذا اولها ينعاف تاليها ، فمان الله برجع للمكان الي جيت منه

سلام عليكم

[فرد حمزة]

:confused:

ابو حمد الكبير العاقل

لا تأثر فيك هالحركة

وياجبل مايهزك ريح :) أسمع ابو براطم دايم يقولها:D

ورد كما قيل (( أجعل لأخيك سبعين عذرا ))

أنا أحزم أنها تصرف عفوي في سبيل تنظيم المنتدى ومن مهام ومسؤليات الإشراف

لذلك لا تستبق الأحداث حتى بيانها

وترى والله قدرك عالي ومحشوم ،،، والله يا لو يرضيك ينقل الموضوع لخيمة المواضيع المميزة راح ينقلونه !
تدري ليش ؟ لان العشرة ما تهون على المشرفين في منتدى مكشات ،،،
وترى ماهو بس أنت انا بعد ... تم نقل موضعين لي الأول عودتي والثاني السؤال عنك ... ! مع ذلك ما قرقشت هالحركة فيني

بس ألعن الشيطان ،،، واذكر ربك

[ابو عايد]

ياهلا والله يا ابو حمد

عوده حميده والحمد الله على السلامه

ويا هلا ومرحبا بمشرفنا الغالي

وانشاء هذا الغياب مايعوقك في تقديم كل ما هو افضل

كما عودتنا

وتقبل تحيات ** العاشق الولهان

[مكشات]

هلا وغلا باخوي راعي عنيزة
وألف حمد لله على سلامتك وعودتك لمكشاتك بعد هذه الغيبة الطويلة ..
ويقولون : من طول الغيبات جاب الغنايم :)
ترانا ننتظرهالغنايم عاد لاتتأخر فيها:p
وبعدين بسم الله ما امداك تجي تبي تهج :eek: ؟
ترى هالمرة إن غبت شفنا لك حل :D
تحياتي لك

[صقر]

يا هلا ومرحبا براعي عنيزة

المنتدى اكتمتلت اركانه برجوعك يالغالي.

لاعدمناك.

[السمح]

هلا .. والله وكل الغلا بالحبايب وريحة الحبايب

ومرحبا بعودتك ، ونورت المنتدى ياعيوني

مشرفنا الغالي راعي عنيزة بيننا مرة ثانية ما نيب مصدق :heart:

أخي أبوحمد ترى نقل الموضوع الذي حصل عن طريق الخطأ لا يغير في الأمر شيئ فأنت تعرف قدرك ومعزتك عندنا ، والمبدع فرد حمزة صادق عندما قال :

وترى والله قدرك عالي ومحشوم ،،، والله يا لو يرضيك ينقل الموضوع لخيمة المواضيع المميزة راح ينقلونه !
تدري ليش ؟ لان العشرة ما تهون على المشرفين في منتدى مكشات ،،،
وش تقول أنت يارجل ؟؟!!
وبعدين بسم الله ما امداك تجي تبي تهج ؟
تعوذ من بليس وخل نستمتع برفقتك ولو عبر هذه المنتديات .. أو شفت نفسك غالي وقلت أسوي شوي حراكات ؟؟!

أحلى تحية

[المسفهل]

يا هلا بالغايب الحاضر فأنت في قلوبنا وتتراءاك أبصارنا كل لحظة ....

نتظر في لهفة وشوق ما جمعت لنا في هذه الغيبة الطويلة .

[المرتحل]

مساكم الله بالخير جميعاً
هذي والله الساعة المباركة الف هلا وغلا اخونا العزيز راعي عنيزه الحمدلله على السلامه .
اخيي لاتهزك مثل هالامور تقبلها بروح مكشاتيه ولاتصير مثلي بغيت اتسرع واترك المنتدى بسبب نقل المواضيع بدون اشعار لانني اعتقدت ان المواضيع حذفت . وبهالمناسبة اتوجه للمشرف العام على المنتديات بوضع حل لهذه المشكلة لسنا ضد التنظيم ولاكن على الاقل اشعار العضو بنقل موضوعه .
ياوخيي طالبينك ان ترجع . وتقبل تحيات اخوك المرتحل

[راعي عنيزة]

ايه الحين الواحد يعرف يرد ;)


%%%%%%%%%

فرد حمزه

هلا وغلا ابو همام ، حمدالله على سلامتك وعلى سلامة موضوعينك الي اجتثتهم يد الغدر نكاية بموضوعي ;)

والوسامين يا خلفهم تعطعى على حسب الوزن خبرك انا دب يالله يسدني وسامين اما انت رشيق واحد ويخب عليك :p
وبخصوص ردك الثاني يا بعدي ، نوجد العذر لو كان التصرف تم من شخص مسؤل ، اما شخص ماله علاقه بالمنتدى وتجاوز اربعة اشخاص كلهم مسؤلين عن المنتدى مسؤليه مباشره ويقوم بالنقل الى منتدى غير مختص فهذا يدل دلالة واضحه انه عمل مقصود وان عودتي كانت عليه مثل المر الي ينقز بالكبد ;) ولكن ولا يهمك قاعدين على كبده :D
ومشرفينا مافيهم شك يا بعدي لا ابو ياسر ولا ابو تركي ولا ابو عبدالله ولا قتال كلهم ربعنا وخابرينهم وعشرتهم تنشرى بالذهب لكن خبرك الذهب بعض الاحيان يندس فيه شوائب مهب منه ;)


%%%%%%%%%%

الحر

هلا وغلا بالطش والرش
المنتدى منور بوجودك ياخوي وقبل اجي للمنتدى شفت موتر شركة الكهربا قاعدين يقلعون عداد المنتدى
قلت لهم يا جماعه ليش تشيلون العداد ؟؟
قالو مالكم حاجه بالكهربا عندكم الحر نوره يكفيكم ويكفي المنتديات المجاوره :D
وهلا وغلا

%%%%%%%%%%%

قتال

هلا والله هلا
اجل مرابطه كل الشتا
ياخوي ماعندي مانع بس اخاف تمل مني وتقول يا رجل رح لبيتكم وفكنا :D
ومشكور يا خلفهم

[راعي عنيزة]

عليان الليل

واحشني يا راقل :p
هلا بك هلا ، عاش من شافك يابو الليل :)

%%%%%%%%%%%%%

ابو عايد

هلا وغلا ابو عايد هلا بك اكثر :)
مهما قدمت يا غالي ما يعتبر شي قدام ابداعك يالعاشق الولهان ;)

%%%%%%%%%%%%%

مكشات

ابو ياسر هلا وغلا ومرحبتين واهلين وسهلين وكل شي زين :D
الله مير يسلمك يابو الياسر ومجرد وجود اسمك هنا هو اكبر تشريف لي حصل منذ انضمامي لمكشات :)
والغنايم موجوده يا بعدي بس تراي رابطها بالحوش حق السمح الي من سنة جدي وهو يجمع فيه غنايمه الي واعدنا فيها والى يومك ما شفنا منه شي :D

[راعي عنيزة]

صقر

هلا وغلا

المنتدى مكتمل بالاعضاء الرائعين مثلك وشرواك :)

%%%%%%%%%%%%%%

السمح ;)

هلا هلا يا مراحب يا مراحب يا هلا بسيد الحبايب
مشتاقين لك يابو تركي ومشتاقين للكشته الذهبيه الى انت واعد فيها الاعضاء من سنتين والى يومك جحيد :D
لعل المانع خير ومن جهتي مقدر مشاغلك لذلك بعاونك واتصل بالاعضاء واحد واحد واقولهم ابو تركي عازمكم بالمكان الفلاني يالربع هههههههه :D
العشره ما تهون يا خلفهم وخابر انت وش كثر غلاتك وغلاة باقي الربع الي بصدق خيرة من عرفت في الانترنت ، بس انتم عاد يا حبيلك لا تعطون الصلاحيات لاي احد ;)

%%%%%%%%%%%%%%

المسفهل

هلا والله بخلف بريده والقصيم والمنطقه الوسطى بكبره
ان كنت في قلوبكم فانتم في دمي وشراييني واوردتي ومع كل نبضة قلب تتجولون في جسمي كما يتجول الكشات في فياض لينه ;)

%%%%%%%%%%%%%%%

المرتحل

مسيك بالنور والسرور هلا وغلا
يابعدي الامور التنظيميه بمكشات ما مثلها وواضحه للجميع وكلنا خابرينها ولاحد يزعل منها ، ولكن الواحد يزعل اذا صارت من اشخاص مالهم علاقه بتنظيم المنتدى وقاصدين بالحركه امور شخصيه ;)
ومشكور يا خلفهم مشكور

[عبدالعزيز الدباسي]

http://www.mekshat.com/pix/upload/images2/26350_wallpaper280.jpg

هلا وغلا ومرحبتين ببو محمد نور العين

الحمد لله على السلامة خالي ،

وعودتك زادت نور المنتدى ،،، تنفظ يالله الكافي .

وبعدين ما تقولي انت ما يفيد فيك اي شى ، ولا يفيد فيك اي عقاب ،،،، وبعد كل مدة هالنفي اللي اصدرنها عليك ، ترجع وتبي تضارب ، لا وتهدد بعد ، ،

يا اخوي ترا الباب وسيع وان كان ما يوسعك زودناه لك ،،،،، ;) ;)

خخخخخخخخخ طاح قلبك

وعلشان ما تزعل ، اذا كان الدار ما توسعك ناخذ دار جيراننا

نوسع لك الابواب ، ونفرش لك الارض ازهار ، ونحط زل احمر علشان رجعتك يالغالي .

وترا الدعوى ما تستاهل كل هالزعل ،،، وخليك كبير وغيرك في حبك يغير ،،، حلوه ذي ما ادري من وين جت

معاليش عندي كلام كثير وهرج واجد ،،،، كله من فرحتي برجعتك ياغالي

[ذيب البر]

هلاااااااااااااااااااااااااااااااااااااااااااااااا والله

اسفرت وانورت المنتدى نور

والله انا فاقدينك فعلاً

ياحبيلك وياحبي لديرة انت منها والله انه ينشرح صدري عند اول اشاره وانا داخل جاي من

المذنب;)

عموماً حمداً لله على السلامه ومشتاقين لمواضيعك وحثبرك :D

[شاص]

ويييييييييييييييييييييييييييييين الناس ؟؟؟؟
الحمدلله على السلامة ياخيي .. من طول الغيبات جاب الغنايم ..
إلا على طاري الغنايم رفيدزك راعي كيف وينهو ؟؟؟

[شقران]

لكن قلي بالله وشلون بنتفاهم مع هالصينيين اللي انت زايرهم قال ايش(سياحة:D )افلقني

الا مافتحتلك مصنع ثياب هناك وسهلتا علينا وخبقت بثوب الدفة:p :p

ابوحمد نغليك ونحبك في الله فلا تقطع
تحياتي القلبيه
ابوسلطان

[الاجودي]

يا هلا والله وغلا

من طول الغيبات جاب الغنايم

انا اقول من يوم دخلت باب المنتدى وانا اشم ريح دهن العود

وهالرجهة يبيله ذبيحة وتستاهل اكثر

[قرناس]

هلا هلابك عد نجم المجره *** واعداد نجم حده الجدي لسهيل
*
*
اسفرت وأنورت وهلهلت وأمطرت يابو محمد

[سيف السيف1]

والله قهههههههههههههههههر يعطونك وسامين أففففف :mad: المفروض عصاوين مع السرة نعنبووو إبليسك وش ها القطعة :flog: بيات صيفي :what:
سادة خلن أبرد سبدي....
:heart: راعي عنيزة:heart: هلابك والله مشتاقين لطلعاتك وخفت نفسك يابعدي
تحياتي لك

[الهلالي]

الحمد لله على السلامة ياراعي باريس نجد . والله لك وحشة وفقدناك . أنا أقول أبو حمد من قبل ساكن بالمنتدى . وهالأيام ماينشاف ولاعنه أخبار . عاد تبي الصراحة صار عندي ثاني حال . لكن أشوى يومنك
جيت هانت . مشتاقين لجديك الله لايحرمنا من مكشات وأهل مكشات .

[عاشق الصفاري]

رد حمزة شوي شوي على الرجال

[مسافر]

مرحبا الف راعي عنيزة راعي الديرة
واظن ان مكشات واعضاء مكشات لن ينسوك في غيابك
بوجود مواضيعك وردودك المميزة
تحياتي الغالية لك مرحبا بك مرة اخرى

اخوك مسافر

[سيف السيف1]

الرسالة الأصلية كتبت بواسطة راعي عنيزة
السلام عليكم ورحمة الله وبركاته

مسيكم او صبحكم بالخير جميعا

يسرني ان اضيق صدروكم واعلن رجعتي :)

ولا يسعني بهذه المناسبه التعيسه سوا ان ادعي المولى بان يعينكم على ضيقة الصدر والمغثه الي بتجيكم لكن تصبرو وعلى اجر انشالله :D

والشكر موصول لكل من سئل عني ولكل من راسلني مسنجريا وتلفونيا والله لا يخلينا منكم :cool:
================================================== ============
ياجماعة الخير راعي عنيزة طاح بجمع الدراهم وخلى الكشتات باع العمارة وبدأ يعمر ثانية:D :D

[خوي راعي كيف]

وش جابك هالحين ورا ماصبرت الين يطيح المطر شوي والا عقب الوسم ؛؛؛ عز الله اللي اقحطنا

يقولون من طول الغيبات جاب الغنايم ;) والله العالم ماجبت الا الهواش معك. شكلك مجمع هواش عنيزه كله

لكن غصب مانقدر نقول الا يالله ان تحييه وتبقيه وهذي الساعه المبارك واسفرت وانورت واللة يابو حمد

عز الله اننا فاقدينك لارسايل ولا اخبار وعز الله انك بويبينة المنتتدى للهواش.


حياالله اللي يغيب ويسرع الرده