تكفون الفزعة

[ذئب اليل]

مركب على السيارة (6) كشفات كبوس اربعة على اتنده وثنين في الصدام لاكن عند تشقيل الكشفات مع نور السيارة يضعف الكهرب وتضعف انارة الكشفات راكبت كتوات ومنفع

تكفون افيدوني وش الحل او الي يعرف كهربائي يحل مشكلتي يوصفة لي

والله يجزاكم الخير :confused:

[ذئب اليل]

وينكم محد يرد ولو بسلام

[.أبوعبدالرحمن]

اخوي ديب الليل


ما يلام والله


وشكلك مركب شمعات قوية مرة


وفيه فكرة لو تولف لها بطارية ثانية

[شمالات نجد]

ركب بطارية قوية ما دام هذا شغلك بس على فكرة وشوله هالكبوس أو تلعبون كوره في الليل!!

[*(رعد الحوطه)*]

السلام عليكم
أخي الكريم يمكن الكشافات قوية والدينمو لايستطيع توليد طاقة أكبر ولا يتحمل

[ذئب اليل]

الحقيقه عند الوالد قنم في البر وكثير منحتاج للكشفات على السبارة في الليل علشان كذ قمت بتركيبه لا كن
ما أدت القرض منها وخوكم متوهق ميدري وش يسوي

[شمالات نجد]

يا أخوي ما دام هذا غرضكم خذ لك ماطور كهرب أبرك لك من هالكشافات واللعب في الموتر

عسا بس مهوب غاليات والله حسافه

أتمنى لك التوفيق

[العودالازرق]

أخي معروف أن الكشافات هناك عدد معين تستطيع تشغيله السيارة
ونصيحتي لك استخدم كشاف متحرك
والحذر من التوليف ترى اللعب باسلاك السيارة له مخاطر كثيرة
ويمكن يمر عليك يوم تجد عندك مشكله في الكهرباء يصعب على
المهندس إصلاحهها بسبب عدم معرفته بموضع الاسلاك الطبيعي
وتحذير لك ترى السيارات التي لها أكثر من موقع للفيوز والكتاوت
خراب الكهرباء فيها يضيق الصدر .
ورايح تصير موقع تجارب حتى يرجع الموتر لطبيعته
وترى أغلب الكشافات اللي تشوفها هي زبرقه ويعمل منها اثنين بالتناوب

تحياتي