يا اهل الجيوب الرجاء الدخول

[الرياح الشمال]

يا الربع ابيلي جيب وفلوسي جاهزه بس ابي اسال عن السفاري احسن من اللاند من ناحيه الراحه في البر والطريق والسفر يعني نبي فزعتكم با العربي ومشورتكم سفاري ولا لاند والشكل الجديد با السفاري من اي موديل يبدا وكم يسوا اول موديل منه اذا الفين واربع او خمس وسلمتن تسلمكم وارجووو الردد

[السواري]

السلام عليكم.....................
والله يا رياح الشمال من ناحية السفاري تراه ممتاز جدا ومريح في الطرد ومجرب وعزمه في المناطق الجبليه طيب لكن له عيبين :
1- يحتاج بعد كل مقناص تربيط (وليس أي تربيط يحتاج واحد شاطر).
2- قطع غيار النيسان نار حمراء تلهب .
----------------------------------------------------
أما اللاند يتحمل الكد وموتر يشفي غلك في اللأماكن الوعره بس له عيب واحد الجيب الربع ينقلب في بعض الأوضاع الحرجه أثناء القنص
هذا حسب علمي وترى الكلام هذا قابل للزياده والنقصان
واتمنى ان يفيدك ...................... تقبل تحياتي
الســـــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــواري

[القبقب]

ضيف عيب ثالث صرفية البنزين غير طبيعية .
أنصحك بالهدد موتر ماعليه كلام وأنت حر يارياح الشمال أختار على مزاجك ..

[جلاد الكدري]

أنا من رايي والناس اذواق اقولك ان السفاري من 2003 وانت طالع ما في فرق بينة وبين الجي اكس وخذ من السفاري قوة عزم وراحة في البر والخط مكينة طيارة 4800:D وسعره وانا اخوك ال 2003 النظيف من 70000 الى
75000 وبعدين خذ رساوه وقوة دبلات اللي يقول يتفكك انا معة بس من موديل 2000 وانت نا زل

اذا كنت راعي مقناص ركب كفرات بالون وياي استرالي وسط وانشاء الله تدعي لي

الله يوفقك اخوي بالموتر الزين



إنشاءالله إني أفدتك تقبل مروري

بعدين في منتدى التجهيزات يفدونك اكثر

[شمالات نجد]

كلهن فيهن الخير والبركه وكلن له راي وأنا بعطيك رايي وبقول لك لو أني محلك بس في حالتين لأني مدري تبي السيارة جديدة أو مستعملة


في حالة الجديدة
ما أنصحك تأخذ لاندكروزر مهوب تقليلاً فيه لكن السيارة توها نازله للسوق بشكلها الجديد وتغيرت قاعدتها وأغلب الأشياء فيها يبيلها صبر الين موديل 2010 وتشوف.. عشان كذا تأخذ لك سوبرسفاري أو سفاري تيب2 أفضل لك.


في حالة المستعملة
ما فيها كلام خذ لاندكروزر بس أنبته إن كانه مهوب فكسار لا تقرب القير التماتيك.
النيسان قليل تحصل مستعمل نظيف أنا دورت بنفسي أسبوع كامل في النسيم ما لقيت نظيف أبداً
خذ نيسان في حالة وحده إن كانه مع واحد فاكه وكاله ويقرب لك أو تعرفه زين بحيث أنك تعرف أن الموتر مع شخص محافظ عليه.


وشكل النيسان الجديد من 2005 وأنت طالع.. بس ترا أسعار الجيوب هاليومين طايره عشان هذا وقتها فوسع صدرك.


والله يلحقك ما تمنيب يا أخوي.. بالتوفيق

[z a n h o r]

شف يالغالي

هذي ترجع لك انت شخصيا

لان كل له استخدامه وطريقته بالتفكير

انا شخص تهمني مواصفات الراحه مثل مثبت السرعه والفخامه

تبي نصيحتي

انقزلم اقرب محل تاجير سيارات وجرب الاند والباترول

يومين لاند ويومين باترول وعقبه حدد وش الارياح والانسب لك

عموما الاند راي انك تاخذ 2006 او 2007 الباترول 2006 او 2007 لا تنزل عن ذا الموديلين

الباترول جديد سفاري 2 بـ 135 لاقيه قبل كم يوم بالمعارض جديد



السلام عليكم.....................
والله يا رياح الشمال من ناحية السفاري تراه ممتاز جدا ومريح في الطرد ومجرب وعزمه في المناطق الجبليه طيب لكن له عيبين :
1- يحتاج بعد كل مقناص تربيط (وليس أي تربيط يحتاج واحد شاطر).
2- قطع غيار النيسان نار حمراء تلهب .


اجل التايوتا هو الرخيص ..؟

نظرية قطع غيار غاليه اشوفها هرج فاضي

اذا تبي تجاري اقولك تايوتا متوفر اكثر لكن نبي الاصلي وكاله اسعارهن متقاربات

[المميـز]

لا تفكر ولا تحتــار ... غير السفاري لا تختـــار

من واقع تجربتي إرتحت كثير على الباترول من ناحية العـــزم والراحـــة

والشكل الجديد للباترول نزل من موديل 2005

ومكينة الـ 4800 نزلت من موديل 2002

أسعار السوبر سفاري 2002 تلقاه بـ 75000ريال ( بشرط يكون نظيف )
الـ 2003 يزيد عنه شوي يعني بحدود من 77000 الى 80000
والـ 2004 <<< شوف عيني بمعارض بريده لون فيراني ونظيف ماشاء الله تبارك الله مسيوم بـ 90000 ريال وليس حد

وبالنسبه للشكل الجديد السوبر سفاري موديل 2005 تلقاه بحدود 105000 ( بشرط النظافه )



وعليك بالاستخــــاره بعد الاستشـــاره

[.أبوعبدالرحمن]

يا خوك اول شيء لا تنسى الاستخارة


ثانيا من رأيي اشوف ان اللاند افضل بمراحل من الباترول


اولا قطع الغيار للاند ارخص بكثييييييييييييير من الباترول طبعا انا مجرب وكلام ناس واجد معهم نيسان


ثانيا اللاند افخم بكثييييييييييييييييييييييير من الباترول من داخل


ثالثا اذا انت تبغى الفل كامل ايضا اللاند افضل بكثييييييييييييييييييييير من الباترول


رابعا في البر اللاند ابدا ما يقصر معك لا في نفود ولا في وعر ولا في قنص


خامسا اللاند في الخط بطل وراسي ولا فيه صوت هواء مثل الباترول طبعا من كلام الوكالة الحمراني هم معترفين بها


ومن ناحية الخطوط الطويلة ارقد وامن مع السيارتين كلها ان شاء الله



والله يكتب لك اللي فيه خير


طبعا قلت الكلام اللي فوق بحكم تجربة

[أخو ريان]

جربتهن الاثنين

لكن الهدد هو طير البر
توكل على الله واشتر هدد من 2000 الي 2006
مجربات والله يبارك لك فيما ودك تشتريه سواء هدد او غيره

طلبت شورنا وادلينا فيه والامر يرجع لك وانا اخوك

ومشورة الرجال زينه ويعطيك العافيه

[باترول للأبد]

يا أخوي الرياح الشمال الكل قال لك رأيه في السيارتين وانت شف نفسك وش تميله أكثر

ولاتنسى الأستخاره

[الكونترولCONTROL]

يا اخي انا جربت كل السيارتين
================
اللاند : افخم و اقوى بكثير .... و يمسك قيمته اكثر
و لكن الباترول أصبر و يتحمل
و اهم شي : صيانة الباترول ما توجع الراس و لا توجع ( المخباة )
===================================
في النتيجة النهائية : تبي تستخدم اكثر شي للمدينة : اللاند احسن
تبي للبر اكثر و تستخدمه مدة طويلة : الباترول ينفعك و يخدمك ...

[بواردي الدلم]

اقول اللاند غالي الصراحه يعني اذا بتاخذ لك سوبر سفاري اشوف انه افضل واطلق وافخم من جوى من سيارات عبداللطيف الملفقه (ياباني ×ياباني )
الشي الثاني اللي يسمعكم يقول هالغزلان اللي تناقز في كل جهه ولا هالارانب المدعسه في الشوارع
http://tbn0.google.com/images?q=tbn:73soknMgVDLh-M:http://www.syriait.net/photos/uncategorized/thibit_gazal.jpg (http://images.google.com.sa/imgres?imgurl=http://www.syriait.net/photos/uncategorized/thibit_gazal.jpg&imgrefurl=http://www.4eco.com/kind_protection/&h=130&w=300&sz=11&hl=ar&start=6&tbnid=73soknMgVDLh-M:&tbnh=50&tbnw=116&prev=/images%3Fq%3D%2B%25D8%25B9%25D8%25A8%25D9%2588%25D 8%25B1%2B%25D8%25BA%25D8%25B2%25D9%2584%25D8%25A7% 25D9%2586%2B%26gbv%3D2%26svnum%3D10%26hl%3Dar)http ://tbn0.google.com/images?q=tbn:c97ZoQfMJOaIVM:http://www.majalisna.com/gallery/24/24_46_1063178458.jpg (http://images.google.com.sa/imgres?imgurl=http://www.majalisna.com/gallery/24/24_46_1063178458.jpg&imgrefurl=http://www.jnooon.com/vb/showthread.php%3Fp%3D331663&h=593&w=872&sz=93&hl=ar&start=22&tbnid=c97ZoQfMJOaIVM:&tbnh=99&tbnw=146&prev=/images%3Fq%3D%25D9%2584%25D9%2588%25D8%25AD%25D9%2 587%2B%25D8%25BA%25D8%25B2%25D9%2584%25D8%25A7%25D 9%2586%2B%26start%3D18%26gbv%3D2%26ndsp%3D18%26svn um%3D10%26hl%3Dar%26sa%3DN)http://tbn0.google.com/images?q=tbn:Vj3rObG2FCYZlM:http://www.bnitamem.com/uploadcenter/photos/2581.jpg (http://images.google.com.sa/imgres?imgurl=http://www.bnitamem.com/uploadcenter/photos/2581.jpg&imgrefurl=http://bnitamem.com/vb/showthread.php%3Ft%3D10033&h=433&w=650&sz=826&hl=ar&start=25&tbnid=Vj3rObG2FCYZlM:&tbnh=91&tbnw=137&prev=/images%3Fq%3D%25D9%2584%25D9%2588%25D8%25AD%25D9%2 587%2B%25D8%25BA%25D8%25B2%25D9%2584%25D8%25A7%25D 9%2586%2B%26start%3D18%26gbv%3D2%26ndsp%3D18%26svn um%3D10%26hl%3Dar%26sa%3DN)
http://tbn0.google.com/images?q=tbn:G1o18rJQWlTHrM:http://www.5obargg.com/Ali/Indo/I49.jpg (http://images.google.com.sa/imgres?imgurl=http://www.5obargg.com/Ali/Indo/I49.jpg&imgrefurl=http://www.mwaheb.net/vb/showthread.php%3Fp%3D207551&h=375&w=500&sz=257&hl=ar&start=122&tbnid=G1o18rJQWlTHrM:&tbnh=98&tbnw=130&prev=/images%3Fq%3D%25D9%2584%25D9%2588%25D8%25AD%25D9%2 587%2B%25D8%25BA%25D8%25B2%25D9%2584%25D8%25A7%25D 9%2586%2B%26start%3D108%26gbv%3D2%26ndsp%3D18%26sv num%3D10%26hl%3Dar%26sa%3DN)

وفر دريهماتك وخذ لك سوبر سفاري يسد عن اللاند بميه مره

[الفتكي]

السلام عليكم
شوف اخوي الرياح الشمال من رأيي اذا انت صاحب طلعات وتحمل عفش ثقيل شوي وراعي صحراء عليك في السفاري رقم 2 وركب له ياي استرالي مقاس ( 200 كيلو مقاس 3سم) وكفرات ماكسس ولا ينزل مثل الجيب؟ والجيب اذا ركبت عليه الياي الاسترالي بيردح عكس الباترول وتراني مجرب واذا انت ما انت صاحب طلعات عليك بالجيب
مجرد رأي

[أفق]

بالنسبة للسفاري الجديد ما جربته
لكني جربت الجي اكس آر موديل 2002 تماتيك فاكه اخوي وكالة جربته بالبر بنفود بطلعه وسط ليست بالقوية فحصلت المفاجئة إن الموتر ماتحرك من مكانه ودق الدبل الخفيف ونفس الشي ابي الكفر يحفر على الاقل مافيه امل ودق الدبل الثقيل وصار اردى اشوي تحس الموتر يبي يطفا رغم انه جديد وكان معي واحد من الشباب والله يجانا ضحك صراحة ما صدقت ولا استوعبت الموقف صراحة صرنا ندور الهجة بس حتى اني اقول لخويي لحد يشوفنا بس يقول وش ذا الغشمان
مع العلم ان الوالد عنده جيب جي موديل 90 عادي صراحة بالبر غير طبيعي قوة في كل شي تطعيس سحب اللي تبي صراحة اجرمت فيه وإلى الان ماشاء الله زي الحلاوة
اما 2002 باعة اخوي ما ارتاحله ابد الموتر ثقيل ( يمكن علشان تماتيك)