ماهو سبب نقص ماء الاديتر (باترول)

[مزن الوسم]

عندي موية الإديتر تنقص لكن بنسبة قليله ......... علماً أنه لايوجد تهريب تحت الموتر ........
"" السيارة ""(( باترول ))
تكفون يا نشامى ما هو السبب ؟؟؟؟؟

[روافد]

اخوي مزن الوسم الباترول فيه ليات صغير خلف المكينة يكون فيها تهريب بسيط ومع المشي وزيادة الضغط تهرب واذا وقفت السياره يتوقف التهريب شيك عليها الاغلب منها المشكله او يكون لديك ثقب بسيط في الاديتر ويهرب اذا مشت السياره واذا وقفت يتوقف التهريب .تحياتي

[مزن الوسم]

يا جعلك بالجنه ووالديك ...... على الرد ........ لكن أهم شي إن المكينه ما فيها مشكله ........

ونشوف الشباب إذا كانت هناك أسباب أخرى .......

[قرن الشمال]

إحتمال أن السبب من خراطيش التبريد المسماه ( لي التبريد) الذي يبرد الماكينة وهي أهواز تقوم بتوصيل الماء من الراديتر إلى الماكينة .قم بتغيير هذه الأهواز وقيمتها حوالي(150) ريال . متمنين لك ولسيارتك السلامة
أخوك قرن الشمال

ربما يكون السبب هو تسرب الماء من خرطوش التبريد المسمى(لي التبريد) الذي يوصل الماء من الراديتر إلى الماكينة ليبردها وهو ثلاثة أهواز مختلفة الأحجام ويقع في الجهة اليمنى محاذي لمقدمة الماكينة . يستلزم إصلاحه تغيير هذه الليات وقيمتها لا تتعدى 120 ريال فقط . نتمنى لك ولسيارتك السلامة.
أخوك قرن الشمال:d

[طناف]

أخي
نقص الماء نوعين أما
تهريب
أو تبخيروهوصعب أكتشافة وغالباً مايكون من غطاء الرديتر
ـــــــــــــــــــــــــــــــــــــ
الحالة الثانية .
هل السيارة تحتر ؟
لو أحترت السيارة وفتحت غطاء الرديتر كيف حركت الماء ؟

أذا السيارة تحتر وأذا فتحت الغطاء تجد الماء يخرج منة فقعات . يحتمل رأس المكينة منشعر .

ووين مكانك

[بدوي جنوبي]

اخي مزن

تم تعديل العنوان

بالتوفيق

[مزن الوسم]

قرن الشمال مشكور على الرد ..
طناف // حرارة الموتر ترتفع عن الربع بمقدار واحد ملم

بدوي جنوبي // أنت آمر وحنا نطامر //

[الكايف2]

اخوي مزن الوسم مزيد علي الاخوان صارت معي المشكله ذي من زمان وغيرت الغطا حق الاديتروظبط وترا التهريب مهوب شرط انك تشوف ماء يروح بخارمع الحراره مع اطراف الخراطيش يم المكينه تقبل تحياتي

[أبو هيلة]

حياكم الله يالغالين ...
أول ما شريت موتري كنت اسمع صوت ماء غريب كانه يشمي بين المواصير من حول الثلاجة اللي قدام طبعا السيارة باترول 99 تركته ولا عطيته اهتمام مرة كنت رايح لبريدة ولما رجعت طار الماء على الزجاج اللي قدام استغربت وش ذا وفقت وفتحت الكبوت والا طبلة الراديتر انفكت وبدا المااء يطلع منها وقلت ما بدهاش لازم سطحه بعد ما رجعت للديرة فحصته من الى لقيت فيه لي صغيييييير كان يهرب وكل هالحوسة منه .

[مزن الوسم]

أبو هيله اللي وين مكانه اللي كان يهرب عندك .......
مشكور يالكايف ........

[ابو وتين]

اخوي تاكد من الطبات