المساعد الشخصي الرقمي

مشاهدة النسخة كاملة : يالربع الفزعة وش الفرق بين الجيب الربع تيوتا تندة حديد وتندة فيبر


راعي طويق
22/12/2007, 02:58 PM
اخواني اهل الجيوب الكبسولة على قولتهم
وش الفرق ببين الجيب الربع تندة حديد وتندة فيبر
وش اطيب فيهم


وحصلت لي واحد ربع اونص على قولتهم 2004 ابيض ماشي 37 الف تندة فيبر مافيه سمكرة رفارف وجنوط ومكرة كم يسوى الموتر نظيف كم قيمته تقريبا
alkongrs
22/12/2007, 03:07 PM
والله ياخوك الربع قيبر ما خش مزاجي فاشل ربع بدون فيبر افضل وتقبل مروري ولا تزعل من كلمة فاشل
راعي طويق
22/12/2007, 04:14 PM
تواجدك يكفي يالعمدة لكن انا كان عندي ربع فيبر 82 ممتاز والفيبر يعزل الحرارة
لكن ودي اعرف اذا فيه فرق جوهري
الذيب المغترب
22/12/2007, 04:30 PM
مافية فرق الفرق شاص الفيبر اطول شوي وعمود الدوران اطول والباقي نفس الشي .... واذا ودك شوري خذ الربع (الجيب فايبر هو جيب الشراع سابقا) واكبر عيب موجود بالفايبر هو سرعة ارتفاع الكفرات اللي ورى وانت بالبر
الذيب المغترب
22/12/2007, 04:33 PM
وفية فرق نسيت اكتبة التنسيم بحكم انه فايبرالهوا يدخل بالغمارةخصوصا وانت مسرع
راعي طويق
22/12/2007, 04:51 PM
لاهنت يالذيب تواجدك مفيد يالغالي ونصيحتك في محلها

اذا الفروق
1/ الفيبر اطول من الحديد
2/ الفيبر يدخل الهواء الى الغمارة عند السرعة
3/ الفيبر اخف من الحديد والدليل سرعة ارتفاع الكفرات اللي ورى وانت بالبر

بأنتظار بقية خبراء الجيوب
المطلق
22/12/2007, 04:58 PM
السلام عليكم

أحببت أن أضيف معلومة بسيطة تناسها الجميع وهي إن الفيبر يجي 4 سرندل .. سلندر .. سموه ما شئتم

وقيمته إذا هو نظيف بالحيل 60

*(العام وصل السوم على واحد بمعارض النسيم خليجي فظي 70 لكن - كرت - )*

-----------------------------------------

الله أكبر الله أكبر لا اله الا الله الله أكبر الله أكبر ولله الحمد
راعي طويق
22/12/2007, 05:03 PM
لاهنت يالمطلق افدتنا جزاك الله خير
لكن الظاهر ان الي شفت فيبر 6 سلندر المكينة طويلة وانا مادققت فيها لكن حكمت عليها من النظرة لها
ALOTAIBI
22/12/2007, 08:35 PM
عل عام وانتم بخير
ابو فيبر ...الله واكبر احسنت الأختيار ممتاز جدا جدا
شاصه طويل وغمارته كبيره والفيبر حقه ممتاز وا منه خوف
اذا مراتبه صف ممتازه وتخيل المسافة من باب الشنطة الى المرتبه الخلفية تقريبا متر
وهو اطيب من الربع يدلك على قيمته حوالي 105000 جديد

الكلام كله وجهت نظر من اخوك العتيبي تقبل تحياته
sameer_1798
22/12/2007, 09:55 PM
و أيضا فيه شي ماذكره الأخوان اللي هو أن الفيبر ينطرح القزاز الأمامي على الكبوت و هذا مفضل لأهل الصيد بحيث تمنع انعكاس الضوء من الزجاج .
ss454
22/12/2007, 10:09 PM
اذا انت راعي مكشات وصيد واغراضك واجد فلا تفرط فية ولادور غيرة ( ماعاد ينلقي النظيف منه )

والله يوفقك لكل خير

اخوك ابو خالد
.أبوعبدالرحمن
22/12/2007, 11:34 PM
اذا انت راعي مكشات وصيد واغراضك واجد فلا تفرط فية ولادور غيرة ( ماعاد ينلقي النظيف منه )

والله يوفقك لكل خير

اخوك ابو خالد


كلام اخوي ابوخالد في عين الصواب



والصراحة معجبني من اول ما شفته واطول من الربع


وتوكل على الله وخذه طبعا بعد الاستخارة


لكن سعره ما اعلم عنه شيء


بس تكفى اذا اعانك الله وشريته بشرنا
راعي طويق
23/12/2007, 01:47 PM
اشكركم على تفاعلكم

اذا الفروق
1/ الفيبر اطول من الحديد
2/ الفيبر يدخل الهواء الى الغمارة عند السرعة
3/ الفيبر اخف من الحديد والدليل سرعة ارتفاع الكفرات اللي ورى وانت بالبر
4/ الفيبر اغلى من الحديد
6/ الفيبر ينطرح القزاز الأمامي على الكبوت و هذا مفضل لأهل الصيد بحيث تمنع انعكاس الضوء من الزجاج
7/ الفيبر غمارته كبيره اكبر من الحديد والفيبر حقه ممتاز ومامنه خوف


بإنتظار المزيد من اهل الخبرة
RJA
23/12/2007, 11:58 PM
السلام عليكم وكل عام وانتم بخير...
هلا والله اخوي ياليت تستخير وتعجل بالشراء اذا صار نظيف .....
وسعره تقريبا من 70 - 80
وباعلمك ليه؟؟ لأني ياطويل العمر كان معي فيبر2002 واستبدلته للاسف بربع 2005 والفرق بين الثرى والثريا.. والان ادورلي فيبر مرة اخرى...
اولا الفيبر أريح من الربع بالمطناج والمطامر وحكاية الكفر اللي ورا مامرت علي
ثانيا الاتساع للاشخاص والاغراض يحسب للفيبر خاصة في المكاشيت والمقانيص البعيدة..
الفيبر يمر بنفس الاماكن الضيقة التي يمر بها الربع ولافرق بذلك وطبعا الفيبر أرسى من الربع بكثير
المكينة 4500 مثل الربع وكذلك العضلات والتعليق
يتوفراحيانا بعض المواصفات في الفيبر مثل الونش والفرار والدفلك والدفايات الخلفية وهذي نادرة..
طبعا لايوجد تنسيم هوا في الفيبر ولاينفك قزازه اللي قدام وهو أبرد من الحديد
لكن المقاومة للهواء في السرعات العالية أعلى نسبيا في الفيبر ولكن ماهي فرق واضح
وهو لم يأتي بدل الشراع وانما الشراع متوفر ولكن بصورة نادرة جدا
واتمنى ماطولت عليكم لكن هذا الكلام من واقع تجربة واتمنى اني افدتك
ابوطاقية
24/12/2007, 12:53 AM
اختيار موفق والفيبر ممتاز وخفيف ووسيع
عندي فيبر موديل 85 اشتريته للبر فقط لاغير ورهمت عليه مكينة كابرس موديل 2004 والحمدلله لي سنتين مافيه مرقي مايردني وكذلك فصلت له شراع اذا بغيت افك الفيبر واركب الشراع ماياخذ شغل ربع ساعه
طبعا الشراع وقت الربيع :)
والفيبر وقت البرد :)

الميزه الحسنه عن الربع انه اوسع للعزبه والفراش

بالنسبه للسعر المتوقع اذا الموتر نظيف سعره من 55 الف الى 65 الف زاد والا نقص
راعي طويق
24/12/2007, 10:45 AM
جزاكم الله خير ياصقر ويابوطاقية
الدفلوك يجي في الفيبر من اي موديل
ومن ناحية المكينة الي شفته مكينته 4500
وفيه مكره ومافيه فرارات
RJA
24/12/2007, 12:41 PM
والله يخوي هذي مواصفات اختيارية يمكن تحصلها بأي موديل خاصة من 2003 وانت طالع واذا بتدور عليه الله يعينك بتتعب ..... لكن هي بالجيوب الخليجية وخاصة اللي تجي من جهة البريمي.......