عاشق الشاص
05/02/2002, 08:49 PM
السلام عليكم .....
هذي قصيده جميله بعنوان ( يازين هد الطير) :
يازين هد الطيـر ساعة هداده = اقولها لو كان مانيب صقار
و لا على كفي نقلته وزاده = ولا تبعت الخرب من وين ما سار
ولا ميز انواعه و لا اعرف مراده = ولا عارف سدة و لا عرف مسمار
لكن احب امطالعـه و انجراده = الى نزع من كف راعيه وانـدار
حاديه طول الجــوع والهـم زاده = جول الحباري تالي الوقـت ذيار
حـام وتعلى واعتلى باشتداده = و راعيه يومي له بملواح و شعـار
الليل مقبـل ومدلهم ٍ سواده = والأرض قشرى بين ضلع ٍ وشنضار
ما عاد له بالصيد شف ٍ وراده = ضرب على كفه بكفه تحسار
اقفى بعد ميقن يقيـن ٍ نفاده = عينيه تهل ادموعها و القدم حار
لكن طيره له مع البرق عاده = يمهل لها ويردهـا دون تختار
سمع الحساس ولد عينه قتاده = واثر العديم يلوفهـا لوف بيطار
وحول على الخرب المسمى وصاده = واقفت شرايدها مع الجو طيار
وسجد لربٍ معتن في عباده = يا فرحته يا كبرها كبر سنجار
و يا حبني للبر حزت براده = لازال وقت الصيف واللاهب الحار
لا شاجر الزاهر وعانق كتاده = الجو صافي والقـواريش جحار
وابليس غايب والحسد والقـراده = النفس زينه والمناعير حضار
مجلس شرف شب جمع مع عواده = سوالف ٍ ذربه على بـن و بهار
ما ضم غير اهل الشرف و العباده = و اهل القتاته مالهم عندنا كار
هذا هوى قلبي وغاية مراده = لو خيروني غير ما قلت مختار
وسلامتكم ............
أعيد تنسيق القصيدة بواسطة المشرف
هذي قصيده جميله بعنوان ( يازين هد الطير) :
يازين هد الطيـر ساعة هداده = اقولها لو كان مانيب صقار
و لا على كفي نقلته وزاده = ولا تبعت الخرب من وين ما سار
ولا ميز انواعه و لا اعرف مراده = ولا عارف سدة و لا عرف مسمار
لكن احب امطالعـه و انجراده = الى نزع من كف راعيه وانـدار
حاديه طول الجــوع والهـم زاده = جول الحباري تالي الوقـت ذيار
حـام وتعلى واعتلى باشتداده = و راعيه يومي له بملواح و شعـار
الليل مقبـل ومدلهم ٍ سواده = والأرض قشرى بين ضلع ٍ وشنضار
ما عاد له بالصيد شف ٍ وراده = ضرب على كفه بكفه تحسار
اقفى بعد ميقن يقيـن ٍ نفاده = عينيه تهل ادموعها و القدم حار
لكن طيره له مع البرق عاده = يمهل لها ويردهـا دون تختار
سمع الحساس ولد عينه قتاده = واثر العديم يلوفهـا لوف بيطار
وحول على الخرب المسمى وصاده = واقفت شرايدها مع الجو طيار
وسجد لربٍ معتن في عباده = يا فرحته يا كبرها كبر سنجار
و يا حبني للبر حزت براده = لازال وقت الصيف واللاهب الحار
لا شاجر الزاهر وعانق كتاده = الجو صافي والقـواريش جحار
وابليس غايب والحسد والقـراده = النفس زينه والمناعير حضار
مجلس شرف شب جمع مع عواده = سوالف ٍ ذربه على بـن و بهار
ما ضم غير اهل الشرف و العباده = و اهل القتاته مالهم عندنا كار
هذا هوى قلبي وغاية مراده = لو خيروني غير ما قلت مختار
وسلامتكم ............
أعيد تنسيق القصيدة بواسطة المشرف