المساعد الشخصي الرقمي

مشاهدة النسخة كاملة : ناوي اشتري سفاري وعندي بعض الاستفسارات


srabe1
23/12/2007, 03:43 PM
السلام عليكم
ناوي باذن الله اشتري سفاري فتك جديد وعندي بعض الاستفسارات
ماهي درجات السفاري وما هو فرق المواصفات بينها وكم اسعارها (السفاري والسوبر فقط)
ووين القى انسب الاسعار بالشرقيه والرياض
وشكلي ناوي على القير العادي فهل نصحوني به رغم اني راعي بر
وهل يجي بالقير العادي مثبت سرعه وكم فرق السعر بين العادي والتماتيك
وهل يختلف مقاس الجنوط وشكلها بدرجات السفاري
وشكراً لكم
هدد ؟؟؟
23/12/2007, 04:38 PM
السفاري 3 درجات
1/ سوبر سفاري وهذا فل الفل . مواصفاته : قير تماتيك وعادي (تبترونِك) ، مثبت سرعة،فتحة ،جنوط 17 ،نور زينون ، كشافات ضباب ..... هذا اللي أعرفه .(ولاأدري عن التحكم بالصوت والتكييف من الدركسون و الهيدروليك وهل يجي منه قير عادي وليس عادي تماتيك أم لا؟؟ ).(السعر تقريباً حول 160ألف)
2/ سفاري 2/ مثل السوبر لكن بدون فتحة ولا كشافات ضباب ولازينون .ولاأدري عن المثبت.ويجي منه قير عادي بخلاف السوبر فهو عادي وتماتيك.(السعر حول 130ألف)
3/ سفاري1/ وهذا أقل المواصفات من الباترول مكينة فتك4800. مراتبه سود ولافيه مواصفات تذكر.(ماأدري عن السعر)

أتمنى أني أفدتك ولو بشيئ بسيط يالغالي ..
خيام الندم
23/12/2007, 05:29 PM
شوري عليك لاتقرب النيسان مدام الحمراني وكيله ........
ربعي معهم باترولات مايلقون قطع غيار لبعض القطع الا بشق الانفس .........
وواحد منهم خرب عليه الفتك قير توب ترونيك ( خرب الحساسات ) قال الحمراني له ما ابيع الحساسات لحالها !! ابيع القير كامل ب 25 الف !!!!!!!!!!!
وصلحه الرجال بعد التعب والتشاليح وباعه .. والتشليح مايبيعون حساس لحاله لازم مع القير ......
وباعه اضافه الى كثرة الحساسات في الفتك وماعندك ورش تعرف تصلح والوكاله تسرقك بالمنشار ولايعلمونك الخراب بسرعه يلفون ويدورون ويغيرون 3 حساسات عشان يربحون من وراك ................................. هذا هو وكيلك الحمراني اذا شريت باترول .. والحديث يطول عن الحمراني وقطع الغيار الغير متوفره حتى عند الموزعين وطلبيات وماتجيك القطعه الا بالتعب .........
غضنفر
23/12/2007, 06:36 PM
اهم شي
لا تقرب التبترونك
انواع الخرابات والمشاكل
خلك على القير العادي
قسوره2006
23/12/2007, 06:42 PM
غضنفر هلا فيك وينك وش اخبارك

كل عام وانت بخير تقبل الله منا ومنكم صالح الاعمال

عندي استفسار عن الباترل يا غضنفر تعبتد ادور عليك يا اخي الكريم

والمعذره لأخي srabe1 اسمح لي استفسر من اخي غضنفر

هل من الممكن نستفسر منك يا غضنفر
..: ابو يوسف :..
24/12/2007, 01:29 AM
اعقلها وتوكل

والله يعطيك من خيرة ويكفيك من شره
srabe1
24/12/2007, 03:40 AM
السلام عليكم
مشكورين وما قصرتو
بس ما بردتو قلبي بالاجابه على الاسئله
والله يعطيكم العافيه والصحه