كيف يكشت اهل الكيف من غير قهوة ؟؟ مشكلة القهوة ؟؟

[أبو هيلة]

حياكم الله يالوجيه السفرة ...

لابد وشي ما يختلف فيه اثنين ان الطلعة من غير قهوة ؟؟؟ وش نقول عنها بس ؟؟
المشكلة في القهوة ما هي مثل الشاهي
القهوة إذا ابطت وهي في العدة وبين العزبة تهجر ومرة تصدف تطلع وتصير ناسي تاخذ لك قهوة جديدة ...
بصراحة انا جربت آخذ قهوة ما طحنت إذا بغيت أصلح قهوة دقيتها بالنجر
بس لقيت يبي لها شغلة
http://www.mekshat.com/vb/images/icons/icon10.gif النجر ودق القهوة ياخذ عليك وقت وبعض الاحيان ما يضبط

كم مدة القهوة إلى ان تهجر ؟؟
وشلون اتفدى ذلك ؟
هل لابد أغلق على القهوة باحكام
آسف على الإطالة ونصف هرجي عامي ونصفه فصحى .. لكن ما تقصرون يالوجيه السفرة بردودكم الرائعة .

[عرقوب]

فية محل في شارع التخصصي إذا كنت من اهل لرياض .. اسمة الحلبي .

عندة افضل انواع القهوة .. مميز في الأكياس الي يحط لك فيها القهوة .. مغلفة بالقصدير من الداخل .. انا اتوقع تقعد معك لشهرين .. وهي محتفضة بطعمة ..

[أيمن]

الله يحييك أخي الكريم ..
في الشتاء قد تطول المدة أكثر من الصيف في الاحتفاظ بالقهوة ..
والقهوة تهون عند الهيل لأنها أقصر عمرُا من القهوة بكثير ..

الطريقة التي أعمل عليها أنني معي طاحونة ولاعة السيارة (تجدها في محلات البر) لا تفارق عزبتي ..
إذا أردت قهوة أو هيل طحنتها ووضحتها في علبة من الاستيل ومثله الهيل وفي النهاية حصلت على قهوة مميزة ..

تحيتي

[أبو هيلة]

حياكم ربي يالغالين ...
أخوي الغالي عرقوب بيض الله وجهك ومشكور و ما قصرت على الإفادة ..



مشرفنا الغالي كم أسعدني عندما وجدت ردك ورأيك المهم على الموضوع ..
لكن في الحقيقة أنا طلعاتي ما هي واجدة ...
القهوة يعني تقريبا كم يبي لها وتهجر المدة قصيرة أو طويلة شوي ؟؟
أو بالأصح كم يوم أو أسبوع تقريبا ؟