سرقوا المراية الجانبية لسيارتي ما هو الحل

[احب البرواهله]

صحيت أمس الصبح بروح للدوام شغلت سيارتي وبرجع على ورى وعلشان أتأكد ماوراي أحد طالعت يمين بالمراية الجانبية تمام وطالعت يسار وما لقيت المراية أدور المراية وأكتشفت أنها مسروقه وفكت بطريقه حتى الي سرقها ماتوقع يستفيذ منها لأنه كسرها الله يكسر يده المشكله رحت للوكاله وطلبوا مني 2400 ريال وأخاف اركبها تسرق مره ثانية .
الغريب في الأمر أني رحت للتشليح حصلتها على 1500 تقريباً وماهي نفس المطلوب والغريبه أنه حاطها على رف يعني ماهي راكبه على سياره مصدومه وسألت السوداني قلت له من وين جبت المرايه قالي من سياره مصدومه عاد الله أعلم مصدرها .
فكل واحد يركب أقفال وسلاسل على رفارف موتره وشمعات السيارة ...الخ ويربطها بسلاسل الدعوه مخامط .
ونصيحه انتبه تشري موتر فل كامل لأن الي مامعه فل يبي يحول موتره فل كامل وبيروح للغرابي أو للتشليح وبيكثر الطلب هلى بعض القطع وبالتالي بعض أصحاب المحلات ضعيفين النفس لابد أنهم يلبون أحتياجات عملائيهم وبيرسلون مندوبيهم وأفراد العصابه للسطو على السيارات والحصول على قطع الغيار والزبون بيدفع ولا يعلم مصدر القطعه.

[ولد وايل]

الله يعوضك خيــــــــــــــــــــــــر اخوووووووووووي

[شمالات نجد]

الله يعوضك خير ويهدي اللي فيه خير وياخذ اللي فيه شر

احتسب الاجر وأنا أخوك

بس وراها مراياتك غاليه كذا لا تكون بي ام دبليو؟

خبري اللي معهم بي ام دبليو ما يهمهم دفيعه :) امزح

يعوضك ربي إن شاء الله وتلقاها في الآخره

[شروكي ربع]

اذا كانت القزازة بس بسيطة ..


رح لاقرب محل قزاز وقله يركب لك قزازة على الاطار ..


و بـ 10 ريال ..


ووفر 2390 ريال :D


اما اذا المراية كلها لا اعلم :no:


والله لا يوريك مكروه ولا القارئين

[مغلي]

المرايه الي ب 10 ريال تختلف 100% عن الاصليه ولا تنفع لأن فيه فرق كبير بينهم وهو الحجم الاجسام في المرايه الملفقه يكون كبير وماتشوف فيها الا اشياء قليله بعكس الاصليه

[ابوطاقية]

الله يعوضك
ذكرتني بلبناني جار لي كان معه كامرى 2006 كل ماطلع من البيت حصل قزازة السواق مكسوره ومسروقه الاستبنه وكل مره يغير قزازة السواق اغلى من الاستبنه
اقترحت عليه واحد من اثنين يا يغير السياره والا يخلي القزازه والشنطه مفتوحه كل مادخل البيت

[ابوطاقية]

صحيت أمس الصبح بروح للدوام شغلت سيارتي وبرجع على ورى وعلشان أتأكد ماوراي أحد طالعت يمين بالمراية الجانبية تمام وطالعت يسار وما لقيت المراية أدور المراية وأكتشفت أنها مسروقه وفكت بطريقه حتى الي سرقها ماتوقع يستفيذ منها لأنه كسرها الله يكسر يده المشكله رحت للوكاله وطلبوا مني 2400 ريال وأخاف اركبها تسرق مره ثانية .
الغريب في الأمر أني رحت للتشليح حصلتها على 1500 تقريباً وماهي نفس المطلوب والغريبه أنه حاطها على رف يعني ماهي راكبه على سياره مصدومه وسألت السوداني قلت له من وين جبت المرايه قالي من سياره مصدومه عاد الله أعلم مصدرها .
فكل واحد يركب أقفال وسلاسل على رفارف موتره وشمعات السيارة ...الخ ويربطها بسلاسل الدعوه مخامط .
ونصيحه انتبه تشري موتر فل كامل لأن الي مامعه فل يبي يحول موتره فل كامل وبيروح للغرابي أو للتشليح وبيكثر الطلب هلى بعض القطع وبالتالي بعض أصحاب المحلات ضعيفين النفس لابد أنهم يلبون أحتياجات عملائيهم وبيرسلون مندوبيهم وأفراد العصابه للسطو على السيارات والحصول على قطع الغيار والزبون بيدفع ولا يعلم مصدر القطعه.


بعطيك موقع قطع غيار جمس الموقع امريكي وبنص السعر عن السعوديه بكل شي
كل الي عليك تحط رقم القطعه ويطلعلك السعر
http://www.gm-auto-parts.com/parts.htm

[جمعان 22]

عسى يده الكسر كانه سرقها


تلقى عند معارض الادوات المختلفة مثل ساكو مرايات مختلفة باحجام مختلفة .... لها خاصية البعيد والقريب والمدري ايش

المهم انها مثل منظرة السيارة او افضل .....

طبعا صعب تلقى مقاس السيارة بالضبط ..... هذا اذا كنت مهتم بالشكل الخارجي

[احب البرواهله]

يابو طاقيه مشكور على الموقع وباستفيد منه ان شاءالله
ومشكور

[احب البرواهله]

ومشكور ياشباب على شعوركم الطيب

[الدحبول]

الله يعوضك والحمد الله انه جات على المراية مهوب السيارة
وش نوع السيارة ؟؟؟
صراحة تفاجات بسعر

[s3ed]

الله لايوفقة مسووود الوجة

[الدحبول]

ابو طاقية مشكور على الموقع

[ابوطاقية]

حياكم الله اخوى احب البر واهله واخوى الدحبول

موقع قطع غيار ثاني بتخفيظ كبير ينفع لاهل ملاك السيارات الامريكيه
http://www.gmpartsdirect.com/

[سليمان علي]

الله يعوض خيرمنها

[Abo-ibrahem]

الله يعوضك خير منها

واخوي معه يوكن صار له مثلك سرقة المرايه فقط

وكان سعرها عالي مثل ماذكرت

أخذ تقليد مرايه جانبيه كامله واخذ المرايه وركبها وكان سعرها اعتقد 700 وفيها

[.أبوعبدالرحمن]

اخوي تصدق الى الان ماندري وش نوع السيارة



وعلى العموم الله يعوضك خير

[احب البرواهله]

الشباب الي سئلوا عن نوع السياره هي تاهو l t z 2007
أخوي أبو ابراهيم المراية التجاريه من وين شراها أخوك
أخوي أبو طاقيه شكرا على الموقع مره أخرى
الجميع الله يحفظكم وأموالكم من كل شر

[سيد النشاما..]

وواو 2400 ريال ؟؟؟ الله يعينك أخوي :(


هذي قيمة هايلكس غمارة موديل 80
الله يعوضك يالطيب وبالتوفيق ان شاء الله

[نبع الدموع]

الله يعوض عليك اخوي. في هالزمن الكراج اهم من البيت نفسة. عز الله صرنا في شيكاغو محنا في الخليج.

[الخزامى 19]

تعيش وتاكل غيرها ...الله من مرايه والله من شبك وشمعات ... مانقول الا من امن العقوبه اساء الأدب

[العودالازرق]

الله يعوض عليك وما لك إلا تشليح حاول تعرف أحد
وترى فيه محلات في الصناعية القديمة بالرياض
تلقى عندهم بسعر معقول بس الصبر
الصراحة سيارة بدون مرايا شكلها يضيق الصدر