مفتاح لتنزيل ضغط الإطارات

[bu talal]

السلام عليكم ورحمة الله وبركاته
حبيت أشارككم في موضوع كل من يحب التطعيس يحتاجه إلا وهو مفتاح لإنزال الضغط في الإطارات بسرعة وبضغط ثابت على حسب القياس الذي يتم عياره سابقاً ولكل إطار على حده .


http://www.mekshat.com/pix/upload02/images56/mk45396_unique.jpg

http://www.mekshat.com/pix/upload02/images56/mk45396_closeup.jpg



http://www.mekshat.com/pix/upload02/images56/mk45396_teaser.jpg


يتم عمل عيار للضغط على حسب رغبة
صاحب السيارة ضغط أعلى وضغط أدنى .
فمثلاً :
لمن يرغب في عيار الإطار الأمامي 10psi والخلفي 15psi ، مجرد فك النت العلوي على المفتاح يبدأ بإفراغ الهواء إلى العيار المطلوب ويقف دون الحاجة إلى قياس الضغط .
وعند تعبئة الإطار يتم إفراغ الهواء تلقائي إلى الضغط الأعلى الذي تم إختياره .


http://www.mekshat.com/pix/upload02/images56/mk45396_internals2.jpg


مميزات مفتاح إنزال الضغط :
- يمكن عياره على حسب الضغط المطلوب من 6psi إلى 30psi
- سهل التركيب لايحتاج إلى عدة
- دقة عالية 0.5psi
- حجم صغير 3cm ×1.5cm
- وزن لايتعدى 32gm
- مصنوع من النحاس 100%
- خفض سريع لضغط الهواء في الإطارات من 32psi إلى 18psi في حدود 1.5 دقيقة
- ممكن استعماله على جميع أنواع الإطارات ولجميع أنواع الرمال والأوحال



http://www.mekshat.com/pix/upload02/images56/mk45396_airholes.jpg

في كل الأحوال هو منتج جيد ولكن من مساوئه أنه سهل الفك (للسرقة) وسعره تقريباً 200 ريال للحبة الواحدة (غالي شوي)
ولكن عن تجربة استعماله جيد وسهل وممتع .

وسامحوني على الإطالة

[s3ed]

انا عندي منة واستعملة من اكثر من 3 سنوات

متاز وعملي


سعرة اعتقد 220 ريال للطقم 4 حبات

220 بس يعيش معاك طول العمر

طريقة الاستخدام كل لفة من البلط تنزل 6 درجات

انا ضابط القياس على 13

مافية خوف علية من السرقة

بأمكانك اتركبة وتمشي في الطعوس وهو ينزل هواة لين القياس المحدد واذا وقفت فكهن من الأطارات وحطهن في الكيس

[مكشاتي غير]

يبلنا منها هالقطعه

بس سعره مرتفع

وتسلم الغالي على التقرير

[Black VTC]

220 ريال ا و 200 ريال غالي بالحيل و الشغلة ما تستاهل المبلغ المدفوع لهذه الخدمة :):)الا مفك حق البنشري وفك الابرة اللين يصفر الكفر يعني وصل 15 و حط الـــ200 بماطور هواء او شي ما له عوض :)

[أبو ياسر]

اخوي انا شريتة وتحسفت اني شريتة

لأنه بطيء جداً يعني يرفع الضغط لو انسم بمفتاح البيت صرت اسرع منة

او اني ماعرفت له وحدة من الثنتين

[bu talal]

أخوي s3ed
شكراً على التعقيب

أخوي مكشاتي غير
سلمك الله يالغالي

أخوي Black VTC
حياك الله
إلي متعود على التنسيم باليد غير وانت أبخص بموترك

أخوي أبو ياسر
الله يسلمك يمكن إلي عندك نوع ثاني
أحسن الأنواع استرالية

والميزة إنك مجرد اتفك النت وانت ماشي ما تنتظر لين ينزل التاير
هو ينزل لين الضغط اللي انت معيره ويوقف

[faisal456]

بصراحه زين وشين ... :D

زين لانه يعطيك بالمقاس اللي تبي ، وشين لان سعره غالي شوي واحس ان البديل موجود واوفر بوااجد

ومثل ماقال اخوي black VTC اللي يفك الابره من البنشري وتآخذه ابلاش بعد اذا كنت تعرفه

واليييييين يصفررر وخلصنااا ....;)


لكن ما قصرررت يا ابو طلال ومشكووورر:good2:

[حمد808]

ممتازة لاكن وين المحل اللي يبيعهابالرياض

[bu talal]

شكراً لكم إخواني على المرور

أخوي حمد 808
لاأعلم أين يباع ولكن عن طريق الإنترنت ممكن تحصله
وهو يسمى tire deflator

وفي الصفحة التالية مقارنة بين عدة أنواع يمكن أن ترى المميزات بينها

http://www.parksoffroad.com/prodreview/deflatortest/deflatormain.htm

[s3ed]

220 ريال ا و 200 ريال غالي بالحيل و الشغلة ما تستاهل المبلغ المدفوع لهذه الخدمة :):)الا مفك حق البنشري وفك الابرة اللين يصفر الكفر يعني وصل 15 و حط الـــ200 بماطور هواء او شي ما له عوض :)



انا مرة كنت بالبر في الليل وفكيت الابرة بمفك البنشري وطارت على الابرة

ظربت بصدري وطاحت في الرمل وانا كنت وحدي ضغط على فتحة الهوا بيد والثانية ادور في هالرمل

المشكلة انة الكومبريسر والابر الاضافية في باب السايق وانا في الباب الثاني وكان ضغط الهوا بالحيل نازل

رحمة ربك طاحت ايدي على الابرة وركبتها

ومن يومها خذت منها

[مقلع الرمث]

اخواني اعضاء المنتدى هذي القطعه انا شريتها من السنيدي ببريدة وسعرها 60 ريال من مدة شهر تقريبا وممكن تحصلها برق الحيا بطريق المية بشرق الرياض بس ممكن السعر اغلى اشوي وانا منب متأكد انه عندة ولا لا وجربتها وممتازه جدا واسف على الاطاله

[جوالة]

فكرة ممتازة لكن السعر غالي شوي.

[The End]

ما تخبرون محل يبيعه بجدة ... بصراحة خش مزاجي بعنف

تسلم على الموضوع

[gmc1]

حلوة بس وين الاقيها

[bu talal]

الله يجزاكم خير إخواني المكشاتية على المرور

الفايدة من عرض المواضيع أو حتى تجديدها هي لمناقشتها

والنظر إن كانت مفيده أو غير مفيدة وذلك من واقع التجارب التي تتم عملياً

فيه من الناس لاتعجبه بعض الأمور بمجرد النظر إلى الصور ولكن هل تمت تجربتها من قبلهم ، وإن كان جربها لايبخل علينا بالمشورة إن كانت جيدة أو غير جيدة .

وأخيراً ، وضعت هذه المنتديات للمناقشة وسماع الآراء ، وخصوصاً هذا المنتدى الأكثر من رائع للإستفادة بين أعضاء المنتدى ، ومن لديه نقد على الموضوع فإننا لاننزعج كأعضاء في المنتدى بل نحرص على سماع الرأي الذي من الممكن أن ينورنا ويمكن أن يوفر على الأعضاء عناء البحث عن مادة الموضوع .

والله يجزاكم خير على التواصل بيننا .:)

[KABAYAN]

ذكرتني بأحد الرحلات الى الصومال نسمت الكفرات بغصن شجرة لاني دخلت بعض الشعبان و بعد ما تعمقت بالبر لقيت الغصن الجزء العلوي منه مكسور وصار ينسم شوي شوي و لا انتبهت الا متأخر و عدة فك الكفرات مهيب معي و الحمد لله بعد ممشى حدود 30 كلم على رجولي لقيت من يساعدني و من هذاك اليوم مستحيل انسم الكفر الا بمثل هذه الادوات

مشكور على هذا الموضوع

[البدر1]

ان للة وانا اليه راجعون

[عـhddـاشق]

ندورها عند برق الحيا ونشوف كم سعرها

[..: ابو يوسف :..]

الله يعطيك العافية

ابروح لبرق الحيا وان شاء تكون موجوده

وراح اعطيكم خبر بعد التجربة باذن الله

[ابوهتون]

بارك اللــــه فيك,فكرةممتازه.

[bu talal]

السلام عليكم ورحمة الله وبركاته
إخواني ، شكراً على التواصل
وعسى الله أن ينفعنا جميعاً بمثل هذه المواضيع

[الرسن]

ابو طلال
اشكرك على الايجابية اللي تتسم بها فمن خلال تصفحي لمواضعيك وجدت انك اكثر من يقدم الافكار والجديد على صفحات مكشات.
اكرر شكري لإيجابيتك وتفاعلك ومعالسلامة

[bu talal]

حياك الله أخوي الرسن
لاتظلم أخوانك الأعضاء المميزين إلي أتحفونا بالمواضيع الكثيرة والمفيدة لكل الناس
ولا تمدحني ترى أصير مغرور :D

من المفيد أن تبحث في الإنترنت عن المواضيع التي تهم الناس في حياتهم اليومية وتعرضها عسى أن تعم الفائدة للجميع

ولكن هنالك من المبدعين الذين يعرضون أعمالهم الشخصية والتي تم عملها بواسطتهم وعرضوها علينا بهذا المنتدى الرائع ، هم من يستحقون الثناء والإشادة

وحياك الله وبارك الله فيك

[الهوى]

يعطيك العافيه على التقرير الرائع

[قناص متقاعد]

انا مرة كنت بالبر في الليل وفكيت الابرة بمفك البنشري وطارت على الابرة

ظربت بصدري وطاحت في الرمل وانا كنت وحدي ضغط على فتحة الهوا بيد والثانية ادور في هالرمل

المشكلة انة الكومبريسر والابر الاضافية في باب السايق وانا في الباب الثاني وكان ضغط الهوا بالحيل نازل

رحمة ربك طاحت ايدي على الابرة وركبتها

ومن يومها خذت منها

طيب مافيه اي مشكله .

رح وجب الابر واذا نقص هواء الكفر مره نزل الكمبروسر وعب الكفر هواء وانتهى الموضوع .

[القناص]

لقيته بس غويلي
ب300 ريال
عند محل اسمه 4500اي اف اي
مخرج15 باتجاه الغرب من الدائري الشرقي
او اشارة يمين ثمن اول اشارة يمين مره اخرى
يجيك المحل على اليسار فتحتين اسمه 4500
فالك التوفيق

[ابوقاسم]

الجهاز ممتاز بالحيل
اوزنه على الضغط المطلوب واركب سيارتك ولا تشيل هم راح ينزل الهوا للي تبيه وبدون ما تحس و لاتنتظر وكل شوي تركب مقياس الضغط
وهذا للي يبي يريح باله
وانا اقول سعره فيه

[Black VTC]

انا مرة كنت بالبر في الليل وفكيت الابرة بمفك البنشري وطارت على الابرة

ظربت بصدري وطاحت في الرمل وانا كنت وحدي ضغط على فتحة الهوا بيد والثانية ادور في هالرمل

المشكلة انة الكومبريسر والابر الاضافية في باب السايق وانا في الباب الثاني وكان ضغط الهوا بالحيل نازل

رحمة ربك طاحت ايدي على الابرة وركبتها

ومن يومها خذت منها


ما عندك مشكلة اخوي سعيد ولو ضاعت الابرة في الرمل رح للكفر الاستبنة ( التاير الاسبيبر ) و فك ابرته وركبها في بلف الكفر اللي ضاعت ابرته وانخفه من جديد :)

وصحيح المفتاح هذا زين و عملي و يحفظ لك الابر و الوقت بس سعره غالي على الخدمات اللي يقدمها يعني لو سعره بحدود 40 ريال الى 50 كان المسألة بسيطة لكن 300 و 400 :no2: :no: ما تندفع لهالخدمة الــ400 سعر كفر كامل جديد و سعر لجنوط تجارية :D

[bu talal]

الله كريم
يجيله يوم ويصنع بالصين انشاءالله ونستفيد منه :)

[عضـو قديم]

كل الشكر لكم شا اخوان
هل اجد هذه القطعة في الاحساء بغض النظر عن السعر؟
ممكن العنوان بالتفصيل ولو فيه احداثية يكون افضل

تحيتي لكم

[salehhd]

السلام عليكم

مشكور على الموضوع

وقد طرحت موضوع مشابة له ولانواع اخرى تختلف في الخدمة والمميزات

http://www.mekshat.com/vb/showthread.php?t=119128

قمت بطلب نفس النوع الموجود في الموضوع لاحد الاخوان من الانترنت واتوقع وصولة خلال اسبوع بأذن الله
وقد كانت التكلفة حوالي 280 ريال

[bu talal]

وعليكم السلام ورحمة الله وبركاته أخوي salehhd
الله يسلمك خبرنا عن القطعة واستعمالها إذا وصلت بإذن الله

شكرا لمرورك الكريم

[salehhd]

السلام عليكم

القطة لاحد الاشخاص وراح اطلب منه يعطينا انطباعة عن تجربتها

انا جربت النوع الثاني العادي وداءة ممتاز واجمل مافية انه ينزل 4 كفرات في وقت واحد
وسعرة 70 ريال يعني ربع القيمة ونفس الغرض

شوف هذا الرابط يفيدك

http://www.parksoffroad.com/prodreview/deflatortest/deflatormain.htm

[مواطن]

هذولي القطع انا شايفهن هالايام مع واحد يقول شاريهن من السنيدي 4 قطع ب60 ريال فقط

[عضـو قديم]

كل الشكر لكم شا اخوان
هل اجد هذه القطعة في الاحساء بغض النظر عن السعر؟
ممكن العنوان بالتفصيل ولو فيه احداثية يكون افضل

تحيتي لكم
:confused::confused:

[الربذي]

ان للة وانا اليه راجعون
انا لله وانا اليه راجعون ياخي الكريم اعوذ بالله العظيم الله سبحانه هو الي نقسم فيه ماهو الات استغفر الله ليش تضع فوق الهاء في للفظ الجلالة الله نقط مايجوز انتبه هداك الله

[الربذي]

الله كريم
يجيله يوم ويصنع بالصين انشاءالله ونستفيد منه :)
الصحيح يكتب ان شاء الله ولاتشبكها .بارك الله فيك ...

[عاشق القصيد]

السلام عليكم
حبيت افيدكم يا أ خواني عن توفر القطعه المطلوبه بسعر ٨٠ ريال للطقم اربع حبات
لدى رفيق الدرب للرحلات

[no fear 78]

فكرة حلوه هذي كنت اسئل عنها من سنه يمكن شفت رفيق الدرب عنده 150ريال بس ماهي ضروريه يمكن ان تنسم على الكفر تقدراستعمال مفتاح السيارة تنسم على الكفر وتحسب بالساعة كم ينزل الكفر فانه انزل الكفر في 30 ثانية 15 psi للكفر الواحد يعني دقيقتين ونصف اتكمل

[ولد وايل..]

انا مرة كنت بالبر في الليل وفكيت الابرة بمفك البنشري وطارت على الابرة

ظربت بصدري وطاحت في الرمل وانا كنت وحدي ضغط على فتحة الهوا بيد والثانية ادور في هالرمل

المشكلة انة الكومبريسر والابر الاضافية في باب السايق وانا في الباب الثاني وكان ضغط الهوا بالحيل نازل

رحمة ربك طاحت ايدي على الابرة وركبتها

ومن يومها خذت منها



بسم الله عليك ..:D

يوم إن عندك إبر اضافيه وعندك كمبروسر ليه الأكشن هذا ههههههههه




شكرا صاحب الموضوع ولا يزال تخفيف الهواء اليدوي هو الأكثر عمليه ..

[طليمس]

بعض العرب ماوده يقول مشكور
وإن قالها كنه عليها مغصوبى
قلها وكررها ترى ماانت مجبور
حتى تحصل اجرها ومحبوبى