الباثفيندير بعد تركيب الونش بشكل مخفي بالصور

[مسير]

هذي صور الباثفيندر بعد الانتهاء من تركيب الونش عليه

طبعاً تحمل الونش 4.5طن Warner usa

http://www.mekshat.com/pix/upload02/images56/mk42886_________.jpg


والصورة هذي من قريب الواضح قص بسيط لايذكر

في احد عوارض الصدام السفليه لم ثؤثر على المظهر العام

وبالمناسبه لازم تغيير اليايات بأسترالي تحمل 500كيلو

عشان ماينززل وجه الموتر بزيادة والحرص في تعزيز

المقدمة بالحديد وتضمينها بالشاصي بالمسامير الاصليه

وتوصيل كيابل الكهرباء مباشرة بالبطارية والتأكد من شدها

بصورة ممتازة تفادياً لاي حرارة تؤدي الى حريق في الضفيرة

لاقدر الله واى استفسار او صور بشكل مفصل

ابشرو على استعداد تام أمـــــــــــــــــــــــل ان اكون قد وفقت في الطرح والسلام
http://www.mekshat.com/pix/upload02/images56/mk42886______001.jpg

[.أبوعبدالرحمن]

اخوي الموضوع جميل


شغل متعوووووووووووووووب عليه



ماشاء الله تبارك الله

[ارحم يا مسلم]

الله يعطيك العافية

[سرمد2007]

شغل عدل الله يبارك لك في السيارة

[مسير]

ابشر ياخوي تأمر

[مسير]

هذا موقع راعي الباثفيندر مدينة جلاجل ممكن نجربة يابو عبدالرحمن

http://www.jlajil.com/uploaded/28_01198621454.jpg

وهذي الصورة
http://www.jlajil.com/uploaded/28_01198621454.jpg

وهذي الصورة من بعييد

http://www.jlajil.com/uploaded/28_11198621454.jpg

http://www.jlajil.com/uploaded/28_11198621454.jpg

[Black VTC]

ما شاء الله تبارك الرحمن تبليه بالعافية ان شاء الله ..........

[مسير]

يعطيكم العافية ياشباب ونبغى المزيد من تجهيزات الباثفيندر بالذات

[بدراان]

ماشاء الله تبارك الله

شعل نظيف الله يهني راعية به .

[أبونورة777]

شغل حلو .. بس كأن اللوحة مشوهه شوي !! مجرد رأي

والله يبارك لك فيه ..

[مرير الشوق]

مشكوووووووووور اخوي مسير
فعلاً شغل متعوب عليه
والله يعينك ان شاء الله

[أفق]

شغل مسكت ماشاء الله تبارك الله
مع اني ماني من محبي الونش

[بورهف]

متعوب عليه
يعطيك العافيه وبيض الله وجهك

[ذئب اليل]

ماشاء الله شغل متعوب علية الله يعطيك العافية

[الهمر]

شغل تمام

لكن ممكن ترجع اللوحة إلى الوسط وتكون على الونش بالضبط وتركب لها مفصلات بحيث ترتفع للأعلى عند الحاجة للونش ,, ويصبح الونش مخفي تحت اللوحة

وبعدين لو تبقي على سلك الونش داخل الونش لا تخرجه برى مثل ماهو في الصورة .. خله داخل .

وبالتوفيق ..

[نمر 33]

على البركة

بس كم كلف؟
وين ركبنه؟

[أبونورة777]

ما شاء الله عليك يالهمر .. رأي سديد وبكذا يطلع الشغل تمام صراحة

لكن كم كلفك اخوي .. مع الشغل ؟

[المميـز]

ماشاء الله

الله يعطيك العافيه

وننتظر جديدك ...

[فارس القبيلة]

شغل تمام

لكن ممكن ترجع اللوحة إلى الوسط وتكون على الونش بالضبط وتركب لها مفصلات بحيث ترتفع للأعلى عند الحاجة للونش ,, ويصبح الونش مخفي تحت اللوحة

وبعدين لو تبقي على سلك الونش داخل الونش لا تخرجه برى مثل ماهو في الصورة .. خله داخل .

وبالتوفيق ..
:good: :good: :good: :good: :good: كـــلام

[شعيب الجزر]

والله شغل متعوب عليه

تسلم يمينك من زمان ودي القا حل لهالونش عندي

غثني على الدعامة قدام ويضرب في الرمل

لكن كم ركبته ووين ؟؟

[DELL]

بس هل يتحمل الباث في السحب ؟؟؟ من ناحيتي مااتوقع :)

[gmc1]

سؤال لو سمحت ليه تخفية اللي انا اعرفة ان الونش ميزة في السيارة

[بدوي جنوبي]

http://smiles.al-wed.com/smiles/60/top10.gif
ما شاء الله تبارك الله

http://smiles.al-wed.com/smiles/26/st17asmilies-com.gif

[faisal456]

ما شاء الله تبارك الله

شغل ممتاز بصراحه

بس لو تعلمنا كم كلفك ومن وين ركبته ؟؟

بس اللي عايبها اللوحه وتقدر تركبها مثل ما قالوا على الونش

ولا

( :D موب لازم لوحه :D )

[مسير]

السلام عليكم ورحمة الله وبركاته


اولاً اوجه الشكر للجميع على التواصل في الردود والتفاعل


واشكر مشرفناً على ردهـ المتميز جزيل الشكر


ثانياً نجيب على اسئلة الاخوان المشاركين بعد الاعتذار الشديد في التأخر بالرد


تم تركيب الونش في ورشة بالرياض .........ماذكرت اسمه لانه رفض ينزل ريال واحد.

تكلفة التركيب (750) ريال خذ يومين شغل.

ركبته مخفى لاني حبيت ذلك واللي يرغب مكشوف يقدر!!!! نحتك(VXR)

اللوحه على بالي اركب مفصلات لها بس خفت من الطقطقه (يبي يشخص بالونش)

التحمل عليه ضمان من الورشه وجربته في سحب هايلكس مغرز بالدهناء امس الى الدفرنس ولاقال اح.بعدين ساحب له حديد قوي من الشاصي وبمسامير جبرة مقاس 26ميلي اسود.
وبالنسبة للصدام ماقصيت الا جزء بسيط مره حول الرولات مثل ماهو واضح بالصورة وياليت القى حل للوحه حومت كبدي كبيرة على وجه الموتر الظاهر حلها فوق الطبلون او مثل الكرت لاصفر عند الحكام عند الضرورة نرفعها في وجه العسكري او كماقال حفظه الله احد الربع على المرايه
أمل ان اكون قد وفقت في الاجابه على اسئلة الشباب والعذر والسموحه على التقصير في المعلومات المتواضعه

[4800VTC]

الاخ /مسير
بالنسبة للوحه انا ارى مكانها الحالي افضل مكان
لان من علامات السيارات اللي فيها ونش تكون اللوحه جانبية
وصارو الشباب هاليومين يحطون اللوحه على جنب حتى لو ماكان في السياره ونش(موضه)

[صقار سدير]

السلام عليكم
ياخوي الشغل حلو ونظيف بس وينه فيه بالرياض لان ودي اركب مثله
ياولد الديرة(ابن اخي)

[المنتفش]

سلا م عليكم
اخوي مسير شغلك تمام التمام ....لكن يعاب عليه شي واحد ما تلاحظ ان ادعامه ماخذه شكل وجهية الموتر كله تقريبا لذلك فهي في الحقيقه مشوهه جدا فضلا عن انه موضه جت وراحت بسرعه لانه غير ممتازه

ولك الشكر والتقدير

[ق ب م 632]

الصراحه اليوم شفت موترك بعد صلاه الجمعه والشغل لايعلى عليه




والله يبارك لك فيه

[مضياف]

أبارك لك تركيب الونش، وأود السؤال عن اليايات التي ركبتها، من أين اشتريتها؟ وكم تكلفتها؟ ومن يركبها؟ وهل أثرت على السيارة من حيث الراحة خصوصا في المطبات؟
فأنا ركبت ونش وأعاني من نزول مقدمة السيارة، وأود التكرم بالإجابة على تساؤلاتي.

[أبو زيد 2007]

ماشاء الله
الله يباركلك فيه

[أقلط]

تسلم يمينك ومبروك

[الموالي]

هذا الشغل اللي عليه العلم

[مسير]

أبارك لك تركيب الونش، وأود السؤال عن اليايات التي ركبتها، من أين اشتريتها؟ وكم تكلفتها؟ ومن يركبها؟ وهل أثرت على السيارة من حيث الراحة خصوصا في المطبات؟
فأنا ركبت ونش وأعاني من نزول مقدمة السيارة، وأود التكرم بالإجابة على تساؤلاتي.


حياكم الله ياشباب

بالنسبة للاتي:


اليايات لازم تكون استرالية تتحمل وزن (500كيلو)لان فيه 250كيلو.

اشتريتها من الرمايه عام 1427هـ بمبلغ (800)ريال طقمين الامامي و الخلفي بالتركيب.

في البدايه كانت قاسيه شي لايذكر اما الان فممتازة ولم يؤثر عليها وزن الونش.

اما في المطبات فيلزم تركيب مساعدات(صفراء) ذات المهمات الشاقه علاشان مايجامح الوجهيه.

http://www.mekshat.com/pix/upload02/images57/mk42886_04012008267.jpg


http://www.mekshat.com/pix/upload02/images57/mk42886_04012008265.jpg

http://www.mekshat.com/pix/upload02/images57/mk42886_03012008231.jpg

[مسير]

السلام عليكم
ياخوي الشغل حلو ونظيف بس وينه فيه بالرياض لان ودي اركب مثله
ياولد الديرة(ابن اخي)

بالنسبه للورشه والله ماكان ودي اذكرها لانها والله قائمه على ناس تعاملهم جاف الله يهديهم

واللي يشفع لهم حرصهم على الشغل الزين وتراها كلن يعرفها (المواهب) بصناعية الامير سلمان

وبالنسبه للونش تشتري مستعمل بشرط انه ماسبق انفك (لف)

وعلى التجربه يسوى له من 1200 الى 1400

حسب الوزن من ثلاثه الى اربعه ونص و والنوعيه امريكي وارنر

واسف على الاطاله والتقصير

[Abo Nader]

مشاء الله تبارك الله...الله يعطيك خيره ويكفيك شره...

[gad gad]

الله يبارك لك فيه ..

[مسير]

الله يجزاكم خير ودمتم لمن احببتم وماسوينا الا اقل من الواجب

[سيد النشاما..]

مسير
عافاك ربي والشر ماجاك

[ابوقاسم]

مبروك يخوك على الونش
والصراحة معطي السيارة منظر
ولو توضح طريقة التركيب ومن وين سحب الحديد لتثبيت الونش وطريقة شبكية الكهرب راح تكون الفايدة كبيرة لمن اراد تركيب واحد مثله

[almanai]

عافاك ..............

[عبدالعزيز-1]

اخوي اعذرني الله يرضى عليك بس عندي سؤال

صناعية الامير سلمان هي الصناعيه القديمه ؟

وياليت توصفلي الورشه بالضبط لاني ناوي اركب عندهم

تحياتي

[مسير]

اخوي اعذرني الله يرضى عليك بس عندي سؤال





صناعية الامير سلمان هي الصناعيه القديمه ؟


وياليت توصفلي الورشه بالضبط لاني ناوي اركب عندهم


تحياتي





حياك اخوي عبد العزيز


بالنسبة للورشه وموقعها فهي (المواهب) تقع في
مخرج (17)الدائري الشرقي تنزل معه بإتجاه الغرب
يتقاطع مع طريق على بن ابي طالب
تاخذ يسار بإتجاه الجنوب وتمسك
الخدمة من عند المالكي لصيانة المرسيدس
وتمشي الى مسجد العويضة تلف قبل المسجد
يمين يصراتجاهك غرب شارع 36 تمشي مسافة تقارب الكيلو
الواحد تلقاه على اليمين يفتح جنووووووب
امل ان اكون وفقت بالوصف ولك اطيب التحايا

[عبدالعزيز-1]

الله يعطيك العافيه على هالوصف الدقيق ومشكوووووور وماقصرت

وصفك واضح ماشاء الله والله يجزاك خير

[emad747]

الله يعطيك العافية

[الششهري]

السلام عليكم
شاريت جيب وفية ونش الوكالة لاكن الريموت مهو موجود وحصلتة في الوكالة 1500 ريال
لكن كيف أحصل على الريموت باقل تكلفة عن طريق التوليف

[مسير]

السلام عليكم





شاريت جيب وفية ونش الوكالة لاكن الريموت مهو موجود وحصلتة في الوكالة 1500 ريال


لكن كيف أحصل على الريموت باقل تكلفة عن طريق التوليف




السلام عليكم ورحمة الله وبركاته


اخوي الششهري الف مبروك الموتر وجعل الله يطعمك خيره ويكفيك شرة

امكانية توليف ريموت للونش واردة

كل مانحتاجه هو:
قاطع ثلاثي (ON-off-ON)
كيبل 6ملم ثلاثي(نوعية جيدة)
من علبة الكنترول يوجد فيش ثلاثي(حار\بارد\حار)
نربط كل لون بالكيبل في مخرج من المخارج الثلاثه في الفيش ونحفظها لانلخبط
نمد الكيبل الي الصدام الامامي او اي مكان نريده ونضع فيش انثى
نحظر باقي الكيبل ويكون 4 امتار فما فوق كي نبتعد عن

الواير اثناء السحب قدر الامكان نظراً لخطورة القرب منه

اثناء السحب لو انقطع لاقدر الله ونربط فيه فيش ثلاثي ذكر

لنتمكن من ايصاله بالانثى عندما نريد تشغيل الونش والطرف

الاخر يربط فيه قاطع ثلاثي بحيث (OFF)يكون في الوسط

والطرف الاخر(on)الازرق والطرف الثالث(on)البني

هذا مخطط متواضع لالية ذلك

http://www.mekshat.com/pix/upload02/images59/mk42886_rr.jpg


وبذلك يصبح لدينا ريموت صنع محلي
بتكلفة 35 ريال
أمل ان اكون وفقت في الشرح المتواضع والسلام

[الششهري]

جزاك الله خيرا

[سيد الجو]

الله يجزاك بالخير على هالشرح


والونش انا اعتقد انه من ضروريات الرحلات بس انه غويلي شوي ولا معنا موتر يستاهل:d

وموترك ماشاء الله تمام والشغل تمام بس مهب كنه ازل وجهه بالرغم من اليايات ؟؟؟؟

[بدوي جنوبي]

يرررررررررفع

[روافد]

ما شاء الله عليك اخوي شغلك عدل

[مسير]

الله يجزاك بالخير على هالشرح


والونش انا اعتقد انه من ضروريات الرحلات بس انه غويلي شوي ولا معنا موتر يستاهل:d

وموترك ماشاء الله تمام والشغل تمام بس مهب كنه ازل وجهه بالرغم من اليايات ؟؟؟؟


يعطيكم العافية شباب

وصحيح الوجه نزل شوي حتى مع اليايات

ولكن بالنسبة للفائدة المرجوه منه حاصلة

لي شخصياً ومعي العائله نفعني بعد ستر الله

وكان خير عون بعد عون رب العزة والجلالة سبحانه

وتقبلوا مني ارق التحايا

[gmc1]

يااخوان الدبل والونش والثلاجة من الضروريات والمفروض انها بكل سيارة كبير والا صغيرة