الصيانه والضمان 000

[أبو الريم]

في السيارات الجديده هناك صيانه تعملها الوكاله بعد ألف كيلو وبعد خمسة ألاف كيلو وكذلك بعد عشرة الاف0000 من يقدر يفيدنا عن مدى اهمية هذه الصيانه وماالذي يتم عمله في كل صيانه لدى الوكاله وأخص وكالة تويوتا

ولكم الشكر0000000000

[Black VTC]

اخوي ابو الريم شف اقرب دليل صيانة لاي سيارة وراح تحصلهم حاطين عدد الكيلومترات مع الصيانة اللازمة ...

واللي اعرفه ان صيانة الـــ1000 كيلو يغيرون زيت الماكينة ويعايرون زيت القير وباقي زيوت المحركات ..


واكثر الوكالات يشترطون لسريان الضمان ان تلتزم بجدول الضمان الموجود بالكتيب وان لا ( تطمر ) اي موعد من مواعيد الصيانة ... و الحبيب منهم يعفيك ان طمرت موعد واحد شرط ان تلتزم بصيانة وتغيير القطع اللازمة له في الصيانة القادمة :):) ..

و بعض الوكالات واعتقد تويوتا منهم يعمل لك صيانة الـــ1000 و الــــ5000 مجاناً ...


تحياتي والشباب يبي يفيدونك ان شاء الله ...

[سرمد2007]

صحيح الوكالات تشترط المتابعه في الصيانة واتصور هذه حجة للوكيل لضمان

[جوالة]

بالنسبة لصيانة الـ 1000 كيلو فهم يوزنون لك الجلنط ويشيكون على وزنية الكبوت وإذا لك أي ملاحظة تخبرهم إياها .
وبعدها كل مرة تغيير زيت ويشيكون على السيارة كاملة إلى أن ينتهي الضمان.
هذا باختصار

[الدحبول]

اعتقد مايحتاج إلا الاف كم أو إذا وجهتك مشلة لانهم نصابين
دخلنا موتر الوالد سوبر 2007 ماشيء ألف كم غير والزيت وخذو 100 لي الف كم
بس 5 الاف كم يخذون زيادة وكل مازادت الكيلوات زاد السعر
أعتقد صيانة الاف أهم صيانة
تحياتي

[برادو vx]

اخوي ابو الريم شف اقرب دليل صيانة لاي سيارة وراح تحصلهم حاطين عدد الكيلومترات مع الصيانة اللازمة ...

واللي اعرفه ان صيانة الـــ1000 كيلو يغيرون زيت الماكينة ويعايرون زيت القير وباقي زيوت المحركات ..


واكثر الوكالات يشترطون لسريان الضمان ان تلتزم بجدول الضمان الموجود بالكتيب وان لا ( تطمر ) اي موعد من مواعيد الصيانة ... و الحبيب منهم يعفيك ان طمرت موعد واحد شرط ان تلتزم بصيانة وتغيير القطع اللازمة له في الصيانة القادمة :):) ..

و بعض الوكالات واعتقد تويوتا منهم يعمل لك صيانة الـــ1000 و الــــ5000 مجاناً ...


تحياتي والشباب يبي يفيدونك ان شاء الله ...


مجرد توضيح موتري ماشي 42000 ومدخلة الوكالة وبكرة بيطلع ومغيرين لي قطع بألفين تقريبا مع إني جيتهم يوم مشيت الف وخمس الاف . . بس . .

تدري ليه لأن الوكالة وكالة تويوتا . .

[برادو]

السلام عليكم

الضمان على السياره ما يلتغي اذا ما رحت للوكاله كل 5000 كيلو. ارجع لكتيب السياره تلقاها ما تحتاج شي كل 5000 كيلو هذي حجه الوكالات للنصب على الناس. كل 5000 كل اللي انت محتاجه انك تلف على السياره تشيك الكفرات وهواها تغير الزيت وتشيك السوائل فقط لا غير فأعتقد انه من غير الضروري خساره المال مقابل شي لا يذكر تمر البنشر مره كل 5000 كيلو وتشيك على سيارتك بنفسك. أما بالنسبه للروحه للوكاله فمالها داعي الا كل 40000 كيلو وانا هنا اتكلم عن تويوتا ولو عندي اي ماركه ثانيه بسوي نفس الشي. ارجه لكتيب السياره تلقاها ما تحتاج شي الا بعد مرور 40000 كيلو مثل زيت القير وفلتره, البواجي, السير, تربيط الشاصي وغيرها من الخدمات اللي اوصى بها صانع السياره بالكتيب المرفق معها والضمان على السياره ما ينلغي اذا تزور الوكاله كل 20000 كيلو. الزبده مر الوكاله كل 20000 كيلو اوفر لك واحسن للسياره لأن كثر العبث فيها هو اللي يخربها عندي واحد من الربع مهوووس وكاله كأنه يكد عليهم يروح لهم كل 5000 وسيارته من خراب لخراب بلاه من الكثر التعوبث فيها والفكفكه. نصيحتي رح لهم كل 20000 علشان الضمان وبعد ما يخلص الضمان لا توريهم وجهك الا كل 40000 كيلو واذا استلمت السياره اطلب شرح مفصل عن الخدمه اللي سووها لسيارتك ويفضل على الطبيعه وسيارتك قدامك مع اخذ جميع القطع القديمه اللي غيرووها.