المساعد الشخصي الرقمي

مشاهدة النسخة كاملة : أكسيدشن أو يوكن


saad592
27/12/2007, 05:13 AM
السلام عليكم ورحمة الله وبركاته :

ممكن من الأخوة الي عندهم خبره يقولي وش الأحسن حق الخطوط وداخل الديرة وشوي من البر

الأكسبدشن ولا اليوكن

أرجو النصيحه ولكم الثواب والأجر

saad 592 مكشاتي جديد]
المميـز
27/12/2007, 05:46 AM
انا اشوف ان اليوكن اصبر وأقوى من الاكسبدشن

ولكن الراحه عند الاكسبدشن

واليوكن موتر يمسك سعره اما الاكسبدشن يطيح بسرعه


وانتظر رد اخوي سعد777 يفيدك اكثر عن الاكسبدشن

وعليك بالاستخاره بعد الاستشاره
ناوي نيه
27/12/2007, 10:21 AM
والله شف راحه وفخامه اكسبديشن ورحابه
واليوكون قطع غيار فكل لفه ويمسك سعره وحق كرف وخفيف في البر ومرغوب فيه
والاخ سعد 777 انشاءلله بيفيدك عن الاكسبدشن
bu talal
27/12/2007, 10:32 AM
أخوي سعد 592
السلام عليكم ورحمة الله وبركاته
بالنسبة لسيارات الفورد خفيفة في الممشى على الطريق أقل هوى تدوخ
عكس اليوكن والتاهو
حتى مثل ماتفضلوا إخواني إن سعر اليوكون فيه
لكن أفيدك في شي :
اليوكن بعد تغييره 2007 ، كانت به بعض المشاكل (حسب مايقال والعهده على الراوي) ، مثل التكييف إذا كنت في زحمه ومع كثرة الوقوف لايعمل بالشكل الصحيح على عكس موديل 2005 أو 2006 .
فأحسن شي هو الموديل اللي بعده 2008 يكون تفادوا بعض الإشكالات في الموديل السابق مثما حصل في بعض السيارات مثل الإنفوي و الباترول بعد التغيير إلى الشكل الجديد .

وآسف على الإطالة ...
.أبوعبدالرحمن
27/12/2007, 01:09 PM
اخوي اول شيء لا تنسى الاستخارة


وثاني شيء اشوف الاكسبدشن افضل من اليوكن بعدة مراحل


منها الوسع من صالح الاكسبدشن ايضا الرفع تقريبا الاكسبدشن ارفع


ولا تنسى انه دائما سيارات فورد تكون خفيفة


والله يرزقك بالموتر اللي يصلح لك


http://www.mekshat.com/vb/showthread.php?t=102886


وهذا موضوع اخوي سعد 777 يتكلم فيه عن الاكسبدشن
ابوطاقية
27/12/2007, 01:16 PM
يقول المثل عن اهالى نجد
اذا جيت تخطبها اسئل عن امها
والسيارات اذا جيت تشتريها اسئل عن وكيلها هل يوفر قطع غيار هل قطع الغيار اسعاره معقوله هلا خدمات مابعد البيع جيده
واما الفرق بين السيارتين
الفورد سياره جيده وتمتاز باقل صرفيه وقود لانهم يستخدمون خفة وزن السياره بتوفير الوقود واذا بتتأكد بنفسك انظر الي واجهة السياره مابعد الشبك بكل سيارات فورد يستخدمون الفيبر قلاس
واما الجمس فسياره معروفه تمتاز بالقوه والمتانه وتوفر قطع الغيار وكذلك رخص قطع الغيار وتمتاز بقوة المحرك
هذي مقارنه بسيطه والراي الاول والاخير للخاطب
saad592
28/12/2007, 04:40 PM
يعطيكم الف عافية وماقصرتو علي الردود

saad592
أبو فيصل
29/12/2007, 01:40 AM
طال عمرك أنا أستخرت وشريت أكسبيدشن ما هودبل 2008 وحلاوه و خفه وفضلته على اليوكن لراحة العائله من ضيق اليوكن نسبيآ بعدين بنزين 91 ورفضت الضمان الممتد لبعض شروطه وقلت يكفي ضمان الشركه 3 سنوات أو 60000 كم

الله يعطينا من خيره و يكفينا شره
أبو LAMeS
30/12/2007, 08:50 AM
تحياتي أخوي Saad592
أنا من الناس اللي أشتروا يوكن 2007 لكن بعد ما لاحظت عليه بعض الأشياء بعت الموتر
وهذا الرابط يمكن يفيدك أكثر وياليت تقرأ الموضوع كله مع الردود وراح تعرف رأيي وإن شاء تطلع بفايدة

http://www.mekshat.com/vb/showthread.php?t=109973 (http://www.mekshat.com/vb/showthread.php?t=109973)

وأيضا الأخ سعد 777 راح يفيدك أكثر

وبالنسبة للسعر عند البيع ما فيه فرق كبير بين السيارتين

يتميز اليوكن فقط بالشعبية لأنه أقدم بكثير من الأكسبدشين الأكسبدشين صار له عندنا تقريبا خمس أو ست سنوات

في الأخير لا تنسى صلاة الإستخارة

شكرا لك
أبو LAMeS
30/12/2007, 08:58 AM
تحياتي أخوي Saad592
أنا من الناس اللي أشتروا يوكن 2007 لكن لاحظت عليه بعض الأشياء وبعته

وهذا الرابط يمكن يفيدك ومنه راح تعرف رأيي بوضوح ويا ليتك تقرأ الموضوع مع الردود علشان تعرف رأي بالسيارتين بشكل أوضح
http://www.mekshat.com/vb/showthread.php?t=109973 (http://www.mekshat.com/vb/showthread.php?t=109973)

والأخ سعد 777 راح يفيدك أكثر

وبالنسبة لسعر البيع ما فيه فرق كبير بين السيارتين

واليوكن بكل صراحة وهذا واضح يتمتع بالشعبية لأنه أقدم من الأكسبدشين بكثير .... الأكسبدشين صار له عندنا تقريبا خمس أو ست سنوات فقط

في الأخير لا تنسى صلاة الإستخارة
شكرا لك
احب البرواهله
30/12/2007, 09:23 AM
الاكسبدشن شكله أفضل وأكثر رحابه بس اليوكون بالنسبة لقطع الغيار فيه اربع وكالات له العيسى والجميح والتوكيلات وبالبيد وهذي ميزه بالإضافة إلى العديد من المحلات التي تتعامل مع قطع غياره ومن الناحيه العمليه أتوقع بعد التوكل على الله والتشييك المستمر فالسيارتين ما عليهم خلاف والسيارتيم تحتوي على العديد من المزايا والراحة قد تفوق االسيارات الأخرى وانا أميل لليوكون أكثر لكثرة انتشاره وحداثه شكله
saad592
31/12/2007, 02:52 PM
الله يجزاك خير وماقصرت والله يعطيك خيرة ويكفيك شرة أمين يارب

أخوك saad592