نصيحة اذا تبي ترفع سيارتك من الخلف... للباث وغيره [الأرشيف]

مشاهدة النسخة كاملة : نصيحة اذا تبي ترفع سيارتك من الخلف... للباث وغيره

مرير الشوق

27/12/2007, 09:44 PM

السلام عليكم ورحة الله وبركاته
كيف حالكم ياشباب
عندي للعموم نصيحة للي يبي يرفع سيارته من الخلف وخاصة لأهل الباثفندر
اذا فيه احد يبي يرفع سيارته من الخلف اكثر من اثنين 2 سم
انا اشوف انه اذا رفعت السياره من الخلف يبي يضر عليك القير
لان القير يبي يصير في حاله غير مستقيمه يعني اذا رفعته يبي يرتفع القير عندك شوي
من راس القير
واذا نزلته يبي ينزل معاك الراس
لكن الحل هو :
مثلاً رفعت السيارة من الخلف 2 سم .......
يبي لك تشتري وورود عدد 16 حبه وتحط في كل مسمار حق القاعده اللي تمسك القير
من تحت اربع ورود بكل مسمار علشان بكذا راح ينزل معاك القير ويصير في حالته اللي مثل الوكاله
وكل مارفعت السيارة اكثر حاول تكثر الورود
واللي يبي يتأكد يرفع سيارته ويشوف القير من تحت راح يكون مائل من راس القير الى تحت
المهم انا سألت ناس سعودين مهندسين وفاهمين عن الطريقه هل تؤثر في القير
قالوا لي بالعكس تريح القير معاك
المهم وللمعلومية
سعر الورود / حوالي 7 ريال للجميع
وشغل يد المتخصص 40 الى 50 ريال
انتبه لاياخذ منك اكثر من كذا:no2:
وماعليش على الأطاله لأن ودي اوصل لكم المعلوميه بطريقه سهله ومفهومه
تحياتي لكم :
مرير الشوق

Khalid AlGhamdi

27/12/2007, 10:34 PM

جزاك الله خير :)

sultan8861

27/12/2007, 10:44 PM

الله يعطيك العافيه على المعلومه الجديده

الصراحه توني ادري

شكراااااااااااااااااا

قناص الليل

27/12/2007, 10:47 PM

الله يجزاك خير .
طيب هل تتوقع انه القير يتضرر اذا رفعت السياره من ورى مثلاَ 4 سم و من قدام 2سم . يعني الفرق بسيط .

موضوعك في الحقيقه مهم جداَ .

عـhddـاشق

27/12/2007, 11:10 PM

معلومه قيمه مشكوزر عزيزي

مرير الشوق

27/12/2007, 11:47 PM

اشكركم على مروركم الأكثر من الرائع
وأخوي قناص الليل انت شف اذا رفعت السياره
أنزل من عند باب السايق وناظر تحت السيارة وشف القير اذا مايل بقوة لازم تنزل القير
واذا كانك مرفع سيارتك مثل كذا اتوقع لازم تنزله 6 وورود والله اعلم
لكن فيه ورشه راعيها سعودي وحبيب وكل الناس تعرفه
اذا تبي اوصفها لك ابشر ...
لكن المعلومية هذي حقت تنزيل القير خذيتها من اصحاب ترهيم السيارات في قطر والسعودية
والله وأعلم عن مصداقيتها مع العلم أن اللي خذيتها منهم معهم جيوب سفاري
وكلمتهم عن الباث قالوا لي لازم
عاد انا والله مدري لاكن صار لي شهر وانا منزل القير والحمد لله ما صار شئ معي ابداً
تحياتي لكم

المميـز

27/12/2007, 11:55 PM

اخوي مرير الشوق تشكر الصراحه على هذا الموضوع وجاء في وقته

اثنين من الزملاء معهم باترول باب واحد غيروا الياي الخلفي للموتر وارتفع 2 سـم وصار فيه صوت قدام يمين

الصوت على كلامهم يطلع اذا وصلت 120كم ورفعت رجلك تسمع الصوت

فياليت لو تعطيني رقم المهندس السعودي نكون سوينا فيهم خير

قناص الليل

28/12/2007, 04:19 PM

الله يجزاك خير .
وما يمنع لو تعطينا وصف لوشة الرجال .

و مشكور مره ثانيه ..

التسعه شفر

28/12/2007, 04:28 PM

هذا مهوب قير
ذا اسمه عمود كردان
وليس له علاقه بتاتا بالقير
اذا تم رفع اي سياره فأن الرفع بيكون على البدي .. وليس على الشاصيه

بدوي جنوبي

28/12/2007, 04:42 PM

مع احترامي الشديد لك صاحب الموضوع

اقول هذا كلام غير صحيح والحركه هذي تضر القير اكثر من نفعه

ومثل ما قال الاخ تسعه شفر .

اقتباس من موضوع قديم
۩۩ موسوعة صيانة الدفرنسات ووزن الكرونه برضو بالصور ۩۩ (http://www.mekshat.com/vb/showthread.php?t=85484)
صفحه رقم 2

هلا وغلا ابو عبدالهادي
حياك الله

بالنسبه لسؤالك ترا بعض الترفيع يأثر علي السياره قلي كيف
انت اولا كم المقدار اللي رفعت فيه السياره يعني كم سم

انت تعرف ان عمود الدوران متكون من ماصورتين داخله في بعض
http://img503.imageshack.us/img503/4481/driveshaft2000rc8.jpg
لها مقدار معين تتمدد وتتقلص حسب ظروف القيادة ورفع او تنزيل السياره
اتوقع :no2: ان العمود انشد زيادة عن اللازم وشد معاه ترس البنيون
شوف الصورة ترا حتي بين الرمانات عدد 2 الخاصه بترس البنيون الملونه بالاخضر يوجد فيها خلوص بسيط لا يكاد يذكر
يعني لو تمسك ترس البنيون من جهة الصليب وتدف العمود للامام والخلف لوجدت هذا الخلوص يعني فيه حركه :D
http://img236.imageshack.us/img236/3113/55000kf0.gif
وقضي علي الخلوص اللي بين ترس التاج والبنيون انت لو تتذكر في موضوعي هذا ان الخلوص ما يكون زايد
او ناقص عشان ما يصير مضاعفات مثل ظهور صوت
وامكن عند رفع السياره قضيت علي الخلوص
طيب سؤال ليه يختفي الصوت اذا رفعت القدم عن الابنص ؟؟؟
الجواب لان العمود يتحرر من القير يعني ما يكون فيه زيادة ضغط واذا ضغطنا علي الابنص مره ثانيه
يبدأ العمود بالضغط ويظهر الصوت

http://www.pirate4x4.com/tech/billavista/PR-shaft/degree_small.jpg
الفرق
http://www.pirate4x4.com/tech/billavista/PR-shaft/degreecv_small.jpg

ممكن اكون مخطئ والله اعلم تعرف انا قاعد علي كمبيوتر :type:
وللحديث بقية
تحياتي

سؤال خارجي
يعني ما نرفع سياراتنا ؟

لو كان الرفع كبير مره من الافضل تغيير العمدان تقريبا وشبيه من هذا العمود
http://img527.imageshack.us/img527/5797/135020cvzh5.jpg

اقتباس اخر من نفس الموضوع

حيالله ابو نادر

انت الحين ما شاء الله رافع موترك من ورا 6 سم وتبي ترفعه زيادة انا اشوف انه كثير ويضر بالسياره علي المدي القريب وانت الان تسمع صوت ونه فما بالك اذا رفعته زياده .... انا اتوقع لو ترجع الموتر شد بلد بتروح صوت الونه ..... طبعا انت عاف تختلف وزنية السياره في الخط مع الرفع
وانت امكن قرأت ردي لابو عبدالهادي رقم 38 ....
الدفرنس لا سمح الله اذا صار فيه عطل بسيط راح يتعبك ويكلفك
http://img147.imageshack.us/img147/5655/degreesmalldk8.jpg
هذا وضع طبيعي
الفرق اذا رفعت
http://img180.imageshack.us/img180/4766/degreecvsmallbs2.jpg
اذا رفعت السياره من ورا هل يأثر ؟ اعتقد يأثر لكن ما اقدر احدد المضاعفات ...
بالتوفيق

بقية الاخوان ارد عليكم في وقت ثاني لاني مستعجل

وللحديث بقيه بأذن الله

مرير الشوق

28/12/2007, 11:55 PM

مشكووووووووووور على المرور الأكثر من رائع
واقول لك اخوي بدوي جنوبي كلامك صح
شف اللي في الصورتين اللي بجنب بعض حقت ميلان العمود قبل الرفع وبعد الرفع
يعني اللصورة اللي فوق حقت الوكالة يعني بوضعها الطبيعي لكن في الصورة الثانيه
جت بعد الرفع او التعديل
يعني راح يكون مايل معك العمود
وانا اقول في طريقتي ان لو تنزلها شوي بس راح ينزل معاك ويصير بوضعه الطبيعي حق الوكالة
فهمت علي اخوي بدوي جنوبي
وانا والله ماأفهم كثير في القير
بعيدين شرايك يمكن انت افهم مني
هل ارجعها لوضعها الطبيعي نفس الوكالة
علماً بأن السيارة رافعها من الخلف 3 سم
وشكراً

مرير الشوق

29/12/2007, 12:04 AM

المميز / قناص الليل
الوصف :
وانت ماسك طريق خريص متجه شرق اذا وصلت ماكس حق المواد الغذايئه اللي قبل كوبري الحرس الوطني
خلك ماسك الخدمه وخل ماكس على يمينك
وبعدها بتجيك لفه خلها (تعداها) ثاني لفه على اليمين بعد ماكس لف معها امش مسافة 300 متر بتحصل محلات
حقت كهربائين شف ثاني او ثالث عمارة على يمينك
اسم المحل ( الجابــر )
واسم السعودي ابو جابر

بدوي جنوبي

29/12/2007, 03:45 PM

طيب يا اخوي مرير الشوق
معليش بنتعبك شوي
ويش رايك تصور لنا طريقة تنزيل القير ونشوف كيف تم اضافة الورد

قبل نحكم اكثر علي الطريقة؟؟؟

اذا طلعت طريقتكم اللي في بالي مصيبه :no: ..

وصدقني ادور مصلحة الجميع واصحاب الورش اهم شي يحصل علي مبلغ من المال

بالتوفيق يا غالي :good:

عرش السفاري

29/12/2007, 06:06 PM

السلام عليكم

أنا ناوي هالفتره أرفع السيارة

هل أسوي شي قبل الرفع؟؟

جوالة

29/12/2007, 07:40 PM

طيب إذا رفعت السيارة من الخلف ارفعها من الأمام.

قناص الليل

29/12/2007, 09:06 PM

مشكور و ما قصرت اخوي مرير الشوق .
ولاانسى الأخوان الذين شاركو ، و نتمنى المزيد من التجارب للفائده .

المميـز

30/12/2007, 01:51 AM

الكايف2

30/12/2007, 06:15 AM

جزاك الله خير

مرير الشوق

31/12/2007, 01:57 AM

مشكور على المرور الأكثر من رائع
واقول لك بدوي جنوبي مشكلتي اني الفتره هذي ما ادخل من جهازي ولا كان نزلتها
وانا ما طرحت هذا الموضوع الا بشوف انا على بينة ولا لا
يعني انا طريقتي هذي صحيحه ولا غلط لأني مأخذها من ناس برى المنتدى وبشوف خبرتكم مع التجارب ..
يعني مثلاً لو طرحت الموضوع على طريقة سؤال ماراح يدرون اصحاب الخبره
الا رد او ردين ويمكن تكون غير مستوعبه
تحياتي لكم

عبدالرحمن السالم

31/12/2007, 01:27 PM

فعلآ وانا اخوك انا موتري رافعه من ورى 3سم بس وفيه صوت حنه عند 120 واذا شلت رجلي عن الدعسه تروح واذا ضغطت ترجع واذا تعديت 120 تروح .. سألت هنا القروم الرجال إلى مثلك وشرواك وقالو انه من عمود الكردان نازل .. والصوت إلى الحين موجوده فا ما ادري هل تنصح بأني اسوي إلى سويته ..
وهذا رابط الموضوع
http://www.mekshat.com/vb/showthread.php?t=83925

وألف شكر لك

نمر 33

01/01/2008, 01:11 AM

أنا مع أخي بدوي جنوبي

الطريق تضر أكثر من نفعها

سنعوسي111

01/01/2008, 01:19 AM

الله يعطيكم العافية
استفدنا من خبراتكم

باترول 4×4

01/01/2008, 08:45 AM

الخلاصة ياشباب يضر ولا مايضر ؟؟ أنا كنت أبغى أرفع 2سم من وراء فقط علشان التحميل .
وهالحين محتار ياليت تفيدونا .

مرير الشوق

18/01/2008, 05:04 AM

والله انكم حتى انا خوفتوني وانا منزل القير
مع اني سألت ناس اهل خبره برى المنتدى ووافقوني واقنعوني على اني اسوي وانزل القير شوي
على كلامهم ترى وانا والله خبرتي شوي بالقير وملحقاته
وشكراً على المرور

ابو سعد التميمي

18/01/2008, 12:11 PM

انا كان معي باثفندر وركبت يايات استرالية ورفعته بكعكه 3 سم من ورى وصار الموتر مرتفع مره

كان القير مايعشق معي زين فيه مثل القره (( مايلقم )) بسرعه واذا حملت الموتر صار القير ولا احلامنه

ويوم فكيت الكعكه ظبط الموتر لكنه احسن من اول

انا معكم في حالة انك بترفع الموتر لازم تشيك على عمود الكردان اذا كان نازل لازم ترفع القير لسلامة القير

ويمكن الشباب عندهم خبره اكثر مني وسلامتكم .

طــــويـــق

18/01/2008, 07:33 PM

الخلاصة والحل ياشباب!!!!!!!

نريد مشاركات اكثر في هذا الموضوع وخصوصاً من اهل الخبرة والاختصاص لتعم الفائدة.