مشاركة للفائدة ما هي الطريقة الصحيحة لإخراج هذه السيارة من هذا الغراز؟ ج2

[جوالة]

الجزء الثاني

الجزء الأول على هذا الرابط :
http://www.mekshat.com/vb/showthread.php?t=116631


السلام عليكم ورحمة الله وبركاته
بعيدا عن التعليقات ولكن من أجل الفائدة ...
تخيل أنك في البر ووجدت هذه السيارة مغرزة ما هي الطريقة الصحيحة في نظرك لإخراجها من الغراز ؟

أضع بين يديكم الآن الصورة الأخرى وأشكر كل من ساهم في الرد في الجزء الأول ...
إليكم الصورة :

http://www.c5c6.com/show.php?month=5-2007&filename=c5c6_com_69v322b6.bmp

أو من هذا الرابط :
http://www.c5c6.com/show.php?month=5-2007&filename=c5c6_com_69v322b6.bmp

بانتظار مشاركات الشقردية لنستفيد وشكرا لكم .

[ابوسلطان90]

سحب من الخلف لانه اقرب للكفر. واذا مافي سياره للسحب ماله الا الحفر لينزل قليلا للسماح للكفرات بالدوران واستخدام الدبل طبعا

[رحال عمان]

ماعليك إلا ان تنزل الهواء الى 10 . وتحاول رفع السيارة قليلا. وإذا كان فيها ونش اربطه في إقرب شجرة وتوكل .وإذا غير ذلك حاول ترجع للخلف لين السيارة تعطي نفسها فرصه قوة .

[سعد777]

والله ياطويل العمر هذا ماله الا ونش يسحبه ولا بيحفر من وراء ومنتصف السياره الأماميه اليييييييييييين يدلع لسانه

[الحفولي]

إذا معه سياره ثانيه يسحبه من الخلف لأنه منحدر اكثر

وإذا مامعه احد لازم يشيل الرمل اللي معلق السياره والا ماتطلع

بعدين ينسم الكفرات

شكرا أخي جواله على الموضوع المفيد

[خبت قوس]

بعد محاولة السحب للخلف الطريقه إنك تشيل التراب اكرمك الله اللي محمله عليه السيارة من الوسط مثل محاولة الشخص الموجود بالصورة أو إنك ترصه بالعفريته من الامام حتى ينزل للخلف ويطلع من الغراز

[نمر بن حثلين]

مالها الا الحفر تحت الموتر علشان ينزل على ورا

ويفضل استخدام كريك طويل للحفر لان خطر الموتر ييهبد عليك

[myking]

هذا المشهد حصل لي ولكن بسيارة اخرى

وسويت فيه هذي الطريقه: اذا كانوا اثنين واحد يرفع خشمه والثاني يريوس

لانه اذا رفع خشمه راح يكون ثقل على الكفرات الخلفية من واقع تجربه
وانتهت المشكل لاتحفر ولا تدفن وتوجع راسك

[عاشق السيل]

أولا السحب من سيارة ثانية ،،

وإذا كان مافيه سيارة ثانية استخدام الونش ،،

وإذا كان مافيه ونش وضع البالون تحت السيارة اللي ينفخ بالشكمان ،،

وإذا كان مافيه بالون مالك إلا الحفر من وسط السيارة حتى تنزل الكفرات على الأرض !!!

أما لعفريتة ماتنفع بالرمل لأنها تغيص وبنفس الوقت مداها مايكفي لرفع السيارة ،،،،

وتقبل مروري يالغالي .......




.

[جوالة]

سحب من الخلف لانه اقرب للكفر. واذا مافي سياره للسحب ماله الا الحفر لينزل قليلا للسماح للكفرات بالدوران واستخدام الدبل طبعا
شكرا لك أبو سلطان على المعلومة.

[عـhddـاشق]

هذا المشهد حصل لي ولكن بسيارة اخرى

وسويت فيه هذي الطريقه: اذا كانوا اثنين واحد يرفع خشمه والثاني يريوس

لانه اذا رفع خشمه راح يكون ثقل على الكفرات الخلفية من واقع تجربه
وانتهت المشكل لاتحفر ولا تدفن وتوجع راسك


ماازيد على كلام اخوي شي

[فاقد المكشات]

ماله لاا انه يحفر لين يقدر يخلي الكفر الخلفي على الارض عشان يسمح للكفرات بالدوران

[شروكي ربع]

اذا عدمت وسائل السحب والتحريك الخارجية ..



مالك الا تنزل السيارة بالحفر ..



والرجل اللي بالصورة مكان حفره خطأ ..



لان الخلفية أقرب من الاماية للأرض ..



فالافضل يحفر من منتصف السيارة والى خلف السيارة ..



حتى تنزل خلفية السيارة و تتحرك باذن الله ..

[جوالة]

ماعليك إلا ان تنزل الهواء الى 10 . وتحاول رفع السيارة قليلا. وإذا كان فيها ونش اربطه في إقرب شجرة وتوكل .وإذا غير ذلك حاول ترجع للخلف لين السيارة تعطي نفسها فرصه قوة .

كلام جميل لكن لو لم يكن لديه ما ذكرت ما العمل ؟

[الفتكي]

السلام عليكم
كل عام وانتم بخير
لو كنت معاه ابعده عن السياره مسافة لاتقل عن20 متر تقريبا وبعدها اعرف اتصرف ولا هذا المكان مايغرس فيه ولا السياره الدفرنس الواحد لكن خلها على الله. ولك تحياتي

[جوالة]

والله ياطويل العمر هذا ماله الا ونش يسحبه ولا بيحفر من وراء ومنتصف السياره الأماميه اليييييييييييين يدلع لسانه

ههههههههه أهم شيء لين يدلع لسانه

[جوالة]

إذا معه سياره ثانيه يسحبه من الخلف لأنه منحدر اكثر

وإذا مامعه احد لازم يشيل الرمل اللي معلق السياره والا ماتطلع

بعدين ينسم الكفرات

شكرا أخي جواله على الموضوع المفيد

بارك الله فيك
والشكر موصول لكل من شارك وأثرى هذا الموضوع .

[جوالة]

بعد محاولة السحب للخلف الطريقه إنك تشيل التراب اكرمك الله اللي محمله عليه السيارة من الوسط مثل محاولة الشخص الموجود بالصورة أو إنك ترصه بالعفريته من الامام حتى ينزل للخلف ويطلع من الغراز

كرمت
وبارك الله فيك وشكرا لمشاركتك

[نبع الدموع]

يعطيك العافية على الموضوع اذا ما معة رافعة هواء بالشكمان او سيارة تسحبة ولا احد يساعدة بالتحريك لين ينزل الكفر الي بالخلف. له طريقتين تنفع اما انة يحفر لها من الامام بس ينتبة لا ينزل الموتر على ظهرة او انة يسقي الارض ماء لين تقسى تحت المكينة و الكفرات الخلفية و بعدها بالدبل الثقيل يمشي على خفيف لين يطلع.

[جي اكس ار]

سحب من الخلف لانه اقرب للكفر. واذا مافي سياره للسحب ماله الا الحفر لينزل قليلا للسماح للكفرات بالدوران واستخدام الدبل طبعا كلام سليم وحصل لي نفس التغريزة بربع سفاري وكان عندي دوام :( وشلت التراب اسفل السياره ونزلت ولامست الكفرات الرمل ونقصت الهواء والدبل شغال وطلعت :D0:D بس بصراحه متعبه جدا اذا كنت لوحدك

[علي عليوه]

يالربع ترى أكياس الشعير مفيدة جدا يعني حط معك كيسين - طبعا فاضيات-

ومثل هالتغريزة حط بالكيس من الرمل اللي تقدر تشيله وحطه بآآآآخر السيارة من ورى وإن كان معك جهد زود

الرمل وهو داخل السيارة لين يطيح قفاه وينزل الكفر المعلق غصب وبعدين تسويله تدبيل كلتش بالريوس على

خفيف لين يشيل عمره .

وباقي الحلول من الاخوان أرى إنها ممتازة ...

تقبل مروري ولك جزيل الشكر ....

[مخاوي الذيابه]

إذا تبي تطلع السيارة من الغراز ما لها إلا طريقتين :

الأولى : سحب بسيارة ثانيه من الخلف ..

الثاني : أنك تحفر لين الكفرات تصير على الأرض وبالدبل تطلع ..

[جوالة]

مالها الا الحفر تحت الموتر علشان ينزل على ورا

ويفضل استخدام كريك طويل للحفر لان خطر الموتر ييهبد عليك

الله يكفينا شر هبدة الموتر .

[sameer_1798]

بارك الله فيك أخي جواله
لكن أبي أسئلكم يالشقردية ماهي الطريقة لتفادي هذه التغريزة ؟ هل الأفضل الصعود بسرعة أو بطريق مائل ؟

[سنعوسي111]

اولا : التنسيم الى حد ما
ثانيا : التبريح من جهت الخلف وكذلك السكين حتى يستوي على الخلف
ثالثا : العودة خلف حتى الخروج ان شاء الله ..
بالتوفيق ان شاء الله

[جوالة]

هذا المشهد حصل لي ولكن بسيارة اخرى

وسويت فيه هذي الطريقه: اذا كانوا اثنين واحد يرفع خشمه والثاني يريوس

لانه اذا رفع خشمه راح يكون ثقل على الكفرات الخلفية من واقع تجربه
وانتهت المشكل لاتحفر ولا تدفن وتوجع راسك

شكرا لمشاركتك.

[جوالة]

بارك الله فيك أخي جواله
لكن أبي أسئلكم يالشقردية ماهي الطريقة لتفادي هذه التغريزة ؟ هل الأفضل الصعود بسرعة أو بطريق مائل ؟

حياك الله وفيكم يبارك الله

بالنسبة للطريقة لعل الشباب يفيدونك أكثر

[علي عليوه]

مستحيل اطلع السيف مايل إلا إذا كنت واثق من إني أقدر أطيح الموتر بسلاسة من الجهه الثانية

أحسن شئ النقز مع وزن الدعسة حتى تتفادى الطمرة المضرة

[جوالة]

أولا السحب من سيارة ثانية ،،

وإذا كان مافيه سيارة ثانية استخدام الونش ،،

وإذا كان مافيه ونش وضع البالون تحت السيارة اللي ينفخ بالشكمان ،،

وإذا كان مافيه بالون مالك إلا الحفر من وسط السيارة حتى تنزل الكفرات على الأرض !!!

أما لعفريتة ماتنفع بالرمل لأنها تغيص وبنفس الوقت مداها مايكفي لرفع السيارة ،،،،

وتقبل مروري يالغالي .......




.
سمعت ان فيه عفريته لها قاعدة ما تغيص في الرمل فيمتها 500 ريال على ما أظن

[ali_11]

ممكن يلف الطارة يمين مع الدبل الثقيل ويريوس بس ما يدوس بنزين
يعني ريحة بنزين بس وانا صارة معي بلاند روفر ( ديسكفري ) وهذا اللي سويته ولا حفرت ولا دفنت
وشكرا