للبيع منشار خشب(بنزين)

[قناص متقاعد]

بسم الله الرحمن الرحيم

السلام عليكم ورحمه الله وبركاته .

للبيع منشار خشب مقاس G3800/16

حالته ممتازه لم يشتغل الا قليل منذ شرائه جديد .

وهذي صورته .

http://www.merkaz.net/up/uploads/11743.jpg (http://www.merkaz.net/up/11743.html)

http://www.merkaz.net/up/uploads/11744.jpg (http://www.merkaz.net/up/11744.html)

[متجنس]

يالقناص

المنشار وش صناعته

وكيف قصه بالخشب

[الهمر]

كم سعرة جديد ؟
وهل علية ضمان ؟
وين مكانك ؟
وكم حدك ؟
وشكرا

[قناص حريملاء.]

يالحبيب !
بانشدك جربته على زبور ... كيف وضعه معك !!
وش صناعته كم حدك

[قناص متقاعد]

والله ياخوان مدري وش صناعته .

لكن بتأكد واشوفه واقولكم .

اما عن قصه . فهو مشل قص المناشير .

ولكن السبب في بيعه انني اعاني من صوته وخصوصاً اني استخدمه في البيت وسببت ازعاج للجيران وابغى اشتري بداله منشار كهربائي

[القصبي]

اذكر اول عندي اخوي منشار بنزيم شارية ب 900 ريال ومن احسن مايكون بس شكلة عطاة احد ربعة والله يمدحون الكهرب ماادري لية كذا شخص يقولون انة الافضل بس انا عندي النزيم افضل افرض انك في برد خل خالي ولا عندك احد ولا عندك كهرب مالك الا بنزيم

المهم كم وصل سعر السوم وكم حادة انت ؟؟

[ذهلان 1]

راح بـ : ( 300 ريال ) شرط المعاينة
أن بعتني أرسل رسالة خاصة والا على :
ج/ 0553329914
تحياتي

[فتى الوادي]

معليش ما ودي أخرب عيك البيع ...

لكن أنا عندي واحد مثل هذا بالضبط أعتقد ان نوعه يوكوهاما ....لكن متعبني بالحيل .. ما يقوم إلا بعد مهاوشة معه ...

وضبته كم مرة وما رضي يضبط ....

[قناص حريملاء.]

ان كان على كلام فتى الوادي فانا اقول بـ 200 ريال بشرط شوفته وتجريبه عندي زبر يحبه قلبك باجربه على هاك الزبر ان ظبط ولاهنق شريت والا المعذرة

[الخيال 1]

ولله ينفع للحطب
كم تبي فيه.

[راعي الأفلح]

350
وين موقعك

[السمار]

بــــــ500 شرط المعاينة والنظافة
الموقع الله لايهينك

[الصمان 2]

وين راعي المنشار

وكم حدك ؟

[مدد2211]

ان كان يوكوهاما اسوم300

[الوسيطاء]

يا اخوان الرجال يبي يبيع مهب عارضه تتمسخرون هاذا يسوم 500 وهاذا

يسوم 300 وش الكلام يا ناس

[روح اللييل]

وش ماركته ؟ وصناعته ؟

أهم شي يعني هو ايكو مثلا ؟

زمن متى مشتريه من زمان مره أو جديد؟

ما عليش كثرت الأسإله

[قناص متقاعد]

ابشروا بالاجابه على كل الاسأله .

صناعته ياباني .

عندي له تقريباً اربع سنوات . استعمالي فيه يمكن في السنه مره او مرتين ولا عمره طلع للبر . اقطع الحطب اللي عندي في البيت بس .

موقعي الرياض .

شاريه جديد بـ 1300 ريال من شارع الريل

نوعه ماعتقد انه يوكوماها بس اتأكد اكثر وارد لكم

والزيت يخلط مع البنزين اما زيت الحنزير لحاله

[العرمه]

اتوقع انه كوماتسو

[مدد2211]

<المعذرة اخوي انا كنت مستعجل وما قريت الا الصفحة الاوله ولا قصت انزال السعر

[قنّاص]

معليش ما ودي أخرب عيك البيع ...

لكن أنا عندي واحد مثل هذا بالضبط أعتقد ان نوعه يوكوهاما ....لكن متعبني بالحيل .. ما يقوم إلا بعد مهاوشة معه ...

وضبته كم مرة وما رضي يضبط ....


ماشاءالله عليك , ماودك تخرب عليه البيع , لكنك خرّبت , هذا وانت ماودك , يعين الله لو ودك ... عجبي على اللي لايسوم ولايشتري , لكن يخرّب وهو ما وده !!! :no2:

[راعي البرهـ]

حده وتراتي شراي بشرط التجروب

[الربان]

هل عرض البيع مازال قائماً

[الساهر2003]

معليش ما ودي أخرب عيك البيع ...

لكن أنا عندي واحد مثل هذا بالضبط أعتقد ان نوعه يوكوهاما ....لكن متعبني بالحيل .. ما يقوم إلا بعد مهاوشة معه ...

وضبته كم مرة وما رضي يضبط ....


السلام عليكم
شهادة حق اقولها ان هذا المنشار هو الثاني او الاول من ناحية الجودة في السوق عندنا في الرياض وكان في منشار الماني اسمه دولمر لكن انقطع ووكيله الادريس ولا يوجد له قطع غيار والمعروض كوماتسو على ما اعتقد وهو الافضل مع التنكا ووكيله موجود في شارع الريل الى الان وتشغيله اذا عرفت الطريقه وهو بارد سهلة جدا مع اي منشار او اي ماطور على البنزين وللمعلومية اي منشار حطب على البنزين اقوى بالضعف من منشار الكهرب والسبب انه اسرع دورة واقوى اندفاع واي صنبور يقطعة بسلسة متناهية شرط الجنزير سنين و حاد
وصاحب الموضوع لا اعرفه وهو في غنى عن شهادتى لكن حب لاخيك ماتحب لنفسك وكلامي من واقع تجربة في استعمالها وصيانتها واذا بتخرب عليه انا اقول الموضب في حراج بن قاسم ومدهون خامسه يباع 500 الى 750 ولا تلقا نظيف مثله ويكفي انه افضل مقاس من جميع النواحي الاستعمال وتوفر القطع
والكلام للجميع للي سامو ب 500 ثم ب 300 صار اسهم ولو لم يكن عندي واحد مثله من شركة اخرى لشريته لكن ادور له زبون
مع اطيب تحية للجميع

[القيادي]

ان كان على كلام فتى الوادي فانا اقول بـ 200 ريال بشرط شوفته وتجريبه عندي زبر يحبه قلبك باجربه على هاك الزبر ان ظبط ولاهنق شريت والا المعذرة


السلام عليكم
شهادة حق اقولها ان هذا المنشار هو الثاني او الاول من ناحية الجودة في السوق عندنا في الرياض وكان في منشار الماني اسمه دولمر لكن انقطع ووكيله الادريس ولا يوجد له قطع غيار والمعروض كوماتسو على ما اعتقد وهو الافضل مع التنكا ووكيله موجود في شارع الريل الى الان وتشغيله اذا عرفت الطريقه وهو بارد سهلة جدا مع اي منشار او اي ماطور على البنزين وللمعلومية اي منشار حطب على البنزين اقوى بالضعف من منشار الكهرب والسبب انه اسرع دورة واقوى اندفاع واي صنبور يقطعة بسلسة متناهية شرط الجنزير سنين و حاد
وصاحب الموضوع لا اعرفه وهو في غنى عن شهادتى لكن حب لاخيك ماتحب لنفسك وكلامي من واقع تجربة في استعمالها وصيانتها واذا بتخرب عليه انا اقول الموضب في حراج بن قاسم ومدهون خامسه يباع 500 الى 750 ولا تلقا نظيف مثله ويكفي انه افضل مقاس من جميع النواحي الاستعمال وتوفر القطع
والكلام للجميع للي سامو ب 500 ثم ب 300 صار اسهم ولو لم يكن عندي واحد مثله من شركة اخرى لشريته لكن ادور له زبون
مع اطيب تحية للجميع
شوفوا الفرق بين الردين ، وكله كلام ينطق به اللسان ولكنه يخبرك عن ادب وخلق صاحبه ، أخوي (الساهر) ، والله، ما أعرفك ولا أعرف البائع ، وأقولك جزاااااااااااااااااااك الله خير على كلام الرجال

[أبونورة777]

الله يرزقك اخوي البيعة الطيبة اللي تسر خاطرك ..

وحبيت اشكر الأخ الساهر .. والله يعين صاحب الموضوع على بعض الناس هداهم الله ..

والله لا أعرف أحد فيكم .. بس غصب علي رديت !!

[الساهر2003]

اخوي القيادي
واخوي ابو نورة 777
جزاكم الله الف خير وجميع المسلمين
والحق حق وواجب على الجميع التكاتف والتأخي والثقة موجودة في الاصل في البيع والشراء
مع اطيب تحية للجميع

[الصايخة]

اسوم بـ 600 ريال وإذا بتوصله للرياض بـ 650

ارجو المراسله على البريد ana_vxr@hotmail.com

[أبونورة777]

..........

[الصايخة]

بارك الله فيك اخوي ابو نوره ما تقصر يالغالي

والسوم على ، وعلى الله التسهيل

فمان الله

[الناخس]

علي 680ريال
0555251209

[القطا]

بالنسبة للاخ راعي المنشار يوكوهاما ... من خبرتي اكثر الاجهزة اللي تشتغل بطريقة شد الحبل (مولد ، منشار ، ..) كذا ... وعشان تتغلب على هذي المشكلة لازم كل اسبوعين او شهر تشغل الجهاز لمدة خمس دقايق ... عشان ماتتسكر ابرة الحقن حقت البنزيم. يستحسن تسوي الطريقة هذي ترى بتوفير عليك تصليح الجهاز وفلسفة العامل اللي بيصلحه. الله يرزق البايع ويوفق المشتري

[خادم الإسلام]

أنا شراي بــ 700 ريال وجاد وجوالي في التوقيع .

[الساهر2003]

اذا تواجه مشكلة في التشغيل بعد مدة طويلة من الايقاف واي محرك كلبليتر بامكانك اظافة بنزين في الكلبليتر ورجع كل شي محله وشغل مباشرة وراح يشتغل ان شاء الله

[ابوضاري]

اخوي قناص متقاعد السلام عليكم ورحمه الله اذا ترغب بالبدل بمنشار كهرب نوعيه اصليه (ماكيتا ) حجم اكبر الوسط لم يمضي عليه اكثر من شهر منذ شرائه 25/12/1428هـ ولكني لي رغبه بالنزين لانه بالاستراحه ويقيدني بوجود كهرب (220) جوال (0501876980 )

[نقا المطوع]

السلام عليكم
نسوم 350 على الفحص .

[يزيد_1977]

المفروض الخيمه هذي لها مشرف يتابع بعض الردود
اللي ماله بالشراء يتفرج ويطلع ازين له !!!!

اللي يقول مابي اخرب عليك!!! سبحان الله بالله تتوقع ردك مايخرب على بيع الرجال!!! يااخي قل خيرا او اصمت!!!
ياخوي اي ماطور هندل معروفه هالسالفه فيه اذا انسدت الابره لكن ماهن كل المواطير كذا فلاتخرب على خلق الله واللي بيشتري عنده راعي المنشار وبيجربه ويشوفه والرجال على سلامته صاحب الموضوع مااعرفه شخصي لكن

[يزيد_1977]

المفروض الخيمه هذي لها مشرف يتابع بعض الردود
اللي ماله بالشراء يتفرج ويطلع ازين له !!!!

اللي يقول مابي اخرب عليك!!! سبحان الله بالله تتوقع ردك مايخرب على بيع الرجال!!! يااخي قل خيرا او اصمت!!!
ياخوي اي ماطور هندل معروفه هالسالفه فيه اذا انسدت الابره لكن ماهن كل المواطير كذا فلاتخرب على خلق الله واللي بيشتري عنده راعي المنشار وبيجربه ويشوفه والرجال على سلامته صاحب الموضوع مااعرفه شخصي لكن بعض الردود تغبن.

[المظل]

وين راعي المنشار وكم وصل اخر سوم

[نقطة]

اخوي كان المنشار الى الآن موجود فأنا شراي ان شاء الله
ارجوا تراسلني على الخاص .

[المظل]

ابشركم شريت منشار كوماتسو جديد من الوكيل بالبيد 1050 ريال مقاس 16

[ابومحمدالراحل]

ابشركم شريت منشار كوماتسو جديد من الوكيل بالبيد 1050 ريال مقاس 16
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

رح لخيمة العدد والأدوات واكتب موضوع عنه وكيف استخدامه وهل هو زين أولا

أنت داخل على رجال يبي يبيع وش دخله فيك شاري جديد أو ماشريت؟؟؟؟؟؟؟؟؟؟؟

[ابوعدي]

ودنا نعرف انباع المنشار ونقول الله يربح البايع ويبارك للشراي
ولا توه وكم وصل السوم

[المظل]

جزاك الله خير
الرجال ما رد على موضوعه من تاريخ 2/1/2008