المساعد الشخصي الرقمي

مشاهدة النسخة كاملة : لمبه ولعت بالطبلون T-belt احد يعرفها


فزاااع
29/12/2007, 02:17 AM
السلام عليكم ورحمة الله وبركاته

اخواني الإعزاء
معي جيب لاندكروزر 2003 GXR قير تماتيك
ولعت لمبة في الطبلون T-BELT
وش معناها وهل لها تأثير على السيارة
احد يفيدني

http://www.m5zn.com/uploads/d4a0eeb909.jpg (http://www.afra7.net/vb/)
s3ed
29/12/2007, 02:22 AM
هذة علامة تظهر بعد ال 150الف كيلو
عبارة عن تنبية لتغير جنزير المكينة او ال timing billet

تقدر اتغيرة في اي كراج محترم بس الكلمة هذة يبغالها برمجة بسيطة

بحاول ادبرك الطريقة
لهيب الشوق
29/12/2007, 02:26 AM
http://i69.photobucket.com/albums/i49/jarkacipkova/thankusilver-1.gif
فزاااع
29/12/2007, 02:32 AM
مشكور اخوي
بس هل عدم تغيير جنزير المكينة فيه ضرر على الموتر
احس ان عزم السياره ثقيل جدا هل في علاقه بينها وبين ثقل العزم
ولك شكري
الهاوي28
29/12/2007, 02:38 AM
اخوي اذا موترك وارد الامارات

مافيه جنزير المكينة

لانه 6 سلندر

والجنزير ما يجي الا بال 8 سلندر

وبالنسبه للكلمة الظاهره هي في الاصل لل vx-r بس المواتر الي وارده الامارات اتجي فيها كلها

وياليت اتاكد من شركة التويوتا عندكم عن هالمشكله

تحياتي
رحال الغربية
29/12/2007, 02:39 AM
مشكور اخوي
بس هل عدم تغيير جنزير المكينة فيه ضرر على الموتر
احس ان عزم السياره ثقيل جدا هل في علاقه بينها وبين ثقل العزم
ولك شكري




لا ما فيه ضرر كثير بس
لو أنقطع الجنزير تحتاج لمكينة جديد علشان البلوف راح تتكسر والبساتم ممكن إنها تنثقب وراس المكينة رايح ينشعر وعمود التايم والله أعلم راح ينكسر
شروكي ربع
29/12/2007, 04:15 AM
ترجمة الـكلمة هي :



((timing billet - توقيت الفاتورة ))



وأما


(( billet - الملاحظة ))


على ذمت الوافي
maz
29/12/2007, 05:56 AM
لازم تغيره
و أذا انقطع طفت السياره
جوالة
29/12/2007, 06:03 AM
على حد علمي المتواضع كان معي سيارة هوندا فيها جنزيرين الأول صغير والثاني كبير على ذمة الباكستاني
انقطع علي الجنزير الصغير وصار صوت في الماكينة
رحت للورشة وقال لي لو انقطع عليك الكبير يخلف الله على الماكينة .
وبصراحة أول مرة أسمع أن فيه سيارة لا يوجد بها جنزير ماكينة .
ناصح
29/12/2007, 06:21 AM
أخي فزااع

هذه جنزير صدر المحرك ويتفاوت من سيارة لأخرى لكن الغالب أنها تظهر عندما تقطع السيارة مسافة 150 الف كلم

وهي للتذكير لتغير هذا الجنزير ..

ولا يضر التأخير البسيط طالما لم ينقطع ..

والأفضل أن يتم تغيره عند جهة متمكنة في صيانة مثل نوعية سيارتك وأفضل لك الوكالة ..
الكونترولCONTROL
29/12/2007, 06:29 AM
مشكور اخوي
بس هل عدم تغيير جنزير المكينة فيه ضرر على الموتر
احس ان عزم السياره ثقيل جدا هل في علاقه بينها وبين ثقل العزم
ولك شكري

مولعة عندي على 200000 VXR
و ما غيرته الا قريب من 400000
و ما واجهت اي مشاكل
و قبلها ديزل 2002 ولعت على 150000 و غيرته مباشرة ما فرقت بين السير القديم و الجديد !!!!
الثقل ما له علاقة بالجنزير ..... فقط ان سمعت صوت غريب لأنه له مكرة علوية و مكرة سفلية ( رمانات )
و للمعلومية : ان كان ديزل ما يكلف الا بحدود 300 ريال
و ان كان بنزين يكلف بين 1000 و 1400 حسب الورشة
الله يعينك ...
aziz2727
29/12/2007, 10:07 AM
حبيبنا ولا يهون الجماعه
انا عند الوكاله الاسبوع الماضي وقالي المهندس اذا كانت السيارة 6 سلندر ما يحتاج تغيير الجنزير بس الدعوه برمجه بحدود 150 ريال
اما اذا كانت السيارة 8 سلندر يعني فكس آر يحتاج تغيير الجنزير بحدود 2000 الى 2500 ريال
الهوى
29/12/2007, 11:29 AM
يعطيك العافيه على التقرير الرائع
ملاعب الريح
29/12/2007, 11:37 AM
مساكم الله بالخير

هاللمبه ولعت علينا بفكسار 2001 ورحنا للورشه وفصلو السلك وطفت اللمبه بدون تغيير الجنزير علماً إن الموتر قاطع الآن حدود الـ250000 وكل شي تمام ولله الحمد.........



ملاعبــ
محمد بن ناصر الثبيتي
29/12/2007, 12:21 PM
اخوي فزاع
مسيك بالخير
عندي موتر مثل موترك ولعت عندي اللمبه هذي والله يعافي اخواني اهل مكشات علموني وشهي ورحت لشركة عبداللطيف جميل في الرياض ودخلت السياره عندهم وفقط طفوا اللمبه اظن اخذوا 120 ريال وقالوا انها للجنزير حق الفاكس ولا الجكس مايحتاج هذا الكلام قبل سنه وموتري هالحين ماشي 240000 كم ولا فيه الا العافيه,,,,,,,,,,,,
اخوك ابوناصر
سيد النشاما..
29/12/2007, 12:54 PM
بالتوفيق ياشيخ

والله يعيننا وياك على هالمواتر
الحثاقي
29/12/2007, 01:15 PM
الاخ فزاااااع

الاخوان ما قصرو معك

هاذي طال عمرك لمبة جنزير او سير صدر المكينة وعادة يولع اذا قطعت المكينة مسافة 100000 كيلومتر

والافضل انك تغيره
BlackKnight
29/12/2007, 03:04 PM
السلام عليكم
طريقة اطفاء لمبة الــ T-belt كالتالي:

طف السيارة وخل المفتاح داخل السوتش وبعدها اظغط الزر اللي في طبلون السرعة(اللي يغير الكيلوات)
علق عليه ودق السلف وانت معلق عليه بس انتبه تشغل السيارة وخلك معلق عليه مدة دقيقة وبعدها اتركة واظغط مرة ثانية بيطلع لك رقم 15 هذي معناها ان اللمبة تولع اذا مشت السيارة 150000 .

اظغط عليه بيطلع لك رقم 1 هذا يعني انها بتولع بعد 10000 كيلو واظغط ثانية بيطلع رقم 2 هذي يعني انها بتولع اللمبة بعد 20000 وانت اختر اللي تبي متى تذكرك؟ فيه من رقم 1 إلى يمكن 12 على ما أذكر يعني من 10000 كيلو إلى 120000 كيلو
واذا اخترت الرقم علق على الزر لما يرجعك إلى الكيلوات وبعدها طف السلف وشغل وبتلااقي اللمبة طفت

وارجو اني اكون قدمت شي مفيد
منتعش
29/12/2007, 05:55 PM
حي الله أخوي الغالي
الجنزير أو ( التايمر )
هذا ما يغير إلا في المكاين اللي ثمانية سلندر
وكان معي vxr وولعت اللمبة وغيرت الجنزير وما طفت اللمبة ويوجد لها برمجة يدوية
وبعض الوكالات هداهم الله يستغلون الناس ويقولون حط السيارة عندنا وتعال بعد ثلاث ساعات لأنها تحتاج إلا فك الطبلون وووووووو
وهذا كلها نصب وكذب وطفيتها خلال دقيقة واحدة ولا كلفتني شي
ولا تخاف أخوي الغالي لأن سيارات نوع gxr ما يحتاج تغير الجنزير
والله يوفقك الجميع لكل خير
بيت طين
29/12/2007, 06:16 PM
النسبه لل T-belt فهي تعني تايت بلت يعني اربط سير المكينه لانه يرتخي مع الوقت وتغييره ضرورى وبالنسبه للاخ اللي يقول بس لل 8 سلندر فهذا غير صحيح اناا مغيره للكزس 6 سلندر وتغييره ضروري.. اما بالنسبه لاخوي فزاع فعزم الجي اكس ار كله يفتح الله وتلقاه افضل اذا كان قير الموتر عادي وتقبلوا تحياتي جميعا....
البدائع ديرتي
29/12/2007, 06:55 PM
السلام عليكم ورحمة الله وبركاته

اخوي لاتتأخر عن تغيير الجنزير فأن كان معي جيب GX ديزل ولعت النبة الي تقول وذهبت لورشة الكبير بالبصر وعلى طول قال غير الجنزير وللمعلومية تولع بعد 100000 مائة ألف كيلومتر.
الكونترولCONTROL
29/12/2007, 07:05 PM
السلام عليكم ورحمة الله وبركاته

اخوي لاتتأخر عن تغيير الجنزير فأن كان معي جيب GX ديزل ولعت النبة الي تقول وذهبت لورشة الكبير بالبصر وعلى طول قال غير الجنزير وللمعلومية تولع بعد 100000 مائة ألف كيلومتر.
================
أكيد بيقول لك غير !!!!! وش هو فاتح له !!!!!!!!!!!

لا و بعد 100000 ؟؟!!!!!!!!!
برق 8
29/12/2007, 09:16 PM
اخي فزاع
معي لاند كروزرموديل 2003 GXR وولعت معي اللمبه اللي في الطبلون T-belt عندما مشى الموتر عداد 150000 كليو ذهبت الى الوكالة وقالوا لي ماتحتاج الا برمجه وهي سهله جداً جداً
أبو مسفر
30/12/2007, 12:19 AM
الجي اكس مثل ما قالوا الاخوان ستة سلندر وجنزيره حديد وماعليك من اللنبة
اما الفاكس هو اللي جنزيره ربل ويغير اذا ولعت اللنبة
رومل
30/12/2007, 01:34 AM
فيه شدادات مع الرمانات تتعب وترخي سير التأمين وتولع اللمبه
انا رائيي انك تسوي برمجه لان سيارك جي اكس ار بعدين غير
الرمان والشداد والسير لانها مع الوقت تسبب لك مشكله
samfj40
30/12/2007, 01:19 PM
هذى لمبة تحذير بانه يجب تبديل سير التوقيت قبل ان ينقطع وتتلف المكينه0 وهو مكان الجنزير وعمره الافتراضى بحدود155000 كم0 انصحك بتبديله حالا وعند ورشه متخصصه بالفي اكس ار0 لاتتهاون بذلك يااخي0
ابهاوي404
30/12/2007, 06:43 PM
الاخ .فزاااع00000000000000

من الافضل الذهاب للوكاله وتشيك على الموتر بالكمبيوتر وكلها 150<ريال وتعرف السبب اذا

المشكله جنزير او برمجه والاهم تطلب ورقة الفحص مع الفاتوره حتى تضمن حقك00

وانشالله عوافي
المحذوف
30/12/2007, 07:56 PM
اخي حسب معرفتي البسيطة هذا يسمى سير التيمن وهو يغير في الفي اكس ار بعد 150 الف اوعند ما تولع اللمبة وهو مهم جدا للسيارة ويسبب مشاكل كثيرة انصحك بتغييره رغم انه مكلف شوي شغله حوالي ( 1000 ) ريال
وفي الوكالة اكثر 0
اتمنى لك السلامة ولجميع اخواني المسلمين 0
فزاااع
31/12/2007, 12:13 AM
شكرا لجميع الاخوه الذين شاركوا في هذا الموضوع