ارتفاع الحرارة يالربع

[رآعي آلبآترول]

مساكم الله بالخير يالربع
عندي جيب باترول سوبر سفاري بخاخ مديل 99
القصة اني اذا اسرعة ارتفعت الحرارة وطلعت موية الاديتر من القربة:confused:
صيخة الاديتر ونظفته وغيرت الخراطيش وفكيت البلف ونفس المشكله ماتغير شي
وش تتوقعون الي يضغط الماء كذا ويخليه يطلع من الاديتر عن طريق القربة

الله لا يهينكم يالربع نبي خبرتكم

[s3ed]

اذا سخنت عليك السيارة

امسك لي الما اللي بين الرديتر والمكينة اذا لقيتة صلب ويابس

بيكون عندك مشكلة في راس المكينة يكون الراس دايب من الحرارة ويبغالة حف خفيف وتبديل جازكيت

تأكد من شي يمكن انت حاط كشافات او اي شي مانع من دخول الهوا من مقدمة السيارة

[ابو نوره]

هلا اخوي
غير غطاء الاديتر
صارلي نفس المشكله بسياره هوندا

[رآعي آلبآترول]

يطول عماركم ماتقصرون
بس انا ماحطيت كشافات ولا شي يسد الهواء عن الاديتر السيارة شد بلد
وغطاء الاديتر جديد ولا فيه شي

[ذئب اليل]

أخوي إذ كانت مروحت التبريد ميكنكية تكون من تمتيك المروحة لا كن علشان تئكد أكثر اسرع على الموتر وأذ ارتفعت الحرارة خفف السرعة وإذ نزلت الحرارة بتكون من تمتيك المروحة ارجو اني افتك

[شروكي ربع]

واذا كهرب ممكن فيه مشكلة كهربائية ..


يمكن في الكتاوت ..



خمات متى ما بغت اشتغلت ومتى ما بغت طفت ..

[عشانا]

اخشى ان يكون عندك بلف قافل

[استشاري]

مسيكم بالخير
غالبا اذا كان تمتيك المروحه خربان، فالحراره ترتفع اذا السياره شغاله وهي واقفه و تنزل الحراره اذا مشت خصوصا المسافات الطويله.
بما انك غيرت غطا الاديتر والليات وشلت بلف الحراره، فيبغالك الاتي:
-شغل السياره و خلها واقفه
-عب الاديتر ماء للاخير
-انتظر حتى ياخذ الماء دورته ويستقر
-راقب الماء مع فتحة غطاء الاديتر
-اذا تشوف فقاعات هواء تطلع (يعني يبربر) معناه من الراس
هذا مجرد راي وتاكد ميه بالميه من السبب قبل ما تقرب للراس

[الساهر2003]

اخوي امل التشييك ومتابعة النقاط التالية بالتسلسل
1- غطاء الرديتر
2- خراطيش الماء
3- تسييخ الرديتر وغسله من الخارج
4- التشييك على تماتيك المروحة
5- تغيير البلف وغسل المكينة من الداخل
6- التشييك على اللي الصغير المؤدي الى القربة
8- الطامة الكبرى (فك راس المكينة وخرطه وتغيير الوجه ) وهذا لا نريده
7-التشييك على طرمبة الماء
ملاحظة من علامة ان الراس متسدده الفتحات اذا شغلت السيارة ويكون غطاء الرديتر مفكوك وتلاحظ الماء يطلع للخارج على شكل قفزات صغيره مثل النفخ في مصاص العصير
ملاحظة اخرى من علامة الراس مقوس يكون في الاديتر لما تفتح الغطاء يكون فيه هواء يطلع والماء في القربة ينقص وكذلك يكون منشعر ويكون في الماء قليل جدا من الزيت
اسباب مشاكل الراس وانسداده التاخر في تغيير الماء او اظافة ماء عادي ويكون داخل المكينة متوسخ فيسبب انسداد في مجاري الراس
ومن اسباب تقوس الراس الحرارة العالية للمكينة وخلوها من الماء وخطء فادح يقع فيه كثير من الشباب وهو اثناء التطعيس والشد على السيارة ولما يوقف يطفي بسرعة وفي الاثناء يبقى الماء حار والمكينة حارة فتزداد الحرارة بشكل كبير
واسف على الاطالة
مع اطيب تحية للجميع

[ابوطاقية]

لاتهمل الحراره وحاول ايجاد حل للمشكله
انا غيرت مكينه بسبب الحراره

[abo fasil]

السلام عليكم ورحمة الله وبركاته

اتوقع من طربة الموية او مروحة المكينه يكون الكلتش عطلان مثلا علي السرعات العاليه لا تعطي الدوران المطلوب منها وبذلك ترتفع حرارة المكينة .

والله اعلم

[برق ورعد ومطر]

السلام عليكم

هلا اخوي


بصراحة اخونا الساهر2003 ما قصر وبيض الله وجهه ولا يهون الباقين شرحلك بالتفصيل

بالنسبة لي صارت المشكلة ووجدت العلة في الاديتر متسدد وسيخته ولا نفع بعدين غيرته بجديد اصلي بـ 1100
( لاندكروزر ) كذلك واجهت بعدها مشكلة اخرى بعدها بفترة طولية ارتفعت الحرارة وكان الخرطوش
ضغطه مرتفع وكل شوي وان حاط قفيز زيادة لمنع التسرب وبعدين وديت السيارة للورشة قالي عندك الراس منشعر وتحتاج السيارة توضيب بس هناك حل وهو انك تشيل البلف وبالفعل بعد ما شلت البلف صارت الحرارة تحت الصفر ولا ترتفع عند الخط الا مع تشفيل المكيف بعز الصيف وانا مسرع .
بس المشكلة الآن بالبرد السيارة ما تسخن الا بعد الشقا :) والمكيف معد يطلع منه هواء حار
وافكر اركب دفاية :p ....
بس عندي استفسار لاخونا الساهر2003 هل صحيح ان السيارة تحتاج توضيب كامل في مثل حالتي ؟؟

[ابو نواس]

الحرارة غالبا تكون من
1- المروحة
2- او الراس يكون مشعور
إذا كانت المشكلة من المروحة تبرد السيارة إلى مشت زي ماقال
اخونا استشاري وإذا كانت من الراس فالعكس صحيح

[آمري يا كامري]

لقد كانت عندي مثل هذه المشكله في الكريسيدا 87وقمت بغسل الاديتر وعمل تسييخ ومع ذلك الحراره ترتفع والماء يخرج من الاديتر لان الاديتر سعودي فقمت بشراء اديتر ياباني شد بلد والسبب في ارتفاع الحراره ان الغطاء الذي على الاديتر السعودي حديد والغطاء الذي على الياباني بلاستيك ارجو أن أكون أفدتك

[الساهر2003]

اخوي برق ورعد ومطر
السلام عليكم مو لازم يوضب المكينة ولاكن يجب تغيير الراس اذا هو منشعر ووش خبر المكانيكي انه منشعر لازم يشوفه بعد الفك ويحكم عليه هل هو منشعر او مقوس اذا مقوس يمسح الراس عند المخرطه ويغير الوجه وبعد ذلك يرجع تمام واتوقع المشكلة عندك الراس مقوس فقط وكل هذا الشغل مو سهل لكن مايوصل حد التوضيب
مع اطيب تحية للجميع

[بدوي جنوبي]

ترا خرط الراس سبب من اسباب
ارتفاع الحراره ،،،

والاخوان ما قصرو في سرد القطع اللي تحتاج تشييك

بالتوفيق

[الاتصال السريع]

السلام عليكم
انا عندي باترول الموديل 95 م الحراره ما ترتفع الا في الطلعات وعند السرعات العالية من فوق 140كم( القير تماتيك )
حيث قضيت اجازه عيد الاضحى المبارك 1428هـ في منطقة عسير طبعا تهامه روعه في الشتاء لاحظت الحراره ترتفع على غير العاده عند السفر من الرياض الى ابها وعند السرعات العالية كما اسلفت طبعا هديت السرعة ومشيت دون 120 كم وخفت شوي لغاية ما ارتفعت مره ووقفت وخليتها تبرد بعدين شغلت واضفت الماء
وكانت الحراره نايمه وبعد مشوار تقريبا 300كم ارتفعت مره اخرى ولكن قليلا المهم وصلنا وجهتنا وعندما وصلنا قمت بنزع البلف حق الحراره ولم يجدي معها بل ارتفعت الحراره اكثر مماسبق وبعد ذلك قمت بإعادته وتحسنت قليلا وعند رغبتي بالصعود لابها عن طريق عقبة الصماء وهي عقبة شديدة الانحدار لمن لايعرفها ولم اصل اقل من ربع المسافة الا والحراره على الاتش طبعا لم استطع المواصله فتلك العقبه على اسمها عقبه وعدت ادراجي قاصدا عقبة ضلع ربما تكون اهون ، ولكن نفس المشكله ارتفعت الحراره ( قد يسألني الاخوه الكرام لماذا لا اقوم بإصلاح ذلك العطل ) طبعا الجواب لان المهندسين هناك عليميه ، المهم استمريت في التوقف وتزويد الاديتر بالماء في كل مره ترتفع الحراره طبعا اكثر من اربع وقفات
المهم وصلنا لمدينه ابها متوجهين الى الرياض طبعا السيارة عينت خير بعد البراد واستواء الطريق وعاودت الارتفاع مع السرعه ووقفت في منطقة اسمها القيره وزودت الاديتر بالماء ، وسبحان الله لم تعد ترتفع حتى وصلت الرياض وعندما اردت ان ترتفع الحراره كي اذهب بها الى مهندس لم ترتفع ابدا ولم تتعدى الخط الثاني حتى كتابة هذه الاسطر لاادري ماالسبب ، المهم الغيت فكرت الذهاب الى مهندس وبنتظار اخوتي الكرام لأخذ الرأي والمشورة في مثل هذه الحاله ( طراها اخي السائل الكريم ) الذي سأل عن ارتفاع الحراره
آسف على الإطاله صارت قصة .
وشكرا لسعت صدوركم

[آل علي]

تأكد من الخرطوش الأسفل منه المشكلة لأنه يقفل مع السرعة



أجمل المني

[الاتصال السريع]

عزيزي / آل علي

لاعدمتك وشكرا على المبادرة بالرد واوعدك

اني اكشف عالخرطوش اللي ذكرت .

[لهيب الشوق]

قد يكون سبب ارتفاع الحرارة هـــو :

1ــ ارتخاء أحـــد السيور
2 ــ الخراطيش
3 ــ البلف قافل
4 ــ نقص الزيت
5 ــ طرمبة الماء
6ــ أتوماتيك المروحة



وأنصحكم جميعاً بعدم فك البلف نهائياً إلا إذا كان عاطلاً
واستبداله بقطعة أصلية .

[الساهر2003]

اخواني الاعزاء
صحيح ان خرط الراس في بعض السيارات يزيد من الحرارة مثل الهونداي ولكن في مجمل السيارات لا يساعد على حل المشكلة والداعي لخرط الراس او مسحه هو ان الحرارة تصل الى H بعدها يقوس ويسبب هواء في الاديتر وسبب ارتفاع الحرارة هو تسدد مجاري الماء في راس المكينة بسبب الترسبات من املاح وغيرها والحل هو مسح الراس و فك البلف او اظافة بلف اقل درجة ترهيم بلف رقم 75 او غيره
واما استفسار اخوي الرد السريع
تاكد من غطاء الاديتر او من الخرطوش السفلي واحتمال كبير يوجد تسدد في مجاري الماء في راس المكينة وللمعلومية سعة مجاري راس المكينة اقل من 1 سم في بعض السيارات ومع طول فترة بقاء الماء وعدم المتابعة له من تنظيف او تغيير او تشييك هل هو صالح للبقاء او يحتاج الى تغيير لوجود تغير في لون ماء الرديتر يسبب تسدد فيها
وممكن اخوي اذا انت في الرياض وتبي تتاكد من ان السيارة سليمة جربها في الطعوس وشد عليها بدبل خفيف وراق عليها اذا ارتفعة وتحملت المكينه راح تبين الخلل
وناسف على الاطالة ولتتضح المعلومة للقراء ويوجد من هو اخبر من الساهر في هذا التخصص
لكن لتعم الفائدة للجميع
مع اطيب تحية للجميع

[الاتصال السريع]

اخوي / الساهر

جزاك الله خير ومشكور

اخوك / الاتصالات السريع

[سندهم]

مساكم الله بالخير يالربع
عندي جيب باترول سوبر سفاري بخاخ مديل 99
القصة اني اذا اسرعة ارتفعت الحرارة وطلعت موية الاديتر من القربة:confused:
صيخة الاديتر ونظفته وغيرت الخراطيش وفكيت البلف ونفس المشكله ماتغير شي
وش تتوقعون الي يضغط الماء كذا ويخليه يطلع من الاديتر عن طريق القربة

الله لا يهينكم يالربع نبي خبرتكم
__________________________________________

كانك مالقيت الحل الحل عندي :


ولد عمي معه باترول 98 بخاخ وحرارته ترتفع وبعد عدة توقعات والنصب من راعين المحلات وأخذ مافى مخباته أكتشف .

من طرمبه ماء الأديتر + وشراله بلف حرارة وكالة

[عبدالرحمن 11]

سلام عليكم
اخوي راعي الباترل
اولا-كم السرعه اللي تبدا عندها الحراره
ثانيا- بعد ما تنزل الحراره كم تزود الرديتر من علبه ماء مقطر

تقبل مروري اخوك عبدالرحمن 11

[الساهر2003]

شكرا لك اخوي الاتصال السريع والشكر موصول للجميع وهذا الواجب علينا

[لهيب الشوق]

__________________________________________

كانك مالقيت الحل الحل عندي :


ولد عمي معه باترول 98 بخاخ وحرارته ترتفع وبعد عدة توقعات والنصب من راعين المحلات وأخذ مافى مخباته أكتشف .

من طرمبه ماء الأديتر + وشراله بلف حرارة وكالة




يعطيك العافية ياسندهم

[بدوي جنوبي]

السلام عليكم
انا عندي باترول الموديل 95 م الحراره ما ترتفع الا في الطلعات وعند السرعات العالية من فوق 140كم( القير تماتيك )
حيث قضيت اجازه عيد الاضحى المبارك 1428هـ في منطقة عسير طبعا تهامه روعه في الشتاء لاحظت الحراره ترتفع على غير العاده عند السفر من الرياض الى ابها وعند السرعات العالية كما اسلفت طبعا هديت السرعة ومشيت دون 120 كم وخفت شوي لغاية ما ارتفعت مره ووقفت وخليتها تبرد بعدين شغلت واضفت الماء
وكانت الحراره نايمه وبعد مشوار تقريبا 300كم ارتفعت مره اخرى ولكن قليلا المهم وصلنا وجهتنا وعندما وصلنا قمت بنزع البلف حق الحراره ولم يجدي معها بل ارتفعت الحراره اكثر مماسبق وبعد ذلك قمت بإعادته وتحسنت قليلا وعند رغبتي بالصعود لابها عن طريق عقبة الصماء وهي عقبة شديدة الانحدار لمن لايعرفها ولم اصل اقل من ربع المسافة الا والحراره على الاتش طبعا لم استطع المواصله فتلك العقبه على اسمها عقبه وعدت ادراجي قاصدا عقبة ضلع ربما تكون اهون ، ولكن نفس المشكله ارتفعت الحراره ( قد يسألني الاخوه الكرام لماذا لا اقوم بإصلاح ذلك العطل ) طبعا الجواب لان المهندسين هناك عليميه ، المهم استمريت في التوقف وتزويد الاديتر بالماء في كل مره ترتفع الحراره طبعا اكثر من اربع وقفات
المهم وصلنا لمدينه ابها متوجهين الى الرياض طبعا السيارة عينت خير بعد البراد واستواء الطريق وعاودت الارتفاع مع السرعه ووقفت في منطقة اسمها القيره وزودت الاديتر بالماء ، وسبحان الله لم تعد ترتفع حتى وصلت الرياض وعندما اردت ان ترتفع الحراره كي اذهب بها الى مهندس لم ترتفع ابدا ولم تتعدى الخط الثاني حتى كتابة هذه الاسطر لاادري ماالسبب ، المهم الغيت فكرت الذهاب الى مهندس وبنتظار اخوتي الكرام لأخذ الرأي والمشورة في مثل هذه الحاله ( طراها اخي السائل الكريم ) الذي سأل عن ارتفاع الحراره
آسف على الإطاله صارت قصة .
وشكرا لسعت صدوركم

لو انك مشغل الدبل في عقبة الصما اتوقع ما ترتفع الحراره
واترك كلام الناس اللي يقول ليه تشغل الدبل ،،،
الدبل يريح المحرك كثير وايضا يحافظ علي صحن الكلتش
واهم شي تشغليه في النزول .

بالتوفيق

[الساهر2003]

اخوي بدوي جنوبي
تشغيل الدبل في عقبة الصماء في كلا الحالات النزول والطلوع خطء فادح جدا وبالعكس يجهد المحرك بشكل كبير وكانت القناعة مثلك لكن في التطبيق العملي كان العكس تماما مثال بسيط في النزول لما يكون الدبل شغال وفي حالت اللفة والنزول يزحف الموتر للجهة المقابلة وخطر جدا وكذلك الصعود وفي اللفة يجهد السيارة الدفع الرباعي وبامكانك التجربة
مع اطيب تحية للجميع

[الاتصال السريع]

شكرا مشرفنا الغالي والشكر موصول لاخي الساهر
سؤال :
هل سبق لاحد منكم النزول او الصعود مع تلك العقبة ؟

وافيدكم اني قد جربت الدبل خاصة بالنزول لان سيارتي قيرها تماتيك ، ولكن مثل ماقال اخوي الساهر صعوبة التوجيه اثناء استخدام الدبل وذلك للإنحناءات المتتالية في العقبة .

[رآعي آلبآترول]

الله يمسيكم بالخير

اخواني بيض الله وجيهكم الان السياره في الورشه راح اتأكد من القطع حبه حبه
1-البلف
2-كلتش المروحة
3-طرمبة المويه
4-حساس الحرارة
5-واخر شي نشيك على الراس

وراح اكون متواصل معاكم لافيدكم وش كان السبب منه

واحب اشكركم مره ثانية جعلكم تسلمون وماقصرتوا استفدنا كلنا من خرات الاخوان

[الساهر2003]

شكرا مشرفنا الغالي والشكر موصول لاخي الساهر
سؤال :
هل سبق لاحد منكم النزول او الصعود مع تلك العقبة ؟

وافيدكم اني قد جربت الدبل خاصة بالنزول لان سيارتي قيرها تماتيك ، ولكن مثل ماقال اخوي الساهر صعوبة التوجيه اثناء استخدام الدبل وذلك للإنحناءات المتتالية في العقبة .

اخوي الله يسلم الجميع
سبق لي الصعود والنزول اكثر من مرة وكذلك عقبة فيفا والنزول من جهة اخرى واغلب عقبات الجنوب المزفلته
وسالت اكثر من شخص من اهل المنطقة ويستخدمون الجيوب الصوالين والجمس التماتيك وعند النزول يثبت البريك اليدوي بشكل بسيط جدا بمعني تخليه يمسك خفيف جدا وينزل تلاحظ اختلاف كبير في قدرة تثبيت السيارة ولا تحتر الفرامل ولا يسبب اي مشاكل الا حرارة بسيطه في الجنط والهوبات وهذا شيي اكيد راح يصير والاهم لا تسحبه بقوة حتى مايعطي عكسية هههههه
مع اطيب تحية للجميع

[الاتصال السريع]

شكرا اخوي الساهر

ملاحظة جديدة حركة الجنط سوف اطبقها في المرات القادمة ، وبالنسبة للحراره رحت لمكنيكي بالرياض وقال الرأس سليم والطرمبه تمام والخراطيش ايضا المشكلة بالرديتر