المساعد الشخصي الرقمي

مشاهدة النسخة كاملة : طريقة شبك من تاليفي لكن لم تجرب .........وشاركونا الراي


الاكستريما 2
30/12/2007, 01:07 PM
ياشباب خطر في بالي فكره بس ما جربتها وهي انك تاخذ طائره ورقيه على شكل طير وترسم عليها صورة شبوط ( حميميق + شرياص ) وتاخذ نقل وتربطه فيها عشان تجذب الطيور البعيده وكذا تكون استفدت من شكل الشبوط بدون ما تضره بس ياحلالاه من يجربها ويعلمنا نفعت والا لا ويكون هذي طريقه جديده واول من طلعها منتدى مكشات الغالي واعذرونا على القصور
أبو ممدوح
30/12/2007, 01:39 PM
لي الشرف اني اكون اول من يرد على موضوعك
فكرة طيبة بحيث انك ما تأذي الشبوط بس في نفس الوقت اشوفها صعبة لأن الشبوط اذا اطلقته يبين عليه رفت الجنح والطائرة ما يبين عليها شي بكذا الطير راح يستغرب ويبدأ بالإبتعاد ويستنكر ويراقب من بعيد لكن ربما أحد الأخوان ينجح فيها بطريقه معينه ويخبرنا ومشكور اخوي خوي الطير على الموضوع الرائع
بـــن خــتروش
30/12/2007, 02:00 PM
فكره جديده ورائعه وأنا جربت الطائره الورقيه بلونها العادي والحجم المتوسط (النوام) وفعلا عندي طيور هدت عليها وبدل ماتصيد التلواح علقت الطياره وبعضها خاف منها وهرب وبعدين أستبدلتها بوحده أكبر وعلمت الطيور عليها وأنا أكدلك أنها فكره ناجحه محتاجه لبعض التغييرات في الأ لوان وطريقة صنع الطائره لتجنب صوت الهواء لكي لا تخيف الصقور وفكره تحسبلك يا خوي الطير وانا إنشالله بحاول أجربها وأعطيكم المستجدات
جارح العين
30/12/2007, 02:02 PM
الفكره حلوه لاكن المشكله اذا كانت الورقه بحجم الشبوط ما تطير لاز تكون كبيره على الاقل بحجم العقاب وما اظن يهد عليها.
الاكستريما 2
30/12/2007, 02:25 PM
مشكورين اخواني على الردود ابو ممدوح + بن ختروش + جارح العين


طيب وش رايكم لو نضيف على الطائره الورقيه :
طيب لو يلصق الواحد على الطائره الورقيه ريش بلون الشبوط يمكن ما يستنكرها الطير ويهد عليها والهواء بيحرك الريش اللى ملصق على الطائره الورقيه وبكذا تكون اقرب للحقيقه وراح يعتقد الطير انه شبوط اكثر
الاشعل 316
30/12/2007, 03:28 PM
خوي الطير اذا عندك طير جربها عليه
الاكستريما 2
30/12/2007, 05:37 PM
العين بصيره واليد قصيره لو معي طير كان تلقاني في البر ادور حبارى وكراوين
AL MSAFER
30/12/2007, 07:00 PM
طريقة جميلة نجرب ونشوف
وانشاء الله تنجح
الاكستريما 2
30/12/2007, 10:38 PM
انشاء الله تنجح وعقبال الطيور انشاء الله
صقر الليث
31/12/2007, 12:13 AM
خذلك شبوط محنط وريح نفسك
الاكستريما 2
31/12/2007, 09:33 PM
الله يجزاك خير الشبوط المحنط ما يطير مثل الورق وشكرا على مرورك
خشف.
31/12/2007, 11:31 PM
يعطيك العافيه على الفكره الجديده
خشف.
31/12/2007, 11:32 PM
يعطيك العافيه على الفكره الجديده ...
الاكستريما 2
01/01/2008, 10:09 AM
الله يعافيك خشف ومشكور على هالمرور