عندي مشكله في حرارة الباترول 94

[الاشعل 316]

السلام عليكم ورحمة الله وبركاته



عندي باترول موديل 94 ترتفع فيه الحراره الى الربع والموتر كبليتر والظغط في اللّي مهب ذاك الضغط


بحيث اني استطيع فتح غطى الرديتروالحراره واصلة الربع ويخرج منه ماء قدر كوب .


مع ان تماتك المروحه جيد والرديتر يعني مستهلك والمكينه مغسوله من الداخل هي والرديتر


مع اني ارى بعض الاحيان اللّي الذي بين الرديتر والمكينه يكون فيه ضغط وبعض الاحيان ينخفظ الضغظ فيه


بأن لايوجد اي تهريب في الماء


السؤال / ماهي اسباب ارتفاع الحراره الى الربع في الباترول مع ان حرارة السفاري ماهي بسهول تاصل الحراره ربع في هذه الايام وهل يكون من الراس فيه خلل وهل صحيح ان الرأس اذاكان مشعور او فيه انحناء في صيف او شتاء ترتفع الحراره الى H؟

[سيد النشاما..]

وعليكم السلام ورحمة الله وبركاته
ماهو شرط أن الحرارة مصدرها شعر الراس أو خرابه
هل موية الرديتر عندك وسخة وغير نظيفة ؟؟؟؟؟؟؟؟؟؟؟
أن كانت محمرة من الوسخ تأكد من الرديتر يمكن أنه يبي تصييخ
وشف عندك حساس الحرارة هو زين ولا يفوت ..
وبالتوفيق ان شاء الله

[albara]

السلام عليكم ورحمة الله وبركاته

1- تأكد أخوي من وجود بلف الحرارة وأنه سليم ويفتح عند درجة الحرارة المطلوبة .

2- تأكد أخوي من ريش طرمبة الموية , يمكن إنها متآكلة .

3- تأكد من راس المكينة لا يكون مطعوج .

والله أعلم

[ذيب صعافيق]

الحراره اللي تصل الربع عادي لا تحربش بالموتر حتى لو وصل أكثر لاتخاف

[shaheenshah]

اشوف ان حرارة الموتر طبيعية ما دامها ما تاصل النص وفوق بس اذا كان الموتر معك من قبل وما يوصل للربع فتأكد ان فيه سبب ومن كلامك طرمبة الموية عندك فيها مشكلة لان ما فيه ضغط يعني المويه ما تدور زين ويمكن يكون الراديتر فيه سدد عندك وبالمرة غير بلف الحراره بعد

اما بالنسبة لراس المكينة اذا كان مشعور او منحني نعم يسبب ارتفاع الحرارة للـ H

[استشاري]

وعليكم السلام ورحمة الله وبركاته
اخوي زي ما قالو الاخوان الحراره للربع طبيعيه، لكن هل الحاله نفسها بالصيف او ما بدت اللا مع الشتاء. لكن حسب ما ذكرت من وصفك احتمال يكون من بلف الحراره ( و الله اعلم).

[صااحب الامتيا]

السلام عليكم / الظاهر ان علاج الموتر عندي ولا تحاتي تصير معي واجد واحلها بس اول شي متى جاتة الحرارة من اول ماشريتة ولا توها؟ عموما انا ما ابي اخسرك ابيك تسوي شغلة وقل لي شيصير 0 ابيك ياطويل العمر تشغل الموتر وتفتح المطارة الاضافية وطلع الهوز اللي داخلة لبرا لانة يمكن يكون منعفط ويمنع دخول الهواء ويسبب الحرارة واذا ماضبط علمني

[NissaN 1990]

الحرارة بالسفاري ربع تعتبر طبيعيه جداً بس شيك على غطى الأديتر يمكن فيه تنسيم وإذا راس الميكنه فيه شي بيقطع الموتر ما راح يمشي وتوصل الحرارة H

[آل علي]

أخي الكريم الاشعل 316


تأكد من سلامة الخرطوش الأسفل وان كان بدون سسته داخليه أو تكون سسته الخرطوش ما كولة غير


أجمل المني