وش الحل لزيادة سرعة الربع84 تويوتا

[samfj40]

سلامي للجميع وعندي سوال امل من الخبرا ان يعطوني الحل0 عندي جيب تويوتا ربع موديل 84 / مشكلتي انه ثقيل بالقومه ولا يتعدى100كم كاعلى سرعه0 وش الدبره اخليه خفيف وسريع بدون ترهيمات0 خبرتكم تاهنتوا يالنشاما

[فلان بن عفتان]

ركب محرك 350 كلبليتر

[samfj40]

مشكور يافلان بن عفتان ولكن ممكن توضح نوع الكلبليتر وهل يركب على مكينة الربع ولك شكرى

[ناوي نيه]

سوله تصفيت مكينه ووزن

[s3ed]

1-ركب لة مروحة اتوماتيك
2- بدل لة البولي - مكان مايركب حزام المكينة مع المحرك ركب لة نفس بولي الكروان القديم التويوتا
3-بدل لة كربريتر جديد
4- ركب لة فلتر رياض



وشوف المشي

[samfj40]

شكرا لكل من ساهم في الحل0 0هل صحيح انه اذ ازودت فتحات ابر البنزين اللي بحوض العوامه ينهبل ويصير شبه قوة الثمان سرندل والاهذا غير صحيح0

[s3ed]

شكرا لكل من ساهم في الحل0 0هل صحيح انه اذ ازودت فتحات ابر البنزين اللي بحوض العوامه ينهبل ويصير شبه قوة الثمان سرندل والاهذا غير صحيح0


:no2:
بيصرف بنزين ودخان اسود على الفاضي


صدقني مافية افضل من كربريتر الوكالة الجديد لهذة السيارة انا مجرب

[استشاري]

و عليكم السلام
اذا كنت نظفت الكمبريتر و ما تغير الخطوه الثانيه تاكد من البواجي .
اذا البواجي سليمه احتمال تحتاج و زن ديلكو. و الله اعلم

[االديحاني]

ركب مروحه جيب صالون نفس الموديل

[samfj40]

اشكركم يااخوان وماقصرتوا بالمشوره0 نصحني احد الميكانيكيه بتركيب كربليتر جيب موديل 93الى96 يقول انه اكبر ويستاهل التعب0 رايكم يالربع

[aahhhh2]

السلام عليكم ورحمة الله
1-شحم العمدان كلهه والركب الي في الدفرنس الامامي
2- افحص البلوف يمكن قافل بعضهم والبواجي والدلكو
3-افح رمان العكوس لا يسير مفرط شي ارفع السيره ودور الكفرات اذا سمعت فحيح فنه رمان

[صااحب الامتيا]

موديل84 ويجيب100 زين منة ؟ تبي النصيحة اترك العجايز منك وعليك بالمواتر الجديدة اوفر لفلوسك ولوقتك

[جوالة]

موديل84 ويجيب100 زين منة ؟ تبي النصيحة اترك العجايز منك وعليك بالمواتر الجديدة اوفر لفلوسك ولوقتك

والله رأي زين من باب التوفير (الجهد والمال)

لكن ممكن الرجال يفضل هذا النوع .

عني أنا دخلت قبل فترة أدور هالموديل لأجل أرهمه والقديم عندي جيد وقوي ...

[فلان بن عفتان]

مشكور يافلان بن عفتان ولكن ممكن توضح نوع الكلبليتر وهل يركب على مكينة الربع ولك شكرى

أقصد أنك تغير المكينة إلى مكينة كابريس 350 كلبليتر تكلف مع التركيب 3000 ريال
أو ممكن تركب مكينة شاص كلبليتر ويكلف مع التركيب 8000 ريال

[الخيال 1]

نظف الكلبلايتر وشيك على الديلكو يمكن التوزيع تعبان.

[SilverSniper]

ركب مكينة جمس 305 أو 350.. وارتح..
واحد من الشباب عنده 82 مركب عليه مكينة 454.. يسحب الدينا وهي محمله بدون ما يضعف عزمه..

[ساري الجنوب]

مساكم الله بالخير جميعن

تفقدت جلد الابنص
تفقدة واير الابنص
تنفقدة رمانات الابنص في الكلبليتر
اتفقدة وزنة الديلكو

اسمع يالحبيب اذا موترك ماجاب 140
طبيعي من دون ترهيم عندك مشاكل ماهو مشكله
وحده ونت ادرى بسلعتك

[راعي الجيوب 1]

1- وزن الديلكو
2- تركيب فرارات اماميه
3- الكشف علي البواجي واسلاك البواجي والبليتين
4-وزن البلوف
5-تغيير فلت الهواء
6- الكشف علي الكنداسه وخاصه الدبه اذا فيه حراره
7ملاحظه سلك دواسه البنزين يمكن يكون السلك قصير
8- الكشف علي القماشات الاماميه والخلفيه يمكن يكون مشدود عليها وتظعف عزم السياره
9-تغيير كلبريتر او الكشف علي القديم
وبعد الكشف علي هذه الاشياء انشاء الله تكون السياره عزم وقوه
تقبل تحياتي

[samfj40]

اشكركم يااخوان وقد وزنت البليتين وفتحت عدسات البواجي وكنه اعتدل شوي0 ياجماعة الخير ترا الهوايه عميا ومخسره مثل اللي يبلى بالحب0 جزاكم الله خير

[samfj40]

حبيت اعرض عليكم يااخوان مشكله في جيب نيسان 4 ابواب موديل 93 0 وهي ان عداد السرعه مايحسب الكيلومترات0 يعني ان المؤشراللي في الطبلون يشتغل ولكن تروس او مكرات العد لاتتحرك0 وين اهل الخبره يفزعون مع الشكر للجميع0