منفاخ الهواء العجيب..صورة هنا...في احد يعرف اسمه

[مكشاتي الجزيرة]

السلام عليكم...
اثناء تصفحي في خيمة المعالم الجغرافية والآثار
وجدت هذا الموضوع
http://www.mekshat.com/vb/showthread.php?t=116302

ولفت انتباهي هذا المنفاخ العجيب...صغير جدا وعملي

http://www.mekshat.com/pix/upload02/images56/mk6097_10.jpg


في احد يعرف اسمه واين يباع في الرياض

وشكرا للجميع

[جوالة]

هذا بارك الله فيك يجي مع السيارة تويوتا
أنا شريت موتر جديد من تويوتا ووجدت فيه شنطه فيها هذا المنفاخ
وبصراحة قوي ما شاء الله وعملي وصغير وفي شنطة مرتبه جدا وممكن تحطه تحت المرتبه

[جوالة]

نسيت أمر آخر وهو على ولاعة الدخان ولا هوب شرط تشبكه على البطارية ولا يحتمي

[فارس القبيلة]

هذا يجي مع الوكالة سلمك الله ويجي اشكال قريبه من هذا ,,

[عاشق برادو]

معذرة أخوي جواله فهو يحتمي بعد 10 دقايق أو ربع ساعة تقريبا

[مكشاتي الجزيرة]

شكرا للجميع ....بارك الله فيكم...
الاخوة.
جوالة
فارس القبيلة
عاشق برادو


شكرا على التوضيح

[جوالة]

معذرة أخوي جواله فهو يحتمي بعد 10 دقايق أو ربع ساعة تقريبا
غريبة والله
أنا عندي ولله الحمد والمنة ما يكمل دقيقتين إلا ونافخ الكفر 30 ولا يوجد أبرد منه .
لكن ربما يختلف من سيارة إلى أخرى وكذلك التحميل من عدمه وحجم الكفر .

[صائد الخرب]

نعم اخوي عاشق برادو يحتمي الهوز فقط انا عندي النوع الاسود القديم اول ما نزل بسيارات التايوتا
موفقين خير

[الصيرمي]

أخوي تحصله في الغرابي وسعره قبل فترة 100 ريال

[M o b d a]

معذرة أخوي جواله فهو يحتمي بعد 10 دقايق أو ربع ساعة تقريبا


أخوي وش الكفر اللى بتقعد تنفخه ربع ساعه .. ؟


لاكن إذا بتنفخ مواتر الشباب معك يمكن ايه


بس ما اتوقع بأقل من ربع ساعه يمديك تخلص أربع سيارات ..

أنا عندي ما جربته إلا أربع أو خمس مرات تقريباً ..

يعني العلم الصحيح مو عندي ..

والسلام عليكم ورحمة الله وبركاته ..

[جنتلمان نجد]

منفاخ ممتاز ,, عندي واحد من وكالة تويوتا

[almanai]

.............

[1400]

تقدر تشتريه من وكالة تويوتا تلقاه عند قسم الكماليات في الوكاله

في صالة العرض

[مكشاتي الجزيرة]

يعطيكم العافية...

[ابومحمدالراحل]

انا مجربه بصراحه يحتمي ولازم يبرد عشان يشتغل مره ثانيه

لكنه يعتبر جيد مقارنه بالمواطير الباقيه ومن حيث الحجم

بالتوفيق للجميع

[كاشت بن مكشات]

مشكورين ياشباب على هذا الجهاز العجيب والقيم

[محسن اليامي]

ماشاءالله كم سعره بالوكاله هذا

[شروكي ربع]

النوع هذا الفضي والشبيه له تماما ولكن اسود , لا يحتمون ابد ..



وعلى مسؤليتي , ولكن من تالي صار يجي مع المواتر مواطير بأشكال ثانية وخايسة ..



هي اللي يمكن تحمي ..


اما هذا فلا ..



انا شاري واحد ومعاي زي العسل بحمد الله

[أقلط]

نعم يجي مع تويوتا ...ومعه شنطة اسعاف وطفاية حريق

انا جربت كثير من الانواع / وهذا النوع الافضل على الاطلاق

تحية

[مكشاتي الجزيرة]

طيب هل تعرفون محل معين في الرياض غير الوكاله يبيعونه( لأن الوكاله غالي ).... وانا من أيام ادور ماحصلته في محلات لوازم السيارات والزينة...

[hbeeb55]

السلام عليكم
أنا جائني هدية من تايوتا هذا المنفاخ
لكنه غير عملي ويخرب بسرعة:no2:

[4800VTC]

الاخ /ابو سهر والشباب والزوار
السلام عليكم
ماني من اهل الرياض ولكن شفته بالغرابي قبل فتره عند المحلات اللي تبيع لوازم الجيوب
كان عندي واحد وخذاه عمي ورده لي اسلاك يقول رهمته لك على البطاريه وشبكته على
البطاريه مرتين او ثلاث وعقبه ما عاد اشتغل:(