عود رمث
27/09/2003, 05:55 PM
السلام عليكم
الحقيقة إني مستحي من هالوجيه المباركة ... لأني تأخرت بوعدي لكم إني أكتب عن الباحة ..
فالعذر والسموحة الأشغال واجد خاصة بداية الدراسة ..
أكيد تتعذرونن !!
المهم
هذا موضوع الباحة اللي وعدتكم فيه في موضوعي الأول :
رحـــــــــــلتي إلى الجنوب (( صور بالكووووم )) على هالرابط
http://www.mekshat.com/vb/showthread.php?s=&threadid=11248
ثم أقول
الباحة وما أدراك ما الباحة .... بلدة دخلت مزاجي من نواحي عدة :
1- قربها .. نسبة إلى أبها .
2- جوها مقارنة مع الطايف ..
3- قرب منتزهاتها مقارنة مع أبها اللي تاصل مسافة بعض المنتزهات إلى 70 كم رايح ومثلها جاي ..
4- كثرة أماكنها ومنتزهاتها مقارنة مع الطايف أيضا ..
5- هدوءها مقارنة مع الطايف وكثير من منتزهات أبها ..
6- صغر المدينة وجمالها حيث أنها مازالت على طبيعتها في كثير من الأشياء .
يعيب المدينة قلت الأسواق المركزية فيها وغلاء إيجاراتها ..
هذا من وجهة نظري !!
وبما أن الناس يذهبون إليها لأجل التنزه والكشتات والوناسة فحديثي عنها سيكون من هذه الناحية ( عن منتزهاتها) وهي كالآتي :
1- منتزه غابة رغدان وهو أشهر من أن أتكلم عنه وكثيرا ما اشبهه بمنتزه السحاب بأبها خاصة الجهة الجنوبية منه - على يسار الخط وأنت رايح - حيث يطل على طريق المخواة الملتوي على الجبال ..
وتكثر فيه القرود وقت الغداء .. وهواؤه بارد وأمطاره غزيرة .
ويوجد في المنتزه جميع الخدمات من ماء وبسطات ثابتة ومتحركة ودفاع مدني ( والغريبة سمعت كذا مرة عن الحرايق فيه !! قد تكون من الصواعق ) ويوجد فيه مظلات وهي مهمة - وتفقدها في منتزهات أبها - خاصة وقت الشمس ..
أشجار المنتزه عرار .
المنتزه قريب جدا من البلدة - من الشقة إلى وسط المنتزه ربع ساعة تقريبا .
2- منتزه شهبه منتزه جميل وهادئ جدا .. وجوه يختلف عن رغدان حيث يميل جو رغدان إلى البرودة خاصة بعد الظهر أما شهبة فهو أقل برودة إلا في الأماكن المرتفعة منه - لكنها أماكن مكشوفة ومساحتها ضيقة وعلى طريق الرايح والجاي .. أما الأماكن الداخلية فهي وديان وغابات صادة عن الناس مايدري بك احد وهي جميلة خاصة للعوايل الكبيرة ..
عيبها إن ارضها صبخة وأشجارها شوك ..
وكثير من أشجارها عملاقة نسبة إلى اشجار رغدان .. لكن يبدو أن الجفاف اثر عليها جدا خاصة الأشجار التي على الجبال فكثير منها يابس ( حطب ) .
3- منتزه القمع بعيد نوعا ما .. تتعدا بلجرشي ويجيك على اليمين فيه جلسات ومضلات لكن جوه مختلف شوي .. يعني مافيه ذاك البرودة اللي أنت تبي إلا بعد العصر ..
وبعده على نفس الطريق يجي أثرب وفيه تلفريك أثرب .
4- منتزه وغابة خيره .. جميل جدا جدا لكن طريقه لك عليه شوي وأماكنه الزينة قليلة إذا جيت متأخر يفوتنك .
لكن ماتعدم مكان تقعد به .. وحولها منتزهات ثانية نسيت اسمها ما هيب شينة ..
مكان خيره طريق بني سعد بعد اول نفق على اليمين .
5- شلال المرزوقي في بني كبير طريق بلجرشي على اليسار .. لكن ما أعرف بالضبط مكانه لأنه بعيد عن الطريق الرئيسي فما أقدر اهقويكم خاصة إنه مايصب إلا وقت الأمطار ... ارتفاع الشلال اتوقع إنه أكثر من 15 متر ..
وبني كبير فيها أماكن صغيرة ممكن تجلس فيها وجوها معتدل ..
ووجدت فيها شجرة شكلها معمرة وهذي صورتها
http://www.mekshat.com/pix/upload/images2/shajrah.JPG
سو مقارنة بينها وبين الباب اللي يسار ..
وهذي صورة ثانية لها
http://www.mekshat.com/pix/upload/images2/shajrah2.JPG
6- قرية ذي عين الأثرية ... تبعد عن الباحة تقريبا 40 كم على طريق المخواة بعد ما تقضي الأنفاق ويعتدل الخط تجي قرية ذي عين الحديثة على الخط يمين والقديمة على اليسار داخلة تقريبا 300 متر وهي قرية تحكي ماضيا ذو حضارة عريقة حيث المباني تحتضن الجبل بطريقة هندسية فنية !! وتحت القرية وادي نخيل وأشجار الموز ... منظر بحق خلااااااب ..
http://www.mekshat.com/pix/upload/images2/thee3.jpg
وهذي صورة أقرب
http://www.mekshat.com/pix/upload/images2/thee2.jpg
وهذي مع مزارع الموز
http://www.mekshat.com/pix/upload/images2/thee1.jpg
لكن ما يراح لها إلا قبل آذان العصر أو بعد الصلاة .. لأنك تبي تنزل للحر والصلخ في تهامة وإن كان الجو في الباحة جميد فذي عين جوها حاااار تصلح للي يبي يجي العصر ويتفرج ويرجع قبل المغرب ..
7- قرية رغدان السياحية فيها ( شاليهات - شكل أكواخ ) للأيجار نار ونار الصغيرة ب 500 ريال .. وفيها ألعاب اطفال ..
موقعها على طريق رغدان .
8- قرية الحكير السياحية شقق على شكل بيوت نمل وفيها ملاهي .. أسعارها غالية ..
موقعها على طريق المخواة يسار فوق راس جبل يطل على الباحة وتهامة .. المكان غالب الوقت ضباب .
هذي بعض المعلومات والمنسي كثير والخافي علي أكثر ..
والعذر والسموحة على التأخير فالموضوع وقته الإجازة والحر وليس الدراسة والبرد .. لكن غدينا أول العطلة الصيفية نحيي هالمواضيع إن الله احيانا إن شاء الله تعالى ..
واللي عنده ملاحظة أو تعديل معلومات أو طلب فعلى الرحب والسعة ..
كثير من هذه الأماكن أرفقت لها صور في معرض الصور الخاص بي على هذا الرابط
http://www.picturecd.com/system/vie...642&guest=1&m=a
وإن شاء الله ازود الصور بعد فترة ..
وتقبلوا تحيات أخوكم / عود رمث
الحقيقة إني مستحي من هالوجيه المباركة ... لأني تأخرت بوعدي لكم إني أكتب عن الباحة ..
فالعذر والسموحة الأشغال واجد خاصة بداية الدراسة ..
أكيد تتعذرونن !!
المهم
هذا موضوع الباحة اللي وعدتكم فيه في موضوعي الأول :
رحـــــــــــلتي إلى الجنوب (( صور بالكووووم )) على هالرابط
http://www.mekshat.com/vb/showthread.php?s=&threadid=11248
ثم أقول
الباحة وما أدراك ما الباحة .... بلدة دخلت مزاجي من نواحي عدة :
1- قربها .. نسبة إلى أبها .
2- جوها مقارنة مع الطايف ..
3- قرب منتزهاتها مقارنة مع أبها اللي تاصل مسافة بعض المنتزهات إلى 70 كم رايح ومثلها جاي ..
4- كثرة أماكنها ومنتزهاتها مقارنة مع الطايف أيضا ..
5- هدوءها مقارنة مع الطايف وكثير من منتزهات أبها ..
6- صغر المدينة وجمالها حيث أنها مازالت على طبيعتها في كثير من الأشياء .
يعيب المدينة قلت الأسواق المركزية فيها وغلاء إيجاراتها ..
هذا من وجهة نظري !!
وبما أن الناس يذهبون إليها لأجل التنزه والكشتات والوناسة فحديثي عنها سيكون من هذه الناحية ( عن منتزهاتها) وهي كالآتي :
1- منتزه غابة رغدان وهو أشهر من أن أتكلم عنه وكثيرا ما اشبهه بمنتزه السحاب بأبها خاصة الجهة الجنوبية منه - على يسار الخط وأنت رايح - حيث يطل على طريق المخواة الملتوي على الجبال ..
وتكثر فيه القرود وقت الغداء .. وهواؤه بارد وأمطاره غزيرة .
ويوجد في المنتزه جميع الخدمات من ماء وبسطات ثابتة ومتحركة ودفاع مدني ( والغريبة سمعت كذا مرة عن الحرايق فيه !! قد تكون من الصواعق ) ويوجد فيه مظلات وهي مهمة - وتفقدها في منتزهات أبها - خاصة وقت الشمس ..
أشجار المنتزه عرار .
المنتزه قريب جدا من البلدة - من الشقة إلى وسط المنتزه ربع ساعة تقريبا .
2- منتزه شهبه منتزه جميل وهادئ جدا .. وجوه يختلف عن رغدان حيث يميل جو رغدان إلى البرودة خاصة بعد الظهر أما شهبة فهو أقل برودة إلا في الأماكن المرتفعة منه - لكنها أماكن مكشوفة ومساحتها ضيقة وعلى طريق الرايح والجاي .. أما الأماكن الداخلية فهي وديان وغابات صادة عن الناس مايدري بك احد وهي جميلة خاصة للعوايل الكبيرة ..
عيبها إن ارضها صبخة وأشجارها شوك ..
وكثير من أشجارها عملاقة نسبة إلى اشجار رغدان .. لكن يبدو أن الجفاف اثر عليها جدا خاصة الأشجار التي على الجبال فكثير منها يابس ( حطب ) .
3- منتزه القمع بعيد نوعا ما .. تتعدا بلجرشي ويجيك على اليمين فيه جلسات ومضلات لكن جوه مختلف شوي .. يعني مافيه ذاك البرودة اللي أنت تبي إلا بعد العصر ..
وبعده على نفس الطريق يجي أثرب وفيه تلفريك أثرب .
4- منتزه وغابة خيره .. جميل جدا جدا لكن طريقه لك عليه شوي وأماكنه الزينة قليلة إذا جيت متأخر يفوتنك .
لكن ماتعدم مكان تقعد به .. وحولها منتزهات ثانية نسيت اسمها ما هيب شينة ..
مكان خيره طريق بني سعد بعد اول نفق على اليمين .
5- شلال المرزوقي في بني كبير طريق بلجرشي على اليسار .. لكن ما أعرف بالضبط مكانه لأنه بعيد عن الطريق الرئيسي فما أقدر اهقويكم خاصة إنه مايصب إلا وقت الأمطار ... ارتفاع الشلال اتوقع إنه أكثر من 15 متر ..
وبني كبير فيها أماكن صغيرة ممكن تجلس فيها وجوها معتدل ..
ووجدت فيها شجرة شكلها معمرة وهذي صورتها
http://www.mekshat.com/pix/upload/images2/shajrah.JPG
سو مقارنة بينها وبين الباب اللي يسار ..
وهذي صورة ثانية لها
http://www.mekshat.com/pix/upload/images2/shajrah2.JPG
6- قرية ذي عين الأثرية ... تبعد عن الباحة تقريبا 40 كم على طريق المخواة بعد ما تقضي الأنفاق ويعتدل الخط تجي قرية ذي عين الحديثة على الخط يمين والقديمة على اليسار داخلة تقريبا 300 متر وهي قرية تحكي ماضيا ذو حضارة عريقة حيث المباني تحتضن الجبل بطريقة هندسية فنية !! وتحت القرية وادي نخيل وأشجار الموز ... منظر بحق خلااااااب ..
http://www.mekshat.com/pix/upload/images2/thee3.jpg
وهذي صورة أقرب
http://www.mekshat.com/pix/upload/images2/thee2.jpg
وهذي مع مزارع الموز
http://www.mekshat.com/pix/upload/images2/thee1.jpg
لكن ما يراح لها إلا قبل آذان العصر أو بعد الصلاة .. لأنك تبي تنزل للحر والصلخ في تهامة وإن كان الجو في الباحة جميد فذي عين جوها حاااار تصلح للي يبي يجي العصر ويتفرج ويرجع قبل المغرب ..
7- قرية رغدان السياحية فيها ( شاليهات - شكل أكواخ ) للأيجار نار ونار الصغيرة ب 500 ريال .. وفيها ألعاب اطفال ..
موقعها على طريق رغدان .
8- قرية الحكير السياحية شقق على شكل بيوت نمل وفيها ملاهي .. أسعارها غالية ..
موقعها على طريق المخواة يسار فوق راس جبل يطل على الباحة وتهامة .. المكان غالب الوقت ضباب .
هذي بعض المعلومات والمنسي كثير والخافي علي أكثر ..
والعذر والسموحة على التأخير فالموضوع وقته الإجازة والحر وليس الدراسة والبرد .. لكن غدينا أول العطلة الصيفية نحيي هالمواضيع إن الله احيانا إن شاء الله تعالى ..
واللي عنده ملاحظة أو تعديل معلومات أو طلب فعلى الرحب والسعة ..
كثير من هذه الأماكن أرفقت لها صور في معرض الصور الخاص بي على هذا الرابط
http://www.picturecd.com/system/vie...642&guest=1&m=a
وإن شاء الله ازود الصور بعد فترة ..
وتقبلوا تحيات أخوكم / عود رمث