كيف تصنع كيبل للقارمن بنفسك

[عبدالعزيز الدباسي]

اذا كان فيه احد وده يسوي كيبل للقارمن مع جهاز الكمبيوتر ،،،

يقرب هينا //////

ترى الطريقه سهله جداً ومضمونه وما تكلف شىء ابداً

نبي طال عمرك تحضر لنا هالطلبات
1- DB-9 Female نهاية الطرفيه اللي تدخل في الجهاز من الخلف مثل حقات نوكيا
2- Crimp Pins وتبي تشوف صورته تحت
3- سلك تلفون عادي

وخذ بالك على هالصور علشان تكون عارف الاشياء

http://catalog.blackbox.com/Blackbox/images/standard/bfj053p2cs.jpg

الكبير الاسود هو DB-9 بس شرط يكون انثى ونبي نسميه ((المنفذ)) ، وPins هن الثلاث الصفر اللي على جنب وحنا نبي انثا منهن ونبي نسميهن ((المخرج))

والظاهر سلك التلفون تعرفونه ، ماله داعي احط صورته .

والحين اذا حضرنا الطلبات نبداً بالشغل الحامي

وأول ما نسوي نمسك طال عمرك اللون الأبيض ونحطه في الفتحة رقم 3 من المنفذ (لا تخاف فيه صوره تحت تبين الارقام)

ونأخذ السلك الأسود ونحطه في الفتحة رقم 2 ، ثم أخر شى نأخذ السلك البني ونحطه في الفتحة رقم 5 ، والحين صلحنا المنفذ

وكل واحد من الاسلاك نحط في نهايتة وحده من الصفر اللي سميناهن مخرج

وبكذا نكون سوينا كيبل جاهز للعمل ،، لاكن على الطريقة التاليه

نجي الله يحيك الى المخرج ونحط السلك الابيض في الفتحه اللي عليها اشارة - (ناقص) في جهاز القارمن والسلك الاسود نحطه في الفتحة اللي عليها حرف T والسلك البني نحطه في الفتحه اللي عليها اشارة + (زايد)

وشف عندك صورة المنفذ بالترقيم
http://www.gpscity.com/graphics/cables/conn/lrg/end_db9.jpg

ونجي طال عمرك الى الاشارات اللي على فتحة القارمن وهن فوق ناقص وتحت زايد ويسار حرف R ويمين حرف T



http://www.gpscity.com/graphics/cables/conn/lrg/end_sp.jpg

وتبي تسألون وين نلقى هالطلبات اقول لكم في اي مكان يبيع ادوات اكترونيه واللي في الرياض يبي يلقاهن عند مجداف واللي مثل مجداف

ودمتم ساليمن لأخوكم شقردي

[القماري]

عز الله أنك نشمي وماقصرت

[راعي عنيزة]

لله درك ايها الفتى الشقردي **** من الوناسة غنيت دقدي دقدي :)

تسلم يا خلفهم عزالله انك ذيب وما نوفيك حقك ابد ابد ابد :)

[عبدالعزيز الدباسي]

أخوي القماري جزاك الله خير وبارك الله فيك .

يالغالي ياراعي عنيزة


والله احترت فيك ،،، مكان القلب احطك ،،،، والا بدال النبض أخليك

[السمح]

شكرا .. أخوي شقردي ..

تقبل تحياتي ..

[عبدالعزيز الدباسي]

عمنا السمح بارك الله فيك

-

-
-
-
-
اخوي السمح مشكلتك إنك لطيف ، خلوق ودمك خفيف ، وش اقول وش اضيف ، سمحٍ ومالك وصيف ))))

((مسج جوالي))

[أيمن]

شكرا لك .. أيها المتواصل معنا ..
بإبداعاتك ومشاركاتك القيمة والمفيدة ..
سلمت لمحبيك ..

تحيتي

[عبدالعزيز الدباسي]

جزاك الله خير ياابو حمد

والله يقدرنا على اسعادك واسعاد بقية الاعضاء

[ساري]

الاخ الغالي شقردي
ما شاء الله ثم ماشاء الله وش ذا الابداع تسلم
حقيقة جهود تشكر عليها والله يوفقك دنيا وآخرة
الغالي شقردي استفسار بسيط
تنفع الطريقة ذي مع garmin map162
تحيــــــاتي

[عبدالعزيز الدباسي]

اخوي ساري الله يجزاك خير و يوفقك دنيا وآخره

وآسف جداً على التأخير

وعن سؤالك وانا اخوك اللي اعرف ان كل الاصدارات الجديدة من قارمن تعمل بوصله واحدة هي اللي نهاية طرفيتها مثل الصورة اللي فوق ، والحقيقة ما عندي علم عن Map162 بالضبط ، وعلى العموم الطريقة هذي تصلح مع كل كييل لتبادل المعلومات بشرط انك تعرف الاشياء التالية
DATA IN
DATA OUT
GROUND
واكيد ان كل كتاب مرفق مع الجهاز يوضح الاشياء هذه وأماكنها ،

وعن الطريقة اللي انا استخدمتها هي

السلك الابيض GROUND
السلك الاسود DATA OUT
السلك البني DATA IN

هذا اللي عندي والله اعلم ،،، وشكراً على المداخله

[مهيلان]

للرفع
لاهميه

[عبدالعزيز الدباسي]

رفع الله قدرك وأعلى شأنك اخي مهيلان

[محبوب الجميع]

شكراً لك مشرفنا الغالي شقردي

[naef1382]

لاهنت يالشقردي ولا قصرت ولا يهون الجميع

على الموضوع المفيد الجميل


سلمت ولا عدمناك يالغالي

[الضاري]

راحت فيها شركة قارمن ... ياويلهم من أبوعبدالله

لا وسمعت بعد أنة يحربث يبي يطلع جهاز جديد ... يطق بعشر أصباع لأجهزتهم..:good:

لاتقول .... الا راحو فيها..:D

ما شاء الله عليك ... الله لايضرك .. ويزيدك علم.

***************************************

ملف..

المستندات..

ملف ( خاص - مكشات )

حفظ بأسم ... ابو عبدالله يتحدى شركة قارمن:D

ok

تحياتي للجميع

[ابو عايد]

تسلم والله ياشقردي على الشرح الوافي المدعم بالصور

وتقبل تحياتي / العاشق الولهان

[خشم الحصان]

الاخ الغالي
شقردي
السلام عليكم
مشاء الله اخيي الله يلبسك العافيه علي هالكيبل بس ياخيي الخوفه علي ماقال الضاري مهوب علي قارمن لا الخوفه والله علينا باسر تبي تحربث بصبعاتك ثم تنتج جهاز يشوش علينا ثم حلها عاد وش يفكنا منك
عموم الله يجزاك عنا اخيي بدخول الجنه وان الله يرفع قدرك ويغفرلك يابعدهم.
اخوك
خشم الحصان
الا مير تعال وش قصة (عمنا السمح بارك الله فيك ) يعني ضفوك يالسمح معنا شايب منيب اقوله من قبل يبدا بعم وينتهي بجد هذا وهو كيبل وحطك عم اجل لوهو صنع جهاز كامل وش بتصير يالسمح

[عبدالعزيز الدباسي]

مشكور اخوي محبوب الجميع وماقصرت يالغالي .

اخوي naef1382 مشكور على مرورك وبيض الله وجهك .

لا يصدقونك يالضاري ، ثمن تجي قارمن تقفل الموقع :p
كل الدعوى كيبل تلفيق ، وبدال ما تشتريه بـ 80 ريال ، يبي يكلف عليك خمسة ريال ، لكن ترا كل هذا يوم كنت زعلان على دار موجه ، لكن الحين انا وياهم صحبة ، بس كله من مهيلان حسبي الله عليه ، هو اللي رفع الموضوع ، وهو له حوالي السنتين

لكن خل عنك حلووووووووة مرررررررررة ( حفظ باسم ) صدقت روحي :D

جدي خشم الحصان هينا ،،، يا مرحبا يا مرحبا ، ،
نور اسراجك غطى الكهرباء .

يا حبيلك وحبي لسواليفك ،
ولو عندي نية اسوي اختراع جهاز ، كان اول شى افكر فيه هو مساعدة الشيبان على الكتابة بالجهاز ،، والاختراع هو اني اخلي ( الكي بورد ) عبارة عن لمبات مضيئة ، علشان يتمكن الشيبان من قراءة الحروف بكل سهولة وبدون تدقيق :cool: :cool:

بس عاد لا تحاول تضم السمح مع شلتكم ،،، هو صح شايب ، لكن فيه روح الشباب ،،، اما انتم راحت عليك .
وتصدق عاد يوم المشرفين يرشحونك لوسام التميز اني عارضت وبشدة ،،، قلت هذا ما يصلح له وسام برونزي والا فضي ،، هذا يصلح له خشبي مزين بخوص ;)

[Almo7b]

مدخلة بسيطة بالنسبة للأخ الساري بخصوص 162 طبعا بعد اذن أخوي الشقردي
جهاز 162 له فتحات سبع ونبداء بترقيم كل منها وذلك من المدخل (دليل دخول الكيبل ) وبإتجاة عكس عقارب الساعة :
1-سلك أحمر للكهرباء +
2-سلك اسود ارضي
3-سلك ازرق لخروج البيانات
4-سلك بني لدخول البيانات
5-ابيض بدون توصيل
6-اخضر بدون توصيل
7- اصفر للإنذار

كما هو معروف أن 1-2 للكهرباء سواً في السيارة أو على جهاز الحاسب وسلك رقم 2 الأسود مشترك مع ناقل البيانات المنفذ نبداء التوصيل الآن :
3 سلك ازرق لخروج البيانات مع 2 في المنفذ
4 سلك بني لدخول البيانات مع 3 في المنفذ
2 -سلك اسود ارضي مع 5 في المنفذ حسب الشكل
[img]
http://mskan.tripod.com/sa.gif
[img/]
ونكون بهذا الشكل تم نقل البيانات وهذا على حد علمي وبارك الله فيكم

[عبدالعزيز الدباسي]

مشكور اخوي Almo7b على الاضافة وبارك الله فيك

[Rujbany]

بارك الله فيك وكثر من امثالك:good: :good:

[عبدالعزيز الدباسي]

الله يرضى عليك اخوي Rujbany وماقصرت

[ابو شكاع]

مشكوووووووور يالشقردي

الصراحة وانا اخوك انا جاهل بالاجهزة الجديدة اللي تشبك بالكمبيوتر

وقبل كم يوم واحد من الشباب قال جب المحمول حقك خل نجرب برنامج الماب سورس

ويوم جبته وجبت ال 176 سي وجيت ابشبكة بجهازي ومير ما يركب ؟!

على الكمبيوتر ال pc يركب ما هنا مشاكل

تتوقع ان هالطريقة تنفع ؟؟

هذا غير اني يبي لي 4 ايام اقرأ هالهرج غدين استوعب

ما ودك تعطين ترم صيفي وتعلمن :)

اللاب توب اللي عندي ماركة آيسر .............. توي شارية ودايخ اني شريت محمول

اللي يشوفن يقول هذا بس لعبته الحاسب ........وانا مره يوم جيت اطفيه ومير تطلع لي كتبة (ايقاف التشغيل ) وانا اللي اروح واجيب حصاة حطيته تحته علشان ما يدحدر

احسبه مثل الدداسن منول .........خبرك دداسن منول ماهنا جلنط عليه العلم ...

ما قصرت والشكر موصول لمهيلان ...... لأن الموضوع له سنتين و3 شهور و 18 تقريبا

تسلم

[عبدالعزيز الدباسي]

هههههههههههههه

الف مبروك يا ابو شكاع اللاب توب والـ 176 وتكسرهن بالعافية .

شف يالغالي ، بعض اجهزة المحمول لا يوجد بها ما يسمى بـ SERIAL PORT اللي هذي صورته


http://www.gpscity.com/graphics/cables/conn/lrg/end_db9.jpg


ولكن يوجد بدلاً عنها USB PORT واكيد انك تعرف شكله ، لانك سبق وان استخدمته في تحميل الصور من الكميره

لذلك تحتاج محول من USB PORT الى SERIAL PORT وهذه صورته يالغالي .

http://www.cablestogo.com/assets/product_images/26886.jpg


وتستطيع ان تذهب الى محلات الكمبيوتر وتسأل عن USB - Serial Adapter
وبعضهم يسمونه USB - Serial Converter
وتقريبا سعره ( 45 ريال فقط )

وتشبكه بالكيبل اللي فوق وسم بالله

واذا ما اعجبتك يالغالي كل هالحوسه ،،،:cool: :cool:

عندك حلين

الاول منهن اصبر اشوي الين يجي هذا بالسعودية

[aign=center]http://pfranc.com/cables/pUSB32/large.jpg[/align]

والحل الثاني انك تبيع الـ 176 وتشتري 276 الجديد لانه فيه مدخل USB ولا فيه كل هالحوسة وتقدر تستخدمه مثل الكميرا

:cool: :cool: