سيارة مرمية في نفود الثمامة (صالون جي ام سي )

[شبح الصحراء]

السلام عليكم ورحمة الله وبركاته

وجدت هذه السيارة في نفود الثمامة قبل عيد الأضحى الماضي واعتذر عن التأخير في نشر الصور بسبب دواعي السفر .


http://www.mekshat.com/pix/upload02/images57/mk23961_hpim7449.jpg

http://www.mekshat.com/pix/upload02/images57/mk23961_hpim7451.jpg

http://www.mekshat.com/pix/upload02/images57/mk23961_hpim7452.jpg

http://www.mekshat.com/pix/upload02/images57/mk23961_hpim7453.jpg

http://www.mekshat.com/pix/upload02/images57/mk23961_hpim7455.jpg

http://www.mekshat.com/pix/upload02/images57/mk23961_hpim7456.jpg

واضح على السيارة انها مسروقة من قبل مراهقي التطعيس في الثمامة وواضح على صاحب السيارة انه صاحب عائلة كبيرة ومن ذوي الدخل المحدود الله يكون في عونه ويعوض عليه .
لذلك ارجوا مِن مَن يعرف صاحب السيارة ابلاغه عن مكانها وموقعها وهي في بداية نفود الثمامة ليس بعيد عن محطة الخزام .
ملاحظة : يجب ان تتم دراسة اسباب كثرة سرقة السيارات في المملكة سواءً من قبل المجرمين المحترفين او من المراهقين الذين هدفهم التفحيط او التطعيس والتوصل لحلول ناجعة لهذه المشكلة كي لا تتطور وتصل للتعدي على الأنفس والأعراض .

[آل علي]

شبح الصحراء

لك الشكر على هذا الايجابية

[Khalid AlGhamdi]

الله يعين راعيه ، جزاك الله خير ياشبح الصحراء وكثر الله من امثالك

[hle col]

ان شاء الله يجدونها اصحابها



ولاهنـــــت على الباادره الطيبه

[الضاري]

الله يعوض راعيه ويعينه
للأسف أصبحت سرقة السيارات أمراً عادياً بسبب أنتشار هذه الظاهره السيئه

[بوداحم1]

الله يعين راعيه

[راعي الجيوب 1]

الله يعوض راعيه ويعينه ،،، حسبي الله علي ظعاف النفوس

[مجتهد***]

الله يجزاك خير

[الخزامى 19]

ماتوقع هذي سيارة تنفع للسرق شكل راعيها اللي تاركها , وبالمناسبة فيه فورد اسود رياضي مكسوره زجاجته الخلفيه مرمي بحارتنا من يومين يلعبون فيه الطفال . تكفون اللي يعرف احد مسروقه سيارته بذالمواصفات يراسلني احددله المكان لا نه حرااام جديد وشكل راعيه مهتم فيه

[الكونترولCONTROL]

ما أظن واحد عاقل يخليها و هي بلوحاتها الا اذن كانت بغير اسمه
==============================
و انا شايفها قبل فترة طويلة ...... يمكن اكثر من شهر ........

[سيف الظفير]

جزاك الله خير

[شبح الصحراء]

ماتوقع هذي سيارة تنفع للسرق شكل راعيها اللي تاركها , وبالمناسبة فيه فورد اسود رياضي مكسوره زجاجته الخلفيه مرمي بحارتنا من يومين يلعبون فيه الطفال . تكفون اللي يعرف احد مسروقه سيارته بذالمواصفات يراسلني احددله المكان لا نه حرااام جديد وشكل راعيه مهتم فيه

لا يغرك انها سيارة قديمة كثير من الناس تضطر تشتري مثل هذه السيارات القديمة بسبب ضيق اليد وقلة الحيلة واكيد صاحبها عندها كومة بزران الله يعينه واحتمال انه يكد عليها ويلقط رزقه من وراها بتوصيل المدرسات للقرى او طالبات الجامعة ، ترى كثير من الناس حالتها المادية صعبة وما تقدر على سيارة جديدة فمستحيل يكون راعيها تركها بالبر من نفسه اكيد اكيد انها مسروقة .

بالنسبة للفورد اللي بحارتكم لو تصوره وتنشر صوره بالمنتديات احتمال كبير صاحبها او احد معارفه يلقاها وتكسب اجرها .

[حمرعين1]

من امن العقوبه اساء الادب لاحول ولاقوة الابالله

[د.كبسه]

الله يعوضه

[S H A H E E N]

الله يعوض على صاحب السيارة لقد تم العبث بها واحترقت السيارة كاملة الصورة عندي بس ما اعرف انزلة

[لبرتي]

ماتوقع هذي سيارة تنفع للسرق شكل راعيها اللي تاركها , وبالمناسبة فيه فورد اسود رياضي مكسوره زجاجته الخلفيه مرمي بحارتنا من يومين يلعبون فيه الطفال . تكفون اللي يعرف احد مسروقه سيارته بذالمواصفات يراسلني احددله المكان لا نه حرااام جديد وشكل راعيه مهتم فيه


فعلاً أنا ملاحظة له كم يوم والقزازه منكسرة وكان فيه حفرية جنبه حالة ووقفة السيارة غريبة جداً لو أنه من سكان الشقق كان أنتبه لسيارته لكن شكر الفورد مسروق



الله يرد لكل واحد حلاله

[فرخ الشاص]

حسبي الله ونعم الوكيل !!! لازم يوضع حد لهذه المهازل المتكررة ....

[ابوفهيدان]

لاحول ولاقوة الا بالله
انا كويتي وقبل اربع سنوات زرت قريب لي بالرياض وبيته علي طريق المطار بمنطقة جديدة وهادية وسيارتي فورد توني مطلعه من الوكالة وقلت بسافر فيه امرنه
وانا اتغدي عند قريبي سمعنا صوت ضربة قويه ولما طلعنا لقينا قزازة السايق مكسورة وفيه موتر بأخر الشارع مسرع المهم ركبنا السيارة بنلحقه واتفاجأ بان المسجل مسروق
رحت للشرطة وياليتني مارحت ومانفعني الا الله ثم المعزب حلف علي بمسجل من شارع الغرابي
وتقبلوا سالفتي

[شبح الصحراء]

ابو فهيدان القصص هذه للأسف اصبحت امر عادي جداً خصوصاً في الرياض والمدن الكبيرة انا تعرضت للسرقة اكثر من مرة فقبل سنتين سرق من سيارتي جهاز جارمن وبعد فترة سرق جوالي حتى محفظتي تعرضت للسرقة وكثير من معارفي تعرضوا للسرقة فيه صديق لي جاء من حائل ناوي على دبي علشان يساهم في احد الشركات كان معاه مبلغ كبير(61 الف ريال) فقدها في الرياض وهو رايح لأحد المطاعم وللحين ما لقاها والشرطة ما قدرت تسوي شي إلا تكفيخ في العمال المتهمين بدون نتيجة ، السرقة الآن تطورت واصبحت سطو مسلح العامل في استراحتنا تعرض للسطو المسلح من عصابة مراهقين هددوه بالسكاكين وخذوا منه شقى شهر كامل من الشغل في الإستراحات وتغسيل السيارات لا حول ولا قوة إلا بالله .

[ثلاثي الابعاد]

جزاك الله خيـــــــــر

[ابوفهيدان]

الله المستعان

[كاشت بن مكشات]

الله يحفظ المسلمين والله مااظن فيه واحد سالم من السرقه والمشكله ليست فقط السرقه بل اتلاف الممتلكات الذي ينم عن وجود مرض حقيقي يجب علاجه الا وهو تكسير الزجاج بدون سبب وتكسير اريل السيارات اوتكسير المرايات شئ عجيب ومرض لا ادري متى نتخلص منه.

[راؤول العرب]

الله يعوض راعيه ويعينه
للأسف أصبحت سرقة السيارات أمراً عادياً بسبب أنتشار هذه الظاهره السيئه

[باترول98]

الله يعوض على رعيها
وحسبي الله على من سرقها كانها مسروقه :mad:

[sad2006]

مشكووووووووووووووووووووووووووووووووووووووووووووووو ووووووووور

[شبح الصحراء]

الله يحفظ المسلمين والله مااظن فيه واحد سالم من السرقه والمشكله ليست فقط السرقه بل اتلاف الممتلكات الذي ينم عن وجود مرض حقيقي يجب علاجه الا وهو تكسير الزجاج بدون سبب وتكسير اريل السيارات اوتكسير المرايات شئ عجيب ومرض لا ادري متى نتخلص منه.
قريب لي معاه ددسن حاطها للبيت مع السواق ومشاوير امه الله يحفظها اربع مرات اصطباتها تتكسر وهي واقفة ولا يدرون من يكسرها يروح يصلح الصطبات بعد مدة يلقاه مكسره :mad: والمشكلة الشرطة دايم تمسك السواق ليش تمشي من دون نور خلفي ويسحبون عليه قسايم :confused: .

[أسد تميم]

من امن العقوبه اساء الادب

[.أبوعبدالرحمن]

الله يردها لصاحبها


وجزاكم الله خير

[Black VTC]

لاحول ولاقوة الا بالله
انا كويتي وقبل اربع سنوات زرت قريب لي بالرياض وبيته علي طريق المطار بمنطقة جديدة وهادية وسيارتي فورد توني مطلعه من الوكالة وقلت بسافر فيه امرنه
وانا اتغدي عند قريبي سمعنا صوت ضربة قويه ولما طلعنا لقينا قزازة السايق مكسورة وفيه موتر بأخر الشارع مسرع المهم ركبنا السيارة بنلحقه واتفاجأ بان المسجل مسروق
رحت للشرطة وياليتني مارحت ومانفعني الا الله ثم المعزب حلف علي بمسجل من شارع الغرابي
وتقبلوا سالفتي


يا رجل انت كويتي و منا وفينا وعارفن حركات المراهقين و سرقتهم للسيارات ...لو تدري عن واحدن من الشباب عزم له امريكي ( اشقر احمر ) توه مسلم ماكمل اسبوع من يوم اعلن اسلامه استلموه الشباب دورية و يوم جاء الدور على واحدن منهم و الامريكي معه كامري وملبق عن بيت المعزب يوم طلع لقى الموتر مكسور و القزاز على المرتبة و الله يخلف عليه ...

المشكلة انه معجب باخلاق المسلمين و عاداتهم ... الله يصلح حال المسلمين لو تعلق كم ايد في الصفاة كان ما شفنا هالحركات ...

[راعي ددسن]

اسحبه وودها الى الشرطه ولا خذ رقم اللوحه وده للمرور وتعرف منه بإسمه وشكراً:d

[بدون مقدمات]

مادام معاد هنا قص يد
ابشر بكثر السرقات