وينكم يالقصمان يأهل الترهيم

[يوكن]

انا عندي باترول طويل موديل 90 ابي الركب عليه مكينة جمس هل تركب بسهولة ، وهل تركب المكينة على قير الباترول والا اغير القير بعد افيدوني تكفون .:confused:

[ابوطاقية]

تركب على قير الباترول بتحويله قيمتها تقريبا 1000 ريال
وبالنسبه لمكينة الجمس اي مكينه تقصد؟
اذا القديمه ماتنفع
واذا بترهم مكينة كابرس من موديل 2002 الي 2006 بتكلف شوي لانها تحتاج ظفيره وكمبيوتر وفيه ناس يشتغلونها

[احب البرواهله]

ما ينفع من غير اهل القصيم يرد عليك ويفيدك؟

[ابو فهد 1]

مرحبا اخوي

شف ادخل على الموقع فيه مهندسين ومتخصيين بلمكائن والسيارات المرهمه ومنهم من القصيم انشاء تلقا الي تبييه
http://www.t63ys.com/vb/ (http://www.t63ys.com/vb/)

[SilverSniper]

اذا القديمه ماتنفع

ما عليش والله يابوطاقية بس ما عندك سالفة.. القديمة أفضل وأرخص.. لأنها ما تحتاج ظفيرة ولا كمبيوتر.. ركب وامش..
أخوي يوكن..
عند 4 خيارات..
يا تركب Ls1.. مكينة الكوابرس الجدد.. وهذي تجي بخاخ كويلات وكمبيوتر وظفيرة بحدود 7000 إلى 8000..
أو تركب Lt1.. مكينة الكابرس 94-96.. وهذي تجي بخاخ وكمبيوتر وظفيرة بحدود 5000
أو تاخذ 350 حلابات.. مكينة الجمس 87-93.. تجي بخاخ حلاب مع الكمبيوتر تلقاها بحدود 2000 إلى 3000..
أو350 كاربريتر.. مكينة الجمس 73-86.. تجي المكينة بالكاربريتر كاملة 1500.. وهي اللي أنصحك فيها.. لا كمبيوتر يخربه الماء ولا غيره.. ولا تبلش بالبرمجة والحوسة هذي كلها..
بالنسبة للقير لازم تحط تحويلة للداير.. أو ركب قير جمس تماتيك Th350..
وإذا تبي القوة صدق دعم الشاصي بالحديد وركب 454.. :)
ان شاء الله أكون أفدتك..

[راهي]

كان عندي باترول 83 شريته من واحد خواجه
مركب عليه ماكينة كابريس وقير ودفرنش كلها كابرس موديل 84
صحيح أنه سريع وقومته ممتازة لكن تعرفت على ورش الدمام والثقبة بسببه كثرة الخرابات وأنواع التهريبات