شوركم يالربع؟؟؟؟؟

[YOU1]

السلام عليكم ورحمة اللة وبركاتة....
ابي شوركم يالربع ودي اشري جيب من موديل 2000 الي 2002 ومحتار مابين الشيروكي والدوج ديرانجو :confused: علما بانهم نفس السعر تقريبا ...وش رايكم يالربع ايهم احسن واقل خساير من الثاني؟؟؟
وشاكر لكم جميعا.:confused:

[شمالات نجد]

الظاهر الشيروكي قير عادي أفضل

وإن شاء الله الرجاجيل يفيدونك

الله يوفقك ويحقق اللي تبيه.. سلام

[علي101]

وضعت الإختيار بين الاثنين لذلك:
الشيروكي أفضل من الدودج

[hle col]

الشيروكــــــــــــي

[YOU1]

مشكورين ياشباب علي التجاوب والرد...بس من تصفحي للمنتدي لقيت اكثر الشباب مايمدحون الشيروكي ويقولون انة كثير الخرابات وان راعية يصير زبون دايم للورش.اما من ناحية الدوج دورانجو انا عندي صديق عندة واحد وسقتة واللة ياهو عزم قوي مرة ..بس مايندري عن مدي عمليتة واستعمالة مع ان استعمالي للموتر جدا ممتاز وطبيعتي احافظ علية ...ياليت اصحاب التجارب يفيدونا اكثر والف شكر للكل.:)

[z a n h o r]

شف يالغالي الشروكيات توفيق

تلقى ناس مبهذل بهم

وناس مرتاحين فيه بالحيل

لدرجة اني قابلت ناس يقولون ما عندنا استعداد نترك زي ذا الموتر

وفيه كم واحد قابلته يسبون ويلعنون بهن

وشف

انا قبل فتره نويت اشتري شيروكي

المهم اني سالت وشاورت

المهم بدو الخبراء يتكلمون كثير منهم يسب ويلعن وهو ما جرب اصلا على كلمة يقولون

عموما انصحك تشوف اهل شروكيات وتسالهم

وانا افضل الشيروكي على الدرانجو

[YOU1]

شكرا يا اخ zanhor علي الرد بس المشكلة مافية احد يذم حلالة !!!
ما ادري ليش انا بالنسبة لي لو عندي اي شي وماهو مقنعني واحد يسالني اقول لة عن عيوبة ومميزاتة بس فية ناس دايم تمدح حلالها بغض النظر هو زين والا لا!!وانا سالت اهل الشيروكي ولا واحد ذمة لدرجة اني ركبت مع واحد عندة شيروكي واشوف حرارتة ثلاث ارباع واسالة ويقول عادي!!!وش عادي مابقي شي ويولع ويقول عادي؟؟؟ وفية واحد ثاني عندة ديرانجو 2000 شارية من الوكالة سنة2002 بدل لة جير و2003 غير ماكينتة ومع ذلك يمدحة؟؟؟!!!

[أمير الو د]

شف يحبيبي

أنا معي شيروكي موديل 2000 الموتر ماعليه كلام قوه وعزم ونشاط مع العلم إني ماخذه من شركه وذي

الشركه كارته كر لكن الصراحه الموتر نضيف0

ولكن يوجد هناك بعض الأمور التي أود أن أنبهك عليها بالشيروكي ولايهونون أخواني المكشاتيين

مثل شدادات تجي في الدفرنس هذي ياطويل العمر والسلامه خلته مع أي لفه قويه ونت توك مقوم الموتر تسمع

صرصره وطقطقه بالموتر ماتقدر تحددها وتحس أن الموتر مكتف لكني رحت لم الميكانيكي قال لي أن هذي

شدادات لوفكيتها ماراح يضر الموتر أبد

والموترمعي زي الحلاوه بس مشكلته البنزيييييييين ياهو يشرب شرب الويل

[asass]

طبعا الشيروكي

[YOU1]

شكرا يالربع علي الرد....وينكم يا اهل الديرانجو؟ افيدونا؟

[.أبوعبدالرحمن]

اخوي الغالي


اشوف المناسب الشروكي وذلك لكثرة بالشوارع


بالنسبة للموتر الثاني يالله تشوفه واذا رحت للصناعية ما تلقى له ابدا ورش متخصصه له او محل قطع غيار له



والشروكي اهون منه شوي وهو الافضل بالنسبة لي

[YOU1]

الف شكر يا ابو عبدالرحمن علي التواصل والرد...

[Khalid AlGhamdi]

اخوي You انا والله انصحك تبعد عن الدوج كله مابه خير
انا كان معي شيروكي 2000 خليجي كلاسيك وذبحني بالمشاكل من دفرنس لكمبيوتر الى اخره
ولكن الموتر جايز لي شكله قلت العيب بالموتر الاول مع اني ماخذه نظيف بالحيل
وشريت عقبه 99 امريكي سبورت شبه جديد ومامشى واجد ، وعقب فترة صرت رايح جاي للصناعيه زي الأول
ورفيقي اللي اطلع انا وياه للبر مهاه واحد ماخذه وكاله 2001 سعودي كلاسيك فل كامل اعلى مايجي بالشيروكي ومحافظ على تغيير الزيوت والتشييكات على الدفرنسات والقير .. الخ ، أساله عنه هالايام مع انه مامشى الا بحدود 130 الف بس يقول لي ماهنا شي مايهرب !!

ولو قطع الغيار رخيصه نص مصيبه لكنها غاليه بالحيل ومبالغ باسعارها
وختاما لايزعلون علينا اهل الشيروكي لكن النصيحه واجبه

[YOU1]

شكرا اخي علي هالنصيحة الغالية...وانا اتفق معاك من ناحية الشكل صح شكلة حلو جدا...والدوج بصراحة وحش...

[YOU1]

وعلي فكرة انا بحثت بالموظوع وطلع الشيروكي صناعة شركة كرايزلر يعني نفش شركة الدوج!!!

[z a n h o r]

يالغالي

لابغيت تشري شيروكي

خل في بالك الدفرنسات والحراره هن اهم شي غيرهن مهمات كلن ذي اهم حاجتين