كل ما ارقي طعس اغرز

[اسد نجد]

السلام عليكم ورحمة الله وبركاتة


ياشباب انا عندي جيب ربع تويوتا الموتر يفحط بالثالث http://www.t63ys.com/vb/images/smilies/0601.gif:

لكن لاجيت ارقي في الطعوس بالطقاق والحنحنة والفجر http://www.t63ys.com/vb/images/smilies/cry_1.gif

يالة يرقي (( اصغر الطعوس )) دداسن ترقاها http://www.t63ys.com/vb/images/smilies/ranting1.gif

مع العلم ان الديل شغال تمام(( واول كان الموتر يرقي في النفود بالراحة))


ارجو ان احصل على افادةhttp://www.t63ys.com/vb/images/smilies/sad_1.gif

وشكـــــــــــــــــــــرا......

[أبو ياسر]

اخوي الجيب الربع ماشاء الله مايحتاج معروف بقوتة

لكن السؤال انت غيرت شي بالسيارة ولالا

يعني مثلاً الكفرات غيرتها وكم يكون الهواء بالكفرات وانت بالنفود

[علي101]

وين أهل المعرفة
وعندي سؤال (( ألا يكفي الدبل الخفيف عن تنسيم الكفرات , إن كانت الإجابة بنعم فأنا محتار , وإن كانت الإجابة بلا فما الفرق بين الجيب والددسن ))

[ذئب اليل]

اخوي بعد متناسم الكفرات مراح تحتاج الدبل لا كن هذي ترجع لمهرتك في اطعوس

[Black VTC]

وين أهل المعرفة
وعندي سؤال (( ألا يكفي الدبل الخفيف عن تنسيم الكفرات , إن كانت الإجابة بنعم فأنا محتار , وإن كانت الإجابة بلا فما الفرق بين الجيب والددسن ))


يمشي حال الجيب بدون تنسيم الكفرات و يكفيه الدبل الخفيف بس يبي لك تسايس النفود و تهج عن السوافي و الرباضات الخفيفة ... اما ان نسمت الكفر فانت ريحت الموتر و ريحت نفسك و اخذت راحتك بالمراوغة فوق الامواج الرملية ....

[مريقب العيفار]

أي موتر مليان هواء لا يمكن ان يطعس

والفرق بين الجيب والددسن ان الددسن مهما نسم لن يستطيع

ان ياصل مواصيل الجيب

فالجيب يبقى جيب وان احتاج الى تنسيم

[اسد نجد]

الكفرات دنلوب عيها جنوط لكزس

والهواء يكون 20 في النفود


والموتر 12 بلف

[مجتهد***]

أنا كان عندي مشكلة في سيارتي
كانت تغرز في أقل طلعة
بعد ما فحصت العكوس صار عندي و احد خربان وهو السبب
بعدها مافي شي يردني

[جوالة]

أخوي أنا أطاعس بكامري والهوا فيها 15-18
لكن إذا جتك رباظة عليك بالجيب فإنه عي السؤال :)

[اسد نجد]

يا المجتهد انا عندي اذا كسرت الطارة ومشيت

يطلع صوت طقطقة (( هل هذي هي نفس مشكلة العكوس الى عندك ))

[هولوكس2005]

وين أهل المعرفة
وعندي سؤال (( ألا يكفي الدبل الخفيف عن تنسيم الكفرات , إن كانت الإجابة بنعم فأنا محتار , وإن كانت الإجابة بلا فما الفرق بين الجيب والددسن ))



يخوي الددست يفيدها وزنها الخفيف مقارنهع بالجيوب

ولانحسب جيب ماينسم بالعكس أهم شي بالجيب تنسيم الكفرات علشان ماتخسر الكارونه والدفرنس والمكينه والبانزين


انا كفرات موتري برجستون صالون فتك انسمه 13 وأتمشى وانا مرتاح نفسيا ومريح الموتر


ونصيحه أول ماتغرز بهيار نسم الكفرات قبل ما تعشق دبل علشان الموتر مايحفر الموتر وبعدين مايفيدك الدبل الثقيل



وكان كفرات موترك بلد فهن مايصلحن بالنفود ركب دنلوب وشف وشلون رح يتندح بالمراقي

[AZOO9Z]

أخوي لو معك اقوى جيب في العالم ما يمشي في النفود الا و انت منسم الكفرات فلازم تحط العيار على 15 بالكثير و يمشي الموتر بدون دبل و مثل الالف . يعني لو حطيت الضغط على اقل من 15 او 15 ولا مشى موترك في النفود ارجع لي و لك مني جيب جديد .

و الله يعافيك .

[OtherProduct]

التنسيم...التنسيم...التنسيم
وكررها ثلاثا

[abuziyad3]

موضوع شيق

فعلاً أنا مجرب نفس الشيء
أنسم الكفرات واريح موتري ولا استخدم الدبل الا عند اللزوم

[سيف الظفير]

نسم الكفرات

[اسد نجد]

upupupupupup
upupupupu
upupupu
upup
up

[الوافe]

الله يوفقك

[الساهر2003]

اخوي عندك مشكلة في العكس اذا لفيت الطارة وطلع صوت والتنسيم 15 او 10 او 8 هو الافضل في الطعوس وريح راسك واما 20 يمشيك من الثمامة الى وسط الرياض كثير الشباب كفوو ووفو لو تجيب اقوى سيارة في الطعوس مامشت وهواها كثير لازم التنسيم وكل ماكان الكفر اعرض والين واكثر ارتفاع كان افضل ممشي في النفود

[المتهني]

لغديك مارن نروح انا وانت نجرب

ان صلح والا الشكوى لله ... :D :D

[aahhhh2]

صحيح انت عندك مشكله في العكوس الاممية اما رمان ولا العكوس نفسه معدومة وهي تثر وتثقل الجيب في الرمل كاننك تسحبلك موتر ثاني
وتنسيم 20 يكفيك اذا الجو بارد والرمل متمس اما في الصيف وضهر لازم 10
واذا سرت مسك خط تحتمي الكفرات ويزود ضغط الكفرات حوالي من 3 الى 4

[ملاعب الذيب]

نسم الكفرات وبس

[طائر الباز]

يا اخي العزيز

المشكله في عيار الهواء الي معك شكله مو اصلي ... اشتر اصلي من المحيمد الي في شارع الريل و خل الكفرات 20 و ماراح يردك شي... صدقني.

[اسد نجد]

يقول لى الميكانيكي المشكلة في العكوس

تتوقعون كلامة صحيح

هل العكوس تاثر في مرقا الموتر في الطعس

ولا العامل مايدري وش الطبخة

[د م ق]

ما تلا حظون انكم حاقرين الددسن
نسم وتوكل على الله

[m1m]

طبيعي أخوي إذا العكوس فيها طقطقة .. فهذا يعني أن راس العكس خربان ويقلل عطاء السيارة

المهم عند تشغيل الدبل لا يكون المكيف شغال

[ساقان]

الكفرات صخريه وقاسيه .. غير لكفر لين واستانس