حفرلوجيا
30/09/2003, 12:20 AM
سلام يالربع كل(ن) باسمه
الحقيقه لاتستغربون العنوان .. نعم بدون مبالغه عندي بالديرة فيضة من الصمان بجنب البيت .. كيف ؟ أقول لكم :
أخوكم وقت الربيع له ختات مع الشله للصمان وفياضه وخباريه..وعندي عجوز (زقرتيه) تقول ورى ماتاخذني معك ( تحب الربيع ).. قلت ياولد ذي حلوة اللبن ليش ماأجيب لها الصمان بدل ماتروح له.. استنبت لها الأعشاب اللي تحبها.. سويت عدة تجارب على مدى ثلاث سنوات والحمدلله نجحت .. خلاصتها التالي :
عند ما ينحمس العشب ( أواخر شهر ابريل ) تكون زهور الأعشاب قد نشفت وهذي الزهور غالبا هي اللي تحمل البذور..خذ عندك مثلا:
القريص (القرقاص) : وسط زهرته (اللي كانت بالربيع صفراء ) حبيبات تكاد لاترى بالعين بنية اللون فاتحة.
القحويان وايضا البابونج اللي اسمه في بعض المناطق(الحندقوق او الطفطاف ) : مثل القريص الا حد التطابق.
النفل : يطلع سنابل صغيره أوائل شهر ابريل متفرعة من بعضها تشبه الفاصوليا (طبعا على حجم صغير جدا) لونها أخضر.. وصفرا بعد ماتنحمس .. وبداخل هذه السنابل حبيبات كثيره بنية اللون تشبه الرشاد بس على اصغر شوي .
الحرف (رشاد البر) يطلع وردات صغيره جدا ومتلاصقة بداخلها حبيبات سوداء صغيرة تشبه حبة البركة بس على أصغر.
الرقم ذو الزهرة البنفسجية له كاسات صغيرة جوار الزهرة بوسطها البذره.
المراد.. حفظت هذي البذور بكيس مع شوي من تربة البر ..ويوم هل اغسطس وأبذر منها شوي وسط حوض صغير ولاحظت انها بعد أقل من شهر صارت مثل الباذر على أوله .
وفي وسط اكتوبر (بداية الوسم ) قمت حرثت حويش جنب البيت (تربتة زراعيه عاديه) .. وقمت اعدل واحفر وخليته على شكل خباري (حفيرات ) صغيره.. ونثرت البذور اللي انا حافظها.. وقسم الله ونزلت الامطار ونقع الماء..ولاحظت بعد شهر ان النباتات طلعت ..وصرت اذا قل المطر رشيت الحوش بـ(شوي ماء).. والا والله يوم جاء على اوسط المربعانيه يوم فاحت الروايح اللي يحبها قلبك.. وعلى أواخر الشبط ..الا يوم تلون الحوش اخضر على اصفر على ابيض على بنفسجي .. وصارت (حلوة اللبن) مسنترة بوسط الحوش باستمرار وينضم لها احيانا(العود ) إذا اسفهل.. (بلخير يالمسفهل ) ان كنت تسمعني اجب (هههههههه)..ايه ونجحت التجربة وكررتها ..والا أفضل من أول ..أما السنة الثالثة انشغلت وماكررتها.. لكن طلعت النباتات كلها..وكان لي شرف أن وطنت نباتات فياض الصمان بحوش بيتنا.. وماعاد صارت (الله يخليها ) تقول أبطلع معك للصمان يعني صار الصمان عندها... وسلا متكم ..( كل المعلومات اللي ذكرتها دقيقة واللي وده يجرب ويشوف) ..
الحقيقه لاتستغربون العنوان .. نعم بدون مبالغه عندي بالديرة فيضة من الصمان بجنب البيت .. كيف ؟ أقول لكم :
أخوكم وقت الربيع له ختات مع الشله للصمان وفياضه وخباريه..وعندي عجوز (زقرتيه) تقول ورى ماتاخذني معك ( تحب الربيع ).. قلت ياولد ذي حلوة اللبن ليش ماأجيب لها الصمان بدل ماتروح له.. استنبت لها الأعشاب اللي تحبها.. سويت عدة تجارب على مدى ثلاث سنوات والحمدلله نجحت .. خلاصتها التالي :
عند ما ينحمس العشب ( أواخر شهر ابريل ) تكون زهور الأعشاب قد نشفت وهذي الزهور غالبا هي اللي تحمل البذور..خذ عندك مثلا:
القريص (القرقاص) : وسط زهرته (اللي كانت بالربيع صفراء ) حبيبات تكاد لاترى بالعين بنية اللون فاتحة.
القحويان وايضا البابونج اللي اسمه في بعض المناطق(الحندقوق او الطفطاف ) : مثل القريص الا حد التطابق.
النفل : يطلع سنابل صغيره أوائل شهر ابريل متفرعة من بعضها تشبه الفاصوليا (طبعا على حجم صغير جدا) لونها أخضر.. وصفرا بعد ماتنحمس .. وبداخل هذه السنابل حبيبات كثيره بنية اللون تشبه الرشاد بس على اصغر شوي .
الحرف (رشاد البر) يطلع وردات صغيره جدا ومتلاصقة بداخلها حبيبات سوداء صغيرة تشبه حبة البركة بس على أصغر.
الرقم ذو الزهرة البنفسجية له كاسات صغيرة جوار الزهرة بوسطها البذره.
المراد.. حفظت هذي البذور بكيس مع شوي من تربة البر ..ويوم هل اغسطس وأبذر منها شوي وسط حوض صغير ولاحظت انها بعد أقل من شهر صارت مثل الباذر على أوله .
وفي وسط اكتوبر (بداية الوسم ) قمت حرثت حويش جنب البيت (تربتة زراعيه عاديه) .. وقمت اعدل واحفر وخليته على شكل خباري (حفيرات ) صغيره.. ونثرت البذور اللي انا حافظها.. وقسم الله ونزلت الامطار ونقع الماء..ولاحظت بعد شهر ان النباتات طلعت ..وصرت اذا قل المطر رشيت الحوش بـ(شوي ماء).. والا والله يوم جاء على اوسط المربعانيه يوم فاحت الروايح اللي يحبها قلبك.. وعلى أواخر الشبط ..الا يوم تلون الحوش اخضر على اصفر على ابيض على بنفسجي .. وصارت (حلوة اللبن) مسنترة بوسط الحوش باستمرار وينضم لها احيانا(العود ) إذا اسفهل.. (بلخير يالمسفهل ) ان كنت تسمعني اجب (هههههههه)..ايه ونجحت التجربة وكررتها ..والا أفضل من أول ..أما السنة الثالثة انشغلت وماكررتها.. لكن طلعت النباتات كلها..وكان لي شرف أن وطنت نباتات فياض الصمان بحوش بيتنا.. وماعاد صارت (الله يخليها ) تقول أبطلع معك للصمان يعني صار الصمان عندها... وسلا متكم ..( كل المعلومات اللي ذكرتها دقيقة واللي وده يجرب ويشوف) ..