أسعار الاندكروزر الخيالــية 2008 ( مشاهداتي للمعارض ليوم الجمعه)

[سيف الظفير]

بسم الله الرحمن الرحيم

يا اخوان الموضوع واضح من عنوانة امس كنت اتجول في معارض النسيم من العصر حتى المغرب وتجولت على جميع المعارض تقريباً .

وتفاجئت بالاسعار الخيالية للسيارة التى طالما ابهرت العالم السيارة الاسطورية

لاندكروزر 2008 وجاءت اسعارها على النحو التالي:

طبعاً المواصفات (( يابانية )) شد بلد ولافيها من التلاعيب المصنعي كالذي اعتدنا عليه من الوكيل الحصري عبداللطيف جميل الذي وصلت ايدي تلاعبهم الى المواصفات الميكانيكية .

سعرGX-R فل كامل / 185500

مواصفاته /جنوط اصلية 17 انش .فتحة .ونش .شاشة ملاحة GPS .أسبيرين . CD6 . مسجل اصـلى مختلف جداً عن المسجل الموجود عند عبداللطيـف . مانع انقلاب للسيارة . فرامل على الاربع الكفرات ( وليس الخلفية او الامامية )
والكثير من المواصفات اليابانية الاصلية الاخرى (الياباني يوجد فيه 20 اضافة تميزه عن جيب عبداللطيف جميل (حسب قول احد مدراء معارض الصقـر)

سعر VX-R/ فل كاامل 285000

هذا الجيب كامل المواصفات . مركبه والله (من واقع تجربه بسيطة ) افضـل من مركب جيب رنج روفر سبورت .
كما سألت عن بعض السيارات المعرووفة في الخليج ( مستعملة )
لقيت يا اخوان جيب جكسار 2007 بريمي قير عادي ماشي 55000 بسعر 155000

وجيب باترول ابيض لؤلؤي نظيـف جداً وممشاه قليل بسعر 112000
والجيب لاندكروزر هذه الايام يجب اقبال غير طبيعي من قبل السعوديين ,وهذا ما اكده لي احد اشهر المعارض (الصقر)

ومما لفت انتباهي وجود الكثير من ابناء العمومة اخواننا الخليجيين من ( قطر/ الامارات ) ممن يمتلكون سيارات لاندكروزر وباترول جديدة اتوا لبيعها في السعودية .

وأسئـــل الله العلى القدير ان يرزقنا ويغيثنــا
هذا والله أعلم
والسلام عليكم ورحمه الله وبركاته .

[سيف الظفير]

لقيت يا اخوان جيب جكسار 2007 بريمي قير عادي ماشي 55000 بسعر 155000

اسبيرين هذا الجيب

[ابن طيبة]

صحيح الاسعار نار

[االديحاني]

الله يعطيك العافيه

[جلاد الصحراء]

شكرا على جهودك
لكن فرق بالسعر كبير
اسأل الفرق بين الست سرندل والثمان
عند عبداللطيف 8الاف
والخليجي 15 الف انتبه

[سيف الظفير]

صحيح الاسعار نار


مشكور على المرور يا اخوووي

[سيف الظفير]

شكرا على جهودك
لكن فرق بالسعر كبير
اسأل الفرق بين الست سرندل والثمان
عند عبداللطيف 8الاف
والخليجي 15 الف انتبه


كلامك على متمه يالذيب ولكن يهمني المواصفات الاصلية البريمي الاصلي الياباني

جاء من اليابان الى السعودية مباشرة ,

بينما مواصفات عبداللطيف جميل ( مجمع في استراليـــــــــا ))

والياباني فيه اكثر من 20 اضافه تميزه عن السعودي

واخرها . جنوط 2008 قارن بين السعودي وبين الخليجي

[سيف الظفير]

الله يعطيك العافيه


مشكور على المرور يا اخوووي

[خادم الإسلام]

شركة أبو جميل ما عندك احد يرفع مثل مايبي .

[لبرتي]

سعر VX-R/ فل كاامل 285000

لاحول ولا قوة الا بالله ناس ما تلقى تأكل وناس تشتري جيب تويوتا بذا المبلغ
والله ما يستأهل أبد

[بواسامه]

هلا باخوي سيف
مالقيته الا معرض الصقر
هو ابو الغلا كله
صحيح الاسعار غاليه
بسهم اهل مبالغه بزود عن غيرهم عموما اسعار الوكيل مايعلى عليها وبسلامة مواصفات وزباريق زايده عن اللزوم
وتسلم على الموضوع

[نقبين]

اهل المعارض..
من أجل يصرفون بضاعتهم الغالية يقولون كذا...

اولا اللخليجي ليس علي ضمان....
يعني اشتري سيارة ب 285 الف بدون ضمان...!!!!!

ثانيا عبد اللطيف جميل ارخص بكثير...
ال جي اكس في 6 = 157 الف
جي اكس 8 سلندر = 168 الف (هذا المرغوب)
لا وبزيادة 3 الاف تمدد الى ضمان 5 سنوات


لا يضحكون عليكم اهل المعارض..
وخاصة الصقر انا مستغرب يبيع على من؟؟
اسعارة نااار..!!

[سفاري فتك]

بصراحه الجيوب التويوتا تاخذ اكثر من حقها
حتى اذا كانت مستعمله والافضل للسفاري

[سيف الظفير]

شركة أبو جميل ما عندك احد يرفع مثل مايبي .


خلها على ربك وزارة التجارة اخوياهم ولا في رقابة على الوكالات

[سيف الظفير]

لاحول ولا قوة الا بالله ناس ما تلقى تأكل وناس تشتري جيب تويوتا بذا المبلغ
والله ما يستأهل أبد

وازيدك من الشعر بيت يا اخوووي . اذا بتاخذ هذا الجيب اقساط ولو كان راتبك قووي وعالي راح يطلع عليك بمبلغ خياااااالي 345000 تقريباً ...... ما اخفيـــك زان في عيني الباتروووول ...

يكفيك ارتفاعه عن مستوى سطح الارض واعتماديته العالية

[سيف الظفير]

هلا باخوي سيف
مالقيته الا معرض الصقر
هو ابو الغلا كله
صحيح الاسعار غاليه
بسهم اهل مبالغه بزود عن غيرهم عموما اسعار الوكيل مايعلى عليها وبسلامة مواصفات وزباريق زايده عن اللزوم
وتسلم على الموضوع


مشكور على المرور يا كحيلان .

بس فيه مواصفات ميكانيكية ...!! !!

ومنها مانع الانقلاب / وجنوط 18 أو 17 اصلية يابانية وليست صينية جاءت من دبــي

[سيف الظفير]

اهل المعارض..
من أجل يصرفون بضاعتهم الغالية يقولون كذا...

اولا اللخليجي ليس علي ضمان....
يعني اشتري سيارة ب 285 الف بدون ضمان...!!!!!

ثانيا عبد اللطيف جميل ارخص بكثير...
ال جي اكس في 6 = 157 الف
جي اكس 8 سلندر = 168 الف (هذا المرغوب)
لا وبزيادة 3 الاف تمدد الى ضمان 5 سنوات


لا يضحكون عليكم اهل المعارض..
وخاصة الصقر انا مستغرب يبيع على من؟؟
اسعارة نااار..!!



تهنا بين سندان الغلاء ومطرقـــة الاحتيال العلنـــــــــــى !! !! !!

[سيف الظفير]

السلام عليكم ورحمة الله وبركاته


السلام عليكم اخواني الاعزاء اعضاء ومشرفي هذا المنتدى الراقي


قمت بحجز لاندكروزر من شركة عبداللطيف جميل طريق الملك فهد(الرياض) وعند الحجز سألت البائع عن قيمة السياره قال لي 167850 وقبل وصول السياره باسبوع اتصل على نفس الموظف وقال لي لازم تجي تدفع المبلغ وتفاجأت بأن المبلغ اصبح 169950 ليش الفرق؟
قال والله تغير السعر!! السعر اللي اعطيتك في البدايه غير دقيق صدقت الموظف وكتبت له شيك بالمبلغ


وبعد وصول السياره رحت استلمها قال الموظف السياره جاهزه بس تاخذ موعد عشان تضليل الزجاج
قلت وشو تضليله ؟؟؟
تضليل العازل توقعته مجانا
والله ماقصرتو بس انا ماني حريص عليه يمنع الجي بي اس من الاتصال بالاقمار الصناعيه وانا راعي روحات وجيات
قال لا انت دافع قيمته وهي 2000 ريال
وهو اجباري لسيارات 2008
شركه خسرانه من شركاته يشغلها بالطريقه هذي نصب واحتيال


وبعد اخذ ورد ومن مدير الا مدير ماطلعت بشي يقولون لازم تراجع جده


قلت على الأقل اودعوها في الصيانه رصيد يعني مابي استرجع المبلغ رفضوا بكل الطرق


رضخت للأمر الواقع وقلت ضللوا السياره ورحت اشوف العمال وطريقة الشغل واخذ الموعد والطامه الكبرى انهم عماله من احدى الجنسيات العربيه المعروفين بكثرة الهرج والنصب وليس لديهم ادنى درجات الخبره في تضليل السيارات (كلها فقاقيع ووجدت اكثر من زبون يتهاوش معهم)


لذا انصح من يفكر ان يشتري من عبداللطيف جميل ان يتأكد من حكاية التضليل لأنهم في البدايه يدمجونها مع قيمة السياره


واذا تبون صوره من الفاتوره مستعد حاطين مبلغ 2000 ريال اشياء اخرى
حسبي الله عليهم خربوا علينا فرحتنا بالسياره


آسف على الأطاله




هذا موضوع من مواضيع الاخ الفاضـــل ذيب الاطوى وقصته مع الوكيــل الذي احتال عليه بطريقه احترافيــه ودفعه مبلغ 2000 ريال كانت من الاولى ان تكون في رصيد هذا الرجل ..


وهذا دليل على رداءه الوكيــل الذي للأسـف هو الحصري في السعودية , وسبب كبير الى لجوء الكثيرين الى شراء الجيب البريمي
(الياباني الاصلى ) من المعارض المشهورة ..!! !!


وللمعلومية من مواصفات عبداللطيف جميل /
جيب جكسار// اسبيرين / ونش/ فل كامل 8 سلندر /بدون فتحة
جيب جكسار// اسبيرين / فل كامل 8سلندر /مع فتحة


أي / اذا جاء الونش ذهبت الفتحة


واذا جاءت الفتحة ذهب الونــش

[سيف الظفير]

تنبيـــــــــه مهم جداً !! !!

البازعي صارت جيوب الاندكروزر تجمع من بعد ماكانت يابانية اصلية حيث ان البازعي , صار موزعاً لعبداللطيف جميل

[صااحب الامتيا]

لوسمحت اخوي السفاري اللي لقيتة اي درجة والقير هل هو عادي وكم ماشي؟ وشكرا

[السبت]

صحيح الاسعار نار

[سيف الظفير]

لوسمحت اخوي السفاري اللي لقيتة اي درجة والقير هل هو عادي وكم ماشي؟ وشكرا


اعتقد سفاري 2 وقيره تب ترونك (عادي وتماتيك )

[سيف الظفير]

صحيح الاسعار نار


الاسعار العالية طالت حتى السيارات

[سيف الظفير]

لوسمحت اخوي السفاري اللي لقيتة اي درجة والقير هل هو عادي وكم ماشي؟ وشكرا


سعفاري 2 قير تب ترونك (عادي وتماتيك )

تلقاه في الشارع الرئيسي في معارض النسيم

[أبو LAMeS]

تحياتي أخوي الكريم
مع أحترامي الشديد للاندكروزر ألا أنه ما فيه شيء أسمه مانع أنقلاب لأن عملية الإنقلاب عملية فيزيائية لها قانون ومستحيل أحد يقاومه يمكن يوجد شي أسمه تحسس الإنقلاب علشان تستعد الإيرباقات تنفتح

[سيف الظفير]

تحياتي أخوي الكريم
مع أحترامي الشديد للاندكروزر ألا أنه ما فيه شيء أسمه مانع أنقلاب لأن عملية الإنقلاب عملية فيزيائية لها قانون ومستحيل أحد يقاومه يمكن يوجد شي أسمه تحسس الإنقلاب علشان تستعد الإيرباقات تنفتح


اخوي الفاضل يشرفني مرورك

ولكن هذا الكلام نسمعه من الموردين .. .. ..



والله اعلم

[أبو LAMeS]

لا يهمك كلام الموردين والله أكثرهم ما يفهم في السيارات ما يفهم إلا في الدراهم وأنا متأكد أن المقصود تحسس الإنقلاب هذا إذا كان موجود فعلا وهو جهاز مرتبط بالكمبيوتر يعطي الكمبيوتر أكثر من مية قراءة في الثانية لحالة السيارة علشان تكون الإيربقات مستعدة تنفتح إذا مالت السيارة على أحد الجوانب حماية للركاب
شكرا لك

[بواسامه]

وش الفروقات الميكنيكيه اللي تقولها
عطني واحد بس
وبعدين مانع الانقلاب وراه ماركبوه بالكزس وهو اهم هذا يدلك ان اللكزس هو الياباني ابا عن جد
هذه كلها من خرابيط المواصفات اللي تركب في الشرق الاوسط واهل الصناعيه يركبونه بالف ريال من سنين وصار وكيلنا ووكيل اي بلد يلعب بالمواصفات حسب الدخل اللي بيجيه لا غير

[سيف الظفير]

لا يهمك كلام الموردين والله أكثرهم ما يفهم في السيارات ما يفهم إلا في الدراهم وأنا متأكد أن المقصود تحسس الإنقلاب هذا إذا كان موجود فعلا وهو جهاز مرتبط بالكمبيوتر يعطي الكمبيوتر أكثر من مية قراءة في الثانية لحالة السيارة علشان تكون الإيربقات مستعدة تنفتح إذا مالت السيارة على أحد الجوانب حماية للركاب
شكرا لك

قسماً بالله احياناً نوضح للوكلاء في بعض الامور في سياراتهم

[سيف الظفير]

وش الفروقات الميكنيكيه اللي تقولها
عطني واحد بس
وبعدين مانع الانقلاب وراه ماركبوه بالكزس وهو اهم هذا يدلك ان اللكزس هو الياباني ابا عن جد
هذه كلها من خرابيط المواصفات اللي تركب في الشرق الاوسط واهل الصناعيه يركبونه بالف ريال من سنين وصار وكيلنا ووكيل اي بلد يلعب بالمواصفات حسب الدخل اللي بيجيه لا غير


مشكور على مرورك الثاني ياالغالــي

على الاقل عندهم شفافيه اكثر من الوكيــل اللى خرب سياراته
وصار الجيب اللي عنده كنه مازدا لن كل اللي فيه غير اصلى .

وطعمها بالشركات الصينية .

[أبوخطاب]

السلام عليكم

عندي وجهت نضرمختلفة

خلنا نرجع ورى شوي

كانGX 2007 ثلاجة ومكيفينوخلفية لكزس ب128 ألف

في مديل2008 تجي هذه المواصفه على G وبنفس السعر

وباقي الانواع الفارق ضئيل جدا

[ارحم يا مسلم]

الله يعطيك العافيه

[الوافe]

مشكورررررر

[سيف الظفير]

حياكم الله يا اخوااااااان

[AZOO9Z]

أكيد الأسعار نااااااار الله الموقده يعني مبالغ فيها مرة

لكن أخوي احب أوضح لك شي أنت حاط في بالك أن الرنج روفر السبورت و العادي أنه مريح العكس

أقسى مراتب ركبتها هالسيارة و عموما الاوروبي كله قاسي بشكل كبير يعني الياباني اريح بكثير

و الله يعافيك اخوي .

[سيف الظفير]

أكيد الأسعار نااااااار الله الموقده يعني مبالغ فيها مرة

لكن أخوي احب أوضح لك شي أنت حاط في بالك أن الرنج روفر السبورت و العادي أنه مريح العكس

أقسى مراتب ركبتها هالسيارة و عموما الاوروبي كله قاسي بشكل كبير يعني الياباني اريح بكثير

و الله يعافيك اخوي .


انا هذا اللي اقصده يالذيب ان مركب الفكسار الجديد مريح جداً على الطرق المعبدة وكذلك على الطرق الوعره ..

لكن للأمانه الاسعار مبالغ فيها ......

[سيف الظفير]

بارك الله فيكم ومشكورين على المرور يا القروم

[بن نويشر]

يا الله العفو والعافية وحسن الخاتمة لنا ولكم .. قولوا آآمين ،،

[GOLD-2]

اسعار التويوتا خياليه ولاهي مستاهله
النيسان يعطيك نفس الجودة والقوة باقل بكثير من هالاسعار

[سيف الظفير]

النيسان ياباني اما تويوتا مصنعه ومجمعة في 3 او 4 دول

[كاشخ 24 ساعه]

مشكور على مرورك الثاني ياالغالــي

على الاقل عندهم شفافيه اكثر من الوكيــل اللى خرب سياراته
وصار الجيب اللي عنده كنه مازدا لن كل اللي فيه غير اصلى .

وطعمها بالشركات الصينية .


اى مازدا يالحبيب الله يهديك

المازدا ياباني 100% ماهو زي التويوتا

وعلى فكره اللاندكروزر الموجود حاليا حتى اللى جاى من الخليج يصنع في استراليا وبنقلادش


المازدا شركه عريقه متمسكه بمصداقيتها ويكفي ان الجيل الجديد الان غطى على جميع الفئات وجميع مواصفاته اصليه يابانيه

[سيف الظفير]

اى مازدا يالحبيب الله يهديك

المازدا ياباني 100% ماهو زي التويوتا

وعلى فكره اللاندكروزر الموجود حاليا حتى اللى جاى من الخليج يصنع في استراليا وبنقلادش


المازدا شركه عريقه متمسكه بمصداقيتها ويكفي ان الجيل الجديد الان غطى على جميع الفئات وجميع مواصفاته اصليه يابانيه




صدقت يا الطيب انشهد انك جبتها !!!!!!!

[SAUDI2005]

عندي لاندكروزر 2006 مصبوووغ كامل ماشي 68.600

فل كامل بدون ونش كم يجيب لي ؟
الموتر خليجي و قير اوتوماتيك وشنطه لكزس
سبب الصبغ حااادث

[مواسي الطعوس]

اخوي (سيف الظفير) لاتلومون شركة عباللطيف جميل تراهم على حق.......مادام يلقون ناس تشتري اكيد رايح يرفعون السعر ويحطون مواصفات اردى نوع....اجل الجي اكس ال8 سرندل اللي تشتري العالم...المراتب ماتتحرك ابد الا قدام وخلف ولا سدح....انا خابر 200 ال82م وفوق تقدر يدوي ترفعها شوي وتنزلها وهذا مافيه....غير المكيف التعبان,,,والفرامل اللي مثله.....والجلنط اتحداك يمسك الموتر.....والدركسون اللي ممسكه غير مريح وثقيل مقارنه بالامريكي والسفاري 2 والسوبر.....وغيره وغيره.......................الخ

وقطع الغيار تقريبا دبل لايدري الحمراني يقلدهم مع انه رفع شي لايذكر من القطع الغير مهمه

[بيبسي]

الغلا عام بالسيارات مو الاند كروزر ... والا بذمتكم ادفع في باترول 2008 فل كامل 180000 ريال وين ماصارت ذي

[شامخ ألهيلا]

ربي يعطيك العافيه اخووي

من ناحية اسعار المعارض مبالغ فيها لان الوكاله عليها حجوزات غير طبيعيه
واحد من الزملاء طالب جي اكس ار فل كامل من الوكاله واعطوه رقم السرا 1602
والمعارض عرفوا هالشي ودبلو القيمه وفايدتهم من الناس الى ماعندها صبر وفلوسهم واجد الله يرزقنا معهم


اخوك شامخ

[ابو خطاب]

الى وزارة التجارة بدون تحية...










كولوا تبن .. لمجهوداتكم في عدم ارتفاع اسعاره

[مواسي الطعوس]

هذه لعبه بين الوكاله والمعارض واكلوها خابور اللي يشترون هالسيارات اللي ماتخسر (تمسك سعرها) بس يطيح بالسنتين 40 الف ريال......انا عند صاحب معرض وجاءه واحد وقال الوكاله ارخص منكم وانا حاجز عندها .........قال صاحب المعرض...الله يرحم والديك كثر الحجز لاتترك وكاله الا احجز فيها وعلى موترين او ثلاثه....يقول انا ادفع 2000 ريال للموظفين اللي في جده واللي تحجز انت وغيرك يجي عندي .........وما تشتريه انت يجي غيرك يشتريه من الناس المغفلين

[gxواردقطر]

صحيح الاند اسعاره غاليه لكن لاتغضون النظر عن السيارات الثانيه برضوه
زادت اسعارها لكن
لا تبعدون عن معرض عبدالوهاب اليحيى بالنسيم افضل الاسعار عنده

[شورت]

السلام عليكم


اسف علا المداخله

في لاند كروزر 8 سلندر جير عادي

واسف جدا لسؤالي الي في غير محلو

[المميـز]

اعوذ بالله وش هالاسعار

ماحد الله الاسراف

وش يزيد التايوتا عن غيره من السيارات

طق لك سوبر سفاري بـ 177 الف

والحمد لله والشكر

مشكوووور اخوي على المووضووووع

[gsb]

ردد دائماً
التويوتا شيك في جيبك او في البنك الدولي
التويوتا مايخرب ابداً ولا يعرف الخراب بس تلقاه دائما ملي ورش الوكلات والصناعيات وحتى الورش الي على الخطوط وبالتشليح وأي موديل تبغى بعد 2008
2007
وغير ذلك من عبارات الوكيل الي تي يروج لها وأهل المعارض والشريطية
المستفيدين من فائض جيوب المواطنين .....
ويبقى ويعيش ويحيى الأمعات ... $$$.

[سيف الظفير]

مشكورين على المرور ..........








للأســـــــــف ما عندي تعليق على الردود لأن الاسعار وصلت لهذه المهزلة

[سيف الظفير]

اخوي (سيف الظفير) لاتلومون شركة عباللطيف جميل تراهم على حق.......مادام يلقون ناس تشتري اكيد رايح يرفعون السعر ويحطون مواصفات اردى نوع....اجل الجي اكس ال8 سرندل اللي تشتري العالم...المراتب ماتتحرك ابد الا قدام وخلف ولا سدح....انا خابر 200 ال82م وفوق تقدر يدوي ترفعها شوي وتنزلها وهذا مافيه....غير المكيف التعبان,,,والفرامل اللي مثله.....والجلنط اتحداك يمسك الموتر.....والدركسون اللي ممسكه غير مريح وثقيل مقارنه بالامريكي والسفاري 2 والسوبر.....وغيره وغيره.......................الخ

وقطع الغيار تقريبا دبل لايدري الحمراني يقلدهم مع انه رفع شي لايذكر من القطع الغير مهمه




هذي صدقت فيها لا قين من يلعبون عليهم


والله يستر من الوكلاء الباقين لايرفعون الاسعار مثل المحتال الكبيـــــــــر

[خيال الغلبا]

صرنا في هالبلد مثل الأيتام بأيدي اللئام

[سيف الظفير]

حييت يا السبيعي

[Ibrahim.O]

يالبا اليوكن وبسموتر سعره فيه ويعيطك اكثر من ماتعطيه

[سيف الظفير]

الاند وصل الى اسعار خيالية وهو للأسـف لا يستحــــــــــق

[طارق الحربي]

الباترول يبي يرتفع سوقه عقب هالاسعار


محد ينكر ان التيوتا موتر عليه الكلام ولكن ب 285 الف ريال والله ما احطها فيها


لك تحياتي

[سيف الظفير]

حييت يا بعد حيي وميتي يا الحربي صدقت اصلاً مايستحق 285.000 ريال .


والباترول في ارتفااااااع مستمر



والله يستر من 2009

[حبنان]

ردد دائماً
التويوتا شيك في جيبك او في البنك الدولي
التويوتا مايخرب ابداً ولا يعرف الخراب بس تلقاه دائما ملي ورش الوكلات والصناعيات وحتى الورش الي على الخطوط وبالتشليح وأي موديل تبغى بعد 2008
2007
وغير ذلك من عبارات الوكيل الي تي يروج لها وأهل المعارض والشريطية
المستفيدين من فائض جيوب المواطنين .....
ويبقى ويعيش ويحيى الأمعات ... $$$.
كلامك صح احسن مافي التويوتا انها تملا ورش الصيانه رزق للعمال واصحاب الورش والشريطيه قالوا شيك ؟؟؟؟؟؟؟ المهم ان عبداللطيف موفر لهم القطع بيض وجهه على الخدمة

[سيف الظفير]

اشكركم على المرور


وحياكم الله

[الشاهين2004]

الاسعار نار نار نار

[ee150]

لا ابوه لا ابو من ورده والله الي ماحطيت فيه هالقيمه

اعرس بها ابرك لي من اني اركبه

[أبو دمعه]

بسم الله الرحمن الرحيم



يا اخوان الموضوع واضح من عنوانة امس كنت اتجول في معارض النسيم من العصر حتى المغرب وتجولت على جميع المعارض تقريباً .


وتفاجئت بالاسعار الخيالية للسيارة التى طالما ابهرت العالم السيارة الاسطورية


لاندكروزر 2008 وجاءت اسعارها على النحو التالي:


طبعاً المواصفات (( يابانية )) شد بلد ولافيها من التلاعيب المصنعي كالذي اعتدنا عليه من الوكيل الحصري عبداللطيف جميل الذي وصلت ايدي تلاعبهم الى المواصفات الميكانيكية .


سعرGX-R فل كامل / 185500


مواصفاته /جنوط اصلية 17 انش .فتحة .ونش .شاشة ملاحة GPS .أسبيرين . CD6 . مسجل اصـلى مختلف جداً عن المسجل الموجود عند عبداللطيـف . مانع انقلاب للسيارة . فرامل على الاربع الكفرات ( وليس الخلفية او الامامية )
والكثير من المواصفات اليابانية الاصلية الاخرى (الياباني يوجد فيه 20 اضافة تميزه عن جيب عبداللطيف جميل (حسب قول احد مدراء معارض الصقـر)


سعر VX-R/ فل كاامل 285000


هذا الجيب كامل المواصفات . مركبه والله (من واقع تجربه بسيطة ) افضـل من مركب جيب رنج روفر سبورت .
كما سألت عن بعض السيارات المعرووفة في الخليج ( مستعملة )
لقيت يا اخوان جيب جكسار 2007 بريمي قير عادي ماشي 55000 بسعر 155000


وجيب باترول ابيض لؤلؤي نظيـف جداً وممشاه قليل بسعر 112000
والجيب لاندكروزر هذه الايام يجب اقبال غير طبيعي من قبل السعوديين ,وهذا ما اكده لي احد اشهر المعارض (الصقر)


ومما لفت انتباهي وجود الكثير من ابناء العمومة اخواننا الخليجيين من ( قطر/ الامارات ) ممن يمتلكون سيارات لاندكروزر وباترول جديدة اتوا لبيعها في السعودية .


وأسئـــل الله العلى القدير ان يرزقنا ويغيثنــا
هذا والله أعلم

والسلام عليكم ورحمه الله وبركاته .


تكفا يالظفيري ( ولا يهون من قرا ) كان دجت مرة ثانية بمعارض النسيم ابيك لا هنت تجيب لي رقم معرض اسمه نجوم الإختيار شاري منهم سيارة وأبنشدهم كم نشده

[الساهر2003]

الله يستر من تاليها
صار الريال مثل ورق المناديل مايسوى شيي والسيارات كوم حديد وبقيمة بيوت واراضي
الله يخلف علينا
صحيح ان اللاند سيارة لكن بالشيء المعقول
وللمعلومية اكثر السيارات التى استفادة من ارتفاع سعر اللاند هي الجيب الباجيرو قبل فترة الربع 2006 باجيرو يسام ب55 الف ماشي اقل من 30000 كيلو الان حد ب 60000 ريال وهو كان جديد ب 69000
وبصراحة سيارة لا يعلى عليها اصبر من اللاند بمراحل

[ساري 111]

في الحقيقه والواقع بالنسبه لي اناشخصياً

ادفع في التويوتا 280الف ولكن بعد تردد قليل لأن الموتر بعد توفيق الله يعتمد عليه
بس ماوالله احط 180 الف في نيسان من باترول وغيره
حد سيارات نيسان 100 الف اما فوقه حرام احط فيه ريال

وختلاف وجهات النظر لايفسد للود قضيه
وماوصلوه الناس هالاقيام إلا لطيبه

ولايرد ع كلامي إلاواحد جرب الموترين .. وعرف الفرق بينهم

[سيف الظفير]

يا اخواااااااااااان هذا الموضوع قديم


والاندكروزر وصـــــــل سعره الفل كااااااااامل خليجي ياباني اصلي كامل

بـ 300.000 ريال موديل 2009

[مكشات وبس]

وانا اصادق على كلامك اخوي لاني كنت في معارض الشفاء يوم الجمعه نفس الاسعار

[ساري بريدة]

قطع غيار النيسان نار

[ساري بريدة]

قطع غيار النيسان نار

[ابوفيصل1]

مشاء الله

اسعار اسعار خياليه من اين تاتي هذه الأموال

ومتي يستطيع الموطن العادي ان يحصل عل هذه الجيوب من الوكله

هل مازال عبد الطيف جميل يضع قبضته على هذه السلعه

اين هي حماية المستهلك من هذا كله

هذه الاسئله وغيرها من علامات الاستفهام الكثير التي سوف نري اجوبتها في الايام القليله القادمه

كان معكم اكرم خزام من موسكووووو

[الهدد1111]

وانا اصادق على كلامك اخوي لاني كنت في معارض الشفاء يوم الجمعه نفس الاسعار

[مخاوي ترم]

الأسعار نار والجيب مافية مثلة واللة يرزقنا ويرزقكم وكل سنة نقك جيب جديد

[ابوباسل111]

السلام عليكم
هذي اسعار معرض اليحيى

سعر الهدد 6 سلندر 2008 بـ 153
2009 بـ 163

سعر الهدد مع ونش 6 سلندر 2008 بـ 166
2009 بـ 175


والهدد 8سلندر سياحي مافيه
لكن الموجود هدد 8 سلندر نص فل
يعني زنون-فتحه- مثبت سرعه- دف لوك- بدون ونش
بـ 185
هذي الاسعار اليوم العصر
طبعاُ السعودي Gxr اقل بـ 5 الى 10 كحد اقصى
وانتم عارفين الفرق بين مواصفات السعودي و الخليجي
وسلامتكم

[ابن عكاش]

اللي يقو السفاري اقول له اللي يدلك على السلعه اثمانها

[ولد الدوحة]

اعتقد احسب وكيل ل تيوتا هو قطر ومواصفاتها روعة

[ابووولجين]

يرجى الانتباه معرض الصقر عندهم مجموعة من اليمنى نصابين وحوش وأنا ما أشره إلا على صاحب المعرض اللي مخلي هالزيود عنده مشوهين سمعت معرضهم بالنصب والتحايل على عباد الله لا ويحلف أبو يمن أيمان مغلضة (الله غني عن وجهك يالزيدي) عدم المؤاخذه ياجماعة على اٍلإطالة بس حبيت التنبيه

[طارق الحربي]

خله عند وكيله

محد راح يشتري فكس ار

مين اللي يبي يحط 300 الف ريال في سياره !!