جميع مايتعلق بال Fj كروزر تجده هنا ( موضوع متجدد ) [الأرشيف]

saad8794

05/01/2008, 08:58 PM

بصراحه ياأخوان انا كنت ادور موضوع الاخ سعيد عن فصل جرس حزام الأمان المزعج في سيارة الاف جي وياااالله لقيته :d
ومن هذا المنطلق أقترح على الاخوان ملاك الاف جي انهم يحطون مكان واحد ويحطون فيه جميع الاقتراحات والافكار والمشاكل عشان يسهل علينا تجميع المواضيع ..
( الاخوان ... سعيد , ولد وايل , شقيراوي , بدر911 , وباقي الاخوان )
أرجو اننا نجمع كل المواضيع هنا وخاصة ان السيارة توها جديدة في السوق والاستفسارات عنها كثيرة .

.أبوعبدالرحمن

05/01/2008, 09:31 PM

فكرة رائعة

بدر911

05/01/2008, 10:12 PM

اشكرك على الفكره الرائعه وانا سبق وتعبت وانا ابحث عن مواضيع تخص

الـ fj بس بصراحه جمع جميع المواضيع في موضوع واحد راح يختصر علينا الوقت والجهد

انا من ناحيتي اسمح لي اشير إلى موضوعي السابق واستفساري عن الحل الأفضل لمانع الإنزلاق
وابشركم لقيت الحل وجربته وجدا رائع وهذا الرابط

http://www.mekshat.com/vb/showthread.php?p=1321073&posted=1#post1321073

اتمنى كذلك ان اي شخص عنده موضوع يخص الـ fj انه يشير للموضوع او يحط رابط للموضوع

والشكر لك مره اخرى اخ سعد

الزين غالي

05/01/2008, 11:52 PM

شورتك وهداية الله

ولد وايل

06/01/2008, 12:09 AM

هذا موضوع // تشغيل الجوال على مسجل fj

http://www.mekshat.com/vb/showthread.php?t=117199

هذا موضوع // تانكي بنزين لــ fj
http://www.mekshat.com/vb/showthread.php?t=110871

تقبل تحياتي اخووووووووووي

saad8794

06/01/2008, 11:34 PM

ياشباب الاف جي ... سويت التلبيسة للقير والتلبسة الخلفية ... بس أبي أحد يدلني على الطاولة اللي تحط في المرتبة الخلفية مالقيتها عند السنيدي ولاعند الغرابي ولا لقيت أحد يفصلها .. :confused:

http://www.mekshat.com/pix/upload02/images57/mk30025_1.jpg

http://www.mekshat.com/pix/upload02/images57/mk30025_2.jpg

http://www.mekshat.com/pix/upload02/images57/mk30025_3.jpg

http://www.mekshat.com/pix/upload/sign/images/mk30025.gif

saad8794

06/01/2008, 11:41 PM

هذا موضوع إضافة كاميرا خلفية + بلوتوث للإف جي

http://www.mekshat.com/vb/showthread.php?t=118009

saad8794

06/01/2008, 11:42 PM

وهذا موضوع تركيب خزان ماء سعة 90 لتر وبطارية إضافية وخط 220 وماطور هواء جنب المكينة و تسليك للكنود ولمبات للسقف .

http://www.mekshat.com/vb/showthread.php?t=114649

ولد وايل

06/01/2008, 11:44 PM

قصدك السرير اخوي هذا تحصله بورشة السلمان بالزلفي عندهم كل ما يخطر عالبال من عدد وتفصيل

ولد وايل

06/01/2008, 11:45 PM

كم سعر تركيب الشاشه والبلوتوث والتلبيسات كم اسعارها ياريت ما تسوي شي الا وتقول لنا السعر كرما وليس امرا

saad8794

06/01/2008, 11:49 PM

هذي مشكلة ظهور أثر دخان أسود على الشكمان ...

http://www.mekshat.com/vb/showthread.php?t=116257

saad8794

06/01/2008, 11:57 PM

مرحبا اخوي ولد وايل ...
بالنسبة للتلبيسة حقت القير هذي سلمك الله ب 80 ريال مفصلها عند محل للرحلات مقابل صناعية العاصمة قبل طريق المدينة المنورة في السويدي الغربي في الرياض .
أما التلبيسة الخلفية فهذي بسعر 200 ريال لاقيها جاهزة ومفصلة خصيصاً للإف جي في الغرابي عند محل لتفصيل التلبيسات في الشارع الثاني على اليسار بعد اللي يفصلون فرش نوم .
أما الكاميرا والبلوتوث فيفيدك فيها الأخ s3ed

saad8794

07/01/2008, 12:05 AM

موضوع فصل صوت إنذار عدم ربط حزام الأمان المزعج في الإف جي

http://www.mekshat.com/vb/showthread.php?t=114198

بدوي جنوبي

07/01/2008, 12:07 AM

هذه كل المواضيع اللي تخص الاف جي
شوفو الموضوع اللي يناسبكم واقوم بدمج المواضيع مع بعض
شرط موافقة اصحاب المواضيع ،،

مثل :جميع مايتعلق بال fjكروزر تجده هنا ( موضوع متجدد ) (http://www.mekshat.com/vb/showthread.php?t=118059)
بعض الاضافات لل fj كروزر (http://www.mekshat.com/vb/showthread.php?t=114649) ‏
تشغيل الجوال على مسجل fj (http://www.mekshat.com/vb/showthread.php?t=117199)
هل يركب الونش الامامى على ال فى جى كروزر (http://www.mekshat.com/vb/showthread.php?t=115681)
من يريحني من مشكلة الـ Fj الله يريحكم (http://www.mekshat.com/vb/showthread.php?t=117960) ‏
fj كروزر استشارة (http://www.mekshat.com/vb/showthread.php?t=117732)
تانكي بنزين لــ fj (http://www.mekshat.com/vb/showthread.php?t=110871) ‏
اضافة جديدة لل fjكاميرا خلفية + و + و + (http://www.mekshat.com/vb/showthread.php?t=118009)
يااهل fj (http://www.mekshat.com/vb/showthread.php?t=118003)
فلتر رياضي ل fjكروزر (http://www.mekshat.com/vb/showthread.php?t=116952)

بدوي جنوبي

07/01/2008, 12:14 AM

الافضل نسخ العنوان
بدون وضع رابط
وطريقة النسخ في صفحة السيارات تنسخ العنوان بالعربي
مجرد نسخ ولصق في مكان الرد

http://www.mekshat.com/pix/upload02/images57/mk32037_56.jpg

بعد التضليل انسخ والصقه هنا في الرد :good:

saad8794

07/01/2008, 12:18 AM

أنا أشوف يامشرفنا إن موضوع ( جميع مايتعلق بال fj تجده هنا (موضوع متجدد) ) يعتبر شامل والعنوان يدل عليه ... واقتراحي طبعاً بعد موافقة أصحاب المواضيع الثانية .

ولد وايل

07/01/2008, 12:35 AM

اللي عند صناعية العاصمه قصدك محل العريفي عرفته زين ليه ما فصلت قماش اسود افضل

saad8794

07/01/2008, 12:42 AM

والله رحت بعد العيد في كشته في النفود وطبعاً دخل رمل داخل الغمارة من الركوب والنزول .. والفسقه .. وطرى على بالي هاللون وحطيته .

ولد وايل

07/01/2008, 12:57 AM

اجتماع اصحاب الـ fj وما حصل معهم تقرير مصور

http://www.mekshat.com/vb/showthread.php?t=110726

تحياتي لك

أشيقراوي

07/01/2008, 12:54 PM

يا اخوان انا سويت تلبيسة القير والتلبيسه الخلفيه عند السنيدي
وكلفتني الثنتين 300 ريال

بس بصراحه حقت القير من وجهة نطري احلى من اللي مسويها اخونا سعد ولكن التلبيسه الخلفيه

اللي عند اخوي سعد افضل بكثير من ناحية التفصيل

على العموم كل الهدف واحد

واشكر اخونا سعد اللي حط الموضوع

وتكفون نبي اخبار الفلتر من اخونا سعيد

من زمان عنه

s3ed

07/01/2008, 04:17 PM

يعطيكم الف عافية

ياريت يثبت الموضوع

للفائدة

saad8794

07/01/2008, 10:08 PM

اخوي سعيد بسألك عن توقيعك ..بصراحة حلو .. منهو Lex

أشيقراوي

08/01/2008, 03:06 PM

اتمنى تثبيت الموضوع للتجديد فيه

saad8794

08/01/2008, 09:58 PM

نرجوا من اخونا مشرف السيارات وتجهيزاتها انه يثبت الموضوع رغبة لمللاك ال fj فضلاً لاأمراً :D

عبدالله الضويان

09/01/2008, 02:12 AM

الله يعطيكم العافيه
والله مفيد ومريح

عبدالله الضويان

09/01/2008, 02:13 AM

اخواني الكرام
بغيت اسال فيه احد ركب فيه ونش ليته يعلمنا اذا كان فيه مجال والا لا

أشيقراوي

09/01/2008, 02:27 PM

من ناحية الونش اتوقع فيه مجال لكن ممكن تمر على السليماني في الغرابي
انا مريتهم وقالوا نركب بس ما شافوا السياره يعني ممكن توريهم ويشيكون

اتمنى تثبيت الموضوع

pharamazar

11/01/2008, 08:18 PM

اخواني ماهي الاكسسورات المتوفره عند ابو جميل وماهي اسعارها لو تكرمتو ؟

رحال الغربية

12/01/2008, 12:15 AM

saad8794

12/01/2008, 12:23 AM

اخوي ابو المها ممكن انك تركب ونش وهذا سلمك الله عند ورشة اسمها (المميز) وتلقاها في الصناعية الجديدة اللي عند البان الصافي قبل صناعية الفوزان وطبعاً أنا رحت لهم وسعرت ولقيتها تركيب صدام حديد وتركيب الونش بسعر ( 2000 ريال) والونش أنت اللي تجيبه .

وهذا شغلهم ...

http://www.mekshat.com/pix/upload/sign/images/mk30025.gif

http://www.mekshat.com/pix/upload/sign/images/mk30025.gif

saad8794

12/01/2008, 12:27 AM

بالنسبة للإكسسوارات اللي عند ابو جميل هي كالتالي :-
1- الهوك الخلفي (طبعاً للي ماعنده )
2- غطاء استبنه خلفي
3- صاجه سفليه
4- حامي وطايات جانبية تحت الأبواب
هذا حسب كلام الفرع اللي في البديعة

saad8794

12/01/2008, 12:28 AM

اخوي رحال الغربية ممكن تقول لنا كم سعر السله ومن أي فرع ركبتها لوتكرمت .

saad8794

12/01/2008, 01:16 AM

اخوي رحال الغربية ... ممكن الصوت من نقاط التلامس بين السلة والتنده وهي لو لاحظت قبل التركيب كانت مغطاة بقطع من البلاستيك ... فممكن انه بعد التركيب يدخل الهواء عن طريق الفتحات الصغيرة هذي وممكن انك تحط فيها مادة مالئة مثل بعض البخاخات اللي تطلع رغوة بلاستيكية تنشف بعد دقائق ... هذا اعتقادي والله أعلم .

MyName

12/01/2008, 06:10 AM

ياإخوان ركبت سقف من عند وكالة عبداللطيف جميل مثل الموجود فى الصورة السقف ممتاز ويتحمل لكن بعد التركيب عندما تتعدى سرعة 140 يبدأ بإصدار صوت هواء مزعج قليلا :confused:
هل هذا يعتبر طبيعيا أم ماذا ؟

http://www.mekshat.com/pix/upload02/images58/mk14707_img2571.jpg

يالغالي كل من ركب هذا السقف يعاني من إزعاج الصوت , الحل هنا :

تركب مثل اللي بالصوره ( حاجب الهواء مع مصابيح إضائه ) واعتقد موجود عند الوكاله ..

http://www.up4uae.com/upfiles/ocm07406.jpg

تحياتي لك

رحال الغربية

12/01/2008, 09:41 AM

اخوي رحال الغربية ممكن تقول لنا كم سعر السله ومن أي فرع ركبتها لوتكرمت .

الأخ سعد السلة فى حدود 5000 مع التركيب ومن فرع كوبرى المربع فى جدة
والسلة تختلف عن السلة الموجودة فى السوق هذه أكبر وتستخدم للأغراض الثقيلة وهى أسترالية مصنعة خصيصا لـ FJ

اخوي رحال الغربية ... ممكن الصوت من نقاط التلامس بين السلة والتنده وهي لو لاحظت قبل التركيب كانت مغطاة بقطع من البلاستيك ... فممكن انه بعد التركيب يدخل الهواء عن طريق الفتحات الصغيرة هذي وممكن انك تحط فيها مادة مالئة مثل بعض البخاخات اللي تطلع رغوة بلاستيكية تنشف بعد دقائق ... هذا اعتقادي والله أعلم .

لاحظت أن الصوت يأتى من السلة نفسها وليس من سقف السيارة

رحال الغربية

12/01/2008, 09:46 AM

يالغالي كل من ركب هذا السقف يعاني من إزعاج الصوت , الحل هنا :

تركب مثل اللي بالصوره ( حاجب الهواء مع مصابيح إضائه ) واعتقد موجود عند الوكاله ..

http://www.up4uae.com/upfiles/ocm07406.jpg

تحياتي لك

الأخ MYNAME مشكور يالغالى لكن هذه السلة تختلف ولايمكن تركيب الحاجب أو الواقى لأنها أكبر من سلة FJ وثانيا السلة صناعتها شركة ARB خصيصا لـFJ ولو تلاحظ الإختلاف بين السلتين

saad8794

12/01/2008, 02:39 PM

:( :( :(

MyName

12/01/2008, 06:05 PM

الأخ MYNAME مشكور يالغالى لكن هذه السلة تختلف ولايمكن تركيب الحاجب أو الواقى لأنها أكبر من سلة FJ وثانيا السلة صناعتها شركة ARB خصيصا لـFJ ولو تلاحظ الإختلاف بين السلتين

يالغالي اي سله علويه لازم يكون لها حاجب للهواء لمنع الإزعاج ولو تسأل اللي شريت منهم او ادخل موقع ARB إن شاء الله تحصله ...

تحياتي

ولد وايل

12/01/2008, 11:40 PM

بارك الله فيكم اخواااااااااااااااااااااااااااني

saad8794

12/01/2008, 11:53 PM

الاخوان أصحاب الاف جي فيه عند درجة الحرارة اللي على الطبلون كلمه إنجليزية تأشر ويوم فتحتها وإذا هي أعداد من الواحد الى ال 15 وإذا غيرت الرقم تغير مؤشر الاتجاهات !!! ممكن أحد من الاخوان يفيدنا عنها .

الزين غالي

13/01/2008, 12:13 AM

هذي طال عمرك وزنية البوصله والكلمه معناها بالعربي البوصله ولمعرفة طريقة ضبطها مراجعة كتيب الارشادات لمالك السيارة

saad8794

13/01/2008, 12:15 AM

عافاك الله اخوي الزين غالي وما قصرت ..

saad8794

13/01/2008, 02:52 PM

:D :D lelrafe :D :D

أشيقراوي

13/01/2008, 08:00 PM

اخوي سعد ممكن تنزل صور للونش

الروابط خاطئه

تكفى لاهنت

saad8794

13/01/2008, 11:23 PM

اخوي اشقيراوي ماطلع عندي خانة الصور :confused: اللي جنب الشعار والتوقيع :confused:
الظاهر ان فيه مشكلة !!! واول ماتطلع أبشر .

saad8794

14/01/2008, 09:59 PM

اخوي المشرف مايطلع عندي خانة إدراج الصور ما أدري وش المشكلة ؟؟؟

saad8794

15/01/2008, 01:22 PM

اخوي شقيراوي هذي الصور اللي طلبت ... وابي منك طلب الله يعطيك العافية :D تنزل صور تلبيسة القير والتلبيسة الخلفية اللي سويتها عند السنيدي وهل ألقاها عندهم جاهزة والا لا ... وهل لقيت السرير الخلفي عندهم ؟ لأني مالقيته وانا محتاجه جدا بصراحة . وعافاك الله

http://www.mekshat.com/pix/upload02/images58/mk30025_44 4.jpg

http://www.mekshat.com/pix/upload02/images58/mk30025_444.jpg

saad8794

16/01/2008, 12:12 AM

ياريت ترد علي اخوي شقيراوي لأني بروح بإذن الله هالاسبوع للقصيم وابي اشوف الصور قبل أروح .

saad8794

16/01/2008, 10:04 PM

مارديت علي اخووووووووووووي شقيراوي :( :(

فتك 303

18/01/2008, 05:07 AM

أشيقراوي

18/01/2008, 12:48 PM

ابشر اخوي

معليش والله انقطعت من الاختبارات ابشر

بس من ناحية السرير الخلفي ما شفته عندهم

ومن ناحية تلبيسة القير والتلبيسة الخلفيه تفصيل وكلفتني 300 ريال

بإمكانك تدق عليهم قبل ما تروح عشان يجهزونها لك

واعذرني على التأخير وان شاء الله بنزل صور للتلبيسه الخلفيه وتلبيسة القير

وتكفى اخر طلب ابي صورة لموترك من بعيد شوي عشان اشوف شكل الصدام شلون

وكم كلفك الصدام والونش ومن وين خذتهم

انتظر ردك

ولد وايل

18/01/2008, 01:14 PM

شباب اب صدام امامي حديد لاتقولون موقع امريكي او اجنبي ابي بالرياض غير عبداللطيف جميل

saad8794

19/01/2008, 12:37 AM

السلام عليكم اخوي سعد ابي وصف ابوجميل او رقمه الله لايهينك...
اخوي فتك ابو جميل كنية لعبداللطيف جميل واللي هو الوكيل لسيارات تويوتا :D وارقامه بالكوم عند الاستعلامات والفرع الافضل فرع العليا بالرياض .

ابشر اخوي

معليش والله انقطعت من الاختبارات ابشر

بس من ناحية السرير الخلفي ما شفته عندهم

ومن ناحية تلبيسة القير والتلبيسة الخلفيه تفصيل وكلفتني 300 ريال

بإمكانك تدق عليهم قبل ما تروح عشان يجهزونها لك

واعذرني على التأخير وان شاء الله بنزل صور للتلبيسه الخلفيه وتلبيسة القير

وتكفى اخر طلب ابي صورة لموترك من بعيد شوي عشان اشوف شكل الصدام شلون

وكم كلفك الصدام والونش ومن وين خذتهم

انتظر ردك
اخوي شقيراوي اولاً الله يوفقك في اختباراتك ..ثانياً الصور اللي للونش مهيب لموتري بس أخذتها من الورشة اللي مصلحينها واسمها ورشة المميز تلقاها في الصناعية الجديدة اللي عند مخرج 18 اللي عندها مركز ألبان الصافي ..وسعر التركيب فقط ( صدام حديد + أنوار ضباب + تركيب الونش ) الفين ريال والونش عاد حسب رغبتك تبيه 3 طن أو زيادة أو أقل هذا راجع لك أنت تجيبه على حسابك .

شباب اب صدام امامي حديد لاتقولون موقع امريكي او اجنبي ابي بالرياض غير عبداللطيف جميل

اخوي ولد وايل الشرح السابق يفي بالغرض .. وأي استفسار أنا بالخدمة .

SAL

19/01/2008, 01:12 PM

ياخوان في حد ركب ثلاجه في Fj Cruser؟؟؟
هل يمكن؟؟؟
???

SAL

أشيقراوي

19/01/2008, 08:59 PM

اخوي سعد

انا من سكان المنطقة الشرقيه

ممكن اذا تقدر تعطيني احداثية الورشه

واذا ما تقدر تعطيني وصف دقيق عشان اسأل احد من اهل الرياض

,, وش رايك بالصدام ,, وهل تركيبه مضبوط ,, ولا يلعبون بالسياره ولا يقصصون فيها ؟

اخر شي معليش ,, بالنسبه للثلاجه ما سألت عنها او عرفت عنها شي .

افيدني الله لا يهينك

ولد وايل

20/01/2008, 12:47 AM

اخي الكريم انا ابغى صدام سعره معقول من الفين ونازل مو مثل عبداللطيف جميل فوق 3000ريال وين ينباع ما ابي موقع امريكي

رحال الغربية

20/01/2008, 03:23 AM

اخي الكريم انا ابغى صدام سعره معقول من الفين ونازل مو مثل عبداللطيف جميل فوق 3000ريال وين ينباع ما ابي موقع امريكي

عليك بالرماية صناعة أسترالية ARB

فتك 303

20/01/2008, 05:14 PM

السلام عليكم ابي شوركم ياشباب انا معي fg بس احس وجه الموتر نازل وش الحل ؟؟:(

saad8794

21/01/2008, 12:46 AM

أشيقراويرد: جميع مايتعلق بال fjكروزر تجده هنا ( موضوع متجدد )
اخوي سعد

انا من سكان المنطقة الشرقيه

ممكن اذا تقدر تعطيني احداثية الورشه

واذا ما تقدر تعطيني وصف دقيق عشان اسأل احد من اهل الرياض

,, وش رايك بالصدام ,, وهل تركيبه مضبوط ,, ولا يلعبون بالسياره ولا يقصصون فيها ؟

اخر شي معليش ,, بالنسبه للثلاجه ما سألت عنها او عرفت عنها شي .

افيدني الله لا يهينك
اخوي اشيقراوي ماعندي إحداثية بس بعطيك الوصف ورقم تلفونهم ...
الوصف : وانت جاي من طريق الدمام وداخل الرياض رح مع طريق اللي يودي للخرج وامش الى أن يجيك على يمينك ايكيا بعده على طول مخرج اتركه وبعده اطلع مع خط الخدمة الى أن يلف بك اجباري يمين ويكون على يمينك سور ألبان الصافي وإذا انتهى السور يجيك ملف على اليمين خله وابتل ويجيك ملف ثاني على يمينك لف معه وثالث أو رابع محل على اليمين هو ( المميز ) ورقم جوال المعلم (0504457189) وتلفون المحل ( 4382221 )
أما من ناحية ظبط الصدام فهو مظبوط ويفكون الصدام الاصلي ويعطونك اياه وإذا حبيت بعدين تركب الصدام الاصلي كل اللي عليك انك تجيبه وهم يرجعونه مره ثانية .. واي خدمة أنا حاضر ..
( ولا تنسى تنزل صور تلبيسة القير والتلبيسة الخلفية اللي فصلتها عند السنيدي - تراك مواعدني :D -
وبالنسبة للثلاجة ماعندي عنها أي خبر ويمكن يفيدنا عنها اخونا سعيد من الامارات .

saad8794

21/01/2008, 12:50 AM

اخي الكريم انا ابغى صدام سعره معقول من الفين ونازل مو مثل عبداللطيف جميل فوق 3000ريال وين ينباع ما ابي موقع امريكي
اخوي ولد وايل الصدام اللي تدور تلقاه يفصلونه ورشة المميز في صناعية الدايري وسعره أقل من ألفين إذا ماتبي تركب فيه ونش ووصفه ورقم تلفونه شفه في الرد السابق وصور شغله شفها في الردود السابقة في هذا الموضوع ..

saad8794

21/01/2008, 12:56 AM

السلام عليكم ابي شوركم ياشباب انا معي fg بس احس وجه الموتر نازل وش الحل ؟؟:(
اخوي فتك 303 ... وجه الموتر ماهو نازل بس الصاجة الأمامية توحي بذلك وهذي حلها عند مركز سوافي يفكون الصاجة الاصلية ويركبون صاجة أرفع شوي بس أنصحك ماتغير شد بلده .. وانا جربته في النفود وماشاء الله أداء رائع .

االديحاني

21/01/2008, 04:16 AM

بارك الله فيك

saad8794

21/01/2008, 03:16 PM

اخوي اشيقراوي متى بتنزل الصور لأني كلمت السنيدي وسألت عنها هي موجودة عندهم والا لا قالو انها تاخذ يومين عشان نفصلها ونرسلها لك عبر البريد .... ففضلاً لا أمراً أبيك تنزل الصور قبل آخذ منهم .. وعافاك الله .

ولد وايل

21/01/2008, 04:11 PM

اخي الكريم التلبيسه حقت الاف جي الخلفيه انا مفصلها من الغرابي برمضان بـت220ريال لونها اسود واذا تبي معلموات راسلني عالخاص

أشيقراوي

21/01/2008, 04:14 PM

اخواني انا المشكله منشغل بالاختبارات وان شاء الله اخر اختبار بكره يوم الثلاثاء

وباذن الله مساء الثلاثاء بنزل موضوع للي طلبوا عن التانكي وعن التلبيسات

واعذروني لانشغالي

s3ed

21/01/2008, 06:24 PM

يامشرف منتدى السيارات

لو تكرمت ثبت الموضوع

أبوعلي454

22/01/2008, 01:46 AM

لو سمحتوا مارايكم بالاف جي من الراحة والقوة انا محتار بينه وبين الهدد

هل الابواب يكون فيها تنسيم هواء ورجة مع البطناج والجلد ومشكورين

saad8794

22/01/2008, 11:48 PM

اخوي ابو علي454 ...
لو سمحتوا مارايكم بالاف جي من الراحة والقوة انا محتار بينه وبين الهدد

هل الابواب يكون فيها تنسيم هواء ورجة مع البطناج والجلد ومشكورين
أما من ناحية الراحة فماشاء الله مريح جداً مقارنة بسيارات الدفع الرباعي وخاصة مع الطرق الوعرة .. وقوته تعادل قوة اللاندكروزر (240حصان) .. أما من ناحية تنسيم الهواء فهي مثل جميع سيارات تويوتا يزيد الصوت الخارجي إذا كنت بعكس اتجاه الريح وكانت سرعتك عالية ولكن لايوجد تنسيم هواء .. وإذا كنت محتار بين السيارتين .. أولاً شف عدد عائلتك إذا كانوا كثير فخللك على الهدد أما إذا كانت عائلتك صغيرة أو أنت عزوبي وراعي بران فتوكل على الله وخذ اف جي .

أبوعلي454

23/01/2008, 01:34 AM

مشكور اخويsaad8794

لكن فيه واحد من الشباب قال الابواب تطلع اصوات معه (صرصرة) وهو راعي تطعيس هل هذا موجود معكم

وماهي افضل الوانه

اعتذر على الاطالة ومشكوين

saad8794

23/01/2008, 11:17 AM

مشكور اخويsaad8794

لكن فيه واحد من الشباب قال الابواب تطلع اصوات معه (صرصرة) وهو راعي تطعيس هل هذا موجود معكم

وماهي افضل الوانه

اعتذر على الاطالة ومشكوين

مرحبا اخوي ابو علي454 ... أنا طعست على سيارتي وما خليت مكان بس مالاحظت ان فيه صوت صرصرة أو أي صوت مع الابواب ولا بعد سمعت من أي أحد معه الاف جي صارت معه !! يمكن خويك حالة خاصة
.... أما بالنسبة لأفضل الألوان فهي على حسب مزاجك ولكن في السوق يفضل الألوان ( الأبيض والفضي والبيج ثم الأسود ) ولكن في الشكل والرزة بصراحة الاسود ..

أبوعلي454

23/01/2008, 02:19 PM

الله يجزاك كل خير اخوي saad8794

saad8794

23/01/2008, 03:28 PM

العفو اخوي ابوعلي ...

وينك اخوي اشيقراوي ... اليوم الاربعاء لاتنسى تنزل الصور .

أشيقراوي

23/01/2008, 10:46 PM

اخوي سعد والله اني محرج منك

تكفى اعذرني والله معليش

بإذن الله

وعد بكره الخميس

انزل الموضوع

وانا شغال عليه

بس الموضوع شوي كبير

مشكور

s3ed

24/01/2008, 01:14 PM

اخوي سعد والله اني محرج منك

تكفى اعذرني والله معليش

بإذن الله

وعد بكره الخميس

انزل الموضوع

وانا شغال عليه

بس الموضوع شوي كبير

مشكور

خلص امورك ونحن نتظرك

الله يوفقك

أشيقراوي

24/01/2008, 02:27 PM

ياشباب انا الحين شغال على الموضوع
واليوم اذا الله احياني بنزله

انتظروا

لا تستعجلون

وعذرا على التأخير

....شقران....

25/01/2008, 03:36 AM

ياشباب كيف الجيب Fj هل هوعملي ش مواصفاته كم طبلونه هل هو عملي في البر تنصحوني اشتريه لاني والله متحير لان احد ينصحني لا تشتريه واحد يقول اشتره دبله قوي وشكرا

أشيقراوي

25/01/2008, 03:39 AM

والله اخوي شقران

انا معي الموتر له شهرين الا شوي ,,,

الموتر مريح في الخط ,, للأسف طبلونه 180 بس يجيب 190 ويفصل ,,,

راسي في الخط ومريح جدا ,,
وفي البر ,, قوة غير طبيعيه ما شاء الله

وفي المدينه مريح صغير عملي , الطاره لينه , الموتر سعره حلو
مميز , وجهيته هيبه هههه ,,

بصراحه ,,, انا انصحك فيه لان سعره حلو على موواصفاته

saad8794

25/01/2008, 03:39 AM

الا توكل على الله واشتره .. بس إذا لقيته بالسوق :d .. زبالنسبة لمواصفاته شف المواضيع السابقة وتلقى كل اللي تبيه من الاجوبه .

aziz1200

26/01/2008, 09:23 PM

فيه ياشباب فلتر رياضى للfj ماركة k&n مثل اللى فى الرابط http://kandn.com/images/l/63-9030.jpg

كلف 315 دولار +246 دولار مصاريف شحن . مدة الاستخدام يومين فقط حيث لم يصل من امريكا الا بتاريخ23\1\2008 وتم فكه بتاريخ 26 \1 وهو سهل التركيب

سبب البيع:
ان صوته مرتفع شوى وانا مع الاهل مايناسبنى عند الخوال ويناسب اللى مايودى حريم معه بشكل كثير

سعر البيع 1700 ,

http://www.mekshat.com/vb/images/misc/progress.gif

tiger_shark

27/01/2008, 04:23 PM

سؤال لأصحاب ال FJ
وين افضل مكان لتثبيت الجارمن 276c
اخوكم راكان..

الزين غالي

27/01/2008, 05:38 PM

سؤال لأصحاب ال FJ
وين افضل مكان لتثبيت الجارمن 276c
اخوكم راكان..
احسن شي قاعده تلزق بالقزاز الامامي موجوده عند برق الحياه في الرياض علي مخرج 15 سعرها 115 ريال روعه .

بدر911

28/01/2008, 12:00 AM

السلا عليكم ورحمة الله وبركاته

هذا موضوع سابق لي بخصوص

ونش مخفي للـ fj

هذا الرابط الخاص بالموضوع

http://www.mekshat.com/vb/showthread.php?t=120932

وتقبلوا تحياتي جميعا

....شقران....

28/01/2008, 01:03 AM

السلام عليكم ورحمة الله وبركاته سيارة ال Fj وش موصفات الفل كامل وش هي موصفات العادي وايهم احسن وكم سعر الفل كامل والعادي بتفصيل وشكراً لكم

tiger_shark

28/01/2008, 01:40 AM

اخوي الزين مشكور على تجاوبك، فعلا محل برق الحيا متكامل لكن المشكلة اني نقلت لجدة من فترة، لكن ان شاء الله اذا جيت للرياض بمرهم لأن ودي بكذا غرض مثل التلبيسة الخلفية و تلبيسة الجير وتوانك الموية. اتمنى انهم يفتحون بجدة ولو فرع صغير يريحونا.

saad8794

28/01/2008, 10:24 AM

اخوي .. tiger_shark أنت قصدك أفضل موقع داخل السيارة يمكن انك تحط القارمن فيه .. والا أفضل مكان عنده اكسسوارات القارمن ! عموماً إذا كان قصدك أفضل مكان في السيارة يمكن تركب القارمن فيه فهو على الزجاجة الأمامية وتكون الشاشة بين المراية ومؤشرات الاتجاه والحرارة اللي على الطبلون .. أما أفضل الأماكن للاكسسوارات والتلبيسات فماهو برق الحيا لأن برق الحيا ماعنده شي خاص للاف جي ولكن أفضل منه السنيدي في القصيم أو شارع الغرابي في الرياض وارجع للمواضيع السابقة وتلقى الوصف .

saad8794

28/01/2008, 10:31 AM

اخوي aziz1200 ..نسمعك ولانسفهك .. اخوي اصبر شوي يمكن أحد الشباب يسوم منك لأني أذكر ان فيه واحد من الشباب يدور مثله وسأل الأخ سعيد من الامارات عنه .

saad8794

28/01/2008, 10:38 AM

اخوي ....شقران.... الفرق الأساسي هو الهزاز والباقي اكسسوارات تركبها بأقل من ألف ريال .. سعر رقم 1 102ألف ريال مع اللوحات .. وسعر رقم2 112ألف ريال مع اللوحات وبدون اللوحات اطرح ألفين في كل نوع يعني أفضل لك إن بغيت تشتري إنك أنت اللي تطلع اللوحات فهي ماتكلفك 500ريال بس خذ منهم الأوراق الجمركية وخلصها أنت .. وأنصحك برقم 1 لأن الفرق بينهم ماهو أساسي ويطيح عليك مبلغ وقدره ..

tiger_shark

28/01/2008, 10:56 AM

هلا اخوي saad8794 فعلا انا اسال عن افضل مكان للجارمن داخل السيارة، لأني كنت مركب قاعدة الجارمن الاصلية في سيارتي الانفوي (رحمة الله عليها) بوسط الطبلون، وهذا المكان في ال اف جي فيه العدادات.
بالنسبة لباقي الاكسسوارات، اباخذ بشورك و روح الغرابي اذا رحت الرياض
ومشكور على هتمامك

saad8794

31/01/2008, 01:25 AM

شوركم ياشباب الاف جي ...

ابي أسوي سرير خلفي وش الافضل ؟ هل هو مثل هذا مع انه بدون رجلين

http://www.mekshat.com/pix/upload02/images60/mk30025_666.jpg

لان السياره بدون سرير خلفي تصير ضيقه مثل كذا

http://www.mekshat.com/pix/upload02/images60/mk30025_665.jpg

أو مثل فكرة واحد من الاخوان .. ألواح خشبيه ويفصل لها شراع يدخلها بوسطه
عطوني شوركم وانا بالانتظار ...

أبوعلي454

31/01/2008, 03:34 AM

اخوي saad8794

فيه سرير او مايسمى طبق عند السنيدي له ارجل سنة ترفعه وتنزله على ماتبي طبعا حديد ومشرع بقماش واسفنج داخل لكن مااعلم هل الاف جي يجي مقاس له او لا على مااظن فيه محل بالزلفي يفصل

saad8794

31/01/2008, 09:23 PM

الفكره ياخوي ابو علي اني لو حطيت سرير له أرجل ببيظيق علي المكان ولكن الطريقة هذي أو وضع ألواح خشبية عملية

أولاً لأن لها مسند ممكن انك تدخل الألواح مثل ماهو ظاهر بالصورة

وثانياً أستفيد من المكان اللي بتكون فيه الأرجل ..

وبإذن الله أوريكم الصور بعد التركيب .

....شقران....

31/01/2008, 10:44 PM

--------------------------------------------------------------------------------السلام عليكم ورحمه الله وبركاته ودي استفسر عن الجيب Fj وش مواصفاته: الفل كامل و العادي بالتفصيل وشكراً

saad8794

02/02/2008, 08:45 PM

هذي سلمكم الله مساكات خلفيه للاف جي خاصة إن الراكب الخلفي ماعنده مساكات بينما الأمامي عنده ثنتين ...

بصراحة ممتازة وعملية وخاصة لكبارالسن ..

وهذي المساكات سلمكم الله من العليان اللي على طريق خريص وسعرالحبة ( 25 ريال )

http://www.mekshat.com/pix/upload02/images60/mk30025_1121.jpg

http://www.mekshat.com/pix/upload02/images60/mk30025_2212.jpg

واللي أضاف لسيارته أي إضافات ياشباب لايبخل علينا بالصور حتى لو كانت بسيطة .. يمكن تنفع أو تعطي فكره لمكشاتي آخر :cool:

ودمتم سالمين .. وتقبلوا تحياتي

نص كم

03/02/2008, 10:00 PM

اولاً السلام عليكم جميعاً

ثانيا انا شخص جالس ادور اف جي حول ثلاث اسابيع وماحصلت

ياليت تدلوني انا من سكان الرياض

ابي ون :(

ومدري ممكن نلاقي هذا اللون حتى لو خليجي ؟

http://i6.photobucket.com/albums/y206/red_point007/91637924_7855090f73_o.jpg

saad8794

04/02/2008, 02:17 PM

هذا ياخوي غير موجود حتى لو بالخليجي .. مابعد نزل .. بس يمكن تلقاه في الامريكي .. وإذا تبي ون بس لون أصفر علمني ..

نص كم

05/02/2008, 04:01 AM

اخوي اصفر :p

لا والله ابي اسود

المشكله اليوم رحت اليحيى

بس مشكلته تبعه خليجي ويقول لما يطلع من المعرض مالنا شغل بعده

ويقول ان عبداللطيف يضمنه بس وش يضمني

ادفع مبلغ وقدره ولا سمح الله خرب اكلها :(

saad8794

05/02/2008, 09:48 AM

أنت اسأل عبداللطيف قبل تشتريه واذا قال نظمنه توكل على الله ,

saad8794

06/02/2008, 12:12 AM

شباب الاف جي .. وش رايكم لو تحدى همر وأف جي من يقدر يسحب الثاني وربطنا واير سحب خلف كل واحد ... من ظنكم بيسحب الثاني ...:confused:

تعالو نشوف على هذا الرابط من اللي سحب الثاني ... :eek:

http://www.×××××××.com/watch?v=ozlHNcytoQM&eurl=http://*********.com/vb/t34397.html

تراها في اليو تيوب .. واللي ماتطلع عنده يكتب بدل الاكسات يوتيوب وتطلع عنده ...

ذيب الشعراء

06/02/2008, 02:07 AM

اب جيبي شاص

ذيب الشعراء

06/02/2008, 02:08 AM

السلام انا ذيب الشعر ابي جيب شاص:) :) :)

أبوعلي454

06/02/2008, 03:57 AM

اخوي نص كم
عبداللطيف جميل يضمن اي سيارة تويوتا سواء خليجي او سعودي

اليحيى عندهم نوعين رقم واحد نوع بدون دفلوك مع اكسسوارات ونوع بدفلوك بدون اكسسوارات
مثل ريموت سلة وغيره

نص كم

09/02/2008, 11:05 PM

اخوي سد وعلي مشكورين تواصلكم وابشركم

الحمد لله وبفضله سبحانه تم شراء اف جي اليوم من المعارض

الله يطعمني خيره ويكفيني شره

المهم اخواني ابي نصائكم بالنسبه كم امشي فيه حالياً هل امشئ 80 لين اوصل 1000 كيلو المكيف متى احسن وقت لتشغيله ؟

ثانياً هل الدبل لازم اشغله ولا عادي بعد فتره استخدمه ؟ وكيف طريقة استعماله الصحيحه اخلي القير على الفاضي ثم اعشق وهاكذا ؟ اول تجربه مع سياراة الدفع الرباعي

اخيراً الحساس يشتغل بزر هل عادي لو اخليه دائماً مشغل ؟

سلام

ولد وايل

09/02/2008, 11:37 PM

الف مبروك الله يطعمك خيره وكيفيك شره
اذا مشى 100كم شغل المكيف وامش 120 اما الدبل حاول ما تشغله الا فوق 500كم
اما السحب والدبل الثقيل فوق 1600كم

اتمنى اني افدتك

أشيقراوي

10/02/2008, 01:08 AM

ولد وايل ما قصر

ومن ناحية الحساسات خلها مشغله دايم ,, مافي مشاكل

الله يعطيك خيره ويكفيك شره

نص كم

11/02/2008, 12:57 AM

الله يجزاكم خير

وبيض الله وجيهكم على النصائح

الف شكر لكم

بالتوفيق للجميع

نص كم

12/02/2008, 03:23 AM

اليوم طلع معي صوت يوم مشيت على شارع متعرج

وبصراحه خفت

لكن تذكرت انه مانع الانزلاق

بس السؤال هل يؤثر اذا كنت ماشئ بسرعه والشارع كان متعرج ووطلع صوت مانع الانزلاق

saad8794

13/02/2008, 12:16 AM

مرحبا اخوي ( نص كم :p ) الله يعطيك خيره ويكفيك شره ..

هذا أولاً ... ( تأخرت في الرد لأني كنت كاشت :D )

ثانياً .. اخوي ولد وايل هو واشيقراوي .. عطوك الزبدة ..

ثالثاً لاتخاف من صوت مانع الانزلاق حتى لو كنت مسرع .. وأنصحك تروح لسوافي وتركب الاكسسوارات حقت البر :D .. والله يوفقك ويحييك في عالم الاف جي .

ww4ss

14/02/2008, 11:16 AM

الله يعطيك العافية وهذا موضوع شرح مفصل عن FJ من حيث المحرك والبودي والجير وباقي المواصفات
ردا عن المستفسر عن Fj كروزر Toyota (http://mekshat.com/vb/showthread.php?t=125053)
وتجد الرابط في توقيعي توجه بالضغط عليه اذا لم يعمل هذا الرابط

....شقران....

14/02/2008, 02:37 PM

وش تنصحوني انا بشتري Fj اليوم

اشتريه من الوكاله عبداللطيف جميل

او المعارض وش اسم المعارض الاي تبيع Fj

شكرا

MyName

15/02/2008, 12:00 AM

اخوي شقران إذا بتاخذ من الوكاله للأسف مافيه جاهز لازم تحجز والحجز يطول شهر - شهرين او ثلاثه !

فلذلك إذا فلوسك جاهزه مر الوكاله واحجز وإذا قالولك أن الحجز يطول خذه من المعارض ...

سعره بالوكاله للفل كامل : 114 الف والأقل فئه : 104 الف ريال ...

تحياتي

أبوعلي454

15/02/2008, 12:28 AM

اخوي شقران بمعارض القصيم
الفل بـ115,000
رقم واحد بـ105,000

أشيقراوي

15/02/2008, 03:29 PM

يا اخوان ,, ,,

تسائل الكثير عن موضوع تانكي البنزين

وذهبت الى سوافي وتناقشت مع الرجال السعودي ,, اللي هناك

وقلتله اقتراح اخوي سعيد ,,, بحيث يكون نص التانكي ماء ,, وتانكي اخر بنزين

وقالي احنا مشغولين الان ,, وعندنا زحمه

بعدها باسبوع قالي انهم الان يدرسون الفكره وبيطبقونها ويجربون ,, وعلى فكره التانكي ما يحتاج طرمبه لانه ارفع من مستوى التانكي الرئيسي ..

هذا اللي حبيت انقله واللي وده بتانكي يكلم سوافي ويطلب ,, ويمكن يسوون ان شاء الله

عمر المطيري

15/02/2008, 05:48 PM

لوسمحت ال fj كروزر يجي قير عادي

....شقران....

15/02/2008, 09:11 PM

....شقران....

15/02/2008, 09:15 PM

اخوي شقران بمعارض القصيم
الفل بـ115,000
رقم واحد بـ105,000

جعلك تسلم ماقصرت

tiger_shark

15/02/2008, 09:15 PM

يا شباب انا طلعت Fj من الوكالة قبل اقل من اسبوعين, لون اصفر, فل كامل و سعره 112500 و بدون حجز و لا يحزنون, اما بالمعارض سعره 114000 لا ينصبون عليكم

ظبي

15/02/2008, 10:02 PM

اللون الاصفر والازرق متوفر لكن الالوان المرغوبه وهي الابيض والبيج
فيفتح الله الحجز اكثر من ثلا ثة شهور ولا جاء شيء

ظبي

15/02/2008, 11:27 PM

يا اخوان فيه واحد نزل رابط لشرككه امريكيه تبيع ونش لالا ف جي
دورته مالقيته

saudi_telecom

16/02/2008, 06:20 PM

ممتاز جدا......................

MyName

16/02/2008, 09:20 PM

يا شباب انا طلعت Fj من الوكالة قبل اقل من اسبوعين, لون اصفر, فل كامل و سعره 112500 و بدون حجز و لا يحزنون, اما بالمعارض سعره 114000 لا ينصبون عليكم

حاجز من عيد الأضحى وأول أسبوع حجز أتصلوا علي الوكاله وعرضوا لونين ( أصفر - أزرق ) كلها فل كامل ورفضت مع العلم ان أقل لون عليه طلب هو الأصفر وبعده الأزرق ...

البيج - الأبيض - الأسود - الفضي , أنسى تستلمه بدون إنتظار ...

الحمدلله بكرا بإذن الله بستلم الموتر FJ 2 بيج المفروض اليوم أستلمه بس ماكتب الله ....

تحياتي

ظبي

16/02/2008, 10:05 PM

كم خذته اخوي

s3ed

16/02/2008, 10:37 PM

السلام عليكم

الحمدلله وصلت امس من مدينة الرياض والتقيت مع الكثير من اعضاء هذا المنتدى الذي عرفني بأخوان لم تلدهم امي

مريت على نتسوافي وقابلت فيروز وتناقشنا مع بعض موضوع تانكي البترول

الحين هوة شغال بواحد سعة 50 لتر ونتظر النتائج

انا مايكفيني 50 لتر اقل شي 80 لتر

خلونا انشوف النتائج وبعده يسير خير

ظبي

16/02/2008, 10:57 PM

اخوي ارى انه كافي مع تانكي الوكاله
الظاهر تانكي الوكاله 72 لتر مع 50 =122لتر ممتازه
لكن المشكله الماء مهم والبنزين مهم

saad8794

17/02/2008, 12:15 AM

ماشاء الله اخوي سعيد .. أنورت الرياض .. ولعلنا نشوفك عن قريب بإذن الله .. حياك الله في بلدك الثاني .

MyName

17/02/2008, 10:19 AM

كم خذته اخوي

114 الف مع كامل الإكسسوارات وتضليل عازل لكامل السياره ...

السلام عليكم

الحمدلله وصلت امس من مدينة الرياض والتقيت مع الكثير من اعضاء هذا المنتدى الذي عرفني بأخوان لم تلدهم امي

مريت على نتسوافي وقابلت فيروز وتناقشنا مع بعض موضوع تانكي البترول

الحين هوة شغال بواحد سعة 50 لتر ونتظر النتائج

انا مايكفيني 50 لتر اقل شي 80 لتر

خلونا انشوف النتائج وبعده يسير خير

ياهلابك أخوي سعيد ومنور ببلدك الثاني والرياض منوره بوجودك وإذا أحتجت اي شي لايردك الا لسانك أخوي ...

تحياتي

بدوي جنوبي

17/02/2008, 11:20 PM

يرفـــــــــــــــــــــــــــــــــــــــــــــــ ـــــــــع

ظبي

18/02/2008, 12:15 AM

اخوي سعيد اذا بغيت شيء ارسل على الخاص

حترش

18/02/2008, 02:10 PM

الاخوان من الرياض
ومن القصيم
ومن الشمال
تحية طيبة ومعطره بورد وريحان وكادي وجوري ويشموم
<<< اخلص عليهم
اخوكم داخل بنك نيم زميلي بالعمل لاجل اني ماحب النت واجد
المهم انا شريت اف جي 2 بكل الاكسسوارات اللون اسود ولله الحمد والشكر والمنه طلعته بيومين ومن الوكاله
<<< الواصل والسعر وربي محد راح يتوقعه 107+2000 اكسسوارات يعني طالع علي بـ 109 الاف وجاني فيه سعر وهو على السطحه بـ 120 لكن آثرت في نفسي عدم بيعه لسمعته الكبيره هنا وفي اليوتيوب
المهم جده وما أدراك ما جده
ابي اجهز السياره بشكل جميل ورسمي وشي يجمل لارحت النفود
عاد أخوكم عاشق حتى الثماله لحايل وأهلها أكرم وأنعم الرجال
لكن المشكله جده مافيها ولا محل مختص
الوكاله سوريين نصابين
طلباتي سهله وبسيطه
مثل تبطين الشنطه
وحاجات مثل كذا خفافي خفافي
طبعا اللي عنده استعداد واكون له من المقدرين يرد وراح ارسله رقمي ع الخاص حقه
الشي الثاني ياعالم وربي تعبت اغسل السياره وبعد دقيقه الاقي الوصله الجانبيه اللي طالعه من الصدام الامامي اللي لونها فضي تتوسخ
ناس شاروا علي ارشها بويه
وانا اخاف اللون يتقشر من كثر الحكوكه والتراب والتطعيس
وغير كذا ملاحظ انه مافيه شي يحميها من تبعات الكفرات الاماميه من السير
يعني التراب وكذا كلها تحتك فيها مباشره

ارجو الافاده ودمتم بود

ظبي

18/02/2008, 03:30 PM

اخوي فيه محل اسمه سوافي في الرياض يركب كل شيء من انوار للكبوت وبطابه اظافيه -------الخ
والتلبيسه عند السنيدي في بريده
لكن اخوي ما قلت لي انت حاجزه والا متوفر في جده لان اللون البيج والابيض من شهرين ولا فيه شيء

ولد وايل

18/02/2008, 04:10 PM

طلباتك بالرياض اخوي حترش تلبيسه لشنطة السياره وكذلك القير راسلني عالخاص وابشر بعزك

أشيقراوي

18/02/2008, 07:03 PM

يا اخوان في احد يعرف طريقه لايقاف المسجل Puase
يعني لما يجيني اتصال ما ابي اطفي المسجل ابغى اوقف الصوت وارجع اشغله ,,ماعرفت

اللي ييعرف لا يبخل علي

MyName

18/02/2008, 08:00 PM

يا اخوان في احد يعرف طريقه لايقاف المسجل Puase
يعني لما يجيني اتصال ما ابي اطفي المسجل ابغى اوقف الصوت وارجع اشغله ,,ماعرفت

اللي ييعرف لا يبخل علي

سبحان الله , أبشركم أمس أستلمت سيارتي FJ 2 لون بيج وأول شي لاحظته مافيه توقيف مؤقت للمسجل !

ياليت احد الشباب يفيدنا ...

بالإنتظار ...

saad8794

18/02/2008, 09:41 PM

سبحان الله , أبشركم أمس أستلمت سيارتي FJ 2 لون بيج وأول شي لاحظته مافيه توقيف مؤقت للمسجل !

ياليت احد الشباب يفيدنا ...

بالإنتظار ...
ألف مبروك اخوي My Name على السيارة الله يعطيك خيرها ويكفيك شرها ... بصراحة على اسمها ( وحش جميل )
اخواني اشيقراوي و My Name ...
أما بالنسبة لتوقيف المسجل فأنا بحثت عنه من أول ما خذت السيارة ولكن مالقيت حل الا انك تحطه على اللي بعد المسجل والاف ام ( نسيت وش اسمه) عن طريق أزرار التحكم اللي في الدركسون ..

MyName

18/02/2008, 10:43 PM

ألف مبروك اخوي My Name على السيارة الله يعطيك خيرها ويكفيك شرها ... بصراحة على اسمها ( وحش جميل )
اخواني اشيقراوي و My Name ...
أما بالنسبة لتوقيف المسجل فأنا بحثت عنه من أول ما خذت السيارة ولكن مالقيت حل الا انك تحطه على اللي بعد المسجل والاف ام ( نسيت وش اسمه) عن طريق أزرار التحكم اللي في الدركسون ..

الله يبارك بأيامك وبسيارتك أخوي سعد ويجزاك الله خير ...

أتوقع تقصد الـ AUX الله يعين مالنا الا هالطريقه وأتوقع هي الحل الوحيد لكتم الصوت ! :)

تحياتي

حترش

19/02/2008, 08:45 AM

هلا باخوي ظبي
لا الألوان كان متوفر ابيض وبيج واسود
طبعا ذا بشغل الواسطات وكنت محتار

البيج صراحه جميل بل وجميل جدا لكن يعيبه انه مثل الموديلات القديمه
والابيض خافي لميزت السقف الانقليزي ( اقصد اللون الابيض بالسقف )

والاسود كان تفكيري فيه مثل واحد شفته بالقوقل بعد كتابة كلمة اف جي بلاك وطلعلي صور حلوه بس كلها مرهمات شكلياً
اما وبعد ان من الله علي وشريته
وجربته بطعوس جده ( اقصد حفرها ومطباتها)
فقلت لا مناص من تجهيزه للمقناص

المهم مافيه اي محل مختص مثل السنيدي والسوافي بجده والله المستعان

الاخ ولد وايل
قبل ما ارسلك طلبي
يشرفني معرفتك ومعرفة الرجال شرواك
وبرسلك رقم جوالي على البرايفت
بس ياريت تتكرم فضلا لا امرا وتخبرني ماهي الاشياء المقدور عليها وايضا هل هي مثل اللي موضوعه بهالموضوع
تلبيسة الشنطه والقير والعلاقات الخلفيه بمساند الراس وكذا ؟؟

دمت بود

tiger_shark

20/02/2008, 07:41 PM

الاخ حترش،
انا رحت لابن حميد الي عند الجامعة و قالي البياع انه يجيب التلبيسة الخلفية للاف جي بالطلب من القصيم، مر عليهم يمكن يفيدونك.

saad8794

22/02/2008, 09:33 PM

اخوي سعيد ماقلت لنا وش صار معك عند سوافي ؟؟ صلحت الخزان والا لا ... ترانا بانتظارك .

ظبي

23/02/2008, 11:36 AM

نعم وش صار

s3ed

23/02/2008, 12:06 PM

السلام عليكم

مريت علية من قبل اسبوع كان شغال في خزان 50 لتر ماء 50 لتر بنزين

طلبت من فيروز خزان يكون 70 لتر بنزين 30 ماء

قال لي اصبر على عشان يتأكد من الشغل اللي سواة لانة مركب مضخة بنزين في الخزان ويبغالة اسبوعين عشان يتأكد من نتيجة شغلة

اذا ظبط معاة بتعنا وبجية من بوظبي عشان اركب عندة خزان اضافي

سؤال

كم كيلو يمشيكم الخزان ؟؟؟؟؟؟؟؟؟؟

أشيقراوي

23/02/2008, 08:52 PM

اخوي سعيد من انا الخزان اللي عندي يمشيني 400 كيلو او اقل شوي

مع ان رجلي حارة على البنزين ,, بس الحمدلله انا اشوف انه كافي ,, في البر والمدينه وياكثر محطات البنزين

saad8794

23/02/2008, 10:01 PM

أنا يمشيني في الطريق السريع 400كم .. وفي المدينة 320كم تقريباً

MyName

24/02/2008, 12:41 AM

ياشباب ياليت اللي راح للسنيدي بالقصيم هل عنده أغراض للـ Fj ؟

أقصد تلبيسة القير وتلبيسة الشنطه وأغراض منوعه خاصه بالـ Fj ؟

وياليت الأسعار ولا عليكم أمر ...

بإنتظاركم أخواني لأني بروح للقصيم إن شاء الله خلال هالأسبوعين ...

مريت برق الحيا للأسف ماعنده شي للـ Fj ...

تحياتي

s3ed

24/02/2008, 08:38 AM

انا يمشيني 320 كيلو

بس انا مركب تواير بوالين 900

MyName

24/02/2008, 01:20 PM

انا يمشيني 320 كيلو

بس انا مركب تواير بوالين 900

أخوي سعيد إذا مافيه إحراج أبي صوره لموترك بكفرات بالون 900 بشوف شكله بالبالون ...

إذا حبيت تنزلها هنا أو ترسلها على الخاص ...

تحياتي لك ..

s3ed

24/02/2008, 10:52 PM

MyName

:D تفضل ياطويل العمر:D

http://www.mekshat.com/pix/upload02/images62/mk11661_4x4 027.jpg

http://www.mekshat.com/pix/upload02/images62/mk11661_dsc03509.jpg

MyName

25/02/2008, 08:15 PM

تسلم لي والله سعيد ومشكور يالغالي , الله يعطيك خيره ويكفيك شره :)

تحياتي

ولد وايل

25/02/2008, 08:23 PM

اللي يسئل عن التلبيسات يلاقيها عند محل العريفي الرياض قبل مخرج 28 وانت متجه الى الشمال يفصل لك اللي تبيه باسعار معقوله

ولد وايل

25/02/2008, 09:17 PM

اصحاب fj والبرادو والفورتشنر 6 سلندر

http://www.mekshat.com/vb/showthread.php?t=126724

saad8794

26/02/2008, 09:43 AM

اخوي MyName أفضل لك في تلبيسة القير عند السنيدي سعرها ( 60ريال ) أما التلبيسة الخلفية أفضل منها في الغرابي عند باهمام عند اللي يفصلون خيام وشرع في الشارع الضيق وسعر التفصيل ( 250ريال ) وهي أفضل من اللي عند السنيدي .. أما من ناحية السرير الخلفي كما يسمى أو الطاولة فأفضل انك تروح لمحلات النجارة ويقصون لوح خشبي وتفصل عليه شراع أو قماش باللون اللي يعجبك ( منزل له صوره في المشاركات السابقة ) أما من ناحية الاكسسوارات الثانية فرح لسوافي ..

أتمنى اني أفدتك .. وتقبل تحياتي .

s3ed

26/02/2008, 10:53 AM

MyName (http://www.mekshat.com/vb/member.php?u=62276)
ولد وايل (http://www.mekshat.com/vb/member.php?u=9765)
saad8794 (http://www.mekshat.com/vb/member.php?u=30025)

يعطيكم العافية ولا يهون الباقين

المساهر

26/02/2008, 11:42 AM

موضوع ممتااااز

saad8794

26/02/2008, 01:42 PM

شباب وش رايكم في اللون المرغوب في السوق وعند الشريطية من الاف جي .... أنا رحت أمس للمعارض ومريت على معرض عنده اف جي لونه بيج وسألت راعي المعرض وش الماشي من الالوان قال اللون الابيض والبيج والفضي .. ! بس نسيت أسأله وش أفضلها عندكم ....

وش رايكم أنتم ياشباب !!

وعلى فكره سألته عن سعر الاف جي اللي عنده وقال لي هذا فل كامل وسعره النهائي 122000 :eek:
قلت له أنا شاريه من الوكاله 112000 قال لي الآن لو تبي تبيعه جاب لك 113000 كاااااااااااش:cool:

saad8794

26/02/2008, 01:45 PM

أعدنا الموضوع بالخطأ ( ولكن فرصة للرفع :d )

أشيقراوي

26/02/2008, 07:56 PM

اخوي سعد اتمنى تعطيني تفاصيل اكثر عن السرير الخلفي وكم كلفك

وياليت صور

هننا او على الخاص

لاهنت

saad8794

27/02/2008, 10:07 AM

هذا سلمك الله اخوي اشيقراوي لوح من الخشب 18ملم وهو قوي وتحطه بالعرض بين المكان اللي تحت السماعة الخلفية , والجهة المقابلة لها ( وانا حطيت صوره سريعة في أحد الردود السابقة من هذا الموضوع ) ولكن بحط التفاصيل كاملة بإذن الله مع الصور عما قريب ..

أما تكلفته تقريباً 80 ريال مع التلبيسة اللي على اللوح ..

و أي استفسار أنا بالخدمة ..

( أنا منتظر ردودكم ياشباب على المشاركة رقم 152 )

ظبي

27/02/2008, 12:46 PM

صحيح الالوان المرغوبه \
البيج الابيض الفضي
السعر ارتفع عند ابو جميل 115000 وحجز يستمر 3 شهور
الخليجي اصرف وافضل مواصفات لوجود كامل الاكسسورات ام ابو جميل يحط تظليله غصب ويقول كامل الاكسسورات ب2000

مكشاتي متقدم

05/03/2008, 10:22 AM

ياشباب اللي استخدموا هالموتر

وش رايكم فيه يعني تنصحون والا لا؟
لا نه سيكون انشالله سيارتي الوحيدة في البر والديرة

جزاكم الله خير

ظبي

05/03/2008, 02:14 PM

اشتر ولا تشاور

saad8794

05/03/2008, 04:14 PM

اخوي مكشاتي تلقا في المشاركات السابقة معلومات كامله ووصف دقيق وبيعطيك صوره كامله عن السيارة ومواصفاتها .. أنت ارجع للصفحات وبعدها بإذن الله بتقرر .

ww4ss

05/03/2008, 05:34 PM

وهذا موضوع(ردا عن المستفسر عن Fj كروزر Toyota) وهو شامل لكل مواصفات ومميزات هذه السيارة
http://mekshat.com/vb/showthread.php?t=125053
وهذا موضوع (افضل مكان لوضع icom فيFJ cruser في محاولاتي الاخيرة)
http://mekshat.com/vb/showthread.php?t=125764
وهذا موضوع (افضل طريقه عشان تفتك من صوت انذارحزام الامانFJ Cruiser ‏)
http://mekshat.com/vb/showthread.php?t=125850
مع تحياتي للجميع بالتوفيق وعلى استعداد لتلقي اي استفسار بخصوص FJ

النحيف

06/03/2008, 01:55 AM

لو سمحتوا يالربع وش نوع اللمبة حقت القراءة اللي يركبها سوافي لل Fj ولأي سيارة ؟؟؟؟؟؟؟؟؟؟؟؟؟؟؟؟؟

النحيف

08/03/2008, 12:42 AM

لو سمحتوا يالربع وش نوع اللمبة حقت القراءة اللي يركبها سوافي لل Fj ولأي سيارة ؟؟؟؟؟؟؟؟؟؟؟؟؟؟؟؟؟

أريد السيارة اللي بالأصل لها اللمبة؟؟؟؟؟؟؟؟؟؟؟؟؟؟؟؟؟؟

MrDolphin

16/03/2008, 10:32 AM

مساك الله بالنور اخوي النحيف

انا رحت لسوافي وركبت اللمبه واتضح لي انها لمبة كراسيدا الي قبل الكامري الاكس ال والجي ال مدري عاد كم موديلها الكراسيد بس لو تحب تتاكد اكثر شف لك اي ليموزين بالشارع ووقفه وطل وشغل اللمبه :)

اتمنى اني قدرت افيدك يا الغالي وتقبل مروري

MrDolphin

16/03/2008, 10:39 AM

مساكم الله بالنور والسرور

الحمد لله اخيرا وصل الاف جي عند ابو جميل بعد عنا استمر اكثر من ثلاث شهور بس يستاهل هالعنا ولله الحمد لاكن ودي اسأل عن الازرار الي قدام القير فيه ثلاثه والرابع تحت الي قدرت اوصل له عن طريق الكتاب ان الي تحت خاص بالحساسات في الصدام الخلفي والزر الي فوق الاول على اليمين خاص بالسماعه الكبيرة الي في الخلف (تشغيل وتعطيل) مضخمات .
بس السؤال هو عن الزرين الباقيين الي هو الوسطي والي على اليسار ما ادري وشهي له ؟؟؟ وكيف اقدر اشغل الهزاز ؟
الي عنده فكره عنها يفيدنا الله لا يهينه ومشكورين

أبو مها

16/03/2008, 01:15 PM

لفصل مانع الانزلاق في الرمال بضغطة زر وبدون اي تعديل على السيارة
ادخل على الرابط
http://www.mekshat.com/vb/showthread.php?t=129309

6060

17/03/2008, 12:53 PM

النادر666

03/04/2008, 10:19 PM

مساكم الله بالخير ياشباب سؤالي نفس سوال اخونا بانلي بنسبة للازرار اللي قدام القير
اتمني من ذوي الخبره ان يجاوبونا
ولكم فائق احترامي

النحيف

04/04/2008, 03:04 AM

النادر666

04/04/2008, 01:59 PM

ياليت توضح اي زر حق الدفلك وكيف يستخدم
والزر حق الدفرنس كيف يستخدم

أشيقراوي

04/04/2008, 02:55 PM

اخوي النحيف ,, شلون يشغل الدفرنس الامامي فقط ,, هذا الشي مستحيل

لانه ما يشتغل الا مع الدبل الثقيل ,, وهو يخلي قوة السحب على عزم المكينه وليس على القير عشان تريح القير

واقرا الكتالوج ولا ذكر فيه اي شي عن الدفرنس

حياك الله

النادر666

04/04/2008, 04:46 PM

طيب نبي احد يفيدنا ويكون مجرب الازرار وعارف شغلها صح . انا متورط توني مطلع السياره قبل يومين واخاف العب فيها , تكفون يالربع عطوني العلم تحياتي لكم

النادر666

16/04/2008, 11:19 PM

وين اصحاب الاف جي

جامح 998

16/04/2008, 11:35 PM

ياخوان في قطعه على شكل مثلث في الاف جي تجي جوا السياره طبعا تجي مفكوكه شد بلدها وين ركبها

tiger_shark

24/04/2008, 04:21 PM

واحد دف لوك : وهو لتعزيز السحب في الدبل .

والثاني التراك : وهو لاستخدام الدفرنس الامامي فقط

والاستغناء عن الخلفي وهو مفيد للسفر لانه يقلل من صرفية

البنزين .

أرجو أني أفدتك ودمت بخير الله ..........

تعجبني بعض افتائات الشباب... من فين تجيبوا الكلام ذا انا نفسي اعرف...
يا جماعة زر ال A-TRAC هو لاعادة تشغيل نظام منع الانزلاق مع الدبل الثقيل لان الطبيعي انه منع الانزلاق يفصل اول ما تشغل الدبلات سواء الخفيف ولا الثقيل.

قايد الإف جي

26/04/2008, 12:35 AM

السلام عليكم

أنا عضو جديد
وبصراحة أنا اليوم شريت إف جي من معارض النسيم ويطلع بكره انشاء الله
طبعا الاف جي 2 موديل 2008 فضي

طبعا انا شريته تأثراً بكثرة المميزات المذكورة هنا في هذا الموضوع بالذات اللي اتمنى يتثبت

وبغيت أسأل سؤال : أنا اليوم لقيت أرخص اف جي 2008 سعودي رقم 2 فضي وشريته الحمد لله
بس بغيت أعرف وش الفرق بينه وبين 2007؟؟ ووش الأفضل هو ولا الخليجي 2؟؟
وراعي المعرض قال لي أنه ضمان أبوجميل وفيه واحد من الأخوان كاتب في مشاركته أنه مطلع اف جي من أبو جميل بتظليل عازل فهل تتوقعون موتري بيجي فيه تظليل عازل لأني ما دققت في قزازه مره؟؟ ومشكووووورين مقدماً

ولد وايل

26/04/2008, 08:31 PM

اخوي اذا راعي المعرض طلب تضليل حراري من عبداللطيف اكيد بيرفع السعر عليك
اما بين الخليجي والسعودي مافيه فرق

تحياتي لك

GعبدالمجيدG

18/08/2009, 12:12 PM

اخوي اذا راعي المعرض طلب تضليل حراري من عبداللطيف اكيد بيرفع السعر عليك
اما بين الخليجي والسعودي مافيه فرق

الا على طاري التظليل بالعزل الحراري أضع لكم أدناه عدة محلات للتظليل وكل يشوف اللي يناسبه

1- 3M أو DRIVER >> طريق خريص بإتجاه الشرق بعد شارع بريده جنب الخطوط السعوديه قبل أسواق السدحان اللي على اليمين هذا شغله عدل حسب تجربه عدد من الأصدقاء
2- سوبر كوول SUPER COOL >> طريق خريص بإتجاه الغرب بعد محلات مكاتب تأجير السيارات اللي قبل دوار الإحساء تحت الشقق المفروشه جنب معرض شاشات القمم هذا تظليله حلو
3- في كوول v-cool >> ماأذكر موقعه بالتحديد بس هذا شغله كويس بس فيه من يقول ان الخامه اللي عنده مو اميريكيه صينيه لما تناقشه بها يقول ايه مواصفات اميريكيه بس كويس وغاااااااالي
4- زيبارت zipart >> لا غبار عليه من ناحيه الجوده و الشغل موقع اللي اعرفه و مريته و لا ادري هل له فروع بالرياض او لا تقاطع طريق الملك عبد العزيز مع مخرج ((9 )) بإتجاه الغرب بالخدمه على يمين بعد ورشه سيارات مع انه غالي بس حقه
5- دكس كوول dex-cool >> تقاطع طريق المللك عبد الله مع التخصصي بإتجاه الشرق بالزاويه اليمنى مااني عاارف عن الخامه اللي عنده بس شفت عنده مره زحمه و أكيد بيكون كوويس على الزحمه اللي عنده
6_ لومار LLumar >> طريق خريص بإتجاه الغرب بعد محلات المفروشات اللي مقابله وكاله هوندا عند الإشاره هذا شغل شغل شغل شغل عدل و غويلي شوي
7- صن إكس sun -x >> طريق العروبه بإتجاه الشرق بعد محلا ت قزاز السيارات هذا طال عمرك عندووه نوعين من التظليل:-
>> كوري بدون ضمان بس يضمن شغل اليد من حيث جوده العمل و هذا سعره قرابه 200 ريال كامل السياره حسب كلامه
>> إميريكي ضمان على ما اعتقد 10 او 5 سنوات مع ضمان شغل اليد بـ 900 ريال تقريبا ً هالكلام قبل 3 شهور
>>> و هنااااك كثير من محلات التظليل العااازل مااا اذكر موقعهاا مثل جونسون >> كار كير >> سولدر قارد

obd155

12/10/2009, 10:43 AM

يا اخوان ابي اسال عن الهايلكس الغمارتين 4×4 القير الاتوماتيك ومدى تحمله للبر والطلوع الصعب

msad103727

09/12/2009, 09:21 PM

والله ماقصرتوا جزاكم الله خير

كن كن

13/12/2009, 09:30 PM

يالربع بسألكم عن البنزين حق الأف جي
يصلح أعبي بنزين 91 أو يضر بالسيارة

ولد وايل

22/12/2009, 09:44 AM

حاول ما تعبي 91 كثر مو زين لها

beck

28/12/2009, 01:40 PM

بانتظار تجارب من ركب ثلاجة؟

جعفور

31/12/2009, 04:17 AM

....شقران....

26/02/2010, 09:20 PM

السلام عليكم ورحمة الله وبركاته

يالربع انا بغير كفرات سيارتي وش تنصحوني به

وكم سعر كفرات شد البلد

وشكرا

مطاليع المزون

01/03/2010, 09:59 PM

تنبيه ضروري لملاك الأف جي كروزر ،،
http://mekshat.com/vb/showthread.php?t=275408

f 16

02/03/2010, 01:48 AM

فزعتكم المسجل حق اف جي علق معي لايشتغل ولا يطلع السيدي

AbdulAZiz M

13/03/2010, 07:10 PM

السلام عليكم ورحمة الله وبركاته

يالربع انا بغير كفرات سيارتي وش تنصحوني به

وكم سعر كفرات شد البلد

وشكرا

هلا بك شقران

أنا مثلك أفكر في تغيير الكفرات الدنلوب الخايسة حقت الوكالة

لكن مقاس الوكالة متعب شوي 265/75/16

عندك هانكوك أعرض شوي 275 وأقصر 70 ونقشته حلوه والكفر ناعم

لكن بعد البحث والتحري في أكثر من محل

أشوف إن الماكسس 265/75/16 هو الأنسب وسعره قبل اسبوع تقريبا طقم 4 كفرات بـ 1600 ريال

AbdulAZiz M

13/03/2010, 07:12 PM

السلام عليكم ورحمة الله وبركاته
يا اخوان بالنسبه لصوت الحزام في الاف جي مايحتاج لا فصل اسلاك ولاغيره انا معاي اف جي 2010 وتضايقت من الصوت بصراحه وشار علي واحد من الشباب اني اروح لمحل اسمه ريد لاين في شارع عبدالله الحمدان واشتريت من عندهم قطعه تركب في الحزام نفسه متى مابغيت اشيلها اشيلها وركبت ثنتين قيمه الوحده بعشرين ريال

ليه نحب الخساير :)

الإف جي تقدر تلغي صوت الحزام عن طريق السويتش ما يبيلها لا قطعه بلاستيكية ولا شيء ومتى ما بغيت ترجع الصوت تقدر وبأسهل الطرق

http://www.youtube.com/watch?v=9aoqLFJ-4qo

وهذا شرح بالفيديو

Caps Lock

16/03/2010, 01:47 PM

وين راحوا اصحاب الاف جي

ولد وايل

16/03/2010, 02:07 PM

بالمنتدى الخاص فيهم............

fj44

19/03/2010, 12:40 AM

هلا بك شقران

أنا مثلك أفكر في تغيير الكفرات الدنلوب الخايسة حقت الوكالة

لكن مقاس الوكالة متعب شوي 265/75/16

عندك هانكوك أعرض شوي 275 وأقصر 70 ونقشته حلوه والكفر ناعم

لكن بعد البحث والتحري في أكثر من محل

أشوف إن الماكسس 265/75/16 هو الأنسب وسعره قبل اسبوع تقريبا طقم 4 كفرات بـ 1600 ريال

شريت اليوم الخميس 2/4
مكسس 265/75 /16 نفس مقاس الوكاله
بـ 1520 ريال
بصراحه ممتازه
والبالون رفعتها بالمستودع لعيد الاضحى
اذا كنت من الحيين

محب النياق

19/03/2010, 03:54 AM

اخوي fj44

مبروك وزين ماسويت والله ان البالون مثقل على السياره ويزهق فالرجه انا افكر افكه ولا عاد يرجع

fj44

19/03/2010, 07:07 PM

اخوي محب النياق
الشي لازم يكون له فائده
والبالون ماتطرب الموتر الا في البر
وانا روحاتي للبر في الصيف قليه
وبالنسبه للرجه المكسس 100 % اذا رصصت ارضي
لصق على جنوط الشد بلد
لا رجه ولا شي والحمد لله ماقد صادفت اي مشكله
وبالنسبه انه مثقل على الموتر معي تمام
الهدف من تغييرها حفاظاً عليها ولسفريات الكفر العريض افضل
وهذا السبب الرئيسي

هوايتي مكشات

19/03/2010, 07:59 PM

تقرير جميل يالغالي

عقرباء

22/03/2010, 02:02 PM

السلام عليكم

يالله حيهم انظمت ولله الحمد لأصحاب الأف جي لاكن واجهتني مشكلة

الموتر 2008 فل كامل ماشي 97 ألف فيه طقطقه عند الدركسون وبصراحة جننتني ماعرفت لها حل ما أدري من وين هل في أحد عنده حل لها؟

والله يعطيكم العافية...

AbdulAZiz M

29/04/2010, 01:45 PM

حياك الله يا عقرباء

مبروك عليك الزين والله يعطيك خيره ويكفيك شره وما ترى منه مكروه

موترك ما شاء الله 2008 ولا زال تحت الضمان

أنصحك توديه للوكالة والمشكلة تقريباً قطعه صغيره تركب بين عمود الدركسون وبين الدركسون نفسه من داخل السيارة وأحياناً يكون الصوت قوي ومتأثر عمود الدركسون

عموما المشكلة ما منها خوف أبد أبد لكن صوتها قلق والوكالة تصلحه لك على الضمان

الله يوفقك

راكان 11

14/06/2010, 03:33 AM

ما علمتونا وش البنزين الخاص للاف اجي
وشكرا

شمالات نجد

14/06/2010, 04:06 AM

احمر مثل الفراوله

الكرك الاكحل

23/06/2010, 09:35 PM

ياشباب بسالكم عن تغيير زيت الاف جي 2009 مع السيفون كم يأخذ علبة بالضبط ووش نوعه لاني بصراحه احترت ؟؟؟؟؟

معاذ.

23/06/2010, 09:51 PM

ياشباب بسالكم عن تغيير زيت الاف جي 2009 مع السيفون كم يأخذ علبة بالضبط ووش نوعه لاني بصراحه احترت ؟؟؟؟؟

حياك الله يالغالي ..

انا معي 2008 وهو نفس مكينة 2009 ..

يأخذ سلمك الله 5 علب ,, والسادسة يأخذ منه شوي مع السيفون ..

انا استخدم الترا7 :good2:

الكرك الاكحل

23/06/2010, 10:10 PM

حياك الله يالغالي ..

انا معي 2008 وهو نفس مكينة 2009 ..

يأخذ سلمك الله 5 علب ,, والسادسة يأخذ منه شوي مع السيفون ..

انا استخدم الترا7 :good2:

الله يجزاك خير معاذ على هالافادة بس انا ودي اعرف كم ياخذ من شوي بالسادسه :D
يعني نص العلبه ولاربعها

f 16

24/06/2010, 01:01 AM

اف جي 2009 ياخذ 5 علب مع السيفون التر7

ابو رمزي

24/06/2010, 11:33 AM

الله يجزاك خير معاذ على هالافادة بس انا ودي اعرف كم ياخذ من شوي بالسادسه :D

يعني نص العلبه ولاربعها

5 علب بدون سيفون

ومع السيفون 5 علب وربع

الكرك الاكحل

24/06/2010, 05:47 PM

5 علب بدون سيفون

ومع السيفون 5 علب وربع

[/center]

حياك الله اخوي انا حطيت مع السيفون 5 وربع بس المشكله وقفت الموتر حاولي عشر ساعات وجيت اعايره من باكر ياخي العيار مدري يستهبل تشوف زيت وبعده فراغ ثمين زيت وفراغ يعني العيار مهوب مظبوط ابدا بصراحه ضيق صدري ... واتمنى من الجميع الافاده

محب النياق

24/06/2010, 07:36 PM

مكتوب بالكاتلوج 6.1 بدون فلتر

و6.6 مع السيفون

king1

01/07/2010, 11:33 PM

الربع ودي اشتري اف جي 2008 وشرايكم؟؟

كيف استخدامه في البر والديره يقولون يطلع صوت الهوا اذا اسرعت

كم اسعاره بالسووق؟؟(حسب النظافه)

ياليت تفيدوني الله يجزاكم الجنه

s3ed

02/07/2010, 05:19 AM

بدون سيفون 5 لتر

مع سيفون 5لتر و 250 مل

افضل زيت زيت لكزس بدلة كل 10 الاف زيت وسيفون

AbdulAZiz M

16/11/2010, 12:13 PM

موديل 2008 و 2009 ياخذ بدون سيفون 4 علب و 900 مل يعني 5 إلى شيء بسيط ما يذكر ومع السيفون ياخذ 5 علب و 200 مل اقل من الربع بشعره ..

الربع ودي اشتري اف جي 2008 وشرايكم؟؟

كيف استخدامه في البر والديره يقولون يطلع صوت الهوا اذا اسرعت

كم اسعاره بالسووق؟؟(حسب النظافه)

ياليت تفيدوني الله يجزاكم الجنه

في المدينة من احلا ما يكون وفي الخطوط على حسب الخط اذا فيه هواء قوي ولا ضدك ممكن يزعجك اذا اسرعت فوق 140 لكن اذا الهواء ساكن فعزله ممتاز

أبو هشأم

31/08/2011, 03:55 PM

هل نزل الاف جي 2012
وكم اسعاره
وجزاكم الله خير

أبوراشد

31/08/2011, 05:46 PM

هل نزل الاف جي 2012

وكم اسعاره

وجزاكم الله خير

الكلام كثير والتوقعات بنهاية هذا الشهر وماراح يتأخر مثل 2011
و يقولون بسبب توقف الدفعات السابقة و بسبب ضعف الإقتصاد الأمريكي بينزل عندنا بدري هالسنة وكلها توقعات مافيه تأكيد

هنا موقع تويوتا فيه خبر عن سعر الـ اف جي 2012 ( ملف PDF )
http://pressroom.toyota.com/releases/toyota+2012+pricing+highlander+fj+cruiser.htm

وهذا موقع ينزل أخبار تويوتا http://wn.com/toyota

saad8794

14/07/2014, 03:36 PM

السلام عليكم

ياشباب الله يعطيكم العافية ويوفقكم لكل خير ..
أبي ورشة ممتازة ومجربة لتركيب الأذرعة والمقصات والمساعدات للأف جي
وكذلك ابي أدبل المساعدات .

الشمالي 8008

31/07/2014, 09:44 AM

سلام عليكم
كل عام وانتم بخير وصحه وسلامه

معي اف جي 2008 ممشاه فوق 200 لاحظت اذا تعرضت بطناج ولا عيون القطط يطلع طقطقه بالدركسون

واحس فيها ان يالسواق فقط

مدري وش سبب هذي وابي ورشه فالرياض معروفه تصلحها لي

وجزاك الله كل خير

zax

01/08/2014, 08:57 PM

السلام عليكم

للبيع فحمات سيراميك امامية للأف جي

جديدة
من شركة Posi Quiet

سعر الشراء 330

سعر البيع 300

للتواصل 0532603281 او واتس اب

منفلوط

07/08/2014, 09:25 AM

حاب اغير كفرات الاف جي

وش تنصحوني به اي نوع

Abo gssar

08/08/2014, 02:59 AM

مطلوب كفر بيف قودريش حجري مستخدم
مقاس 17 285 70
التواصل على الخاص

زياد فارس

12/08/2014, 10:20 AM

qassime

18/08/2014, 04:05 PM

اللي مركب بوالين ع الاف جي يعطينا نبذه عنهن ووش افضل نوع والجنوط وشن ؟

Abdulmalek.z

04/10/2014, 02:17 PM

Zizo_1977

15/10/2014, 04:57 PM

اسعد الله اوقاتكم بكل خير
اليوم غيرت كفرات الوحش وبصراحه انا فعلا كنت مغفل وملعوب علي مغير دانلوب مرتبن واخر شي خربتها وغيرت ماكسس والله اني كنت في جحيم وغفله ١٦\٧٠\٢٧٥ رقم الحلم الجميل
لكفرات ميشلان اتيتيود شي يستحق الاقتناء سعره ٥٨٠ مع التركيب والترصيص ونفخها بالنتروجين بس قلت لهم بجيكم بالصيف احط نبتروجين تعرفون مو وقته الحين الوسم هل ورانا تنسيم ونفخ والله يلحقنا خير وياكم
حبيت اشاركم تجربتي وادري الكثير بيعلقون ولكن هذي احدى مميزات منتدانا الجميل والغالي علينا
تحياتي للجميع

s3ed

12/11/2014, 09:31 AM

درجلان الشمال

19/11/2014, 12:58 PM

السلام عليكم
ابغى اعرف وش فائده التراك وكيفيه تشغيله
وعادي اشغله مع الدفلوك ووش الاخطاء في استخدامه

الخالدي..

23/11/2014, 11:39 AM

شباب بشتري اف جي 2010 رقم 2
ومحتاج نصايحكم تكفووووووووووون...
صاحبه يقولي فيه رجه خفيفه مع العلم ان عليه كفرات بالون ؟؟
ماهي عيوبه و مميزاته عطونا اي شي تعرفونه بعالم الاف جي لاهنتو
بانتظاركم ...

5

اخوي الرجه من البالون طبيعيه واذت تبي تتاكد غير الكفرات وش اذا ما زالت الرجه موجود فان فيه خلل بالسيارة
والافضل تغير الكفرات بجنوطها عشان تقطع الشك باليقين ومو شرط تشتري كفرات وجنوط شف اي احد من اخوياك جنطه 6 مسامير وركبه مؤقت

ذوالجناح7

02/12/2014, 12:35 PM

شاشة fj للبيع

http://www.mekshat.com/vb/showthread.php?p=10342637#post10342637 (http://www.mekshat.com/vb/showthread.php?p=10342637#post10342637)

maeba5

08/12/2014, 10:47 AM

السلام عليكم ورحمه الله وبركاته

يااخوان يوجد قروب ( تليقرام ) لملاك اف جي كروزر

القروب بيع وشراء وعرض سلع وتبادل خبرات وتجمعات

وبعض الاخوه ماعنده وقت يدخل حراج يعرض سلعته مثلا او عنده مشكله مايعرف يحلها

او مثلا مغرز بمكان وماحوله احد

كثير من الشباب فيهم الخير يفزعون

الشروط بسيطه

1- تحمل برنامج تليقرام
2- تضيفني عندك ( 0534717585 ) عوض
3- ترسل لي اسمك الثنائي فقط

عدد القروب حاليا 195 عضو

هذا وصلى الله وسلم على نبينا محمد