( يـــــــــــــــااصحاب الباث) عندي مشكلة تهريب زيت الدركسون

[صقر الدهناء]

السلام عليكم.
كنت كاشت انا وبعض الاخوان بالدهناء يوم الاربعاء والخميس وكان الاجواء رائعه ولكن خرب المزاج بعد محركت السيارة ورايت ( بقعة زيت دركسون) في محل السيارة وطلع صوت في الدركسون
وش تتوقعون منه وش تنصحوني قبل ما اروح الصناعية :( :( :(

ولكم مني خالص الدعاء

[الساهر2003]

تاكد من وين ممكن يكون من اللي او الهودروليك واهم شيي لا ينقص الزيت

[ولد وايل]

اخوووووووي فيه ورشه بالصناعيه حقت العويضه شرق صنلعيه القديمه حول الجامع الكبير اسئل عنها اسمها (( مصنع الطائر للهدروليك)) المهندس ابوسليم لاتروح لغيره نصيحه

[شروكي ربع]

غالبا تكون من اللي ..



لان الدودة ما تهرب الا من ضربة جامدة عليها مباشرة ..



ويمكن من العلبة نفسها حق الزيت ..



موضوعك بسيط ان شاء الله ..



شيك على اللي اول ..



ولا تغيره اذا غالي , رح لم كبس الليات وخله يكبسه بنوع ممتاز ..



وترى حقين كبس الليات احسن من لي الوكالة ..



وما يكلف ولا 30 ريال

[أبو LAMeS]

أتوقع مثل ماقال أخوي شروكي ربع لا يضيق صدرك لكل مشكلة حل
تحياتي

[استشاري]

و عليك السلام
اذا كان التهريب من الامام (قريب الاديتر) فغالبا من طرمبة الدركسون.
اما اذا كان التهريب من الخلف (عند مؤخرة الكفر الامامي) فيعني انه من الدودة خصوصا اذا كان من الجهتين.
التهريب من الليات اللي بين الدوده و الطرمبه وارد
اذا كان التهريب من الدوده او الطرمبه الامر سهل تحتاج تغيير صوف عند اي محل هيدروليك واهم شي يكون ممتاز ومجرب
التهريب من الليات هو الاسهل كل اللي تحتاجه تفك اللي و تكبس راس اللي مره ثانيه عند مكبس هيدروليك بشرط اللي ما يكون مشقوق او مكسور مع المنتصف.
والله اعلم
و بالتوفيق

[.أبوعبدالرحمن]

اتوقع يبغالك اصلاح دودة


لان يوم الخميس الماضي مطلع سيارة الوالد اللاندكروزر من الورشة عشان المشكلة هذي



وان شاء الله تستفيد من الشباب اكثر

[ولد وايل]

مثل ما قالوا الاخوان بس لاتفوتك ورشة مصنع الطائر

[صقر الدهناء]

جزاكم الله خير وماقصرتم

[ايوه111]

انا عندي باث فاندر كان عندي تهريب في الباور وفي الاخير طلع اصلاح الدوده وما ابي احطمك كلفتني اكثر من 2500 ريال اول شي صعب مكانها يكلف فكها ثاني شي القطعه الي كانت خربانه عندي كانت صغيره بس الوكاله ماتجي الا كامله قرابة 1800 ريال قيمتها يمكن انت مشكاتها اسهل غير هاذي