هل سبق وأن فحصت عند الوكالة ؟ (لأصحاب النيسان)

[أبو محزم]

أسعد الله مساء جميع إعضاء هذا المنتدى ومشرفيه بكل خير ....
أخواني استفسار بسيط .. بشأن فحص (40000) عند وكالة الجبر ..
هل فيه أحد ممكن يفيدي بشأن جودة فحصهم أو عدمه ... حيث أني أريد أن أدخل سيارتي (الباث) وقالوا لي أنه قد توصل تكاليفها إلى (1900)ريال ... ...
* أرجو منكم الفائده ... فنكم نستفيد .... دمتم طيبين ؛؛؛

[salehhd]

السلام عليكم

لما جاني فحص ال40000 شريت الاغراض الي تحتاج تغيير مثل
1- سيور المكينه
2- فتلر البنزين
3- قماشات امامية
4- فلتر القير الاوتي وبعدين عرفت انه مايتغير قبل ال80 الف
5- فلتر هوى
وغيرتها برى الوكلة وماوصلت التكلفة 800 ريال
والسيارة الحمد الله تمام

[الدحبول]

مادام السيارة مافيه مشكلة
لادخله الوكالة نصابين درجة أولى مهوب رجال أعمال خخخخخخخخخخخخخخخخ
والمشكلة ماتقدر تشتكي عليهم ولا تكاسرهم الحكومة معهم

[الدحبول]

السلام عليكم

لما جاني فحص ال40000 شريت الاغراض الي تحتاج تغيير مثل
1- سيور المكينه
2- فتلر البنزين
3- قماشات امامية
4- فلتر القير الاوتي وبعدين عرفت انه مايتغير قبل ال80 الف
5- فلتر هوى
وغيرتها برى الوكلة وماوصلت التكلفة 800 ريال
والسيارة الحمد الله تمام
سيور المكينة تغير كل 80 الاف وكذلك فلتر البنزين
القماشات الامامية عمرها على حسب الاستخدام يعني الراكد تجلس من سنة إلى سنة ونص أو تكمل السنتين
ويلي يفحط ماتكمل ل 4 شهور
فلتر قير بعد 80 الاف
فلتر الهواء في حال اتساخه

[الكونترولCONTROL]

عام 1420 هـ - اشتريت باترول 99 جديد ربع
و كانت قيمته 57000 فقط
و اشترى أحد الشباب موتر مثله
=====================
المهم ..... طلعنا بجيوبنا للبر .... استغربت خروج الكربون الأسود من
سيارته و هي ما مشت و لا 10000 كم ,,سألته عن السبب : فقال :
دخلته الوكالة عشان الفحص المجاني .... و فاجؤوني
بأنهم عملوا له (( وزن بلوف )) !!! و أنا ما كان قصدي
من دخوله الا تغيير الزيت و الفلتر و التشييك على السوائل !!!!!
و رجعت لهم على شان يوزنون البلوف مرة ثانية ... لكن هيهات !!!!
ما عرفوا ..!!!!!! ضيعوا وقتي يوم كامل موتري عندهم !!!
=========
قلت له : تستاهل .... يا ما حذرتك !!!!

[راعي الرجم]

اوالله حالة

بالله هذي وكالات ولا عالات

بس مقيولة قال من امرك قال من نهاك

[M o b d a]

يا عيال

أقسم بالله العظيم


إني لي 4 شهور اتصل عليهم ابيهم يدخلون باثفندر 2007

ماشي 20 ألف الحين

وسويت له صيانه عندهم تشييك علىى الـ 1500 المهم

طق العشرين وأنا ما سويت له صيانه

غيرت الزيت على حسابي ..


أتصل عليهم ما يردون خير شر

ورحت لمهم قالوا تعال ثامن العيد

ما نفتح ولا مو تجي

تحجز بالتلفيون

قلت ما تردون عطناني رقم ثاني

ونفس الكره ما يردون ..


حسب الله ونعم الوكيل ..