المساعد الشخصي الرقمي

مشاهدة النسخة كاملة : المناطق البرية في المدينة المنورة؟


هاوي بر 2008
07/01/2008, 01:55 AM
السلام عليكم ورحمة الله وبركاته
أخواني في مندتى مكشات الرائع أريد أن أعرف المناطق البرية في المدينه المنورة
NuMaS
07/01/2008, 02:28 AM
أهلين أخوي هاوي بر 2008

في البداية: خبرتي بمنطقة المدينة لك عليها شوي بس راح أقول لك أللي أعرفه.

أولاً: عندك طريق (المدينة المنورة ـ القصـيم) السريع إذا طلعت من المدينة بعد 60 كم تجيك الصويدره منها وإنت في إتجاه القصيم خذ بر وش زينه والأزين في نظري بالنسبة لهـ المنطقة بعـد مخرج محافظة الحناكية 110- كم من المدينة تبداء الصواهيد و الطعوس وإذا أنت راعي طعوس قبل مخرج حائل إدخل يمين بإتجاه الجنوب طريق بري بحدود 30 كم إلى 40 كم ، تجـد عروق نفود عاليه جداً ماعندك أزين منها أبد إسم المنطقة (السحميات) و (وادي المحيير) فيه عروق نفود ومجموعة طعوص فيها طعس كبير هناك إسمه (الحنان) وجات تسـميته بهذا الأسم من صوت حنين ناتج عن إنهيالات إسفل العرق وخصوصاً وقت القايله إذا حمت الشمس.عموماً منطقة حلوة لهواة الطعوس بس عيبها بعيد شوي ( والبُعـد مايرد راعي الهوايه).

ثانياً: عندك طريق تبوك القديم بدايته من بوابة مطار المدينة أمس حوالي من 20 إلى 30 كم بعد مركز التفتيش بكم كيلو اجيك لفات خطره بين جبال وبعدها تنبلج الأرض عبارة عن جبال متفرقه ومتباعده وبينها شـعبان بطحاها حمراء وسـهولٍ حمراء ماعندك أزين منها.حتى يلتقي بطريق تبوك الجـديد.

ثالثاً: طرق تبوك الجـديد من (وادي الحمض)وأنت رايح.

أتمـنى لك أوقات ممتعه بس هـااااااهـ لاتروح إلا معك خوي أو أخويااااا ههههههههه (الرفيق قبل الطريق)...

هـذا حـد معرفـتي وما حـبيت أن أفـيدكم به .. وإن شـاءالله الأخوان يفيدونك أكـثر ..
هاوي بر 2008
09/01/2008, 01:15 AM
أخي نيماس مشكور على مرورك وتراك ماقصرت والله يبيض وجهك
بارود برنو
10/01/2008, 12:43 AM
وادي الصفرى من افضل المناطق فالحجاز (فيه جبال شهيره ومناطق جميله جدا تنعش القلب يكفيك انه يعيش فيها نمور وذياب )(جبال الفقره- وورقان )
هاوي بر 2008
10/01/2008, 09:47 PM
أخي بارود برنو مشكور على مرورك ولكن لى طلب بسيط لاهنت أين من وادي الصفراء التي تصلح للتخيم
NuMaS
10/01/2008, 11:43 PM
أخي نيماس مشكور على مرورك وتراك ماقصرت والله يبيض وجهك

وبيض الله وجهك أخي/ هاوي بر 2008 .. مـثل ما قـلـت لك معرفـتي بمناطق المدينة المنورة (على ساكنها أفضل الصلاة والسـلام) .. (لك عليها شوي) وأبخـص بمناطق شمال وشـرق المدينة بالخصوص ..
تنـويـه: بالنسـبة لمُعرفي هو: (نـومـاس) وليس مثل ما ذكرت أنت في ردك: (نيماس).. بــــارك الله فــيـك ،،،
NuMaS
10/01/2008, 11:47 PM
أخي نيماس مشكور على مرورك وتراك ماقصرت والله يبيض وجهك

وبيض الله وجهك أخي/ هاوي بر 2008 .. مـثل ما قـلـت لك معرفـتي بمناطق المدينة المنورة (على ساكنها أفضل الصلاة والسـلام) .. (لك عليها شوي) وأبخـص بمناطق شمال وشـرق المدينة بالخصوص ..
تنـويـه: بالنسـبة لمُعرفي هو: (نـومـاس) وليس مثل ما ذكرت أنت في ردك: (نيماس).. بــــارك الله فــيـك ،،،
تايتد
11/01/2008, 12:49 AM
الاخ نوماس/ تحيه طيبه حدد الرحله بريه او بحريه حتى نفيدك
بارود برنو
11/01/2008, 05:11 PM
أخي بارود برنو مشكور على مرورك ولكن لى طلب بسيط لاهنت أين من وادي الصفراء التي تصلح للتخيم



انت تامر امر احلا الاماكن حزره لاكن خلها لين تجي امطار تروح بساط واحد اخضر موقعها بعد الفريش 10 كيلو يجي مخرج على اليمين الان يسفلتون فالخط تقريبا 7 كيلو وانت في فرشة حزره مكان فسيح مليء بالاشجار الضخمه المعمره


اماهذي السداره بعد الفريش ب15 كيلو على نفس الخط شعبناها جميله
ولك الخيار والمناطق الاخرى مشفره (اقصد صعب والوصول لها )
http://aycu10.webshots.com/image/38929/2001704930667426458_fs.jpg
هاوي بر 2008
12/01/2008, 01:36 AM
أخي نوماس المعذرة على الخطأغير المقصود وتراك كفت ووفيت
هاوي بر 2008
12/01/2008, 01:39 AM
أخي بارود برنو ما يامر عليك عدو إن شاء الله وما قصرت