جير مغتر مقاس 17 ونص للبيــــــــــــــــــع.

[المري]

السلام عليكم .. اخواني االاعزاء.. اسال الله العلي القدير ان تكونو وبصحة وعافية..

عندي جير 4/3 حر قرناس بكر مقاس 17 ونص وزنه حوالي 1420 غرام... اطبوعه طيبه بالحيل

صايد الكروان ويلحقه لحوق فرخ شااااهين فارط بالطيار.. يحب الملواح...شكله زين

من ناحية الوجه واللون والارضية والفخذ والثندوه... المهم الطير زين ولا فيه شي من العذاريب يذكر.

من ناحية الحبارى علمته على وحده اول الوقت ولا علم عليه وكان ذلك الوقت مانيب حريص اني اعلمه

على الحبارى لاني كنت ناوي اشارك به في مسابقة الصقور في النعيرية..

مزرعته من اطيب المزارع في بريطانيا وهي مزرعة نيك فوكس.

ونسيت اذكر لكم اطياره على الحمام , اطياره طيب على الحمام والعام يذكر لي راعيه انه يلحق الزاجل

وانا السنة هذي ماهديت له حمام واجد , لاني اشوفه بعض المرات مايحب الحمام بالحيل .

اليكم صور الطير:


http://www.mekshat.com/pix/upload02/images57/mk1168_1.jpg


http://www.mekshat.com/pix/upload02/images57/mk1168_2.jpg

http://www.mekshat.com/pix/upload02/images57/mk1168_3.jpg

http://www.mekshat.com/pix/upload02/images57/mk1168_4.jpg



وسلااااااااااااااااامتكم

اخوكم - المري

[شعلان]

وعليكم السلام والرحمة ماشاء الله عليك يا أخوي المري ماتجيب إلا الزين وكم حدك في المزيون الله يبارك لك فيه ؟؟

[المري]

وعليكم السلام ... وحياك الله اخوي شعلان

والله مالي حد في الطير ... اذا وقف على سعر بأبيعه ..

وتراه يونس راعيه في الكروان ويغنيه بأذن الله من الشاهين...

وعسى الله يكتب اللي فيه الخير.

اخوكم - المري

[سيف الظفير]

وين السومات يا رياجيــــــل

[مبسوط]

اخوي المري الله يرزق بالبيعه الطيبة عندي كم سوال هل الطير راكد في السياره ؟ الطير يرتفع ؟ هل فيه صيحه؟
و بالتوفيق
اخوك/ مبسوط

[المري]

مرحبا اخوي مبسووط..

مافيه لاصيحه ولا يكفخ بالموتر ولا فيه شي من العلوم المحقا..

وسلاامتك

اخوك - المري

[نايف-المطيري]

أفتح الباب و أسوم 2000 ريال

[المري]

مرحبا اخوي نايف - المطيري

وتسلم على السومة ..واقول سومة طيبه من وجه اطيب..

ويجيب الله نصيب..

اخوك - المري

[taag1]

السلام عليكم...... ابومعيض افرق السوم (3500)شراي صامل وان بعتني راسلني على الخاص لاههنت .....
والله يباركلك بطيرك .....

[مبسوط]

علي ب3700
والله يرزقك بالبيع الطيبه

[المري]

اخوي تاق واخوي مبسوووط

سومات طيبه وعليها بياض الوجه..ماقصرتو

والبيع وراكم أشوي..

وعسى الله يكتب اللي فيه الخير

[مبسوط]

اخوي المري سؤال ولو كثرت عليك الطير راكد اذا فرعت به في السياره ويتقنص والا؟

[منصور الجبلي]

بيض الله وجهك على الكلام الطيب والسوم4000

[وقاااااد]

كيف حالك يابو معيض
الطير طيب وراعيه اطيب
واسومه ب4500 والله يرزقك بالبيعه الطيبه

[براااااق]

السلام عليكم ابو معيض الطير وش سنه أخوك براااااق

[المري]

سومات طيبه من وجيه طيبه..

وعسى الله يجيب نصيب..

اخوي براق حياك الله يالطيب...

انا كااااتب في اول الموضوع سنه , وهو سنه بكر.. فرخ العام..

وسلاامتكم

اخوكم - المري

[عباااااادي]

اللة يرزقك بالسومة اللي في بالك

[المري]

الله يجزاكم خير.. والطير فيه رجال بغاه ب 7 الالاف ..

وعسى الله يكتب اللي فيه الخير..

اخوكم - المري

[المنصوري-قطر]

مرحبا يابو معيض

شحالك عساك طيب

اسومه منك ب8000 ريال

والله يوفقك انشالله فيه

[المري]

مرحبا اخوي المنصوري وحياك الله وسرك الحال..

سومة طيبه من رجال طيب..

والبيع وراك اشوي طال عمرك..

وعسى الله يكتب اللي فيه الخير.. لي ولك ولسائر المسلمين..

اخوك - المري

[الرابح الاكبر]

السلام عليكم يالمري والله لايهينك اسوم الطير ب8500 ريال
جوالي0556869398

[مكشات 1]

يالمري الطير يقرنس مايتأخر في قرناسه

اذا كان مافيه اي من العيوب ترني صامل وابيه منك 9000 وش قلت

بشرط الفحص على الطير

[ردار]

سلالالالالالام عليكم اخوي المري الطير وين فيه اذا في السعودي انا اسوم 400 الف اريل

[ردار]

اخوي المري شلون معلم علي الحباره يعني او مجه

[ياس البوادي]

مرحبا الطير عليه اوراق او جواز وانا اسوم 5000 شرط خلوه من الامراض

[أبو ممدوح]

وش السالفه يا جماعة الخير وش السومات ذي الي تخلي الواحد يخرج عن طوره ويعصب
رادار يسوم بـ400000 ريال
واخونا ياس البوادي يسوم بـ5000
اش هي تريقه والا قطع ارزاق
الله يصلحكم الله يصلحكم الله يصلحكم
على العموم الله يرزقك يالمري ويبارك لك في حلالك وجميع المسلمين

[المنصوري-قطر]

ابو ممدوح تسلم يالغالي ماعتقد انهم شرايه لطير

بو معيض بعت لي بعشره وانا صامل

ومابي تعطيني عليه شروط دام الطير طيرك اكيد فيه خير

[المري]

وسعو البال على اخويانا في مكشااات

بعضهم يحب يمزح وبعضهم تجهله بعض الامور ..

***

مرحبا اخوي المنصوري وسوماااات طيبه من رجال طيبه وجعل ربي يوفقك ..

وبيض الله وجهك على السومات الطيبة وعزالله انك عطيت الطير حقه وماقصرت ..

وعسى الله يكتب اللي فيه الخير لي ولك ولجميع الاعضاء..

والبيع عاااده اشوي .. الله يعينكم علي هالمرة (( ترى ماهيب عاادتي يالمنصوري اتقضب كل هالتقضاب

بس الله يعين)))


اخوك -المري

[المنصوري-قطر]

عزيز وغالي اخوي بومعيض

والله يرزقك بالبيعه الي توسع خاطرك

[ياس البوادي]

السلام عليكم اخوي المري اذا ممكن تتصل فيني على اساس استوضح منك بعض الامور او ترسللي رقمك على الخاصوهذا رقمي 97152020511+

[بوخالد الكعبي]

بالتوفيق يالمري

[بوعلي قطر]

بالتوفيق يالمري

[ياس البوادي]

السلام عليكم اخوي بومدوح الله يصلح الجميع وانا اذا شفت واحد ايسوم الطير 400000 الف ما اسوم 5000 آلاف لكن انا اعرف ان اللي سام مب شراي وانا مرسل رقمي لخوي المري علشان يتصل لكن ما اتصل وانت شو دراك اني انا مب شراي والا لا نصيحه لك يا بومدوح لا تحكم على الناس وانت ما تعرفهم والله يوفق الجميع

[المري]

مرحبا اخوي ياس البوادي

وماحصل الا كل خير .. وانت وابو ممدوح اخوان ..

وتسلم على التوضيح..

والطير ابشركم بيع .. الله يرزقك راعيه..

اخوك - المري