اليوكون 2008 الدفع الرباعي باسعار منافسة بس (128000)ريال يابلاش

[الرسن]

اليوم مريت على شركة الجميح للسيارات ناوي اشتري اليوكون 2008 الدفع الرباعي وسألتهم عن الأسعار قالو السعر النهائي 128000الف ريال.
صراحة تفاجأت بهذا السعر وقعدت اضرب اخماس في اسداس وقررت ان اغامر واجرب اليوكون لمدة اسبوع حتى اتخذ قرار نهائي.

اخيرا بصراحة هذا السعر سعر مغري ومنافس للياباني اللي ضرب في العلالي على غير سنع قال ايش (مسخرة الارض) عفوا ..........!

حياكم ومعالسلامة

[بدوي جنوبي]

طيب السبب الرئيسي في انخفاضه بهذي
الدرجه ،، هل هو انخفاض الدولار
او انها موديلات 2007 معدله
اكيد فيه سر اخوي الرسن
الله يوفقك في الشراء

[جوالة]

كنت كتبت موضوع بهذا الأمر :
http://www.mekshat.com/vb/showthread.php?t=117823

[الرسن]

طيب السبب الرئيسي في انخفاضه بهذي
الدرجه ،، هل هو انخفاض الدولار
او انها موديلات 2007 معدله
اكيد فيه سر اخوي الرسن
الله يوفقك في الشراء

اولا حياك الله يامشرفنا الفاضل
تصدق شافني واحد في الصالة افاوضهم وهم يقنعوني بالشراء قال لاتستعجل.
المهم قعدنا نسولف انا وياه لقيت الرجال طبيب استشاري وقال السيارات هذي اللي تشوفها بالسعر هذا سيارات مصدومة في البواخر ومصلحة في الوكالة فرديت عليه يارجل غير معقول ذا الكلام قال جاك العلم وانت بصير بنفسك طبعا طلبت تفصيل في الموضوع اكثر فاعتذر مني بحجة ان الوقت ضيق.
يعني رمى الكلمة وخلاني تائة وهذا مادعاني اقول اضرب اخماس في اسداس في بداية الموضوع.

اخوي بدوي اذا كان لديك معلومة بهذا الشأن ارجو ان لاتبخل بها علينا خصوصا ماشرت اليه في تعليقك ولك كامل شكري وتقديري.

معالسلامة.

[الرسن]

كنت كتبت موضوع بهذا الأمر :
http://www.mekshat.com/vb/showthread.php?t=117823

اهلا بك ياجوالة

[.أبوعبدالرحمن]

اخي الكريم الرسن


انا كذلك سمعت ايضا بنفس الكلام اللي قاله الطبيب


والله اعلم انه بمنتديات مكشات او انها بمنتديات صديقة


وطبعا اللي صرح بذلك المدير التنفيذي والله اعلم بالجميح


اتمنى ان الاخوة الافاضل بمكشات يفيدونك اكثر مني

[ولد وايل]

اخاف الصناعه تغيرت الى دوله اخرى تأكدووووووووووا

[محمد؟؟]

غير الجمس لاتدور

[الرسن]

اخي الكريم الرسن


انا كذلك سمعت ايضا بنفس الكلام اللي قاله الطبيب


والله اعلم انه بمنتديات مكشات او انها بمنتديات صديقة


وطبعا اللي صرح بذلك المدير التنفيذي والله اعلم بالجميح


اتمنى ان الاخوة الافاضل بمكشات يفيدونك اكثر مني

ابوعبدالرحمن الصفيان
الله يعطيك العافية وياليت احد يفيدنا عن هالموضوع بتفصيل اكثر.
معالسلامة

[z a n h o r]

شف يالغالي

نصيحتي ترى تبي تلقى التاهو ارخص واحسن شكل

يعني يمكن يفرق معك الى 5000 الاف

طبعا هو اخو اليوكن لكن شفر

ومسالة الصدمات ما عندي علم بهن اول مره اسمع بهن

[سيف الظفير]

من عقب الـ 8100 موديل 2006 حجم 2500

ماعاد فيه جموس

وبعدين مفخرة الارض غالي وسعره فيه و((((جديد))))

افضــل من رخيص الثمن مصدوم !!! !!! !!

[SilverSniper]

من عقب الـ 8100 موديل 2006 حجم 2500

ماعاد فيه جموس

نفس الكلام قالوه يوم انقطعت 454.. وطلعت 8100 ولا تزال موجودة ولكن الوكيل لا يوزعها عندنا.. واحد من الشباب قريب لي يدرس في أمريكا شحن سيارة جمس ونيت 2007 2500HD مكينته 8100 وقيره عادي ..
الجمس أو الشفر مهما وصل من نزول السعر فهو أفضل من ألف ياباني.. والجمس معروف ولا يحتاج تعريف.. ويصنع في ولاية وسكونسن في أمريكا..ما يصنع في الصين وتايلند واكسسواراته ملعوب فيها مثل بعض المسخرات الأرضية :)..
والشفر نفس الجمس بس اختلاف العلامات والشكل..
بالنسبة للمصدوم.. أنظمة المملكة في استيراد السيارات تمنع استيراد السيارات المصدومة.. ويتم فحصها في الميناء.. لكن هذا لا يمنع انه يكون فيه سيارة أو سيارتين مصدومات وتباع.. لكن لا يمكن تكون ارسالية كاملة مصدومة.. تقبل تحياتي وعليك بالجمس واترك مسخرة الأرض وخمام الياباني..

[جزاع]

انا عندي راي طيب...!!


رح وانا اخوك للعيسى واسأل عن سعره هناك...!!

واذا لك اصدقاء بالشرقيه خلهم يسألون التوكيلات العالميه هناك عن سعره...!!

وقارن بين الثلاث وكالات ...!!

واذا كانت متشابهه معناته مافيه لامصدوم ولاشي...!!


وانا حسب معلوماتي ان هذي اسعار اليوكون والتاهو يعني بهالحدود...!!

[GGXXR]

بصراحه السيارات المصدومه كثير ونا سبق وشتغلت في التوكيلات العلميه قسم السمكره والله تجينا سيارات من دون لوح جديده عشان نصبغها او نسمكر فيها ويعطون البايع نسبه اكبر اذا باع السيارات المصدومه لكن احسن شي تروح المستودع لسيارات الجديده بغرض اختيار اللون وستعرف السيارات من تغبيرتها وعداد الكيلومتر

[أبو LAMeS]

تحياتي لك أخوي الرسن وتحية لجميع الأخوة
السعر ما تغيير عن موديلات 2007 نفس السعر لانه ما تغيير شيء في الموديل الجديد نفس الموديل القديم وأول ما تجي عندهم يقولون لك السعر تقريبا في حدود 131 ألف وإذا حاولت معهم نزولوا لك السعر إلى 128 ألف
وخذها مني أدخل على مدير الفرع وحاول معه راح ينزل لك إلى 125 ألف بس خلك نشبة حلق

شكرا لك

[ابوعلوش]

واحد من الزملاء شاري يوكين .. لكن صراحة لما سقت السيارة وجربتها تحسفت اني شريت جيب فورتشنير .. فرق كبير لا من ناحية المساحة أو الفخامة أو التجهيزات الالكترونية .. ويكفيك انه مثل الصالون يشيل الأهل كالسلام عليكم .. وماهوب مثل النحوس الجيب ف كس ر .. او الجيوب اليابانية .. لكن ان الله احياني شاريه شاريه .. الله لا يعوق بشر
والكلام هذا وجهة نظر شخصية .. يمكن غلط و يمكن صح

[لبرتي]

اتصلت على واحد في العيسى وقالي سعره 140ألف قبل الخصم
وقال لي إذا جيتاا راح نسوي لك خصم أتوقع مع الشد والربط والطقاق يمكن يوصلونه لك 136ألف

موفقين

[ابو فهد 1]

مرحبا اخوي


توكل على الله وخذ الصراحه انه موتر تبي سفر تبي بر وانا اخوك معي واحد شاريه من اول العطله والحمد لله ماشتكيت من الموتر ابدأأأ

لاحراره لا صرفيه بنزين لا مشاكل

الموتر وسيع وخفيف مب مثل الاول ثقيل

[بدوي جنوبي]

لابد من وجود سيارات مصدومه وهي جايه عن طريق البواخر
بالرغم انها داخل الباخره مربوطه في الارض بحبال

خالي واخوي طلبة مدارس كانوا في وقت العطله الصيفيه يشتغلون في الميناء بجده ،،، شغلتهم ينزلوا السيارات من الباخره ،، وحسب كلامهم
ان فيه سيارات تكون فيها دقات وصدمات بسيطه ،
واكيد ان الوكاله راح تسمكرها ،، يعني ما اعتقد ترجع السيارة الي الباخره
لانها في الاصل ما جت من بلدها ودخلت السفينه الا وعليها تامين

زبدة الكلام اذا اتضح لك فعلا ان هالسيارات كان فيها صدمات وتم اصلاحها والاصلاح كان بسيط وخفيف انا اشوف ما يمنع ان تاخذ السيارة
لكن يكون بسعر اقل مما ذكرت بكثير واعتقد هي نقطة ممكن الزبون يستغلها امام موظف المبيعات ،،،
وترا هي ما يبيلها تفكير طالما ان السعر فيه فرق كثير عن الوكالات الثانيه اعرف ان المشكله مثل ما ذكروا الاخوان ،،
اتمني لك التوفيق في الشراء ،،

[سيف الظفير]

نفس الكلام قالوه يوم انقطعت 454.. وطلعت 8100 ولا تزال موجودة ولكن الوكيل لا يوزعها عندنا.. واحد من الشباب قريب لي يدرس في أمريكا شحن سيارة جمس ونيت 2007 2500HD مكينته 8100 وقيره عادي ..
الجمس أو الشفر مهما وصل من نزول السعر فهو أفضل من ألف ياباني.. والجمس معروف ولا يحتاج تعريف.. ويصنع في ولاية وسكونسن في أمريكا..ما يصنع في الصين وتايلند واكسسواراته ملعوب فيها مثل بعض المسخرات الأرضية :)..
والشفر نفس الجمس بس اختلاف العلامات والشكل..
بالنسبة للمصدوم.. أنظمة المملكة في استيراد السيارات تمنع استيراد السيارات المصدومة.. ويتم فحصها في الميناء.. لكن هذا لا يمنع انه يكون فيه سيارة أو سيارتين مصدومات وتباع.. لكن لا يمكن تكون ارسالية كاملة مصدومة.. تقبل تحياتي وعليك بالجمس واترك مسخرة الأرض وخمام الياباني..




الـ 8100 هو الـ 454

والــ

8300 هـو 511

[سيف الظفير]

الـ 2008 فيه فرق يا اخوووان وياليت تمر على العيسى اللي في الدائري

[أبوسعد2007]

بارك الله فيكم

[احب البرواهله]

السعر ماتغير عن 2007 إلا شي بسيط وماهي مصدومه وسيارت يعتمد عليها والسعر ماله علاقه بالجوده بمعنى سعر عالي = جوده عاليه وماهو دليل أن سعر الاند كروزر تعدى 200ألف ريال يعني أن جودتها صارت أفضل ونصيحتي أستخر بالله ومن رأئي اليوكون مش بطال والتاهو فكر فيه أعتقد أنه أقل سعر

[مطحن]

السلام عليكم ورحمة الله وبركاته

اخوي سيف الظفير

هل انت متأكد ان الـ8100 هو الـ 454؟ حسب علمي ان

الـ 5000 هو 305
الـ5700 هو 350
الـ 7900 هو 454
الـ8100 هو 501

وطريقة التحويل هي التحويل من انش مكعب الى سنتيمتر مكعب

اخوك عبدالرحمن

[ابوعزيزm]

السلام عليكم ورحمه الله وبركاته

أخي العزيز الرسن . .

هذا السعر مشترية وأحد من أقربائي دفع رباعي لون فضي بـ 128 ألف ريال قبل 5 شهور

أما مسئلة التخفيضات فهي عادة جميع التوكيلات الأمريكية ينزل بقيمة وبعد فترة يطيح سعر غير معقول . . تصريف فائض . . وعكسه إذا كان العدد قليل من السيارات والطلب أكثر من العرض . . مثال : عند نزول سيارة جديدة بشكل جديد . . اليوكون والجيب (مفخرة الأرض) يكون حجزك بالدفعة الثالثة أو الرابعة . . يعني سرااااااء

أما التخفيض . .
خذ مثالا . . وكالة فورد . . نزلت قبل شهر عرض بالأكسبلورر والكراون فكتوريا خصم 20.000 ريال وبعض سياراتها حوالي 15.000 ريال

فهذا النزول طبيعي لأن التخفضيات من المصنع الأم . . مسئلة عروض

وحتى التايوتا . . وجميع وكلاء السيارات يكون هناك عروض وتخفيضات وغالباً ما تكون هذه العروض بالصيف أو بالحج أو بآخر موديل السنة لكي يصرف الباقي من الموديل القديم وأحضار الموديل الجديد . . . تفريغ مستودعات

أما إذا كنت من هواة اليوكون وكانت التغيرات في موديل 2008 لا تذكر وليست جذرية فتوكل على الله وأستخر وخذ لك واحد ...

أتمنى أني أفدتك . .
ابوعزيزm

[الأسمري 2009]

اليوكون والتاهو روعة وفخامة وراحة واقوى دبل من الياباني على كلام الاخوان في الشركة يقولو ان دبل اليوكون اقوى من التويوتا . والله اعلم بس الصراحة سيارت وسيعة وفخمة وسعرها مناسب وتمسك سعرها وقلية الي تنباع مستعمل بالسوق

ولكم تحياتي

[نجم سهيــل]

شكرآ لكــــ

[سرمد2007]

نعم هذا صحيح سعر السيارة 128 اقل درجة طبعا
بس سيارة الامريكية قويه كثير وحلو في المشي يعني السعر مو معقول اف جي كروزر 103 اقل درجة وش جاب لجاب الو الفوتنشر 108 الكامل وهو ما في حاجة كاملة بالمواصفات والبجيرو 107 اقل درجة
الياباني مرتفع سعره كثير صحيح هو سيارة وقوية ما عليها كلام بس الواحد لازم ينتبه للاسعار حتى محركات الامريكي الست سلندر اقوى من اليباني في الاحصنة مثل البرادو والبليزر وحتى الاندكروزر 8 سلندر واليوكن شوف الفرق في الاحصنة والسيارات كلها ما عليها زود والتباين كثير يحير المشتري الله يعين والناس لهم رغبات ...........

[الرسن]

اولا اشكر جميع الاحبة اعضاء مكشات على توارد خواطرهم وتباينها في هذا الموضوع فلهم مني جزيل الشكر والتقدير وكلن باسمه ونكه.

كما بودي ان اوضح انني حصلت على معرفة بالشركة وحصلت عرض افضل لكن اللون اللي موجود مشكلة لونه اسود وانا مالي بالاسود كنت مخطط على اللون الذهبي على انه افضل الوان موديلات 2008 ويوم ماحصلناه قلنا نبي لون فضي قالو انتظر وترا السعر يمكن يتغير فانا محتار الاسود في اليوكون زين بس انا لي راي خاص فيه.

معالسلامة

[إبراهيم فوده]

الأسعار تقريباً مع وجود إختلافات بين أسعار الوكلاء :

تاهو
Ls
110000 ريال
Sl 4x4
120000 ريال

Lt
117000
Lt 4x4
127000
Ltz
150000
Ltz 4x4
160000
Z71
171000

( الأسعار قبل أسبوعين )

[الرسن]

الأسعار تقريباً مع وجود إختلافات بين أسعار الوكلاء :



تاهو
Ls
110000 ريال
Sl 4x4
120000 ريال


Lt
117000
Lt 4x4
127000
Ltz
150000
Ltz 4x4
160000
Z71
171000



( الأسعار قبل أسبوعين )


ابراهيم
مشكور وماقصرت بيض الله وجهك بس ياخي انا ابي يوكون ياليت تتكرم باسعاره الله يعافيك.
معالسلامة

[MyName]

نفس الكلام قالوه يوم انقطعت 454.. وطلعت 8100 ولا تزال موجودة ولكن الوكيل لا يوزعها عندنا.. واحد من الشباب قريب لي يدرس في أمريكا شحن سيارة جمس ونيت 2007 2500HD مكينته 8100 وقيره عادي ..
الجمس أو الشفر مهما وصل من نزول السعر فهو أفضل من ألف ياباني.. والجمس معروف ولا يحتاج تعريف.. ويصنع في ولاية وسكونسن في أمريكا..ما يصنع في الصين وتايلند واكسسواراته ملعوب فيها مثل بعض المسخرات الأرضية :)..
والشفر نفس الجمس بس اختلاف العلامات والشكل..
بالنسبة للمصدوم.. أنظمة المملكة في استيراد السيارات تمنع استيراد السيارات المصدومة.. ويتم فحصها في الميناء.. لكن هذا لا يمنع انه يكون فيه سيارة أو سيارتين مصدومات وتباع.. لكن لا يمكن تكون ارسالية كاملة مصدومة.. تقبل تحياتي وعليك بالجمس واترك مسخرة الأرض وخمام الياباني..

اخوي ياليت لو تحسن من اسلوبك شوي وانا لاحظتك شايل على الياباني وبدون سبب ولا على شان معك امريكي ..

ترا فيه ناس معهم سيارات يابانيه ويعشقون الياباني ومرتاحين معها يعني انت الصح على شان معك امريكي !!

ملاحظ اكثر ردودك تهجم على السيارات اليابانيه , اللي جالس تمدح سياراتهم وصناعتهم والله مادروا عنك ...

تحياتي ..

[الهاوي.]

مشكووووووووووووووووووووووووووووور

[مكيشيت]

اليوكون ممتاز جدا ولكن ما ادري عن صرفية البنزين لأن الوالد معه تاهو بدون دبل والله ياهو يشفط البنزين شفط وما ادري عن اليوكون هل هو مثله والا اقل صرفية

[الصايخة]

نقدر نقول انك من عيال الجميح

او تسوي دعاية لهم ؟؟!!

[شلاقي]

عفوا ..بس سبق مريت الوكالة من فترة ,, بالضبط ما أدري كم ؟؟
لكن هذا سعره .. ان كان سياحي وبدون دبل 118

[المرابط]

اخوي ياليت لو تحسن من اسلوبك شوي وانا لاحظتك شايل على الياباني وبدون سبب ولا على شان معك امريكي ..

ترا فيه ناس معهم سيارات يابانيه ويعشقون الياباني ومرتاحين معها يعني انت الصح على شان معك امريكي !!

ملاحظ اكثر ردودك تهجم على السيارات اليابانيه , اللي جالس تمدح سياراتهم وصناعتهم والله مادروا عنك ...

تحياتي ..


وأنت درو عنك اليابانيين

هههههه

[Magellan]

نقدر نقول انك من عيال الجميح

او تسوي دعاية لهم ؟؟!!



الموضوع له سنة كاملة
يعني باقي اسبوعين ويصير تمام السنة
لأنه بتاريخ 7/1/2008

[طالب هدد]

اولا حياك الله يامشرفنا الفاضل
تصدق شافني واحد في الصالة افاوضهم وهم يقنعوني بالشراء قال لاتستعجل.
المهم قعدنا نسولف انا وياه لقيت الرجال طبيب استشاري وقال السيارات هذي اللي تشوفها بالسعر هذا سيارات مصدومة في البواخر ومصلحة في الوكالة فرديت عليه يارجل غير معقول ذا الكلام قال جاك العلم وانت بصير بنفسك طبعا طلبت تفصيل في الموضوع اكثر فاعتذر مني بحجة ان الوقت ضيق.
يعني رمى الكلمة وخلاني تائة وهذا مادعاني اقول اضرب اخماس في اسداس في بداية الموضوع.

اخوي بدوي اذا كان لديك معلومة بهذا الشأن ارجو ان لاتبخل بها علينا خصوصا ماشرت اليه في تعليقك ولك كامل شكري وتقديري.

معالسلامة.


كلام صحيح 100% وحدثت مع احد اصحابي وانا كنت برفقته وفي وقت قريب ايضا

لاكن في التوكيلات العالميه

وهناك قصه ذكرها لي احد المقربين لي بأنه حضر له أحد سواقين شيخ في الطائف وكانت معه بي ام دبليو 2006 جديده وكانت السياره معهم من فتره فرأو الشباب السياره وطبعا كانت على ايامها قبل سنتين فقامو يقلبون السياره ويتفرجون بها وتفاجأ احده بأنه فيه شبهة رش في الكبوت فتأكدو منها فطلع الخبر صحيح ووجدو انه الكبوت مع مقدمة السقف مع رشهما كامل

وطبعا السياره اشتروها بلا عروض ولا كلام فاضي

فطلبو من السائق ان يبلغ عمه ويجعله يرفع على الشركه دعوى

لم يستوعب عمه فأرسل السياره اليهم وقالو له نعم فعلا هذا خطاء حدث ولم يقصد بأن نسلم هذه السياره وان ماحدث للسياره كان في الميناء وذكرو انه وقع عليها شئ من هذا الكلام


وقامو بتغيرها له بأخرى جديده

والصراحه نحن مساكين باغنيائنا وفقرائنا مساكين


ولا والله لو انه انا لأقوم بأرسال رساله الى ايميل الشركه الام ورفع دعوى ضدها

حتى لو لزم الامر ان اذهب اليهم هناك.

واشكرك على طرح الموضوع

[بو خليفه]

اشتر يوكون ولايهزك أحد لكن انتظر بعد 2009م
وإذا كان في ضمان بدون صيانة اشتر أما إذا صيانة لا تشتري السيارة من الوكالة استوردها من أمريكا في حدود 18 - 22 ألف دولار سعره في أمريكا 2008م

[sudyer]

الله يخلف شريناه 136000 و بدون دبل بس اول ما نزل

[ابوريناد1979]

موضوع له سنه ليش رافعينه

[مكشات وبس]

اصبرو شوي ياشباب

[سيف الظفير]

توكل على الله يا الغالي وعسى الله يوفقك ولكن برأيي المتواضع


سعر السيارة غالي بأفتراض ان السعر بعد نزول الاسعار 40%

فيكون


من 145.000 قبل الخصم


الى 87.000 ريال

[زحلطن]

مشكور وما قصرت.....

[قرناس صلا]

الجمس دايما ازين واوسع واريح مركب واوسع من تايوتا ,
وتويوتا تغيرت جودتها وتغيرت اكسسواراتها الى صيني رخيص . ويكفى
ان وكيلها يرفع الاسعار والاسواق فى نزول .
وتويوتا من اول ياخذونه الناس لانها ارخص من الامريكي , والحين راحت الميزة منها ,
وصارت اغلى من جميع السيارات بدون سنع , وتركها ازين.
ومسخرت الارض من الجشع طار سعره ووصل ربع مليون .
اصبر لنهاية الربع الاول من السنة الميلادية. شهر فقط ..
فيه تخفيضات بالطريق ,
المستودعات مليانة والوكلاء
متورطين ,, وخلوها تصدي نجحت ,


وخلوها تصدي