افضل كهربائي سيارات وين

[النجم الهاوي]

السلاااام عليكم ورحمة الله وبركاته

عندي جيب لاندر كروزر جي اكس ار جتني مشكله ان الكهرباء فيها تهريب

ماتجي الا اذا غسلت السياره ،، والمشكله هي اذا طفيت السياره وطلعت المفتاح

تبقى الانوار الداخليه والعه وحتى نور الردايو والمسجل شغال ،، واخرتها قبل يومين وقفت السياره مده يومين

يوم جيت اشغله الا ماتشتغل البطاريه سحبت

ياليت اللي عنده خبره في كهربائي ممتاز بالحيل بالحيل بالدمام

وحتى اذا كان بالرياض اجيه مهب مشكله اهم شئ يعرف وين مكان العله

مع العلم جيت كهربائي مشهور بالدمام عندنا اللي بشارع المزارع قعد ساعه ولاعرف شئ وقال تعال بكره وخل السياره يوم كامله عندنا

وانا خايف يبربس فيها
ولكم جزيل شكري وتقديري

[ولد وايل]

اخي الكريم .. اتمنى انك تلاقي كهربائي ممتاز بالرياض يقولون ورشة دلتا بالصناعيه القديمه وبالسويدي شارع عشرين فلبيني اسمه قطو..
اخي الكريم شيك على الكتاوت حقت الموتر

[ابوعبدالله 2]

السلاااام عليكم ورحمة الله وبركاته

عندي جيب لاندر كروزر جي اكس ار جتني مشكله ان الكهرباء فيها تهريب

ماتجي الا اذا غسلت السياره ،، والمشكله هي اذا طفيت السياره وطلعت المفتاح

تبقى الانوار الداخليه والعه وحتى نور الردايو والمسجل شغال ،، واخرتها قبل يومين وقفت السياره مده يومين

يوم جيت اشغله الا ماتشتغل البطاريه سحبت

ياليت اللي عنده خبره في كهربائي ممتاز بالحيل بالحيل بالدمام

وحتى اذا كان بالرياض اجيه مهب مشكله اهم شئ يعرف وين مكان العله

مع العلم جيت كهربائي مشهور بالدمام عندنا اللي بشارع المزارع قعد ساعه ولاعرف شئ وقال تعال بكره وخل السياره يوم كامله عندنا

وانا خايف يبربس فيها
ولكم جزيل شكري وتقديري
بسيطه اخوي ودي بس تشيك على الأسلاك كله الي بالمكينه ممكن يكون فيها شي مجروح ويسبب عندك تهريب الكهرب واذا تبي كهربائي ممتاز موجود بالرياض بحي المنار بعد اشاره المعارض من جهه الجنوب عند فتحت المديور على ايدك اليمين اسمه علي بمعنا كلمت مهندس تلقاه عنده هذا من واقع تجارب عنده واذا قالك شي لا تجادله لائنه ماعنده الا الصدق وهذا مما رغبن به وبشغله لكن كهربائي بمعنا الكلمه

[qw77]

اخوي النجم اذا كنت سبق ان غيرت قزازة السيارة الامامية فغالبا يكون تهريب ماء بعد الغسيل وينزل على مجموعة الفيوزات اللي على يسار الكلتش ويمكن يكون السبب الثاني انك مركب سله واحد مساميرها ما طبقته زين ويدخل الماء على مجموعة الفيوزات الداخلية اتوقع ان هذا السبب وانصحك انك ما تودي سيارتك لكهربائي الا بعد ما تتأكد من ها النقطتين اللي ذكرتهم لك.

[zmzmz9]

مداخلة:
أخوي أبو عبدالله السلام عليكم ,
وش اسم الورشة وياليت تحدد بأسماء الشوارع الله لا يهينك لأني أنا بعد أدور كهربائي .....وسلامتك.....

[areefi]

اخي الكريم السلام عليكم

افحص غطاء الفيوزات قد تجد الوجه حقه متاكل وتدخل المويه على الفيوزات بعد الغسيل او مع الأمطار وتسبب التماس الفيوزات

وشكر

[النجم الهاوي]

ولد وائل

لاهنت ياليت حددت اسم ورشه هالقطو هذا

ابوعبدالله 2
لاهنت وان شاء الله اذا جيت الرياض بحاول امره


qw77
لا ماغيرت القزازه بس بعض المرات اذا غسلت السياره احس فيه ماء يجي من داخل

ولا اهتميت هالشئ لاني كسول بعض المرات ،، والسله نعم مركب سله واتوقع من هالشئ

ورايح اليوم اشوف وضعها ،، وعز الله نصيحتك في محلها

areefi
اكيد لها سبب في هالشئ

بيض الله وجيهكم واللي عنده زود لايبخل علينا تخبرون الكهرباء مهيب سهله يبي لها واحد

متمكن وفاهم ،، وانا بمر اكثر من محل وبشوف وش رائهم

[hani458]

فيه ورشة الجابري بالصناعيه القديمه بعد ماتطلع من نفق الامير سلمان وانت جاي من مخرج 17 متجه غرب بيجبك شارع على اليمين اضنه اربعين تدبورله من عند الاشاره وبتجيك الورشه بعد 100 م لي دخلته شارع الاربعين على اليسار

[.أبوعبدالرحمن]

اخوي شوري عليك

هو ان السيارة لابد تجلس عند الكهربائي يوم كامل عشان يشيك على الاسلاك واحد واحد


وان شاء الله انه ما هوب مبربس بسيارتك


لانه سبق وحصلت المشكلة عندي وكل ما رحت لكهربائي قال لي لابد ان السيارة تجلس يوم كامل



والله يعينك

[.أبوعبدالرحمن]

http://www.mekshat.com/vb/showthread.php?t=118340

ان شاء الله الرابط يفيدك بالكهربائي

[ولد وايل]

اخي الكريم قطو وانت باتجاه الشرق يجيك تقاطع واشاره تعد الاشاره بيجيك مطب الورشه اللي عاليسار

[ملح الكشتة]

السلاااام عليكم ورحمة الله وبركاته

عندي جيب لاندر كروزر جي اكس ار جتني مشكله ان الكهرباء فيها تهريب

ماتجي الا اذا غسلت السياره ،، والمشكله هي اذا طفيت السياره وطلعت المفتاح

تبقى الانوار الداخليه والعه وحتى نور الردايو والمسجل شغال ،، واخرتها قبل يومين وقفت السياره مده يومين

يوم جيت اشغله الا ماتشتغل البطاريه سحبت

ياليت اللي عنده خبره في كهربائي ممتاز بالحيل بالحيل بالدمام

وحتى اذا كان بالرياض اجيه مهب مشكله اهم شئ يعرف وين مكان العله

مع العلم جيت كهربائي مشهور بالدمام عندنا اللي بشارع المزارع قعد ساعه ولاعرف شئ وقال تعال بكره وخل السياره يوم كامله عندنا

وانا خايف يبربس فيها
ولكم جزيل شكري وتقديري

يا لخي الكريم انتبه منه كاننك تعني اللي بجوار الدفاع المدني واظن اسمه هزاع ( يمني الجنسية )
اذا طلع هو فأبعد عنه ..وكانك تسأل عن ورشة ممتازة ففي وحدة متخصصة جداً بالجيوب أسمها كراج صبيا في الخضرية ..
موقعها أنت توك ما سك خط الجبيل وانت طالع من طريق الملك سعود خلك على الخدمة لا تمسك الطريق العام .. المهم تجيك الورش على يمناك وانت بالخدمة اذا جتك ورشة الملحم لف يمين عشان تصير ورشة الملحم على يسارك ..المهم لف يسار مع أول ملف وامش شوي راح تجيك الورشة على يدك اليمين ( أسمها كراج صبيا )
..... ولا تنسانا من خالص الدعاء .....
وإن بغيت أي مساعدة ترانا بالخدمة .. مع التحية .. ملح الكشتة

[hightech]

السلام عليكم
اذا انت في الرياض عندك كهربائي في صناعية الخليج اسمه

رميش وا حاجة زي كذا بجنب الجامع وتراه مشهور هناك

كان عندي ددسن واللة وكيلك في خلال سنة اللي غيرت

3 بطاريات اللين جيته وصلح المشكلة

انا اقول اذا انت في الرياض واذا

انت في الدمام عندك منهو افضل منه بالتأكيد ولا يحتاج تطق مشوار

واللة يسهل عليك

[النجم الهاوي]

بيض الله وجيهكم جميع على الردود والتفاااااااااااعل

وشاكر اخوي ملح الكشته على وصف الكهربائي اللي في الدمام وبكره بمره لعل وعسى

والله الله هزاع هاليماني بصراحه هو مشهور جيته بس ما ارتحت له لان اللي عنده يساعدونه

كلهم جدد يجون يتعلمون

بيض الله وجيهكم وماقصرتو

[نجم الوادي]

اخي الكريم النجم الهاوي عندي جاكور90 كان به نفس المشكل اللي بسيارك حتى الوكالة واخيرا دلني مهندس كهربائي على ورشة الجابري بالرياض بالصناعية القديمة وماشاء الله هذي رابع سنة والنتيجة عشرة على عشرة

[خيال الغلبا]

الجابري في الصناعية القديمة

لكن مشكلته .. ان اسعاره خياليه

يعني لوطلع الخلل حتى من الفيوز يصقعك بستمائة اوسبعمائة ريال كحد ادنى

[برق بن رعد]

فيه كهربائي ممتاز (زميلي يصلح عنده سيارات الوزير كدلك وأودي وجمس )وأمين جدا وماهو حريص على قطع الغيار حتى يتأكد من الخلل مشكلته انه دايم مزحوم لا زم تتأكد قبل ما تضرب مشوار انه فاضي وهذا جواله0502239470 ومكان الورشة مع الدئري الغربي وجيان على يسارك ومتجه الى الكبري المعلق يجيك على اليمين (مطعم نار مندي ) ادخل بعده يمين شارع مسارين تجيك محطة على اليسار(اظن اسمها عصمان) الورشة داخل المحطة

[ابوعبدالله 2]

ولد وائل

لاهنت ياليت حددت اسم ورشه هالقطو هذا

ابوعبدالله 2
لاهنت وان شاء الله اذا جيت الرياض بحاول امره


qw77
لا ماغيرت القزازه بس بعض المرات اذا غسلت السياره احس فيه ماء يجي من داخل

ولا اهتميت هالشئ لاني كسول بعض المرات ،، والسله نعم مركب سله واتوقع من هالشئ

ورايح اليوم اشوف وضعها ،، وعز الله نصيحتك في محلها

areefi
اكيد لها سبب في هالشئ

بيض الله وجيهكم واللي عنده زود لايبخل علينا تخبرون الكهرباء مهيب سهله يبي لها واحد

متمكن وفاهم ،، وانا بمر اكثر من محل وبشوف وش رائهم
اخوي وانت داخل طريق خريس من جهه الغرب تجيك اشاره المعارض ادخل من عنده يسار امش على طول تجيك اشاره تعده يجيك مديور على يدك اليسار لا تدخل معه الكهربائي على يمينك اسمه علي احسن ما فيه انه صدوق والكهرب ما تعوق معه

[اسهيل]

السلام عليكم
اخوي في كهرباء ممتاز في الصناعية القديمه في الرياض عندما تجي مع شارع الاربعين و جهك غرب بيجيك الضحيان يمينك لف من عنده يمين بيصير يمينك الضحيان بيجيك تقاطع اتجه سيده ااطع الثاني شفه في الزاويه الي يسار اسال عن شخص اسمه (حزام) يماني اذا مالقيته لا تجيهم خلك ماشي الين تلقى شجره في جنبه يماني في الزاويه اسمه يحيى على يدك اليمين

[النجم الهاوي]

لاهنتو جميع

واقرب فرصه بمر كذا واحد لين اتاكد

مابي اتعبث بالسياره

بيض الله وجيهكم جميع

لاخلا ولاعدم منكم

[تايتد]

اخوي النجم الهاوي/ تحيه طيبه
مشكلتك حصلت مع صديق لي حسب ماذكرت وتعب وهوخلف الكهربائه وكان السبببببببببببببببب
جهاز الامان المركب على السياره ضد السرقه هو السبب الرئيسي بالمشكله
اذا كان مركب جهاز افحصه او افصله وجرب 0000 والله يعينكككككككككككككككك

[ابن بدران]

الجابري في الصناعية القديمة

لكن مشكلته .. ان اسعاره خياليه

يعني لوطلع الخلل حتى من الفيوز يصقعك بستمائة اوسبعمائة ريال كحد ادنى

إي والله صدقت وأنا أشهد

أخوي النجم الهاوي رح لأي كهربائي ينصحونك الربع به إلا الجابري
والله ياعليه غلاء ماهوب طبيعي على قل سنع

مرة جبت له باترول 95 بخاخ ابيه يرهم لي طرمبة بنزين حقت امريكي
قال ب(700) ريال ؟؟
قلت الطرمبة بأقل من (200) ولا فيها فك تانكي ولا شي ...الزيادة على ويش ؟؟
قال حقت التشبيك والتركيب والفيش وفحص الكمبيوتر
قلت ما ابي منك الا تركبها وتشبكها بس وباخذ السيارة على ضمانتي
ولو خربت ماراح ارجع لك
قال خلاص ب(600) ؟؟؟

الظاهر انه يحسب الناس مهابيل ولا يعرفون !!؟؟

قيمة الطرمبة وكالة من الحمراني ب(600) ريال والتركيب ماهنا أسهل منه
4 مسامير كبارغطاء الشنطة
و8 مسامير صغار غطاء التانكي
وشبك فيش الكهرب ما تاخذ نصف ساعة

والمعذرة على الإطالة