أخواني المكشاتيين... ما خاب من استشااااااااااااااااااااااار...؟!؟!؟!؟

[صقرالعرب2007]

السلام عليكم و رحمة الله و بركاته...

أخواني المكشاتيين بسراحه لا أستغني عن ءآرآئكم وانا اليوم جاين (تراي قصيمي:D ) أشاوركم...

أنا سيارتي جيب إيسوزو تروبر نفس الي بالصوره




http://www.mekshat.com/pix/upload02/images57/mk66885_100_0631.jpg




بسراحه نفسي بشروكي معجبني و فيه ناس يقولون لي خلك على قردك لا يجيك أقرد منه... ونا س تذم الشروكي و بقولون خرابات و قطع غيار ناااار و حراره...إلخ وناس تقول القراند هو الي دايم يخرب عليك و العادي نادر ما يخرب...
ونا بسراحه محتااااااااااااااااااااااار:confused:

ورايكم على العيييييييييييييين و الرااااااااس

لا تردوني:no:

الحين الله لا يهنيكم قصدي الله لا يهينكم أبي شوركم بالشروكي..؟!؟!؟!؟ ءآخذه ولا لا؟ و هل فيه أحد جربه وإنلزع منه؟

وجزاكم الله عني كل خييييييييييير

[ابوعبدالله 2]

هج من الشروكي بسرعه وانتبه اتوهق والله ان تعرف كل الورش وان تطلع ميكانيكي غصبن عنك نصيحه لو يهدونك اياه جديد قل خلوه لكم

[الكونترولCONTROL]

الشيروكي !!!!!!!!!!! سيارة لا يعلى عليها
==============
==
==
======
===
==
======
==
==
بالنكد و القرادة ....
هج عنه مرررررررررررة .... و الايسوزو موتر ما به عيوب

[مساير الليل]

أخوي والله ماتكلم من فراغ أو من جهل

الوالد كان عندهـ شروي 96شاريه مستعمل نضيف على وقته والله العظيم كل ماطلع في عز القايله

يطفىء عليه بهذله وكل يوم مدخله للوكاله ولم يتم 9 شهور ألا تم بيعه بعد أن طلع الشب في راسه

هذا شروكي كلاسيك العادي


أخوي شراء قراند شروكي 94

ونفس الحاله وخرابات وبهذله قال يمكن الأنه أستخدام أمريكي

فباعه وشراء 98 والله ولي رفع سبع تقريبا كل شهر يحط في السيارهـ 1000 ريال إلى 1500 ريال

وتم بيع السيارهـ بعد ماتعطلة وتكلفة تصليحها 8 ألف ريال وتم بيع السيارهـ وهي على حالتها


نصيحتي الأسوزو أبرك منه وتراهـ صبور بحكم تجربة

[عاشق السيل]

وعليكم السلام ورحمة الله وبركاته ،،

قاعدة عامة : (( الياباني أفضل من الأمريكي بكل شي ))

لكن أقولك إذا لقيت شروكي نظيف جدا ومع واحد تعرفه وقيره عادي وموديله مايقل عن 2003 يعني توه ماجاه كرف وبشرط إنك تحافظ عليه وتهتم فيه وأي خراب على طول تصلحه وتراعيه أول بأول ولا تزره بالبر ،، أقولك إشتر وتوكل على الله تراه يبي يطربك بالبر ويخليك تستااااااانس بقوة العزم !!

بس أهم شي لاتقرب الجراند شروكي تراه ماينفع إلا جديد من الوكالة وحده سنتين !!!!

غير كذا خلك على الياباني بكل أنواعه إلا السزوكي لأن كلتشه يحترق بأدنى سبب ،،،

والله يوفقك لكل الخير وتقبل مروري يالغالي ...

[صقرالعرب2007]

أخواني أبو عبدالله , الكنترول , مساير الليل , عاشق السيل...

يشرفني مروركم وءآرآئكم على العين والراس...

أنا استغربت والله غريبه ما توقعتكم بتقولون كيذه عن الشروكي ولا 1%!!!
أثر إني مغبون فيه...

تسلمون على المروووووووووووور

[الساهر2003]

اخوي في الرياض وبشكل ملفت لنظر الشروكي يعاود الظهور في فصل الشتاء بعد الترميم والاصلاح واغلبه كثير اعطال وقليل من الناس يمدحه ولا خالف معه ولكن اظاهر انك حنيت لصناعية والورش لان الياباني من زمان ماوداك لها وان شاء الله مايوديك ابد والسوزو ماشاء الله سيارة لكنه هجين ابوه ياباني وامه امريكية ولكن طيب وحبوب ووكيله هو اللي دامره

[يزيد_1977]

والله يابعد روحي السياره دامها من واحدماتعرفه يعني مستعمله ماانصحك فيها لكن اذا السياره جديده ماعليها
واحد من اخويانا معه شيروكي 98 سبورت ولكنه معه مثل الحلاوه الله يبارك له بموتره ويعطيه خيره بس الرجال مداري موتره لكن اغلب اللي بالسوق مع شباب مراهق وطايحين بالمواتر تفحيط وتطعس ولاهم بلشانين فزبدة الكلام اذا السياره ماهي وكاله لاتقربها الا اذا من رجال تعرفه زييييييين زييييييييييين

هذا اللي عندي وسلامتك

[مـدحـدر]

فيه شوركي 98 سياحي سعودي للبيع نظييييف ببريدة

وفيه جيب باترول 92 م سلقه للبيع اربع ابواب مكيف واحد بدي الوكاله نظييييييييف

[شروكي ربع]

واحد من اخويانا معه شيروكي 98 سبورت ولكنه معه مثل الحلاوه الله يبارك له بموتره ويعطيه خيره بس الرجال مداري موتره لكن اغلب اللي بالسوق مع شباب مراهق وطايحين بالمواتر تفحيط وتطعس ولاهم بلشانين




هذا الكلام ..


اذا حصلت النظيف فخذه ولا تشاور ..


الشروكي موتر مكده بحق , وقوي ويستحمل ..

و6 سلندر يعني عزمه مايحتاج ..

لكن يبيله واحد يراعيه حاله حال المواتر الثانية ..

بعض الناس يسمع الشروكي قوي وعزم ويروح يشتريه ويفجره فجر ويخرب عليه ..


ثم يرجع ويقول الشروكي خرابات والشروكي ماينبغى ولا بريال ... الخ


وكل شخص وله قناعته ..


اهم نقطة في الشروكي غير قوته و مواصفاته الجبار في البر الا انه ,


ارخص دفع رباعي بالسوق ويجاري الربوع في مرقاه و تحمله ..

قارن الربع ابو 100 الف والشروكي ابو 30 الف وراح تعرف الفرق ..


طبعا لا يجي واحد يقول الربع ما يخرب ولا يطلب ولا تشتكي ولا .. ولا ...


باقول لا تقارن 99 او 2000 بـ 2007


ونصيحة اخيرة اشتر النوع العادي ليس القراند ..


والموديلات من 97 وحتى 2001

هذه افضل ما صنع في الشروكي حتى الان ..


وميزته بقلة التقنية فيه و قوته وتوفر قطعه بكثرة ورخصها ..


والله يوفقك بالموتر اللي يريحك ..

[yahoo]

ابي اقول العيوب الي فيه بس الا خوان ما خلو شي

[أبو يوسف]

من واقع تجربه : الشروكي بيبهذلك ، وإذا كنت راعي سفر من القصيم للرياض بتوقف 3 مرات على الأقل إما حمو طرمبة أو فلتر أو كتاوت وأنت ماشي
في الصيف حرارته ناااار اللهم يا كافي
بتتسدح تحت الموتر باليوم 3 مرات تراقب تهريب الزيوت ولا لها حل

الشروكي باختصار يصلح لواحد برهم قريب مثل أهل القصيم + عنده ورشه أو ورشه لخويه ، أما مشاوير بعيده صمان ودهناء فما ينغزابه إلا إذا كان معك أكثر من موتر
أنا قلت تجربتي ولا يمدح السوق إلا من ربح فيه
تحيتي

[صقرالعرب2007]

حقيقه أخواني كل من مر من هنا و أدلى برأيه لساني عاجز عن شكركم و جزاكم الله عني كل خير...

بالنسبه أخواني للممشى ألا حظ أغلب الي بالسوق ممشاها 140 ألف ميل ونت طالع ما حصلت أقل..؟!

أحس الـ 140 ألف وااااجده... كلامي صحيح ولا لا؟

[.أبوعبدالرحمن]

شوري عليك خلك على السوزو اللي معك



وخل منك وجع الراس


والشروكي حضوض والاغلبية مبهذلة


ويا ابن الحلال خل قريشاتك بمخباك وخلك على السوزو

[المكشات]

لا يهمونك ..


ما أزيد على كلام أخوي شروكي ربع


أنا معي 2000 و الله و ماشي واجد .. لكن ما ركبت موتر يطرب مثله

و يتحمل و صبور و خفيف و عزم خصوصاً بالنفود شي عجيب


بس دور النظيف ولو تدفع زود .. و اهتم به شوي من ناحية الزيوت و التشييك المستمر - كل شهرين مثلا -