كلتش الباث

[عبدالرحمن السالم]

السلام عليكم .. وأسعد الله مسائكم بكل خير

ياجماعه الخير فيه احد منكم يعرف ورشه مضبوطه لكلتش الباثفندر 2005 انا شيكت عليه قبل فتره وقرب على الانتهاء وهل الدبل له صحن او قرص تنتهي او تحترق وتتغير مع الكلتش ؟!
لان قالي ان صحن الدبل او قرص الدبل يبغاله تغيير مع الكلتش؟! بصراحه مستغرب من الشى هذا
اتمني منكم الافاده ولكم منى جزيل الشكر

أخوكم / دحيم

[4800VTC]

["]حدد موقعك يا دحيم عشان يفيدونك الشباب[/]

[عبدالرحمن السالم]

انا بالرياض ياطويل العمر ولاهنت يالعزوه

[لبرتي]

طيب ليه ما تمر لك أكثر من ورشة يكون أفضل

[عبدالرحمن السالم]

والله مريت اكثر من ورشه بس قلت مابى ادخل السياره على ورشه ولايضبط الشغله قلت يمكن الرجال إلى مثلك وشرواك يعرفون لهم ورشه مضبوطه آمن لى وحتى يكون بالي مرتاح
لاهنت يالغالي " لبرتي "

[سنجااار]

فيه ورشه يقاله ورشة الثميري تخصص جيوب ويمدحون الربع والي يفحص السياره سعودي يفحصلك الموتر ويعلمك
وش الي به
وتراه بمخرج 17 واذا بغيت وصفه اسأل الشباب وبيفيدوني
ان شاء الله
نصيحه
لا تشتغل ألا بورشه معروف شغلها

تقبل مروري

سنجار

[خبراوي]

انا قد غيرة كلش للباث وماغيرة الا كلش واحد الي هو كلش ودزق وفحمه ومافيه كلش للدبل ماعليك منهم واذا تبي اتاكد روح للوكاله واسألهم

[عبدالرحمن السالم]

هلابك سنجار والله يجزاك ألف خير وماقصرت أبسأل ان شاء الله اذا رحت له

[عبدالرحمن السالم]

هلابك خبراوي والله ابى امرهم اسألهم
وانت وين غيرت الكلتش .. ياخي ماش الكلتش حق الباثفندر بالنفود خاصه ولا شى على طول تفوح ريحته ما ادري ليه والا بالبر والروحات والجيات ابد ما اشم له ريحه بس لامني طعست ولا اطعس هكا التطعيس إلى يذكر يعني على خفيف مع كذا تطلع ريحه .. ما ادري له حل والا شى؟

[خبراوي]

انا غيرته بالخبر عند ترايستار 500 ريال غالي بس شغل نظيف

وبالنسبه للريح ماعليك منها لازم تطلع اذا احتر الكلش

انا ماغيرته الا يوم قام يحبس الكلش يعني حلله وبعدين غيره

[سيد النشاما..]

دحيم آخر لفة



هلابك خبراوي والله ابى امرهم اسألهم
وانت وين غيرت الكلتش .. ياخي ماش الكلتش حق الباثفندر بالنفود خاصه ولا شى على طول تفوح ريحته ما ادري ليه والا بالبر والروحات والجيات ابد ما اشم له ريحه بس لامني طعست ولا اطعس هكا التطعيس إلى يذكر يعني على خفيف مع كذا تطلع ريحه .. ما ادري له حل والا شى؟

أخوي تأكد من الكلتش لاتغير شي مابرح زين

وبعدين أن كانك تبي العلم قبل ماتروح الورشة شف فزة الموتر
أن كان فزته قوية مثلا : يفحط بالثالث وبالراحة فالكلتش عندك زين ويمشي حاله
و الريحة اللي تطلع .. عندك كثير من الحالات نذكر حالتين يمكن تصيب واحدة منها
1-يأتي شخص ويدخل النفود ويتمشى على راحته ثم لا بدأ الطعس يمسك الموتر ويتراجع عزمه
يدعس على البنزين (والقير بنمرة ضعيفة). يبغى السيارة تتعدى التغريزة ولكن هنا الحالة تفوح ريحة الكلتش >بسرعة فائقة
2-أو أنه يمشي ويطعس بالنفود وتبقى رجله راعصة شوي للكلتش فهنا تخرج ريحة الكلتش
أتمنى أن المعلومة وصلت يالطيب

[الساهر2003]

ياخوي حاول قدر الامكان انك ترفع رجلك عن الكلتش بالمرة والسيارة جديدة ماشاء الله كثير من السيارات مديلها 97 وجيوب تونا نغير كلتشها والكلتش واحد لا يوجد كلتش لدبل واسهل طريقة لمعرفة الكلتش زين اولاء حط الموتر بالاول وشغل اذا فز فزة زينه فالكلتش سليم
مع اطيب تحية

[عبدالرحمن السالم]

انا غيرته بالخبر عند ترايستار 500 ريال غالي بس شغل نظيف

وبالنسبه للريح ماعليك منها لازم تطلع اذا احتر الكلش

انا ماغيرته الا يوم قام يحبس الكلش يعني حلله وبعدين غيره

يعني السعر حليل دامه بـ 500ريال صحيح غالي بس يعني انا حسبه اكثر
ابشرك وديت السياره لورشه وصفلي اياها واحد وفحصه طبعاً مافك ولا شى والحمد الله يقول مافيه اى شى

الله لايهينك ياخبراوي وماقصرت ياعزوتي

[عبدالرحمن السالم]

دحيم آخر لفة



أخوي تأكد من الكلتش لاتغير شي مابرح زين

وبعدين أن كانك تبي العلم قبل ماتروح الورشة شف فزة الموتر
أن كان فزته قوية مثلا : يفحط بالثالث وبالراحة فالكلتش عندك زين ويمشي حاله
و الريحة اللي تطلع .. عندك كثير من الحالات نذكر حالتين يمكن تصيب واحدة منها
1-يأتي شخص ويدخل النفود ويتمشى على راحته ثم لا بدأ الطعس يمسك الموتر ويتراجع عزمه
يدعس على البنزين (والقير بنمرة ضعيفة). يبغى السيارة تتعدى التغريزة ولكن هنا الحالة تفوح ريحة الكلتش >بسرعة فائقة
2-أو أنه يمشي ويطعس بالنفود وتبقى رجله راعصة شوي للكلتش فهنا تخرج ريحة الكلتش
أتمنى أن المعلومة وصلت يالطيب

هين الموتر يفز على طول بس إلى خلاني اشك القير بعض المرات يالله يالله يمسك معي عشان كذا شكيت ان الكلتش فيه شى
انا تطعيسي خفيف ولاني ادبل الكلتش
والله يجزاك ألف خير أخوي سيد النشاما وعز الله انك اسم على مسمي ولاهنت

[عبدالرحمن السالم]

ياخوي حاول قدر الامكان انك ترفع رجلك عن الكلتش بالمرة والسيارة جديدة ماشاء الله كثير من السيارات مديلها 97 وجيوب تونا نغير كلتشها والكلتش واحد لا يوجد كلتش لدبل واسهل طريقة لمعرفة الكلتش زين اولاء حط الموتر بالاول وشغل اذا فز فزة زينه فالكلتش سليم
مع اطيب تحية

والله يالساهر اني ما احط رجلي على الكلتش ابد بس مع الزره يمكن تفوح الريحه والا ابد والله رجلي ماحطها على الكلتش ابد
ياعزوتي والله هالوجهه ماقصرت يالغالي
والكلتش فحصته والحمد الله مافيه الا العافيه بس زي ماقلت القير بعض الاحيان مايمسك صح وأمره بسيط ان شاء الله قالي راعي الورشه طبيعي وراح يرجع مثل اول ان شاء الله