نيسان اكس تيرا وش رايكم فيه

[طخيمان]

يا جماعة الخير انا سألني واحد من الشباب عن الاكس تيرا وقالي تكفى اسأل في مكشات وشف وش يقولون لك فودي أسألكم عن ايجابياته وسلبياته ووش رايكم فيه من جميع النواحي ولكم جزيل الشكر

[أشيقراوي]

والله بالنسبة لي شكلها مب زين الصراحه

ولكن من ناحية العزم والقوة فهي قوية بس مشكلتها كما ذكر واحد من زمان

في احد المنتديات

انها مصممة امريكيا فكانت المروحة على كلامه انها لا تبرد زين على المكينة

ولكن الله اعلم


بس من ناحية الشكل ,, ما جازتلي

[طخيمان]

أشيقراوي

مشكور اخوي على المرور ومنور الموضوع يا بعدي

[alkongrs]

شف هذا خويي ولد عموه يشتغل بالحمراني وعطوه الجيب وطلعبوه للبر والله يهو عذبوه تعذيب بس يقول موتر واذا بغيت اسعاروه اجيبهن لك بس ابي اتاكد ازياده واردلك خبر

[قرم الغييثات]

يا ابن الحلال شكله داج وعزمه داج وما ينفع للبر خذلك باثنفدر احسن شكل واقوى

[.أبوعبدالرحمن]

اتراجع عن ردي


لانه راح بالي بالاكس تريل


والرجال يسأل عن الاكس تيرا


وبالنسبة للاكس تيرا جربه احد الزملاء يعمل بالحمراني والصراحة يمدح عزمه فقط


والباقي ما مدحه

بعني الشكل احس فيه نوعا ما من البياخه

ايضا المقعد الخلفي ضيق بشكل ما تتخيله

ايضا قطع الغيار ناااااااااااااااااااااااااااار

ايضا غير مريح بحكم انه سست من الخلف

وسعره مبالغ فيه جدا جدا جدا جدا جدا جدا

واتمنى انه يستخير

[نبع الدموع]

اخوي طخيمان انا لقيتلي اكس تيرا 2004-2003 بـ 33 الف نظيييييييييييف
بغيت انهبل علية (اسم الله علي) و شاورت خوياني في العمل عنة بالايميل
و هالكلام من حول سنة و الله ما جلست شوي الا و اتصالات تجيني من رجال
و الله ما اعرفهم و كل واحد من جنب يقولي انحش و لو الايميلات عندي كان حطيتها بردي

لاكن اخبرلي غامدي اتصل علي قالي انا في اول سنة من فكيتة وكالة خرب
علية مرتين و جلس في صيانة الشركة حول الشهرين في المرتين على كلامة
ان الموتر من تحت قواطي بيبسي و القطع ماهي متوفرة و ان توفرت
تلقى اسعارها نااااااار و باع موترة في نفس السنة بنص القيمة لان مالة قيمة في السوق.

[ابوقاسم]

اخوي طخيمان انا لقيتلي اكس تيرا 2004-2003 بـ 33 الف نظيييييييييييف
بغيت انهبل علية (اسم الله علي) و شاورت خوياني في العمل عنة بالايميل
و هالكلام من حول سنة و الله ما جلست شوي الا و اتصالات تجيني من رجال
و الله ما اعرفهم و كل واحد من جنب يقولي انحش و لو الايميلات عندي كان حطيتها بردي

لاكن اخبرلي غامدي اتصل علي قالي انا في اول سنة من فكيتة وكالة خرب
علية مرتين و جلس في صيانة الشركة حول الشهرين في المرتين على كلامة
ان الموتر من تحت قواطي بيبسي و القطع ماهي متوفرة و ان توفرت
تلقى اسعارها نااااااار و باع موترة في نفس السنة بنص القيمة لان مالة قيمة في السوق.


اخوي انت تتكلم عن الاكس تريل
والاكس تيرا توها نازلة 2007 ومحركات السيارة قوية وجهاز تعليقها الخلفي عبارة عن سست يعني السيارة معدة للمهمات الصعبة ومنافسة قوية لسيارات عريقة وذات تحمل قوي
واغتقد احد الاخوة منزل موضوع عن مقارنة بينها ومجموعة من السيارات وتفوقت عليهم
واشوف لك الرابط وان شاء الله الاقيه
تحياتي

[طخيمان]

ألف ألف شكر لكم على التفاعل وننتظر اشباب الباقين

[كاشت وحداني]

اشتر لك جيب سفاري ولو مستعمل اطلق من اي جيب ثاني في النيسان كله.

[التسعاوي]

اعتقد ان فورتشنر 6اسطوانات افضل من جميع النواحي

[العبقري سابقا]

السلام عليكم

فيه ناس لخبطت بين الاكس تيرا وبين الاكس تريل (وهذا أصغر حجم) وكلهم من نيسان

الأولى نفس مكينة الباثفياندر الجديد ولا نزل عندنا إلا هالسنة 2008م

وتعتبر بالخارج من أفضل سيارات البر في فئتها وأذكر سبق أن أطلعت على مقارنة عملتها مجلة أمريكية متخصصة بينها وبين Fj وبين جراند شيروكي وبين همر H3 وفازت هي وكانت النتايج زي ما أنا رتبتها

طبعا أحكي لك لأني كنت أفكر فيه

واللي ردني عنه، الموتر حلو للي يهتوي البر دايم لكن أنا رجال أبي شيء خطوط وأحياناً بر من ناحية الفخامة الداخلية والشكل العام ومناسبته للعائلة ولذلك فضلت الباثفايندر مع أنه أغلى

سعر الاكستيرا عند الحمراني تقريبا 102 والفل 109 طبعا اللي يقول لك غالي معه حق لكن هاتي لي سيارة دفع رباعي محترم أقل من 100 في هالوقت ما راح تلقى للأسف

وكان هنا موضوع لواحد من الأخوان جربه أبحث عنه أيضا بامكانك تجربته من عند الوكيل بمجرد زيارتهم ولا لهم منة عليك لأني أكتشفت أنهم مغصوبين عليها من برا

أتمنى أكون أفدتك

تقبل تحياتي أخوك
العبقري سابقا

[مساير الليل]

أنا جربته عند الوكيل الصراحه السيارهـ عزمها خيااااااال قويه مرهـ

واسعارها من 92 ألف إلى 108

[ابوقاسم]

http://www.mekshat.com/vb/showthread.php?t=107208
اخوي شوف هالرابط عن التجربة المذكورة والمقارنة بينها وبين مجموعة من السيارات

[طخيمان]

انا من اللي جربوه موتر هادي مريح وعزم جبار لكن عيبه دبل كهرب ولا ادري ليش الناس يعيبون الدبل الكهرب اللي يدري تكفون يعلمنا وسؤال لملاك الباثفندر الجديد من ناحيت قوة المكينة وصرفيتها وهل الحرارة ترتفع معهم ارجو الاجابة واعتذر عن الاطالة

[salehhd]

السلام عليكم

كانت لي تجربة مصورة للاكتسيرا في هذا الرابط

تجربتي المصورة للمغامرة NISSAN XTERRA (http://www.assayyarat.com/forums/showthread.php?t=117546)


وايضاً السيارة اخذتها من الوكالة للتجربة من يوم الاربعاء وهي لدي اليوم سأقوم غداً بارجاعها

وكما قلت في موضوعي عن التجربة انها سيارة شبابية من الدرجة الاولي وتصلح للعائلات الصغيرة فقط

بالامس جربنها مرى اخرى في شاطئ نصف القمر واستطعها بعد انزال الضغط الى 15 طلوع القص المعروف في هاف مون من القاعدة تقريباً

وجربة احد الاخوان من الرياض صاحب فورنتشر 6 سرندل وانبهر بعزمة الجبار
6 اسطوانات 4 لتر (نفس محرك الباث الجديد ) 291 حصان ونظام الدفرنشات نفس الباترول

اذا كنت تريدها سيارة عائلية فلا انصحك وارى ان تتوجة للفورنتشر 6 سرندل او باجيرو
اذاكنت تريدها سيارة مهمات وشبابية فهي خيار ممتاز

ولا تنسى تذكر صاحبك بالاستخارة
بالتوفيق

معلومة
في الرياض يوجد سيارة تجربة لدى الوكيل قير عادي 6 نمر وتقدر تجربها

[alkongrs]

يخرب التروس الكهرب اذا فصلتوه ما تدري انوه فصل ولا لالا

[طخيمان]

مشكورين يالربع على الردود والله لا يهينكم