ياااااااااااااا أهل البليزر

[&أبوخالد&]

السلام عليكم ورحمة الله وبركاته
موضوعي اليوم عن البليزر
ليه أمكن ثلاثه شهور وأنا أدور بليزر في جده
طبعا في الحراج ماااااافيه مره
بس المشكله أنه أذا حصلت يكون سعره فوق 10000ريال
والبلاء أنه موذيك النظافه بس
المكينه تكون 350 أغلبها


لاكن سوالي وش السر في غلا سعرها الغير معقول
لهذي الدرجه يكون سعرها فوق
ياليت تذكرون لي مميزات وصفات هذي السياره العجيبه
الموديل من 80إلين 90


ملاحظه /أمس أخر شي حصلة سعره عشرين ألف
ياليت أحصل ردور وإجابات شافيه عشان لمن أخذ بليزر غالي ماتحسر عليه
وإلي يبغى بليزر يقولي أدور له في جده
إن شاء الله يكون موضوعي في محله الصحيح
تحياتي

[SilverSniper]

فعلا البليزرات الأيام هذي ارتفعت أسعارها وبعضها وصل 28 ألف..
البليزر من موديلات 76 إلى 91 يجي بالشكل هذا..
http://z.about.com/d/4wheeldrive/1/0/4/Q/1/John_OH_87ChevBlaz_RR.jpg
تجي بعدة محركات..
تجي 8 سلندر 305 وتجي 8سلندر 350.. وتجي 8 سلندر 400.. وتجي 8 سلندر ديزل..
ويقبل تركيب مكينة 8 سلندر 454..
ويجي قير عادي بورج وارنر.. أو توماتيك H350.. أو اتوماتيك H400.. أو اوتوماتيك H700R4..
الدبل يجي حديد تروس أو حديد جنزير..
يميز البليزر قوته.. ومتانته وعمليته وصبره وتحمله.. سهل الصيانة ورخيص القطع ومتوفر.. يقبل التعديل بأي شكل كان.. تعديل المحرك.. تعديل القير .. تعديل الدفرنس .. وغيرها.. وقوته تأتي في المقام الأول.. ومن جربه يعرف أنه لا يجاريه في القوة أي جيب.. يعيبه وزنه الثقيل..
دفرنساته حديد.. الشاصي حديد.. القير حديد.. الدبل حديد.. البودي حديد.. حتى الديكورات الداخلية حديد..
بالنسبة للتعديل.. تستطيع إذا كان معك بليزر.. أن تحوله من أوتوماتيك إلى عادي والعكس.. أن تغير نسبة تحويل الدفرنس.. أن تجعل محرك 350 الذي يعطيك 220 حصان بالتعديل يعطيك 450 حصان.. تستطيع رفعه.. تستطيع اجراء أي تعديل دون أن تضر بالسيارة..
ان شاء الله أكون أفدتك.. تقبل تحياتي

[&أبوخالد&]

شكراً لك أخوي ماقصرت

[escape_man]

شف ياطويل العمر

ابو عبدالله ماقصر وكفى ووفى

لكن لا تنسى ان هالمواتر قديمة .. فعلا كثير من قطعها متوفر ولكن ايضا في اشياء حساسة ماتلاقيها الا بطولة البال والتدوجي بالتشاليح ولا تطلبها من الوكالة واذا رضو عنك جابوها بعد شهر...

مواتر عمارها على 20 سنة ولا بد من مالكها اذا عمره بالثلاثين يزود هالمقدار على عمره حتى يتمتع بالرزانة وبالصبر ... ماتنفع للمطافيق.

مواتر قوية وعزم جبار لكن يبي الركادة ... تقول مهوب رادني هالجرف ولا هالطعس .. انا معك لكن لا تندب حظك لا تنثر ترى العمر له احكام.

من طاح في حبها مالقاله علاج فتنق محبوبك ولا يطيح بكبدك موتر تعافه وتعاف عمرك

اسعارها من 81 الى 91 وهي المرغوبة تدخل في معدل 15000 ريال واظن الان ارتفع لان راعي هالصنف مايفك مصدر ادمانه بسهوله ..

عند شراتك انتبه ... اقول انتبه وشيك الشاص من الصدام للصدام وركز على محل السست الامامية وتحت الراكب والسواق وتفقد اثر اللحام.

كثير من الناس يكهرون البليزر والا ذكر عندهم قالو وش الله حادك على القرمبع ( بحجة كثرة خراباتها) ولكن السر يكمن ياحبيب قلبي في اكرامك لهالموتر ... اذا تركب اصلي وماتقول موديل قديم ومايستاهل فابشر بصبر يفوق صبر منتجات تويوتا .. واذا كل شغلك تقليد فالله يعينك تدورلك بكل طلعة سطحة تشيله وترجعه.

هذا والله اعلم وتقبل تحياتي

[VASH]

السلام عليكم ورحمة الله وبركاته.

الله يعطيكم العافيه يا شباب كفيتوا و وفيتوا و ماقصرتوا. والله انا لي فتره بعد ادور لي على واحد, ولكن مالقيت. تكفون ان كان احد يخبرلي واحد نظيف بحدود 15000 الى 20000, تراي -ان شاء الله- شراي.

0556611640

و مشكورين مسبقا".

[&أبوخالد&]

escape_man (http://www.mekshat.com/vb/member.php?u=10578)
شكراً أخوي وماقصرت
VASH (http://www.mekshat.com/vb/member.php?u=42171)
أبشر يا خوي أنا من الصبح أدور في ذا الورش
أذا حصلت لك شي بدق عليك

[VASH]

ما تقصر و رحم الله والدي و والديك و الحاضرين

[&أبوخالد&]

وين أهل البليزرات

[جلاد الصحراء]

في ضل ارتفاع الياباني مالك الا الامريكي

[بليزر اسود]

من طاح في حبها مالقاله علاج فتنق محبوبك ولا يطيح بكبدك موتر تعافه وتعاف عمرك

والله إنك صدقت اخوي المشكله في حب هذي السياره وتوصل لمرحلة عشق......

اخوي الجنوبي اليوم مريت وشفت بليزر اسود موديل 82مكينه 454شكله نظيف مكتوب عليه معدل وكلف بالتعديل 19الف ريال وقطع غيار اصلي جابها من امريكا والقير اتوماتيك ولكن ارضي المهم معدل يأشياء كثير ولكن سعره من الأخير 35الف ريال إذا تبغى تشوفه راسلني على الخاص شوف ما اعرف صاحب السياره ولكن لقافه وقفت وشفته :)

[بليزر اسود]

محرك 350 الذي يعطيك 220 حصان بالتعديل يعطيك 450 حصان..........................


بارك الله فيك اخوي كيف اعدله ويعطيني 450حصان والحمد لله الي عندي عزمه من احسن مايكون تنصحني اعدله

ولكم تحياتي

[بليزر اسود]

محرك 350 الذي يعطيك 220 حصان بالتعديل يعطيك 450 حصان......

انا عندي المكينه 350والحمد لله قوتها اكثر من ممتاز هل تنصحني بالتعديل

ولك تحياتي

[&أبوخالد&]

يا أخوان أبغى مشورتكم
حصلت بليزر 88 مجدد ومفحوص
لونه أزرق وكحلي
مكيف شغال مرفع
وعليه كفرات عريضه
مكينه 350
قير تماتيك
الديل مو شغال يبغاله عمود حق دبل
أنا عندي العمود موجود عندي في البيت واحد من زمان
يبغى فيه 90000ريال

يستاهل السعر هذا

[بليزر اسود]

اخوي جنوبي اهم شي تتأكد القير 700ولا وانه الشاص مومظروب وغير كذا السعر ممتاز جداً والله يبارك لك فيه ويعطيك خيره ويكفيك شره


ولك تحياتي

[مفرق النجوم]

اخوي انت تقول 9000ولا 90000انبلف مخي ترى
اذا بتسه ودبله يبي شغل بسيط جنزير مثلا عمود بس ولاهو مخبط اتوقع ان سعره زين

[&أبوخالد&]

أسف أقصد 9000ريال

[مزاااجي300]

البليزر اتحدى فيه جميع السيارات المماثله من نفس الفئه

سياره والله جباااااااااره لأبعد الحدود

[بليزر اسود]

بشر ياجنوبي شريت الموتر ولا لا عشان نطلع انا وأنته البر في اول رحله لك بالبليزر

[&أبوخالد&]

شكراً أخوي بليزر أسود على أهتمامك
بعطيك لفه أذا شريته أن شاء الله
ههههههههه
والله باقي أشاور

[باترول 82]

لاتشاور يابن الحلال الشباب شاروا عليك انه يستاهل التسعة الاف لكن اذا كان بتسعين ىلاةلنتمو معليش تخربطت وانا اكتب الرقم عيا يجي معي المهم توكل على الله واشتر

[yokn]

السام عليكم ورحمة الله وبركاته


انا عندي جمس يوكن مديل 92

وابي مساعدتكم

اللي يعرف هالنوع

[عليمي]

دورلي معك واحد يالجنوبي بس من السبعة آلاف ونازل ويكون نضيف .:D