من يفيدنا في طرمبة اليوكن .. بارك الله في الجميع ..

[أبــ تميم ــو]

السلام عليكم ورحمة الله وبركاته ..

واحد من الإخوان طلب مني أكتب موضوع في هذه الخيمه ومشكلته:

معه سياره يوكن سعودي موديل 2004 (دفرنس)

يمشي ويقطع البنزين ثم تطفي .. سوت السياره كذا أكثر من مره ..

وقد غير طرمبته 3 مرات من الوكاله بـ(1600) وما زالت المشكله ..!!

واذكر أنه كان فيه موضوع يختص بموضوعي ولكن ما وجدته ..

فاللي له خبره أوعنده رابط الموضوع لا يبخل علينا .. وجزاكم الله خير


تقبلوا تحياتي ..

أبــ تميم ــو

[راس الرعيلة]

سمعت أنهم يركبون لها طرمبة في إكس آر وهذا علمك بالشر

لكن ودي تتأكد وأنا أخوك قبل

ولعل الأخوان يفيدونك أكثر

[ابو نوره]

وعليكم السلام




تلقا الموضوع موجود في خيمة المواضيع المميزه

[قناص حائل]

اقول حسب علمي انهم يرهمون له طرمبة فكس ار او مرسدس
خاصتن اليوكن من موديل 99 وانت نازل مشكلة الطرمبة

ان شاء الله اني كفيت

[أبوالجنان]

فعلا يا أباتميم مشكلة الطرمبة مشكلة عويصة على قولهم .. أنا معي يوكن99 غيرت الطرمبة ثلاث مرات وآخر مرة وديتها لواحد من الربع ورهم لها طرمبة فورد .. ولها شهرين الحين والوضع ماشي ..

[shaheenshah]

يركبون لها طرمبة Vxr والعملية كلها ما تكلفك 350 ريال ولا يحتاج لها اعادة برمجه ولا غيره

[سداااااح]

لنصحك بركيب طرمبة في اكس ار
او طرمبة مرسيدس وتكون خارجيه
ليسهل عملية تغييرها ل خربت
اما بالنسبه لي انا مركب في اكس ار من سنه ولله الحمد الى الان سالكه
مركبها عند واحد سوري بصناعية النسيم
والان كثرو اللي يركبونها

[أبــ تميم ــو]

جزاكم الله خير وماقصرتوا ....

وودي تعطونا أرقام بعض الورشات الزينه اللي يركبون طرمبات الفي اكس آر ....

وهذا رقم جوالي /0509007500 ....

[مقلع الرمث]

اخوي ركب حقت ربع تايوتا هذا الي اعرفه ولا زي الاخوان ركب حقت فكس ار و
واسف على الاطاله

[.أبوعبدالرحمن]

اخوي اعرف واحد معه يوكن تبهذل منه لدرجة انه بغا يبيعه بسبب الطرمبة لكن الحمدلله اشار عليه واحد من الربع انه يركب طرمبة في اكس ار من 98 الى 2007


والحمدلله وماشاء الله الان معه زي الفراول

[بدون لوحات]

مايخرب الطرمبه الا الصفا يه

[samfj40]

اشارك الاخ بدون لوحات بالراي0احد اخواني معه جمس موديل 2000 وحصل له مشكله بطرمبة البنزين وغيرها بحوالي 1500 ريال0احد زملائه اخبره ان نفس المشكله عانى منها وحصل ورشه فكوا الطرمبه والغوا صفايه صغيره بحجم راس الاصبع تجي داخل الصفايه الكبيره اللي في الطرمبه ودائما تتسدد من وسخ البنزين0 السياره من يومها وهي سالكه0 امل ان يستفيد الجميع وشكرا0