مقارنه بين vxr الأوتوماتيك والعايدي

[ناصر العدواني]

أخواني الأعزاء ماخاب من أستشار
وأنا أعلم أن الجميع لن يبخل علينا بخبرته ورأيه
أنا ودي أشتري موتر في اكس ار من موديل 94 الى 97
على قد لحافك مد رجلينك
المهم محتار بين القير العايدي والقير الاوتوماتيك
ارجو منكم الافاده
وعلى حسب نصحكم رح أشتري
والله يعطيكم العافيه

[ابن مرصوع]

يا ناصر .. مساك الله بالخير

ياخوي انا بعطي رأيي وهو غير ملزم
اللاندكروزر القديم مكينته 6 سلندر فأنا ما افضل الاوتوماتيك
شوري عليك خذ العايدي

لو مكينته 8 سلندر كان قلت لك خذ الاوتوماتيك

وسلامتك يالعدواني

تحياتي لك

[الكونترولCONTROL]

نفس ما قال ابن مرصوع
==============
اوافقه 100 %
و القديم ياكلك ....... و الكحل بعين الارمد ما يفيد

[الغدير]

االاتماتيكي اذا جديد
وذا قديم ومستعمل لاتأخذ الا العادي

[ابوعبدالهادي]

تماتيك بشرط يكون من مديل 98 وفوق 8 سلندر

[د ك م 586]

انا اقول العايدي لهالموديلات لان مكاينها ضعاف
علما اني صوت للاتماتيك ظنا مني انك تسال عن الجدد

[ملاعب الريح]

السلام عليكم ورحمة الله وبركاته



خذ الشور من مجرب جربت لاند 93 و 97 جكسار وحالياً 97 فكسار وكلها قير عايدي ومرتاح معها ولله الحمد خفه وقوه أما التماتيك السته سلندر إنحش منه وإحذر



وإنتبه تشتري دفع رباعي مستمر لأنه ثقيل بالفزه والرباعي المستمر يجي بالسته والسبعه وتسعين



ويجي مكتوب عليه ورا (four Whell Drive Full Time) يعني الخفيف شغال على طول




أتمنى إني أكون أفدتك تحياتي لك ملاعبــــ

[ضغط سحاب]

يا ناصر .. مساك الله بالخير

ياخوي انا بعطي رأيي وهو غير ملزم
اللاندكروزر القديم مكينته 6 سلندر فأنا ما افضل الاوتوماتيك
شوري عليك خذ العايدي

لو مكينته 8 سلندر كان قلت لك خذ الاوتوماتيك

وسلامتك يالعدواني

تحياتي لك


لا زيادة كلام سليم100%100

[.أبوعبدالرحمن]

اخوي


اقولك على حسب استخدامك


اذا انت راعي بر لا تاخذ التماتيك وعليك بالعايدي


اما اذا انت راعي مدينة وروحاتك للبر قليلة خذ لك تماتيك وترا ثقله تروحه الراحة


ولا تنسى الاستخارة

[االديحاني]

يا ناصر .. مساك الله بالخير

ياخوي انا بعطي رأيي وهو غير ملزم
اللاندكروزر القديم مكينته 6 سلندر فأنا ما افضل الاوتوماتيك
شوري عليك خذ العايدي

لو مكينته 8 سلندر كان قلت لك خذ الاوتوماتيك

وسلامتك يالعدواني

تحياتي لك
نفس الفكره

[سيف الظفير]

اذا 6 سلندر عايدي
اذا 8 تماتيك

[ناصر العدواني]

إلى جميع الأخوان دون إستثناء
إبن مرصوع
الكنترول
الغدير
أبو عبدالهادي
د ك م 586
ملاعب الريح
ضغط السحاب
ابو عبدالرحمن
الديحاني
سيف الظفير
على عيني وعلى راسي كلكم
ومشكورين على مروركم بالموضوع
وجزاكم الله كل خير
أنا راعي بر وجبال ومقناص وكشتات
ولا فيه قدره على شراء الجديد
لكن ما يخيب من يستشير إخواننا في منتديات مكشات
فالكل للواحد والواحد للكل
أشكركم مره اخرى على نصحكم
والله يكتب اللي فيه الخير
وأعتقد من كلامكم وإجماعكم أن مالي غير العايدي
أخوكم ناصر العدواني
أبو نواف

[سيف الظفير]

عسى الله يوفقك وبإذن واحد احد قادر عزيز جبار مقتدر

ان الله جل جلاله يرزقك الرزق الفسيح

[ضغط سحاب]

وأعتقد من كلامكم وإجماعكم أن مالي غير العايدي





تعجبني في انك تأخذ براي النشاما.........مبروووووووك مقدما........

[ناصر العدواني]

ولو يا اخي ضغط سحاب
لو ماني واثق منكم ما سأتلكم
والله يعطيكم العافيه

[الدحبول]

انا عندي Vxr 1997 قير أوتومتيك بخاخ عزم لاباس له سنتين معي
الناس هذي الايام طايح في الاوتومتيك لقلة طلعات البر
وهو المرغوب
حاب أقول قير لاندكروزر من 1993 إلى 2002 قير واحد في Vxr فقط
و Gxr من 98 إلى 2007
هذا يرجع لك ولرغبتك واستخدامك
وذا باتخذ أوتومتيك لزم يكون القير نظيف وتغير زيت القير كل 50 إلف كم مع الفتر
لاندكروزر في أمريكا سامع انه ماينزل إلا أوتومتيك
انصحك تستخير وتشف حاجتك واستخدامك
راحة - إقتصادية - قلة طلعات البر - معظم الاوقات داخل المدن أوتومتيك
قوة - عزم - كثرة طلعات البر - معضم الاوقات في البر - عادي
تم تصويت لا أعلم

تحياتي

[صقر ثادق]

ان كنت راعي بران خذ عادي ون كنت ونتب راعي بران خذ تومتيك اذا 6 سلندر عايدي ون كان 8 سلندر خذ تومتيك

[السحاب الثقيل]

القير العادي افضل ولا تقرب الاوتوماتيك

[الدحبول]

شباب هو يقول VXR قديم ليلى علوي
ما يجي إلا 6 سرندل و 4.5 لتر 4500 EFI وفيكسار بخاخات
http://www.mekshat.com/pix/upload02/images59/mk36065_3.jpg