الربيع
04/10/2003, 10:06 PM
اخواني الاعزاء
يحصل في البر مواقف وذكريات طريفة لا تنسى ابدا ومن المؤكد ان لكل منا موقفه او يسمع بمواقف حصلت لاحد يعرفه وهذه دعوة لكتابة مثل هذه المواقف لاثراء هذا المنتدى بتجاربكم وطرائفكم وسوف ابدأ بهذين الموقفين
الموقف الاول يقول صاحبنا كنا مرة في البر وفي الليل يحلى السهر والسمر وجالسين في الخيمة وبرد شديد ونسولف وكانت سواليفنا عن الجن والشيف وكانت جلست رعب حقيقيه وبينما نحن منسجمين جدا اذا بشيئ كبير يدخل بيني وبين رفيقي اللي جنبي ويطلق صوت مرعب خلانا قمنا كلنا ماندري وش اللي حصل خايفين ومرعوبين يوم هدا الموضوع واذا هذا الشيئ رأس خروفنا كنا رابطينه برا الخيمة والظاهر انه مات من البرد وكان فيه فتحه صغيره في الخيمة بيني وبين اللي جنبي قام الخروف ودخل راسه معها وثغا وكان موقفا لا ينسى جعلنا نحرم الحكي في الجن او نجيب طاريهم في البر .
الموقف الاخر يقول لي صاحب ثاني كنا في احدى المرات طالعين للبر ومخيمين فيه وفي الليل جالسين نسولف وكانت سواليفنا متنوعه ومما تكلمنا فيه الجاثوم وتعرفونه وهو اللي يجيك في الليل وتحس به يجثم على صدرك وياتي غالبا بعد اكلة دسمة وتنام بعدها مباشرة المهم يقول صاحبنا نمنا ويوم انتصف الليل واقوم وانا احس بثقل غير عادي على بطني وصدري واتعوذ بالله من الشيطان وقلت هذا الجاثوم واجلس اقرا الفاتحة واية الكرسي والمعوذات واعيدها واعيدها ولا راح الجاثوم يوم تعبت وذبحني الثقل واقوم ارفع اللحاف شوي شوي ابغى اشوف الجاثوم وارفع اللحاف واذا براس شي قدام وجهي ماعرفته من الظلمة وافز واقوم بقوة واجلس اصارخ الجاثوم الجاثوم ويقومون ربعي ما يدرون وش السالفه واذا بالخروف معنا في الخيمة الله لا يبارك في العدو وش جابه اثره كانت برد عليه و قام ودخل معنا الخيمة لان حنا رابطينه عند الباب وحبله طويل شوي وانا اقرب واحد عند الباب دخل وربض علي طول الليل وهو نام وانا ليلتي ليله
اتمنى ان تحوز على رضاكم
يحصل في البر مواقف وذكريات طريفة لا تنسى ابدا ومن المؤكد ان لكل منا موقفه او يسمع بمواقف حصلت لاحد يعرفه وهذه دعوة لكتابة مثل هذه المواقف لاثراء هذا المنتدى بتجاربكم وطرائفكم وسوف ابدأ بهذين الموقفين
الموقف الاول يقول صاحبنا كنا مرة في البر وفي الليل يحلى السهر والسمر وجالسين في الخيمة وبرد شديد ونسولف وكانت سواليفنا عن الجن والشيف وكانت جلست رعب حقيقيه وبينما نحن منسجمين جدا اذا بشيئ كبير يدخل بيني وبين رفيقي اللي جنبي ويطلق صوت مرعب خلانا قمنا كلنا ماندري وش اللي حصل خايفين ومرعوبين يوم هدا الموضوع واذا هذا الشيئ رأس خروفنا كنا رابطينه برا الخيمة والظاهر انه مات من البرد وكان فيه فتحه صغيره في الخيمة بيني وبين اللي جنبي قام الخروف ودخل راسه معها وثغا وكان موقفا لا ينسى جعلنا نحرم الحكي في الجن او نجيب طاريهم في البر .
الموقف الاخر يقول لي صاحب ثاني كنا في احدى المرات طالعين للبر ومخيمين فيه وفي الليل جالسين نسولف وكانت سواليفنا متنوعه ومما تكلمنا فيه الجاثوم وتعرفونه وهو اللي يجيك في الليل وتحس به يجثم على صدرك وياتي غالبا بعد اكلة دسمة وتنام بعدها مباشرة المهم يقول صاحبنا نمنا ويوم انتصف الليل واقوم وانا احس بثقل غير عادي على بطني وصدري واتعوذ بالله من الشيطان وقلت هذا الجاثوم واجلس اقرا الفاتحة واية الكرسي والمعوذات واعيدها واعيدها ولا راح الجاثوم يوم تعبت وذبحني الثقل واقوم ارفع اللحاف شوي شوي ابغى اشوف الجاثوم وارفع اللحاف واذا براس شي قدام وجهي ماعرفته من الظلمة وافز واقوم بقوة واجلس اصارخ الجاثوم الجاثوم ويقومون ربعي ما يدرون وش السالفه واذا بالخروف معنا في الخيمة الله لا يبارك في العدو وش جابه اثره كانت برد عليه و قام ودخل معنا الخيمة لان حنا رابطينه عند الباب وحبله طويل شوي وانا اقرب واحد عند الباب دخل وربض علي طول الليل وهو نام وانا ليلتي ليله
اتمنى ان تحوز على رضاكم