سؤال عن جيب الربع النيسان لاهنتوا

[بندر10]

بالنسبه لربع نيسان من اي موديل طلع بخاخ وهل يشرب بانزين واجد وبكم سعره اذا كان بخاخ ولونه ابيض ومشكورين

[عبدالرحمن السالم]

من مديلات 2000 إلى 2008 كلها بخاخات
لا مايشرب بنزين واجد بالعكس صرفيته حلوه
اذا بتشريه جديد اكيد يبي يكون بخاخ وبالنسبة لسعره والله ما ادري كم وصل الحين لكن فيه مراتب عرض وفيه طول وكل وحده منها لها سعر على ما اعتقد
لكن ان شاء الله الشباب يفيدونك بأذن الله

[سيد النشاما..]

بخصوص البنزين
أنا معي موديل قديم اللي يجي كلبريتر
الحقيقة الموتر : صرفيته حلوة ومعقولة
(( يكفيك عزمه يالطيب )) والبنزين لو يشرب المحطة كلها
بخصوص السعر
متفاوتة حسب الموديل ... شف علمنا بكم توصل من الدريهمات ؟؟.
والشباب ماهوب مقصرين بيخبرونك عن الموديل المتوافق مع المبلغ الموجود معك

[ابو نوره]

من 98 و 99 كلبليتر 4200

ومن2000 الى2003 كلبليتر 4500

ومن 2004 الى الاخير بخاخ 4500

[أبو محمد2010]

ابو نوره كلامه سليم من 2004 وفوق بخاخ...

[سمي الزعفران]

يعطيكم العافيه على هالمعلومات ..

[طراد 1]

انا الي اخبره ان صرفيته عاديه يعني تفرق عشره ريال عن السياراة الثانيه مب شي ...,,
بس انت تبي جديد ولا مستعمل ...انا واقف الخميس الي راح على واحد موديله 2005 مسيوم 64 الف
وشكرا

[hhhh2]

السلام عليكم اخوي انا معي 2007 طبعا بخاخ من ناحية الصرفيه ممتاز يمشي 440 او 420 حسب اسواقه طبعا نوع البانزين 91 اخضرالعزم ممتاز جداً ماشاء الله واي اسئله انا تحت امرك
اخوك ابو محمد ... وشكراً

[مـدحـدر]

البنزين رخيص ولا يهم


المهم وين تحصل ربع بترول 2007م او 2008 م


منقطع من السوق

والسعر يفرق ما بين المراتب المتقابله والطوليه

[بندر10]

دحيم اخر لفه
انشالله تكون بخير ولاهنت ولا تكون اخر لفه لاجل مانفقدك ( يلومووووووووووووووني )
سيد النشاما
عزالله انك نشمي ( وترا دراهمي حوالي 45 الف تجيبلي مطلوبي ولا اشتري سيكل فيلبس بدون جلاس يعني سبورت باب واحد )
ابو نورة
ماقصرت وبيض الله وجهك
ابو محمد2010
الله يعافيك
سمي الزعفران
جزيت خيرا
طراد 1
الله يبيض وجهك عند ربك
hhhh2
شكراً على مرورك
مدحدر
الله يدحدرنا وياك والمسلمين بالجنه

[samfj40]

صباح الخير للجميع0 حبيت اوضح للاخوه بان الجيب النيسان يجي منه النوع كامل المواصفات بخاخ من موديل 95 كما ان قليل منها قير اتوماتيك0 عندي ربع 96 بخاخ وقير اتوماتيك ممتاز للزحمات والسفر الطويل0 وسلامة الجميع